|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Sigalajatakam
naham punam na ca punanti idam sattha jetavane viharanto
kilesaniggaham arabbha kathesi.
Savatthiyam kira pancasatamatta sahayaka mahavibhava setthiputta
satthu dhammadesanam sutva sasane uram datva pabbajitva jetavane
antokotisanthare viharimsu. Athekadivasam tesam addharattasamaye
kilesanissito sankappo uppajji. Te ukkanthita attano
jahitakilese puna ganhitum cittam uppadayimsu. Atha sattha
addharattasamanantare sabbannutananadandadipakam ukkhipitva kataraya nu
kho ratiya jetavane bhikkhu viharantiti bhikkhunam ajjhasayam
olokento tesam bhikkhunam abbhantare kamaragasankappassa uppannabhavam
annasi. Sattha ca nama ekaputtika itthi attano puttam viya
---------------------------------------------------------------------------------------------
page400.
Ekacakkhuko puriso cakkhum viya attano savake rakkhati pubbanhadisu
yasmim yasmim samaye tesam kilesa uppajjanti te tesam
kilese tato param vaddhitum adatva tasmim tasmimyeva samaye
nigganhati. Tenassa etadahosi ayam cakkavattiranno
antonagareyeva coranam uppajjanakalo viya vattati idaneva tesam
dhammadesanam sutva kilese nigganhitva arahattam dassamiti. So
surabhigandhakutito nikkhamitva madhurassarena anandati ayasmantam
dhammabhandagarikam anandattheram amantesi. Thero kim bhanteti
agantva vanditva atthasi. Ananda yattaka bhikkhu
antokotisanthare viharanti sabbeva gandhakutiparivene sannipatehiti.
Evam kirassa ahosi sacaham teyeva pancasate bhikkhu pakkosapessami
satthara no abbhantare kilesanam uppannabhavo natoti
samviggamanasa dhammadesanam paticchitum na sakkhissantiti. Tasma
sabbe sannipatehiti aha. Thero sadhu bhanteti apapuranam
adaya parivenena parivenam ahinditva sabbe bhikkhu
gandhakutiparivene sannipatetva buddhasanam pannapesi.
Sattha pallankam abhujitva ujum kayam panidhaya silapathaviyam
patitthahamano sineru viya pannattabuddhasane nisidi avelavelayamakayamaka
chabbannaghanabuddharamsiyo vissajjento. Tapi ramsiyo
patimatta chattamatta kutagarakucchimatta chijjitva chijjitva
gaganatale vijjulata viya sancarimsu. Annavakucchim khobhetva
---------------------------------------------------------------------------------------------
page401.
Balasuriyuggamanakalo viya ahosi. Bhikkhusanghopi sattharam vanditva
garucittam paccupatthapetva rattakambalasanim parikkhipanto viya parivaretva
nisidi. Sattha brahmassaram niccharento bhikkhu amantetva
bhikkhave bhikkhuna nama kamavitakkam byapadavitakkam vihimsavitakkanti
ime tayo akusalavitakke vitakketum na vattati anto uppannakileso
hi parittakoti avannatum na vattati kileso nama paccamittasadiso
paccamitto ca khuddako nama natthi okasam labhitva vinasameva
papeti evameva appamattakopi kileso uppajjitva vaddhitum
labhanto mahavinasam papeti kileso namesa halahalavisupamo
uppaditacchavikandusadiso asivisappatibhago asaniaggisadiso alliyitum
na yutto asankitabbo uppannakkhaneyeva patisankhabalena bhavanabalena
yatha muhuttampi hadaye atthatva paduminipatta udakavinduni viya
vivattanti evam vijahitabbo poranakapanditapi appamattakam kilesam
garahitva yatha puna abbhantare na uppajjati evam nigganhimsuti
vatva atitam ahari.
Atite baranasiyam brahmadatte rajjam karente bodhisatto
sigalayoniyam patisandhim gahetva aranne naditire nivasam kappesi.
Atheko jarahatthi gangatire kalamakasi. Sigalo gocarappasuto
tam hatthisariram disva maha me gocaro uppannoti tam gantva
sonde damsi. Nangalisaya datthakalo viya ahosi. So
---------------------------------------------------------------------------------------------
page402.
Natthettha khaditabbayuttakanti dantesu damsi. Thambhe datthakalo
viya ahosi. Kanne damsi. Suppakotiyam datthakalo viya
ahosi. Udare damsi. Kusule datthakalo viya ahosi. Pade
damsi. Udukkhale datthakalo viya ahosi. Nangutthe damsi.
Musale datthakalo viya ahosi. So etthapi natthi
khaditabbayuttakanti sabbattha assadam alabhanto vaccamagge damsi. Mudupuve
datthakalo viya ahosi. So laddhandani me imasmim sarire mudum
khaditabbayuttakatthananti tato patthaya khaditva antokucchim pavisitva
vakkahadayadini khaditva pipasitakale lohitam pivitva nipajjitukamakale
udaram ottharitva nipajjati. Athassa etadahosi idam hatthisariram
mayham nivasanasukhataya gehasadisam khaditukamataya sati pahutamamsam
kindani me annattha gamananti. So annattha agantva
hatthikucchiyameva mamsam khaditva vasati.
Gacchante gacchante kale nidaghasamaye vatasamphassena ceva
suriyarasmisantapena ca tam kunapam sussitva valiyo ganhi.
Sigalassa pavitthadvaram pihitam. Antokucchi andhakaro ahosi.
Sigalassa lokantarikanivaso viya jato. Kunape sussante mamsampi
sussi. Lohitampi pacchijji. So nikkhamanadvaram alabhanto
bhayappatto hutva sandhavanto ito cito ca paharitva nikkhamanadvaram
pariyesamano vicarati. Evam tasmim ukkhaliyam pitthapinadam viya
antokucchiyam nipajjamane katipahaccayena mahamegho pavassi. Atha
---------------------------------------------------------------------------------------------
page403.
Nam kunapam temitva utthaya pakatisanthanena atthasi. Vaccamaggo
vivato hutva taraka viya pannayi. Sigalo tam chiddam disva
idani me jivitam laddhanti yava hatthisisa patikkamitva vegena
pakkhanditva vaccamaggam sisena paharitva nikkhami. Tassa sussinnasariratta
sabbalomani vaccamaggeyeva alliyimsu. So talakkhandhasadisena
nillomena sarirena ubbiggacitto muhuttam dhavitva nivattitva
nisinno sariram oloketva idam dukkham mayham na annena katam
lobhahetu pana lobhakarana lobham nissaya maya etam katam
itodani patthaya na lobhavasiko bhavissami puna hatthisarirannama na
pavisissamiti samviggahadayo hutva imam gathamaha
naham punam na ca punam na capi apunappunam
hatthibondim pavekkhami tatha hi bhayatajjitoti.
Tattha na capi apunappunanti akaro nipatamatto. Ayampanesa
sakalayapi gathaya attho. Ahanhi ito puna tato ca punanti
vuttavarato puna tatopi punappunam varanasarirasankhatam hatthibondim
na pavekkhami. Kimkarana. Tatha hi bhayatajjitoti tatha hi
aham imasmimyeva pavesane bhayatajjito maranabhayena santasam samvegam
apaditoti.
Evanca pana vatva tatova palayitva puna tam va annam
va hatthisariram nama nivattitvapi na oloketi. Tato patthaya
na lobhavasiko ahosi.
---------------------------------------------------------------------------------------------
page404.
Sattha imam dhammadesanam aharitva bhikkhave anto uppannakilesassa
nama vaddhitum adatva tattha tattheva nigganhitum vattatiti
vatva saccani pakasetva jatakam samodhanesi. Saccapariyosane
pancasatapi te bhikkhu arahatte patitthahimsu. Avasesesu keci
sotapanna keci sakadagamino keci anagamino ahesum.
Tada pana sigalo ahamevati.
Sigalajatakam atthamam.
-------
The Pali Atthakatha in Roman Book 36 page 399-404.
http://84000.org/tipitaka/atthapali/read_rm.php?B=36&A=7945&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=7945&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=148
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=976
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=966
The Pali Tipitaka in Roman Character :-
http://84000.org/tipitaka/read/roman_read.php?B=27&A=966
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]