บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
mahisajatakam kimatthamabhisandhayati idam sattha jetavane viharanto ekam lolamakkatam arabbha kathesi. Savatthiyam kirekasmim kule eko posavaniyalolamakkato hatthisalam gantva ekassa silavantahatthissa pitthe nisiditva uccarapassavam karoti pitthiyam cankamati. Hatthi attano silavantataya Khantisampadaya na kinci karoti. Athekadivasam tassa hatthissa thane anno dutthahatthipotako atthasi. Makkato soyeva ayanti sannaya dutthahatthissa pitthim abhiruhi. Atha nam so vegena sondaya gahetva bhumiyam patetva padena akkamitva sancunnesi. Sa pavutti bhikkhusanghassa pakata jata. Athekadivasam bhikkhu dhammasabhayam katham samutthapesum avuso lolamakkato kira silavantahatthisannaya dutthahatthipitthim abhirulho atha nam so jivitakkhayam papesiti. Sattha agantva kayanuttha bhikkhave etarahi kathaya sannisinanati pucchitva imaya namati vutte na bhikkhave idaneva so lolamakkato evamsilo poranato patthaya evamsiloyevati vatva atitam ahari. Atite baranasiyam brahmadatte rajjam karente bodhisatto himavantappadese mahisayoniyam nibbattitva vayappatto thamasampanno mahasariro pabbatapadapabbharagiriduggavanaghatesu vicaranto ekam phasukam rukkhamulam disva gocaram gahetva diva tasmim rukkhamule atthasi. Atheko lolamakkato rukkha otaritva tassa pitthim abhiruhitva uccarapassavam katva singesu gahetva olambanto nangutthe gahetva dolayantova kili. Bodhisatto khantimettanudayasampadaya tam tassa anacaram na manasakasi. Makkato punappunam tatheva karoti. Athekadivasam tasmim rukkhe adhivattha devata rukkhakkhandhe thatva nam mahisaraja kasma imassa dutthamakkatassa avamanam sahasi Nisedhehi nanti vatva etamattham pakasenti purima dve gatha avoca kimatthamabhisandhaya lahucittassa dubbhino sabbakamaduhasseva imam dukkham titikkhasi singena niharasetam padasava adhitthaha bhiyyo bala pakutteyyum 1- no cassa patisedhakoti. Tattha kimatthamabhisandhayati kinnukho karanam paticca kim sampassamano. Dubbhinoti mittadubbhino. Sabbakamaduhassevati sabbakamadadassa samikassa viya. Titikkhasiti adhivasesi. Padasava adhitthahati padeneva nam tikhinakhuraggena yatha ettheva marati evam akkama. Bhiyyo balati sace hi patisedhako na bhaveyya bala annanasatta punappunam kutteyyum ghatteyyum vihetheyyumevati dipeti. Tam sutva bodhisatto rukkhadevate sacaham imina jatigottavassadihi adhiko samano 2- imassa dosam na sahissami katham me manoratho nipphattim gamissati ayam pana mam viya annampi mannamano evam anacaram karissati tato yesam candamahisanam esa evam karissati teyeva etam vadhissanti sa etassa annehi marana mayham dukkhato ca panatipatato ca vimutti bhavissatiti vatva tatiyam gathamaha mamevayam mannamano annampevam karissati te nam tattha vadhissanti sa me mutti bhavissatiti. @Footnote: 1 pakujjheyyum . 2 avikkosamano. Katipahaccayena pana bodhisatto annattha gato. Anno candamahiso tattha agantva atthasi. Dutthamakkato soyeva ayanti sannaya tassa pitthim abhiruhitva tatheva anacaram cari. Atha nam so vidhunanto bhumiyam patetva singena hadaye vijjhitva padehi madditva sancunnesi. Sattha imam dhammadesanam aharitva saccani pakasetva jatakam samodhanesi tada dutthamahiso ayam dutthahatthi ahosi dutthamakkato ayam makkato silava mahisaraja pana ahamevati. Mahisajatakam atthamam --------The Pali Atthakatha in Roman Book 38 page 136-139. http://84000.org/tipitaka/atthapali/read_rm.php?B=38&A=2843&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2843&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=433 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2319 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2289 The Pali Tipitaka in Roman Character :- http://84000.org/tipitaka/read/roman_read.php?B=27&A=2289 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]