AtthaPali Vol.38

Lolajatakam kayam balaka sikhiniti idam sattha jetavane viharanto ekam lolabhikkhum arabbha kathesi. Tam hi dhammasabhayam anitam sattha na tvam bhikkhu idaneva lolo pubbepi loloyeva lolabhavena ca jivitakkhayam patto tam nissaya poranakapanditapi attano vasanatthana parihina ahesunti vatva atitam ahari. Atite baranasiyam brahmadatte rajjam karente baranasisetthino mahanase bhattakarako punnatthaya nindapacchim ^1- thapesi. Tada bodhisatto paravatayoniyam nibbattitva tattha vasam kappesi. Atheko lolakako mahanasamatthakena gacchanto nanappakaram macchamamsavikatim disva pipasabhibhuto kinnukho nissaya sakka bhaveyya okasam laddhunti cintento bodhisattam disva imam nissaya sakka okasam laddhunti sannitthanam katva tassa gocaraya arannagamanakale pitthito pitthito anubandhi. Atha nam bodhisatto mayam kho kaka annagocara tvampi annagocaro kinnukho mam anubandhasiti aha. Bhante tumhakam kiriya mayham ruccati ahampi tumhehi samanagocaro hutva tumhe upatthatum icchamiti. Bodhisatto sampaticchi. So tena saddhim gocarabhumiyam ekagocaram caranto viya @Footnote: ¹ nilapacchim. nilinipacchim. Osakketva gomayarasim viddhamsitva panake khaditva kucchipuram katva bodhisattam upasankamitva tumhe ettakam kalam caratha nanu bhojane pamanam natum vattati etha natisayameva gacchamati. Bodhisatto tam adaya vasanatathanam agamasi. Bhattakarako amhakam paravato sahayam gahetva agatoti kakassapi ekasmim thusapacchim thapesi. Kakopi catupancaham teneva niharena vasi. Athekadivasam setthino bahu macchamamse aharayittha. Kako tam disva lobhabhibhuto paccusakalato patthaya nitthunanto nipajji. Atha nam punadivase bodhisatto ehi samma gocaraya pakkamissamati aha. Tumhe gacchatha mayham ajirako rogo atthiti. Samma kakanam ajirako nama natthi dipavattimattameva hi tumhakam kucchiyam thokam titthati sesam ajjhohatamattameva jirati mama vacanam karohi ma etam macchamamsam disva evamakasiti. Sami kinnametam kathetha ajinnasankava mayhanti. Tenahi appamatto hohiti tam ovaditva bodhisatto pakkami. Bhattakarakopi nanamacchamamsavikatiyo sampadetva sarirato sedam apanento mahanasadvare atthasi. Kako ayandani kalo mamsam khaditunti gantva pakarotimatthake nisidi. Bhattakarako kiriti saddam sutva nivattitva olokento kakam disva pavisitva tam gahetva sakalasariralomam luncitva matthake culam thapetva singiveramaricadini pimsitva takkena aloletva tvam amhakam setthino macchamamsam ucchittham karositi sakalasariramassa makkhetva khipitva Nindapacchiyam patesi. Balavavedana uppajji. Bodhisatto goracabhumito agantva tam nitthunantam disva davam karonto pathamam gathamaha kayam balaka sikhini cori langhipitamaha oram balake agaccha cando me vayaso sakhati. Tattha kayam balaka sikhiniti tam kakam tassa bahalatakkena makkhitasarirasetavannatta matthake ca sikhaya thapitatta ka esa balaka sikhiniti pucchanto alapati. Coriti kulassa ananunnaya kulagharam kakassa va aruciya kakapacchim pavitthatta coriti vadati. Langhipitamahati langhi vuccati akase langhanato megho balaka ca nama meghasaddena gabbham ganhantiti meghasaddo balakanam pita megho pitamaho hoti. Tenaha langhipitamahati. Oram balake agacchati ambho balake ito ehi. Cando me vayaso sakhati mayham sakha pacchisamiko vayaso cando pharuso so agato tam disva kanayaggasadisena tundena kottetva jivitakkhayam papeyya tasma yava so nagacchati tava pacchito otaritva ito ehi ito sigham palayassuti vadati. Tam sutva kako dutiyam gathamaha naham balaka sikhini aham lolasmi vayaso akatva vacanam tuyham passa lunosmi agatoti. Tattha agatoti tvam idani gocarabhumito agato mam lunam passathati attho. Tam sutva bodhisatto tatiyam gathamaha punapapajjasi samma silam hi tava tadisam na hi manusika bhoga subhunja honti pakkhinati. Tattha punapapajjasi sammati samma vayasa punapi tvam evarupam dukkham patilabhissaseva natthi ettakena mokkho kimkarana silam hi tava tadisam papakam yasma tava acarasilam tadisam dukkhadhigamanasseva anurupam. Na hi manusikati manussa nama mahapunna tiracchanagatanam tatharupam punnam natthi tasma manusika bhoga tiracchanagatena pakkhina na bhunjitabbati. Evanca pana vatva bodhisatto ito patthaya maya idha vasitum na sakkati uppatitva annattha agamasi. Kakopi nitthunanto tattheva kalamakasi. Sattha imam dhammadesanam aharitva saccani pakasetva jatakam samodhanesi. Saccapariyosane so bhikkhu anagamiphale patitthahi. Tada lolakako lolabhikkhu ahosi. Paravato pana ahamevati. Lolajatakam catuttham --------

The Pali Atthakatha in Roman Book 38 page 110-113. http://84000.org/tipitaka/atthapali/read_rm.php?B=38&A=2285&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=2285&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=421 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2275 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2239 The Pali Tipitaka in Roman Character :- http://84000.org/tipitaka/read/roman_read.php?B=27&A=2239 Contents of The Tipitaka Volume 27 http://84000.org/tipitaka/read/?index_27