AtthaPali Vol.37

3 Susimajatakam kala miga setadanta tava imeti idam sattha jetavane viharanto chandakadanam arabbha kathesi. Savatthiyam hi kadaci ekameva kulam buddhappamukhassa bhikkhusanghassa danam deti. Kadaci ganabandheneva bahuka ekato hutva denti. Kadaci vithisabhagena. Kadaci sakalanagaravasino chandakam samharitva danam denti. Imasmim pana kale nagaravasino chandakam samharitva sabbaparikkharadanam sajjetva dve kotthasa hutva ekacce imam sabbaparikkharadanam annatitthiyanam dassamati ahamsu, ekacce buddhappamukhassa bhikkhusanghassapi dassamati. Evam punappunam kathaya vattamanaya annatitthiyasavakehi annatitthiyanannevati buddhasavakehi buddhappamukhassa bhikkhusanghassevati ca vutte yam bahulam karissamati tam bahulataya kathaya buddhappamukhassa bhikkhusanghassa dassamati vadanti yeva bahu jata, tesanneva katha patitthasi. Annatitthiyasavaka buddhanam databbadanassa antarayam katum nasakkhimsu. Nagara buddhappamukham bhikkhusangham nimantetva sattaham mahadanam pavattetva sattame divase sabbaparikkhare adamsu. Sattha anumodanam katva mahajanam maggaphalehi bodhetva jetavanaviharameva gantva bhikkhusanghena vatte dassite gandhakutippamukhe thatva sugatovadam datva gandhakutim pavisi. Sayanhasamaye bhikkhu dhammasabhayam sannipatitva Katham samutthapesum avuso annatitthiyasavaka buddhanam databbadanassa antarayakaranatthaya vayamantapi antarayam katum nasakkhimsu, tam sabbaparikkharadanam buddhananneva padamule agatam, aho buddhabalannama mahantanti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave ete annatitthiyasavaka idaneva mayham databbassa antarayaya vayamanti, pubbepi vayamimsu, so pana parikkharo sabbakalampi mameva padamule agacchatiti vatva atitam ahari. Atite baranasiyam susimo nama raja ahosi. Tada bodhisatto tassa purohitassa brahmaniya kucchismim patisandhim ganhi. Tassa solasavassikakale pita kalamakasi. So pana dharamanakale ranno hatthimangalakarako ahosi. Hatthinam mangalakaranatthane abhatam upakaranabhandanca hatthalankaranca sabbaso yeva alattha. Evamassa ekekasmim mangale kotimattam dhanam uppajji. Atha tasmim kalakate hatthimangalachano sampapuni. Sesabrahmana rajanam upasankamitva maharaja hatthimangalachano sampatto, mangalam katum vattati, purohitabrahmanassa pana putto atidaharo neva tayo vede janati, na hatthisuttam, mayam hatthimangalam karissamati ahamsu. Raja sadhuti sampaticchi. Brahmana purohitaputtassa hatthimangalam katum adatva hatthimangalam katva mayam dhanam ganhissamati hatthatuttha vicaranti. Atha catutthe divase hatthimangalam bhavissatiti bodhisattassa Mata tam pavattim sutva hatthimangalakaranam nama yava sattama kulaparivatta amhakam, vamso ca no osakkhissati, dhana ca parihayissamati anusocamana parodi. Bodhisatto kasma amma rodasiti vatva tam karanam sutva ma soci, nanu amma aham mangalam karissamiti aha. Tata tvam neva tayo vede janasi, na hatthisuttam, katham mangalam karissasiti. Amma kada pana hatthimangalam karissantiti. Ito catutthe divase tatati. Amma ta yo vede pagune katva hatthisuttam jananaka acariya kaham vasantiti. Tata evarupo disapamokkho acariyo ito visatiyojanasatamatthake gandhararatthe takkasilayam vasatiti. Amma amhakam vamsam na nasessami, aham sve ekadivaseneva takkasilam gantva ekaratteneva tayo vede hatthisuttanca ugganhitva punadivase agantva catutthe divase hatthimangalam karissami, ma roditi mataram samassasesi. Bodhisatto punadivase pato va bhunjitva ekako va nikkhamitva ekadivaseneva takkasilam gantva acariyam vanditva ekamante nisidi. Atha nam acariyo kuto agatosi tatati pucchi. Baranasito acariyati. Kenatthenati. Tumhakam santike tayo vede hatthisuttanca ugganhanatthayati. Sadhu tata ugganhati. Bodhisatto acariya mayham kammam accayikanti sabbam pavattim arocetva aham ekadivaseneva visayojanasatam agato, ajja ekarattam mayham yeva okasam karotha, ito tatiye hatthimangalam bhavissati, aham ekeneva uddesamattena sabbam ugganhissamiti vatva acariyam Okasam karetva acariyassa pade dhovitva sahassatthavikam purato thapetva vanditva ekamantam nisinno pariyattim patthapetva arune uggacchante tayo vede ca hatthisuttanca nitthapetva annampi atthi acariyati pucchitva natthi tata sabbam nitthitanti vutte acariya imasmim ganthe ettakam padam paccabhattham ettakam sajjhayamulhatthanam, ito patthaya antevasike evam vaceyyathati acariyassa sippam sodhetva patova bhunjitva acariyam vanditva ekadivaseneva baranasiyam paccagantva mataram vanditva uggahitam te tata sippanti vutte amati vatva mataram paritosesi. Punadivase hatthimangalachano patipatiya thapayittha ^1-. Sakamatte hatthi sovannalankare sovannadhaje hemajalapaticchanne katva thapesum. Rajangane alankarimsu. Brahmana mayam hatthimangalam karissamati manditapasadhita atthamsu. Susimopi raja sabbalankarapatimandito upakaranabhandam gahapetva mangalatthanam agamasi. Bodhisattopi kumarapariharena alankato attano parisaya purakkhitaparivarito ranno santikam gantva saccam kira maharaja tumhe amhakam ca attano ca vamsam nasetva annehi brahmanehi hatthimangalam karetva hatthalankaranceva upakaranani ca tesam dassamati avacutthati vatva pathamam gathamaha kala miga setadanta tava ime parosatam hemajalabhichanna @Footnote: ¹ patiyadiyitthatipi. Tete dadamiti susima brusi anussaram pettipitamahananti. Tattha tete dadamiti susima brusiti te ete tava santike. Kala miga setadantati evam sankhyam gate ^1- parosatam sabbalankarapatimandite hatthi annesam brahmananam dadamiti, saccam kira bho susima evam brusiti attho. Anussaram pettipitamahananti amhakanca attano ca vamse pitupitamahanam acinnam saranto yeva. Idam vuttam hoti maharaja yava sattama hi kulaparivatta tumhakam pitupitamahanam amhakam pitupitamaha hatthimangalam karonti, so tvam evam anussarantopi amhakanca attano ca vamsam nasetva saccam kira evam brusiti. Susimo raja bodhisattassa vacanam sutva dutiyam gathamaha kala miga setadanta mama ime parosatam hemajalabhichanna tete dadamiti vadami manava anussaram pettipitamahananti. Tattha tete dadamiti te ete hatthi annesam brahmananam dadamiti saccameva manava vadami. Te te hatthi brahmananam dadamiti te brahmane saccam evam vadamiti attho. Anussaranti pitupitamahanampi kiriyam anussarami yeva, no nanussarami. Amhakam @Footnote: ¹ gatantipi. Pittipitamahanam hatthimangalam tumhakam pittipitamaha karontiti puna anussarantopi evam vadami yevati adhippayenevamaha. Atha nam bodhisatto etadavoca maharaja amhakanca attano ca vamsam anussaranto yeva kasma mam thapetva annehi hatthimangalam karapethati. Tvam kira tata tayo vede ca hatthisuttanca na janasiti mayham arocesum, tenaham annehi brahmanehi karapemiti. Tena hi maharaja ettakesu brahmanesu eko brahmanopi vedesu va suttesu va ekadesampi yadi maya saddhim kathetum samattho atthi utthahatu, tayo vede hatthisuttanca saddhim hatthimangalakaranena mam thapetva anno sakalajambudipepi jananto nama natthiti sihanadam nadi. Eko brahmanopi tassa patisattu hutva utthahitum nasakkhi. Bodhisatto attano kulavamsam patitthapetva mangalam katva bahudhanam adaya nivesanam agamasi. Sattha imam dhammadesanam aharitva saccani pakasetva jatakam samodhanesi. Saccapariyosane keci sotapanna ahesum, keci sakadagamino, keci anagamino, keci arahattam papunimsu. Tada mata mahamaya ahosi, pita suddhodanamaharaja, susimo anando, disapamokkho acariyo sariputto, manavo pana ahamevati. Susimajatakam tatiyam. ----------

The Pali Atthakatha in Roman Book 37 page 59-64. http://84000.org/tipitaka/atthapali/read_rm.php?B=37&A=1165&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1165&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=175 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1145 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1131 The Pali Tipitaka in Roman Character :- http://84000.org/tipitaka/read/roman_read.php?B=27&A=1131 Contents of The Tipitaka Volume 27 http://84000.org/tipitaka/read/?index_27