|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6 Natamdalhavaggavannana ------- 1 bandhanagarajatakam. Na tam dalham bandhanamahu dhirati idam sattha jetavane viharanto bandhanagaram arabbha kathesi. Tasmim kira kale bahu sandhicchedakapanthaghatakamanussaghatake core anetva kosalaranno dassesum. Te raja andubandhana- rajjubandhanasankhalikabandhanehi bandhapesi. Timsamatta janapada bhikkhu sattharam datthukama agantva disva vanditva punadivase pindaya caranta bandhanagaram patva te core disva pindapatapatikkanta sayanhasamaye tathagatam upasankamitva bhante ajja amhehi pindaya carantehi bandhanagare bahu cora andubandhanarajjubandhanadihi baddha mahadukkham anubhavanta dittha, te tani bandhanani chinditva palayitum na sakkonti, atthi nu kho tehi bandhanehi thirataram nama annam bandhananti pucchimsu. Sattha bhikkhave kim bandhanani nametani, yam panetam dhanadhannaputtadaradisu tanhasankhatam kilesabandhanam etam etehi satagunena sahassagunena thirataram, evam mahantampi panetam ducchindiyam bandhanam poranakapandita chinditva himavantam pavisitva pabbajimsuti vatva atitam ahari.--------------------------------------------------------------------------------------------- page186.
Atite baranasiyam brahmadatte rajjam karente bodhisatto ekasmim duggatagahapatikule nibbatti. Tassa vayappattassa pita kalamakasi. So bhatim katva mataram posesi. Athassa mata anicchamanasseva ekam kuladhitaram gehe katva aparabhage kalamakasi. Bhariyayapissa kucchiyam gabbho patitthahi. So gabbhassa patitthitabhavam ajananto va bhadde tvam bhatim katva jiva, aham pabbajissamiti aha. Sami gabbho me patitthito, mayi vijataya darakam disva pabbajissasiti aha. So sadhuti sampaticchitva tassa vijatakale bhadde tvam sotthina vijata, idanaham pabbajissamiti apucchi. Atha nam sa puttakassa tava thanapanato apagamanakale agamehiti vatva puna gabbham ganhi. So cintesi imam sampaticchapetva gantum na sakka, imissa anacikkhitva va palayitva pabbajissamiti. So tassa anacikkhitva va rattibhage utthaya palayi. Atha nam nagaraguttika aggahesum. So aham sami matuposako nama, vissajjetha manti tehi attanam vissajjapetva ekasmim thane vasitva aggadvareneva nikkhamitva himavantam pavisitva isipabbajjam pabbajitva abhinna ca samapattiyo ca nibbattetva jhanakilaya kilanto vihasi. So tattha vasanto evarupampi nametam ducchindiyam puttadarabandhanam kilesabandhanam chindinti udanam udanento ima gatha avoca--------------------------------------------------------------------------------------------- page187.
Na tam dalham bandhanamahu dhira yadayasam darujam pabbajanca, sarattaratta manikundalesu puttesu daresu ca ya apekkha. Etam dalham bandhanamahu dhira oharinam sithilam duppamuncam, etampi chetvana vajanti dhira anapekkhino kamasukham pahayati. Tattha dhirati dhitimati dhira vigatapapati dhira, atha va dhi vuccati panna, taya pannaya samannagatati dhira, buddha paccekabuddha buddhasavaka bodhisatta ca ime dhira nama. Yadayasanti adisu yam sankhalikasankhatam ayasa nibbattam ayasam andubandhanasankhatam darujam yanca pabbajatinehi va annehi va vakadihi rajjum katva katam rajjubandhanam tam dhira dalham thiranti nahu na kathenti. Sarattarattati saratta hutva ratta bahalaragarattati attho. Manikundalesuti manisu ca kundalesu ca maniyuttesu va kundalesu. Etam dalhanti ye ca manikundalesu sarattaratta tesam yeva yo sarago ya ca tesam puttadaresu apekkha tanha etam kilesamayam bandhanam dalham thiranti dhira ahu. Oharinanti akaddhitva catusu apayesu patanato avaharati hettha hettha haratiti oharinam. Sithilanti bandhanatthanesu chavicammamamsani na chindati lohitam na niharati--------------------------------------------------------------------------------------------- page188.
Bandhanabhavampi na janapetva thalapathajalapathadisu kammani katum detiti sithilam. Duppamuncanti tanhalobhavasena hi ekavarampi uppannam kilesabandhanam bandhanatthanato kacchapo viya dummocayam hotiti duppamuncam. Etampi chetvanati etam evam dalhampi kilesabandhanam nanakhaggena chinditva ayadamani chetva mattavaravarano viya panjare bhinditva sihapotako viya dhira vatthukamakilesakame ukkarabhumiyam viya jigucchamana anapekkhino hutva kamasukham pahaya vajanti pakkamanti pakkamitva ca pana himavantam pavisitva isipabbajjam pabbajitva jhanasukhena vitinamentiti attho. Evam bodhisatto imam udanam udanetva aparihinajjhano brahmalokaparayano ahosi. Sattha imam dhammadesanam aharitva saccani pakasesi. Saccapariyosane keci sotapanna keci sakidagamino keci anagamino keci arahanta ahesum. Tada mata mahamaya ahosi, pita suddhodanamaharaja, bhariya rahulamata, putto rahulo, puttadaram pahaya nikkhamitva pabbajitapuriso pana ahamevati. Bandhanagarajatakam pathamam. ----------The Pali Atthakatha in Roman Book 37 page 185-188. http://84000.org/tipitaka/atthapali/read_rm.php?B=37&A=3651&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3651&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=251 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1495 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1474 The Pali Tipitaka in Roman Character :- http://84000.org/tipitaka/read/roman_read.php?B=27&A=1474 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]