|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4 Asitabhujatakam tvamevadanimakariti idam sattha jetavane viharanto annataram kumarikam arabbha kathesi. Savatthiyam kirekasmim dvinnam aggasavakanam upatthakakule eka kumarika abhirupa sobhaggappatta. Sa vayappatta samanajatikam kulam agamasi. Samiko tam kisminci amannamano annattha cittavasena carati. Sa tassa tam attani anicchamanatam 1- aganetva dve aggasavake nimantetva danam datva dhammam sunanti sotapattiphale patitthahi. Sa tato patthaya maggasukhena phalasukhena vitinamayamana samikopi mam na icchati, gharavasenapi me kammam natthi, pabbajissamiti cintetva matapitunam acikkhitva pabbajitva arahattam papuni. Tassa sa kiriya bhikkhusanghe pakata jata. Athekadivasam bhikkhu dhammasabhayam katham samutthapesum avuso asukakulassa dhita atthagavesika samikassa anicchamanabhavam natva aggasavakanam dhammam sutva sotapattiphale patitthaya puna matapitaro apucchitva pabbajitva arahattam patta, evam atthagavesika avuso sa kumarikati. Sattha agantva kayanuttha bhikkhave etarahi kathaya @Footnote: 1 anadaratantipi.--------------------------------------------------------------------------------------------- page306.
Sannisinnati pucchitva imaya namati vutte na bhikkhave idaneva sa kuladhita atthagavesika, pubbepi atthagavesika yevati vatva atitam ahari. Atite baranasiyam brahmadatte rajjam karente bodhisatto isipabbajjam pabbajitva abhinna ca samapattiyo ca nibbattetva himavantappadese vasam kappesi. Tada baranasiraja attano puttassa brahmadattakumarassa parivarasampattim disva uppannasanko puttam rattha pabbajesi. So asitabhum nama attano devim adaya himavantam pavisitva macchamamsaphalaphalani khadanto pannasalaya vasam kappesi. So ekam kinnarim disva patibaddhacitto imam pajapatim karissamiti asitabhum aganetva tassanupadam agamasi. Sa tam kinnarim anubandhamanam disva ayam mam aganetva kinnarim anubandhati, kim me iminati virattacitta hutva bodhisattam upasankamitva vanditva attano kasinaparikammam kathapetva kasinam olokenti abhinna ca samapattiyo ca nibbattetva bodhisattam vanditva agantva attano pannasaladvare atthasi. Brahmadattopi kinnarim anubandhanto vicaritva tassa gatamaggampi adisva chinnaso hutva pannasalabhimukho agato. Asitabhu tam agacchantam disva vehasam abbhuggantva manivanne gaganatale thita ayyaputta tam nissaya maya imam jhanasukham laddhanti vatva pathamam gathamaha--------------------------------------------------------------------------------------------- page307.
Tvamevadanimakari yam kamo byagama tayi, soyam appatisandhiko khara chinnamva renukanti 1- tattha tvamevadanimakariti ayyaputta mam pahaya kinnarim anubandhanto tvameva idani idam akari. Yam kamo byagama tayiti yam mama tayi kamo vigato vikkhambhanappahanena pahino, yassa pahinatta aham imam visesam pattati dipeti. Soyam appatisandhikoti so pana kamo idani appatisandhiko jato na sakka patisandhitum. Khara chinnamva renukanti kharo vuccati kakaco, renukam vuccati hatthidanto. Yatha kakacachinno hatthidanto appatisandhiko jato hoti na puna purimanayena alliyati, evam puna mayham taya saddhim cittassa ghatanam nama natthiti. Vatva tassa passantasseva uppatitva annattha agamasi. So tassa gatakale paridevamano dutiyam gathamaha atriccha atilobhena atilobhamadena ca evam hayati atthamha ahamva asitabhuyati. Tattha atriccha atilobhenati atriccha vuccati atra atra icchasankhata apariyantatanha, atilobho vuccati atikkamitva pavattanalobho. Atilobhamadena cati purisamadam uppadanato atilobhamado nama jato. Idam vuttam hoti atricchavasena atricchamano puggalo atilobhena ca atilobhamadena ca yatha aham asitabhuya rajadhitaya parihino evam atthamha hayatiti. @Footnote: 1 rerukantipi.--------------------------------------------------------------------------------------------- page308.
Iti so imaya gathaya paridevitva aranne ekakova vasitva pitu accayena gantva rajjam ganhi. Sattha imam dhammadesanam aharitva jatakam samodhanesi. Tada rajaputto ca rajadhita ca ime dve jana ahesum, tapaso pana ahamevati. Asitabhujatakam catuttham. ------------The Pali Atthakatha in Roman Book 37 page 305-308. http://84000.org/tipitaka/atthapali/read_rm.php?B=37&A=6041&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6041&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=317 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1812 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1810 The Pali Tipitaka in Roman Character :- http://84000.org/tipitaka/read/roman_read.php?B=27&A=1810 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]