AtthaPali Vol.37

10 Vinilakajatakam evameva nuna rajananti idam sattha veluvane viharanto devadattassa sugatalayam arabbha kathesi. Devadatte hi gayasisam agatanam dvinnam aggasavakanam sugatalayam dassetva nipanne ubhopi thera dhammam desetva attano nissitake adaya veluvanam agamimsu. Te satthara sariputta devadatto tumhe disva kim akasiti puttha bhante sugatalayam dassetva mahavinasam papuniti arocesum. Sattha na kho sariputta devadatto idaneva mama anukiriyam karonto mahavinasam papuni, pubbepi patto yevati vatva therena yacito atitam ahari. Atite videharatthe mithilayam videhe rajjam karente bodhisatto tassa aggamahesiya kucchismim nibbatto vayappatto takkasilayam sabbasippani ugganhitva pitu accayena rajje patitthasi. Tada ekassa suvannarajahamsassa gocarabhumiyam kakiya saddhim samvaso ahosi. Sa puttam vijayi. So neva matu patirupako ahosi na pitu. Athassa vinilakadhatukatta vinilakotveva namam akamsu. Hamsaraja abhinham gantva puttam passati. Apare panassa dve hamsapotaka putta ahesum. Te pitaram abhinham manussapatham gacchantam disva pucchimsu tata tumhe kasma abhinham manussapatham gacchathati. Tata ekaya Me kakiya saddhim samvasamanvaya eko putto jato, vinilakotissa namam, tamaham datthum gacchamiti. Kaham panete vasantiti. Videharatthe mithilayam avidure amukasmim nama thane ekasmim talagge vasantiti. Tata mayam gantva anessamati ahamsu. Tata manussapatho nama sasanko sappatibhayo, tumhe ma gacchatha, mayam gantva tam anessamati aha. Dve hamsapotaka pitu vacanam anadayitva pitara acikkhitasannaya tattha gantva tam vinilakam ekasmim dandake nisidapetva mukhatundakena dandakakotiyam damsitva mithilanagaramatthakena payimsu. Tasmim khane videharaja sabbasetacatusindhavayuttarathavare nisiditva nagaram padakkhinam karoti. Vinilako tam disva cintesi mayham videharanna saddhim kim nanakaranam, eso catusindhavayutte rathe nisiditva nagaram anusancarati, aham pana hamsayutte rathe nisiditva gacchamiti. So akasena gacchanto pathamam gathamaha evameva nuna rajanam vedeham mithilaggaham assa vahanti ajanna yatha hamsa vinilakanti. Tattha evamevati evameva. Nunati parivitakke nipato ekamsepi vattatiyeva. Vedehanti videharatthissaram. Mithilaggahanti mithilaggeham mithilaya gharam pariggahetva vasamananti attho. Ajannati karanakaranam jananaka. Yatha hamsa vinilakanti yatha ime hamsa mam vinilakam vahanti evameva vahantiti. Hamsapotaka tassa vacanam sutva kujjhitva idheva nam patetva Gamissamati cittam uppadetvapi evam katepi pita no kim vakkhatiti garahabhayena pitu santikam netva tena katakiriyam pitu acikkhimsu. Atha nam pita kujjhitva kim tvam mama puttehi adhikatarosi yo mama putte abhibhavitva rathe yuttasindhave viya karosi, attano pamanam na janasi, imam thanam tava agocaro, attano matu vasanatthanameva gacchahiti tajjetva dutiyam gathamaha vinila duggam bhajasi, abhumim tata sevasi, gamantakani sevassu etam matalayantuvanti. Tattha vinilati tam namena alapati. Duggam bhajasiti imesam vasanam giriduggam bhajasi. Abhumim tata sevasiti tata girivisamam nama tava abhumim tam sevasi upagacchasi. Etam matalayantuvanti etam gamantam ukkaratthanam amakasusanatthananca tava matu alayam geham vasanatthanam, tattha gacchati. Evantam tajjetva gacchatha nam mithilanagarassa ukkarabhumiyanneva otaretva ethati putte anapesi. Te tatha akamsu. Sattha imam dhammadesanam aharitva jatakam samodhanesi. Tada vinilako devadatto ahosi, dve hamsapotaka dve aggasavaka, pita anando, videharaja pana ahamevati. Vinilakajatakam dasamam. Dalhavaggo pathamo. ---------- @Footnote: @*** hanranir m+mikhramula ***

The Pali Atthakatha in Roman Book 37 page 49-52. http://84000.org/tipitaka/atthapali/read_rm.php?B=37&A=986&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=986&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=169 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1108 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1092 The Pali Tipitaka in Roman Character :- http://84000.org/tipitaka/read/roman_read.php?B=27&A=1092 Contents of The Tipitaka Volume 27 http://84000.org/tipitaka/read/?index_27