|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6 Dadhivahanajatakam vannagandharasopetoti idam sattha jetavane viharanto vipakkhasevim arabbha kathesi. Vatthu hettha kathitameva. Sattha pana bhikkhave asadhusannivaso nama papo anatthakaro, tattha manussabhutanam tava papasannivasassa anatthakaranataya kim vattabbam, pubbe pana asatena amadhurena nimbarukkhena saddhim sannivasamagamma madhuraraso dibbarasapatibhago acetano ambarukkhopi amadhuro tittako jatoti vatva atitam ahari. Atite baranasiyam brahmadatte rajjam karente kasikaratthe cattaro bhataro brahmana isipabbajjam pabbajitva himavantappadese patipatiya pannasala katva vasam kappesum. Tesam jetthabhata kalam katva sakkattam papuni. So tam karanam natva antarantara sattatthadivasaccayena tesam upatthanam gacchanto ekadivasam jetthakatapasam vanditva ekamantam nisiditva bhante kena te atthoti pucchi. Pandurogatapaso aggina me atthoti aha. So tassa vasipharasukam adasi. Vasipharasuko nama dande pavesanavasena vasipi hoti pharasupi. Tapaso ko me idam adaya daruni aharissatiti aha. Atha nam sakko evamaha yadi te bhante daruhi attho, imam pharasum hatthena paharitva daruni me aharitva aggim karohiti vadeyyasi, daruni--------------------------------------------------------------------------------------------- page135.
Aharitva aggim katva dassatiti. Tassa vasipharasukam datva dutiyampi upasankamitva bhante kena te atthoti pucchi. Tassa pannasalayam hatthimaggo hoti. So hatthihi upadduto hatthinam me vasena dukkham uppajjati, te palapehiti aha. Sakko tassa ekam bherim upanametva bhante imasmim tale pahate tumhakam paccamitta palapessanti, imasmim pahate mettacitta hutva caturanginiya senaya tam parivaressantiti vatva tam bherim datva kanitthassa santikam gantva bhante kena te atthoti pucchi. Sopi pandurogadhatuko va tasma dadhina me atthoti aha. Sakko etassa ekam dadhighatam datva sace tumhe icchamana imam avateyyatha, 1- mahanadi hutva mahogham pavattetva tumhakam rajjam gahetva datum samatthopi bhavissatiti vatva pakkami. Tato patthaya vasipharusako jetthabhatikassa aggim karoti. Itarena bheritale pahate hatthi palayanti. Kanittho dadhim paribhunjati. Tasmim kale eko sukaro ekasmim puranagamatthane vicaranto anubhavasampannam manikkhandham addasa. So tam manikkhandham mukhena damsitva tassanubhavena akase uppatitva samuddamajjhe ekam dipakam gantva etthadani maya vasitum vattatiti otaritva phasukatthane ekassa udumbararukkhassa hettha vasam kappesi. So ekadivasam tasmim rukkhamule manikkhandham purato thapetva niddam okkami. Atheko kasikaratthavasi manusso nirupakaro esa amhakanti @Footnote: 1 avajjessathatipi.--------------------------------------------------------------------------------------------- page136.
Matapituhi geha nikkaddhito ekam pattanagamam patva navikanam kammakaro hutva navam aruyha samuddamajjhe bhinnaya navaya phalake nipanno tam dipakam gantva phalaphalani pariyesanto tam sukaram niddayantam disva sanikam gantva manikkhandham ganhitva tassa anubhavena akase uppatitva udumbararukkhe nisiditva cintesi ayam sukaro imassa manikkhandhassa anubhavena akasacari hutva idha vasati manne, maya pathamameva imam maretva mamsam khaditva paccha gantum vattatiti. So ekam dandakam bhanjitva tassa sise patesi. Sukaro pabujjhitva manikkhandham apassanto ito cito ca kampamano vidhavati. Rukkhe nisinnapuriso hasi. Sukaro olokento tam disva tam rukkham sisena paharitva tattheva mato. So puriso otaritva aggim katva tassa mamsam pacitva khaditva akasena uppatitva himavantappadesamatthakena gacchanto assamapadam disva jetthabhatikassa tapasassa assame otaritva dviham tiham vasitva tapasassa vattapativattam akasi, vasipharasukassa anubhavanca passi. So imam maya gahetum vattatiti manikkhandhassa anubhavam tapasassa dassetva bhante imam me gahetva vasipharasum dethati aha. Tapaso akasena caritukamo tam gahetva vasipharasum tassa adasi. So tam gahetva thokam gantva vasipharasum paharitva vasipharasu tvam tapasassa sisam chinditva manikkhandham me aharati aha. So gantva tapasassa sisam chinditva manikkhandham ahari. So vasipharasukam--------------------------------------------------------------------------------------------- page137.
Paticchannatthane thapetva majjhimatapasassa santikam gantva katipaham vasitva bheriya anubhavam disva manikkhandham datva bherim gahetva purimanayeneva tassapi sisam chindapetva kanittham upasankamitva dadhighatassanubhavam disva manikkhandham datva dadhighatam gahetva purimanayeneva tassa sisam chindapetva manikkhandhanca vasipharasukanca bherinca dadhighatanca gahetva akase uppatitva baranasiya avidure thatva baranasiraja yuddham va me detu rajjam vati ekassa purisassa hatthe pannam pahesi. Raja sasanam sutva va coram ganhissamiti nikkhami. So ekam bheritalam pahari. Caturangini sena parivaresi. Ranno attano hatthe gatabhavam natva dadhighatam vissajjesi. Mahanadi pavatti. Mahajano dadhimhi osiditva nikkhamitum nasakkhi. Vasipharasukam paharitva ranno sisam aharati aha. Vasipharasuko gantva ranno sisam aharitva padamule nikkhipi. Ekopi avudham ukkhipitum nasakkhi. So mahantena balena parivuto nagaram pavisitva abhisekam karetva dadhivahano nama raja hutva dhammena rajjam karesi. Tassekadivasam mahanadiyam jalakarandake kilantassa kannamundadahato devataparibhogam ekam ambapakkam agantva jale laggi. Jalam ukkhipanta tam disva ranno adamsu. Tam mahantam ghatappamanam parimandalam suvannavannam ahosi. Raja kissa phalannametanti vanacarake pucchitva ambaphalanti--------------------------------------------------------------------------------------------- page138.
Sutva tassa atthim attano uyyane ropapetva khirodakena sincapesi. Rukkho nibbattitva tatiye samvacchare phalam adasi. Ambassa sakkaro maha ahosi. Khirodakena sincanti gandhapancangulikam denti maladamani parikkhipanti gandhatelena dipam jalenti. Parikkhepo panassa patasaniya ahosi. Phalani madhurani suvannavannani ahesum. Dadhivahanaraja annesam rajunam ambaphalam pesento atthito rukkhanibbattanabhayena ankuranibbattanatthanam mandukantakena vijjhitva pesesi. Tesam ambam khaditva atthi ropitam na sampajjati. Te kinnu kho ettha karananti pucchanta tam karanam ajanimsu. Atheko raja uyyanapalam pakkositva dadhivahanassa ambaphalanam rasam nasetva tittakabhavam katum sakkhissasiti pucchitva ama devati vutte tena hi gacchati sahassam datva pesesi. So baranasim gantva eko uyyanapalo agatoti ranno arocapetva tena pakkosapito pavisitva rajanam vanditva tvam uyyanapaloti puttho ama devati vatva attano anubhavam vannesi. Raja gaccha, amhakam uyyanapalassa santike hohiti aha. Tato patthaya dve jana uyyanam patipajjanti. Adhunagato uyyanapalo akalapupphani rukkhe pupphapento akalaphalani ganhapento uyyanam ramaniyam akasi. Raja tassa pasiditva poranakauyyanapalam niharapetva tasseva uyyanam adasi. So uyyanassa attano hatthagatabhavam natva ambarukkham parivaretva nimbe ca paggavavalliyo--------------------------------------------------------------------------------------------- page139.
Ca ropesi. Anupubbena nimba vaddhimsu. Mulehi mulani sakhahi ca sakha samsattha onaddhavinaddha ahesum. Tena asataamadhura- samsaggeneva tava madhuraphalo ambo tittako jato nimbapanna- sadisaraso. Ambaphalanam tittakabhavam natva uyyanapalo palayi. Dadhivahano uyyanam gantva ambaphalam khadanto mukhe pavittham ambayusam nimbakasavam viya ajjhoharitum asakkonto kakkaretva nutthahi. Tada bodhisatto tassa atthadhammanusasako ahosi. Raja bodhisattam amantetva pandita imassa rukkhassa poranakapariharato parihani natthi, evam santepissa phalam tittakam jatam, kinnu kho karananti pucchanto pathamam gathamaha vannagandharasopeto ambo vayam ahu pure, tameva pujam labhamano kenambo katukapphaloti. Athassa karanam acikkhanto bodhisatto dutiyam gathamaha pucimandaparivaro ambo te dadhivahana, mulam mulena samsattham sakha sakham nisevare, asatasannivasena tenambo katukapphaloti. Tattha pucimandaparivaroti nimbarukkhaparivaro. Sakha sakham nisevareti pucimandassa sakha ambarukkhassa sakhayo nisevanti. Asatasannivasenati amadhurehi pucimandehi saddhim sannivasena. Tenati tena karanena ayam ambo katukapphalo asataphalo tittakaphalo jatoti attho.--------------------------------------------------------------------------------------------- page140.
Raja tassa vacanam sutva sabbe pucimande ca paggavavalli ca chindapetva mulani uddharapetva samanta amadhurapamsum harapetva sumadhurapamsum pakkhipapetva khirodakasakkharodakagandhodakehi ambam patijaggapesi. So madhurasamsaggena puna madhuro va ahosi. Raja pakatiuyyanapalasseva uyyanam niyyadetva yavatayukam thatva yathakammam gato. Sattha imam dhammadesanam aharitva jatakam samodhanesi. Tada ahameva panditamacco ahosinti. Dadhivahanajatakam chattham. ------------The Pali Atthakatha in Roman Book 37 page 134-140. http://84000.org/tipitaka/atthapali/read_rm.php?B=37&A=2659&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2659&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=221 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1352 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1341 The Pali Tipitaka in Roman Character :- http://84000.org/tipitaka/read/roman_read.php?B=27&A=1341 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]