AtthaPali Vol.37

3 Kalyanadhammavaggavannana ----------- 1 kalya dhemmajatakam. Kalyanadhammoti idam sattha jetavane viharanto ekam badhirasassum arabbha kathesi. Savatthiyam hi eko kutumbiko saddho pasanno tisaranagato pancasilasamannagato. So ekadivasam bahuni sappiadini bhesajjani ceva pupphagandhavatthadini ca gahetva jetavane satthu santike dhammam sossamiti agamasi. Tassa tattha gatakale sassu khadaniyam bhojaniyam gahetva dhitaram datthukama tam geham agamasi. Sa ca thokam badhiradhatuka hoti. Sa dhitara saddhim bhuttabhojana bhattasammadam vinodayamana dhitaram pucchi kim amma bhatta te sammodamano avivadamano piyasamvasam vasatiti. Kim amma kathetha, yadiso tumhakam jamata silena ceva acarasampadaya ca tadiso pabbajitopi dullabhoti. Upasika dhitu vacanam sadhukam asallakkhetva pabbajitoti padameva gahetva amma kasma te bhatta pabbajitoti mahasaddam akasi. Tam sutva sakalagehavasino amhakam kira kutumbiko pabbajitoti viravimsu. Tesam saddam sutva dvarena sancaranta kinnama kiretanti pucchimsu. Imasmim kira gehe kutumbiko pabbajitoti. Sopi kho kutumbiko Dasabalassa dhammam sutva vihara nikkhamma nagaram pavisi. Atha nam antaramagge yeva eko puriso disva samma tvam kira pabbajito, tava gehe puttadaraparijano ^1- paridevatiti aha. Athassa etadahosi ayam apabbajitameva kira mam pabbajitoti vadati, uppanno kho pana kalyanasaddo na antaradhapetabbo, ajjeva maya pabbajitum vattatiti. Tato va nivattitva satthu santikam gantva kinnu kho upasaka idaneva buddhupatthanam katva gantva idaneva paccagatositi vutte tamattham arocetva bhante kalyanasaddo nama uppanno antaradhapetum na vattati, tasma pabbajitukamo hutva agatomhiti aha. So pabbajjanca upasampadanca labhitva sammapatipanno na cirasseva arahattam papuni. Idam kira karanam bhikkhusanghe pakatam jatam. Athekadivasam dhammasabhayam bhikkhu katham samutthapesum avuso asuko nama kutumbiko uppanno kalyanasaddo na antaradhapetabboti pabbajitva idani arahattam pattoti. Sattha agantva kaya nuttha bhikkhave etarahi kathaya sannisinnati pucchitva imaya namati vutte bhikkhave poranakapanditapi uppanno kalyanasaddo vinasetum na vattatiti pabbajimsu yevati vatva atitam ahari. Atite baranasiyam brahmadatte rajjam karente bodhisatto setthikule nibbattitva vayappatto pitu accayena setthitthanam papuni. So ekadivasam nivesana nikkhamitva rajupatthanam agamasi. Athassa @Footnote: ¹ puttadaraparijana paridevantitipi. Sassu dhitaram passissamiti tam geham agamasi. Sa thokam badhiradhatukati sabbam paccuppannavatthusadisameva. Tam pana rajupatthanam katva attano gharam agacchantam disva eko puriso tumhe kira pabbajitati tumhakam gehe mahaparidevo vattatiti aha. Bodhisatto uppanno kalyanasaddo nama na antaradhapetum vattatiti tato va nivattitva ranno santikam gantva kim tvam mahasetthi idaneva gantva puna agatositi vutte deva gehe jano kira mam apabbajitameva pabbajitoti vatva paridevati, uppanno kho pana kalyanasaddo na antaradhapetabbo, pabbajissamaham, pabbajjam me anujanahiti etamattham pakasento ima gatha avoca kalyanadhammoti yada janinda loke samannam anupapunati tasma na hiyyetha naro sapanno, hiriyapi santo dhuramadiyanti, sayam samanna idha majja patta kalyanadhammoti janinda loke, taham samekkham idha pabbajissam, na hi matthi chando idha kamabhogeti. Tattha kalyanadhammoti sundaradhammo. Samannam anupapunatiti yada silava kalyanadhammo pabbajitoti idam pannattivoharam papunati. Tasma na hiyyethati tato samannato na parihayetha. Hiriyapi santo dhuramadiyanti maharaja sappurisa nama ajjhattasamutthitaya hiriyapi bahiddha samutthitena ottappenapi etam pabbajjadhuram ganhanti. Idha majja pattati idha maya ajja patta. Taham samekkhanti tam aham gunavasena laddham samannam samekkhanto sampassanto. Na hi matthi chandoti na hi me atthi chando. Idha kamabhogeti imasmim loke kilesakamena ceva vatthukamena ca paribhogeti. Bodhisatto evam vatva rajanam pabbajjam anujanapetva himavantappadesam gantva isipabbajjam pabbajitva abhinna ca samapattiyo ca nibbattetva brahmalokaparayano ahosi. Sattha imam dhammadesanam aharitva jatakam samodhanesi. Tada raja anando ahosi, baranasisetthi pana ahamevati. Kalyanadhammajatakam pathamam. ------------

The Pali Atthakatha in Roman Book 37 page 83-86. http://84000.org/tipitaka/atthapali/read_rm.php?B=37&A=1641&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1641&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=191 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1218 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1201 The Pali Tipitaka in Roman Character :- http://84000.org/tipitaka/read/roman_read.php?B=27&A=1201 Contents of The Tipitaka Volume 27 http://84000.org/tipitaka/read/?index_27