|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3 Guttilajatakam
sattatantim sumadhuranti idam sattha veluvane viharanto devadattam
arabbha kathesi.
Tasmim hi kale bhikkhu devadattam ahamsu avuso devadatta
sammasambuddho tuyham acariyo, tvam sammasambuddham nissaya tini
pitakani ugganhi cattari jhanani uppadesi, acariyassa nama
patisattuna bhavitum na yuttanti. Devadatto kim pana me avuso
samano gotamo acariyo, nanu maya attano baleneva tini pitakani
uggahitani, cattari jhanani uppaditaniti acariyam paccakkhasi.
Bhikkhu dhammasabhayam katham samutthapesum avuso devadatto acariyam
paccakkhato sammasambuddhassa patisattu hutva mahavinasam pattoti.
Sattha agantva kayanuttha bhikkhave etarahi kathaya sannisinnati
pucchitva imaya namati vutte na bhikkhave devadatto idaneva
acariyam paccakkhato mama patisattu hutva mahavinasam papunati,
pubbepi patto yevati vatva atitam ahari.
Atite baranasiyam brahmadatte rajjam karente bodhisatto
gandhabbakule nibbatti. Guttilakumarotissa namam akamsu. So
vayappatto gandhabbasippe nipphattim patva guttilagandhabbo nama
sakalajambudipe aggagandhabbo ahosi. So darabharanam akatva
Andhe matapitaro posesi. Tada baranasivasino vanija
vanijjaya ujjenim gantva ussave sanghutthe chandakam samharitva
bahum malagandhavilepananca khajjabhojanadini ca adaya kilanatthane
sannipatitva vetanam datva ekam gandhabbam anethati ahamsu.
Tena samayena ujjeniyam musilo nama jetthagandhabbo hoti. Te tam
pakkosapetva attano gandhabbam karesum. Musilo vinam vadentopi
vinam pathamamucchanaya mucchitva vadesi. Tesam guttilagandhabbassa
gandhabbe janitaparicayanam tassa gandhabbam kilanjakanduvanam viya hutva
upatthasi. Ekopi pahatthakaram na dassesi. Musilo tesu tutthakaram
adassentesu atikharam katva vademi manneti majjhimamucchanaya mucchetva
majjhimasarena vadesi. Te tatthapi majjhattava ahesum. Atha so
ime na kinci jananti manneti sayampi ajananako viya hutva
tantiyo sithile vadesi. Te tatthapi na kinci ahamsu. Atha
ne musilo ambho vanija kim nu kho mayi vinam vadente tumhe
na tussathati aha. Kim pana tvam vinam vadesi, mayam hi ayam
vinam mucchetiti sannam akarimhati. Kim pana tumhe maya uttaritaram
acariyam janatha udahu attano ajananabhavena na tussathati.
Vanija baranasiyam guttilagandhabbassa vinasaddam sutapubbam 1- tava
vinasaddo itthinam darake tosapanasaddo viya hotiti ahamsu.
Tena hi tumhehi dinnam paribbayam patigganhatha, na mayham etena
@Footnote: 1 sutapubbanantipi, sutvatipi.
Attho, api ca kho pana baranasim gacchanta mam ganhitva gaccheyyathati.
Te sadhuti sampaticchitva gamanakale tam adaya baranasim
gantva tassa musilassa etam guttilassa vasanatthananti acikkhitva
sakanivesam agamamsu. Musilo bodhisattassa geham pavisitva laggetva
thapitam bodhisattassa jativinam disva gahetva vadesi. Athassa
bodhisattassa matapitaro andhabhavena tam apassanta musika manne
jativinam khadantiti sannaya undura vinam khadantiti ahamsu.
Tasmim kale musilo vinam thapetva bodhisattassa matapitaro vanditva
kuto agatositi vutte acariyassa santike sippam ugganhitum
ujjenito agatomhiti aha. So sadhuti vutte kaham acariyoti
pucchitva vippavuttho tata ajja agamissatiti sutva tattheva
nisiditva bodhisattam agatam disva tena katapatisantharo attano
agatakaranam arocesi. Bodhisatto angavijjapathako, so tassa
asappurisabhavam natva gaccha tata, natthi tava sippanti patikkhipi.
So bodhisattassa matapitunam pade gahetva upakaram karonto te
aradhetva sippam me dapethati yaci. Bodhisatto matapituhi
punappunam vuccamano te atikkamitum asakkonto sippam adasi.
So bodhisattena saddhim rajanivesanam gacchati. Raja tam disva ko
esa acariyati pucchati. Mayham antevasiko maharajati. So
anukkamena ranno vissasikova ahosi. Bodhisatto acariyamutthim
akatva attano janananiyamena sabbasippam sikkhapetva nitthitam
Te tata sippanti aha. So cintesi mayham sippam pagunam,
idanca baranasinagaram sakalajambudipe agganagaram, acariyopi mahallako,
idheva maya vasitum vattatiti. So acariyam aha acariya aham
rajanam upatthahissamiti. Acariyo sadhu tata, ranno
arocessamiti ranno santikam gantva amhakam antevasiko devam
upatthatum icchati, deyyadhammassa janathati ranno arocetva
ranna tumhakam deyyadhammato upaddham labhissatiti vutte tam pavattim
musilassa arocesi. Musilo aham tumhehi samakanneva labhanto
upatthahissami alabhanto na upatthahissamiti aha. Kimkaranati.
Nanu aham tumhakam jananasippam sabbam janamiti. Ama janasiti.
Evam sante kasma mayham upaddham detiti. Bodhisatto ranno
arocesi. Raja yadi evam tumhehi samakam sippam dassetum sakkonto
samakam labhissatiti aha. Bodhisatto ranno vacanam sutva tassa
arocetva tena sadhu dassemiti vutte ranno tam pavattim
arocetva sadhu dassetu, kataradivasam sakaccha hotuti vutte ito
sattame divase hotu maharajati aha. Raja musilam pakkosapetva
saccam kira tvam acariyena saddhim sakaccham karissasiti pucchitva
saccam devati vutte acariyena saddhim viggaho nama na vattati,
ma kariti variyamanopi alam maharaja, hotu yeva me acariyena
saddhim sattame divase sakaccha, katarassa jananabhavam janissamati
aha. Raja sadhuti sampaticchitva ito kira sattame
Divase acariyaguttilo antevasikamusilo ca rajadvare annamannam
sakacchitva sippam dassissanti, nagara sannipatitva sippam passantuti
bherincarapesi. Bodhisatto cintesi ayam musilo thamabalo taruno,
aham mahallako parihinatthamo, mahallakassa kiriya nama na sampajjati,
antevasike nama parajitepi viseso natthi, antevasikassa pana
jaye sati, pattabbalajjato arannam pavisitva maranam varanti. So
arannam pavisitva maranabhayena nivatti, lajjabhayena puna gacchati.
Evamassa gamanagamanam karontasseva cha divasa atikkanta, tinani
matani, janghamaggo nibbatti. Tasmim khane sakkassa bhavanam unhakaram
dassesi. Sakko avajjento tam karanam natva guttilagandhabbo
antevasikassa bhayena aranne mahadukkham anubhoti, etassa maya
avassayena bhavitum vattatiti vegenagantva bodhisattassa purato
thatva acariya kasma arannam pavitthositi pucchitva kosi tvanti
vutte sakkohamasmiti aha. Atha nam bodhisatto aham kho devaraja
antevasikato parajayabhayena arannam pavitthoti vatva pathamam gathamaha
sattatantim sumadhuram ramaneyyam avadayim,
so mam rangamhi avheti, saranam me hohi kosiyati.
Tassattho aham devaraja musilam nama antevasikam sattatantim
sumadhuram ramaneyyam vinam attano janananiyamena sikkhapesim, so
mam idani rangamandale pakkosati, tassa me tvam kosiyagotta
saranam hohiti.
Sakko tassa vacanam sutva ma bhayi, aham te tananca
lenancati vatva dutiyam gathamaha
aham tam saranam samma, ahamacariyapujako,
na tam jayissati sisso, sissamacariya jessasiti.
Tattha aham tam sarananti aham saranam avassayo patittha hutva
tam tayissami. Sammati piyavacanametam. Sissamacariya jessasiti
acariya tvam vinam vadayamano sissam janissasi.
Api ca tam vinam vadento ekam tantim chinditva cha
vadeyyasi, vina te pakatisaddo bhavissati, musilopi tantim chindissati,
athassa vinaya saddo na bhavissati, tasmim khane so parajayam
papunissati, athassa parajayabhavam natva dutiyampi tatiyampi catutthampi
pancamampi chatthampi sattamampi tantim chinditva suddhadandakameva
vadeyyasi, chinnatantikotihi saro nikkhamitva sakalam dvadasayojanikam
baranasinagaram chadetva thassatiti. Evam vatva sakko bodhisattassa
tisso pasakaghatika datva evamaha vinasaddena pana sakalanagare
chadite ito ekam pasakaghatikam akase khipeyyasi, atha te purato
otaritva tini accharasatani naccissanti, tasam naccakale dutiyam
khipeyyasi, athaparani tini accharasatani otaritva tava vinaya
purato naccissanti, tato tatiyampi khipeyyasi, athaparani tini
accharasatani otaritva rangamandale naccissanti, ahampi te
santikam agamissami, gaccha ma bhayiti. Bodhisatto pubbanhasamaye
Geham agamasi. Nagara rajadvarasamipepi mandapam katva ranno
asanam pannapesum. Raja pasada otaritva alankatamandape
pallankamajjhe nisidi. Dasasahassa alankatitthiyo amaccabrahmana-
ratthikadayo ca rajanam parivarayimsu. Sabbe nagara sannipatimsu.
Rajangane cakkaticakke mancatimance bandhimsu. Bodhisattopi
nahatanulitto nanaggarasabhojanam bhunjitva vinam gahapetva attano
pannattasane nisidi. Sakko adissamanakayena agantva akase
atthasi. Bodhisatto yeva nam passati. Musilopi agantva
attano asane nisidi. Mahajano parivaresi. Adito va
dvepi samasamam vadayimsu. Mahajano dvinnampi vaditena tuttho
ukkutthisahassani pavattesi. Sakko akase thatva bodhisattanneva
savento ekam tantim chindati aha. Bodhisatto pathamam tantim
chindi. Sa chinnapi chinnaya kotiya saram muncateva devagandhabbam
viya vattati. Musilopi tantim chindi. Tato saddo na nikkhami.
Acariyo dutiyampi tatiyampi catutthampi pancamampi chatthampi sattamampi
chindi. Suddhadandakam vadentassa saddo nagaram chadetva atthasi.
Celukkhepasahassani ceva ukkutthisahassani ca pavattayimsu. Bodhisatto
ekam pasakam akase khipi. Tada tini accharasatani otaritva
naccimsu. Evam dutiye ca tatiye ca khitte nava accharasatani
otaritva vuttanayena naccimsu. Tasmim khane raja mahajanassa
ingitasananam adasi. Mahajano utthaya tvam acariyena saddhim
Virujjhitva samakaram karomiti vayamasi attano pamanam na janasiti
musilam tajjetva gahitagahiteheva pasanadandadihi sancunnitva
jivitakkhayam papetva pade gahetva sankaratthane chaddesi.
Raja tutthacitto ghanavassam vassanto viya bodhisattassa bahudhanam
adasi. Tatha nagara. Sakkopi tena saddhim patisantharam katva
aham te pandita sahassayuttam ajannaratham gahetva 1- paccha matalim
pesessami, tvam sahassayuttam vejayantaratham abhiruyha devalokam gaccheyyasiti
vatva pakkami. Atha nam gantva pandukambalasilayam nisinnam kaham
gatattha maharajati devadhitaro pucchimsu. Sakko tasam tam karanam
vittharena kathetva bodhisattassa silanca gunanca vannesi.
Devadhitaro maharaja mayampi acariyam datthukama, idha nam anehiti
ahamsu. Sakko matalim amantetva tata devacchara guttilagandhabbam
datthukama, gaccha tam vejayantarathe nisidapetva anehiti. So
sadhuti gantva bodhisattam anesi. Sakko bodhisattena saddhim
sammoditva devakanna kira te acariya gandhabbam sotukamati
aha. Mayam maharaja gandhabba nama sippam nissaya jivama
mulam labhanta vadeyyamati. Vadehi, aham te mulam dassamiti.
Na mamannena mulena attho, ima pana me devadhitaro attano
attano kalyanakammam kathentu, evaham vadessamiti. Atha nam
devadhitaro ahamsu amhehi katakalyanakammam paccha tumhakam kathessama,
@Footnote: 1 gahapetvatipi.
Gandhabbam karohi acariyati. Bodhisatto sattaham devatanam
gandhabbamakasi, tam dibbagandhabbam abhibhavitva pavattati. Sattame
divase adito patthaya devadhitaro kalyanakammam pucchi. Eka 1-
kassapabuddhakale ekassa bhikkhuno uttamavattham datva sakkassa
paricarika hutva nibbatti 2- accharasahassaparivara, 3- uttamavattham
devakannam 4- tvam purimabhave kim kammam katva nibbattati pucchi.
Tassa pucchanakaro ca vissajjananca vimanavatthumhi agatameva.
Vuttam hi tattha
abhikkantena vannena ya tvam titthasi devate
obhasenti disa sabba osadhi viya taraka,
kena te tadiso vanno, kena te idhamijjhati,
uppajjanti ca te bhoga ye keci manaso piya.
Pucchami tam devi mahanubhave,
manussabhuta kimakasi punnam,
kenasi evanjalitanubhava,
vanno ca te sabbadisa pabhasati.
Vatthuttamadayika nari
pavara hoti naresu narisu
evam piyarupadayika
manapam dibbam sa labhate upecca thanam.
@Footnote: 1 ekantipi, 2 nibbattantipi,
@3...parivarantipi, 4 uttamadevakannantipi.
Tassa me passa vimanam, acchara kamavanninihamasmi
accharasahassanam 1- pavara, passa punnanam vipakam.
Tena me tadiso vanno, tena me idhamijjhati,
uppajjanti ca me bhoga ye keci manaso piya.
Tenamhi evanjalitanubhava,
vanno ca me sabbadisa pabhasatiti.
Apara pindaya caramanassa bhikkhuno pujanatthaya pupphani
adasi. Aparapi cetiye gandhapancangulikam dethati gandhe adasi.
Apara madhurani phalani adasi. Apara uttamarasam adasi.
Apara kassapadasabalassa cetiye gandhapancangulikam adasi. Apara
maggapatipannanam bhikkhunanca bhikkhuninanca kulagehe vasam upagatanam
santike dhammam assosi. Apara navaya bhuttassa bhikkhuno
udake thatva udakam adasi. Apara agaramajjhe vasamana
akkodhana hutva sassusasuravattam akasi. Apara attano
laddhakotthasato samvibhagam katvava paribhunji silavati ca ahosi. Apara
paragehe dasi hutva nikkodhana nimmana attano laddhakotthasato
samvibhagam katva devaranno paricarika hutva nibbatta. Evam
sabbapi guttilavimanavatthumhi agata. Sattatimsa devadhita yam yam
kammam katva tattha nibbatta sabba bodhisattena pucchitapissa
attano katakammam gathahi yeva kathesum. Tam sutva bodhisatto
@Footnote: 1 accharasahassassahantipi.
Labha vata me, suladdham vata me, yvaham 1- idhagantva appamattakenapi
kammena patiladdha sampattiyo assosim, itodani patthaya manussalokam
gantva danadini kusalakammaneva karissamiti vatva imam udanam
udanesi
svagatam vata me ajja suppabhatam suhutthitam,
yam addasim devatayo acchara kamavanniyo,
imasaham dhammam sutvana 2- kahami kusalam bahum
danena samacariyaya sannamena damena ca,
soham tattha gamissami yattha gantva na socareti.
Atha nam sattahaccayena devaraja matalim sangahakam anapetva
rathe nisidapetva baranasimeva pesesi. So baranasim gantva
devaloke attana ditthakaranam manussanam acikkhi. Tato patthaya
te manussa saussaha punnani katum mannimsu.
Sattha imam dhammadesanam aharitva jatakam samodhanesi.
Tada musilo devadatto ahosi, sakko anuruddho, raja anando,
guttilagandhabbo pana ahamevati.
Guttilajatakam tatiyam.
@Footnote: 1 svahantipi . 2 sutvatipi.
The Pali Atthakatha in Roman Book 37 page 332-342.
http://84000.org/tipitaka/atthapali/read_rm.php?B=37&A=6552&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=37&A=6552&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=336
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=1903
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=1893
The Pali Tipitaka in Roman Character :-
http://84000.org/tipitaka/read/roman_read.php?B=27&A=1893
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]