บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9 Upahanavaggavannana --------- 1 upahanajatakam. Yathapi katati idam sattha jetavane viharanto devadattam arabbha kathesi. Dhammasabhayam hi bhikkhu katham samutthapesum avuso devadatto acariyapaccakkho 1- tathagatassa patipakkho patisattu hutva mahavinasam papuniti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave devadatto idaneva acariyapaccakkho 1- mama patipakkho hutva mahavinasam papuni, pubbepi patipakkho yevati vatva atitam ahari. Atite baranasiyam brahmadatte rajjam karente bodhisatto hatthacariyakule nibbattitva vayappatto hatthisippe nipphattim papuni. Atheko kasikagamavasiko manavo agantva tassa santike sippam ugganhi. Bodhisatta nama sippam vacenta acariyamutthim na karonti, attano janananiyamena niravasesam sikkhapenti. Tasma so manavo bodhisattassa jananasippam niravasesam gahetva bodhisattam aha acariya aham rajanam upatthahissamiti. Bodhisatto sadhu @Footnote: 1 acariyam paccakkhayatipi. Tatati gantva ranno arocesi maharaja mama antevasiko tumhe upatthatum icchatiti. Sadhu upatthahatuti. Tena hissa paribbayam janathati. Tumhakam antevasiko tumhehi samakam na lacchati, tumhesu satam labhantesu pannasam lacchati, dve labhantesu ekam lacchatiti. So geham gantva tam pavuttim 1- antevasikassa arocesi. Antevasiko aha acariya tumhehi samam sippam janami, sace samakanneva paribbayam labhissami, upatthahissami, sace na labhissami, na upatthahissamiti. Bodhisatto tam pavuttim ranno arocesi. Raja sace so tumhehi samappakaro, tumhehi saddhim samakanneva sippam dassetum sakkonto samakam labhissatiti aha. Bodhisatto tam pavuttim tassa arocetva tena sadhu, dassessamiti vutte ranno arocesi. Raja tena hi sve sippam dassethati. Sadhu, dassessama, nagare bherincarapethati. Raja sve kira acariyo ca antevasiko ca ubho hatthisippam dassessanti, rajangane sannipatitva datthukama passantuti bherincarapesi. Acariyo na me antevasiko upayakosallam janatiti ekam hatthim gahetva ekaratteneva vilomam sikkhapesi. So tam gacchati vutte osakkitum osakkati vutte gantum titthati vutte nipajjitum nipajjati vutte thatum ganhati vutte nikkhipitum nikkhipati vutte ganhitum evam sikkhapetva punadivase tam hatthim abhiruyhitva @Footnote: 1 pavattintipi .pe. Rajanganam agamasi. Antevasikopi ekam manapam hatthim abhiruyhi. Mahajanopi sannipati. Ubhopi samakam sippam dassesum. Puna bodhisatto attano hatthim vilomam karesu. So gacchati vutte osakki, osakkati vutte purato dhavi, titthati vutte nipajji, nipajjati vutte titthati, ganhati vutte nikkhipi, nikkhipati vutte ganhi. Mahajano hare duttha antevasika acariyena saddhim sarambham karosi, attano pamanam na janasi, acariyena saddhim samakam janamiti sanni ahositi leddudandadihi paharitva tattheva jivitakkhayam papesi. Bodhisatto hatthimha oruyha rajanam upasankamitva maharaja sippam nama attano sukhatthaya ganhanti, ekaccassa pana gahitasippam dukkataupahana viya vinasameva avahatiti vatva imam gathadvayamaha yathapi kita purisassupahana sukhassa atthaya dukkham udabbahe ghammabhitatta talasava pilita tasseva pade purisassa khadare, evameva yo dukkulino anariyo tumhaka vijjanca sutancamadiya tameva so tattha sutena khadati anariyo 1- vuccatupahanupamoti. @Footnote: 1 vuccati dupahanupamotipi. Tattha udabbaheti avaheyya. Ghammabhitatta talasava pilitati ghammena abhitatta padatalena patipilita. Tassevati yena ta padasukhatthaya kinitva padesu patimukka dukkatupahana tasseva khadareti vanam karonti pade khadanti. Dukkulinoti dujjatiko akulaputto. Anariyoti hirottappavajjito asappuriso. Tumhaka vijjanca sutancamadiyati ettha tam tam namatiti 1-. Tumhakanti vattabbe tumhakati vuttam, tumhakam tam tam sippam asevati parivattetiti attho. Acariyassetam namam. Tasma tumhakati gathabandhanasukhattham vannassa rassabhavo kato. Vijjanti attharasasu vijjatthanesu yam kinci. Sutanti yam kinci sutam pariyattim. Adiyati adiyitva. Tameva so tattha sutena khadatiti tamevati attanameva. Soti yo dukkulino anariyo acariyamha vijjanca sutanca adiyati, so tattha sutena khadati, tassa santike sutena so attanameva khadatiti attho. Atthakathayam pana teneva so tattha sutena khadatitipi patho. Tassapi so tena tattha sutena attanameva khadatiti ayameva attho. Anariyo vuccatupahanupamoti iti anariyo upahanupamo dukkatupahanupamoti vuccati. Yatha hi dukkatupahana purisam khadati, evameva sutena khadanto attanam khadati. Atha va padanam dukkha dupahanupama, tassa upahanaya khatitapadassetam namam. Tasma yo attanam sutena khadati so @Footnote: 1 manatitipi. Tena sutena khaditatta anariyoti vuccati. Upahanupamoti 1- upahanupatapitasadisoti 2- vuccatiti ayamettha attho. Raja tuttho bodhisattassa mahantam yasam adasi. Sattha imam dhammadesanam aharitva jatakam samodhanesi. Tada antevasiko devadatto ahosi, acariyo pana ahamevati. Upahanajatakam pathamam. -------The Pali Atthakatha in Roman Book 37 page 295-299. http://84000.org/tipitaka/atthapali/read_rm.php?B=37&A=5836&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=5836&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=311 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1785 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1778 The Pali Tipitaka in Roman Character :- http://84000.org/tipitaka/read/roman_read.php?B=27&A=1778 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]