บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
14. Asampadanavaggavannana --------- 1. Asampadanajatakam asampadanenitaritarassati idam sattha veluvane viharanto devadattam arabbha kathesi. Tasminhi kale bhikkhu dhammasabhayam katham samutthapesum avuso devadatto akatannu tathagatassa gunam na janatiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva devadatto akatannu pubbepi akatannuyevati vatva atitam ahari. Atite magadharatthe rajagahe ekasmim magadharanne rajjam karente bodhisatto tasseva setthi ahosi asitikotivibhavo sankhasetthi namena. Baranasiyam piliyasetthi nama asitikotivibhavo ahosi. Te annamannam sahayaka ahesum. Tesu baranasiyam piliyasetthissa kenacideva karaniyena mahantam bhayam uppajji. Sabbam sapateyyam parihayati. So daliddo appatisarano hutva bhariyam adaya sankhasetthim paccayam katva baranasito nikkhamitva padasava rajagaham gantva sankhasetthissa nivesanam agamasi. So tam disvava sahayo me agatoti parissajjitva sakkarasammanam katva katipaham vitinametva ekadivasam samma kenatthena agatositi pucchi. Bhayam me samma uppannam Sabbam dhanam parikkhinam upatthambho me hohiti. Sopi sadhu samma ma bhayiti bhandagaram vivarapetva cattalisa hirannakotiyo dapetva sesampi paricchedaparivaram sabbam attano santakam savinnanakam avinnanakam majjhe bhinditva upaddhameva adasi. So tam vibhavam adaya puna baranasim gantva nivasam kappesi. Aparabhage sankhasetthissapi tadisameva bhayam uppajji. So attano patisaranam upadharento sahayassa me mahaupakaro kato upaddhavibhavo dinno na so mam disva pariccajissati tassa santikam gamissamiti cintento bhariyam adaya padasava baranasim gantva bhariyam aha bhadde tava maya saddhim antaravithiyam gamanannama na yuttam maya pesitayanam aruyha mahantena parivarena paccha agamissasi yava yanam pesemi tava idheva hohiti vatva tam salayam thapetva sayam nagaram pavisitva setthissa gharam gantva rajagahanagarato tumhakam sahayo sankhasetthi nama agatoti arocapesi. So agacchatuti pakkosapetva tam disva neva asana vutthasi na patisantharamakasi kevalam kimattham agatositi pucchi. Tumhakam dassanattham agatomhiti. Nivaso te kaham gahitoti. Na tava nivasanatthanam atthi setthigharanimpi salayam thapetva agatomhiti. Tumhakam idha nivasanatthanam natthi nivapam gahetva ekasmim thane pacapetva bhunjitva gacchatha puna amhe ma passitthati vatva mayham sahayassa dussante bandhitva ekam Bahalapalapatumbam dehiti dasam anapesi. Tam divasam kira so rattasalinam sakatasahassamattam odhunapetva kotthagaram purapesi cattalisakotidhanam gahetva agato akatannu mahacoro sahayassa tumbamatte palape dapesi. Daso pacchiyam ekam palapatumbam pakkhipitva bodhisattassa santikam agamasi. Bodhisatto cintesi ayam asappuriso mama santika cattalisakotidhanam labhitva idani palapatumbam dapesi ganhami nu kho ma ganhamiti. Athassa etadahosi ayam tava akatannu mittadubbhi katavinasakabhavena maya saddhim mittabhavam bhindi sacaham etena dinnam palapatumbam lamakatta na ganhissami aham mittabhavam bhindissami andhabala parittakam laddham aganhanta mittabhavam vinasenti ahampana etena dinnam palapatumbam gahetva mama vasena mittabhavam patitthapessamiti. So palapatumbam dussante bandhitva pasada oruyha salam agamasi. Atha nam bhariya kinte ayya laddhanti pucchi. Bhadde amhakam sahayo piliyasetthi palapatumbam datva amhe ajjeva vissajjesiti. Sa ayya kimattham aggahesi kim etam cattalisakotidhanassa anucchavikanti roditum arabhi. Bodhisatto bhadde ma rodi aham tena saddhim mittabhedabhayena mama vasena mittabhavam thapetum ganhim tvam kimkarana rodasiti vatva imam gathamaha asampadanenitaritarassa balassa mittani kali bhavanti Tasma harami bhusam addhamanam ma me mitti bhijjittha sassatayanti. Tattha asampadanenati asappadanena. Saralopena sandhi. Agahanenati attho. Itaritarassati yassakassaci lamakalamakassapi. Balassa mittani kali bhavantiti dandhassa appannassa mittani kali nama kalakannisadisani honti bhijjantiti attho. Tasma harami bhusam addhamananti tena karanenaham sahayena dinnam ekam palapatumbam harami ganhamiti dasseti. Mananti hi atthannam nalinam namam. Catunnam addhamananam catasso ca naliyo tumbo nama. Tena vuttam palapatumbanti. Ma me mitti bhijjittha sassatayanti mama sahayena saddhim mitti ma bhijjittha sassatava ayam hotuti attho. Evam vutte ca setthibhariya rodateva. Tasmim khane sankhasetthina piliyasetthissa dinno kammantadaso saladvarena agacchanto setthibhariyaya rodanasaddam sutva salam pavisitva attano samike disva padesu patitva roditva kanditva kimattham idhagatattha samiti pucchi. Setthi sabbam arocesi. Kammantadaso hotu sami ma cintetthati ubho samassasetva attano geham netva gandhodakena nhapetva bhojetva samika vo agatati sesadase sannipatetva dassetva katipaham vitinametva sabbe dase gahetva rajanganam gantva uparavamakasi. Raja Pakkosapetva kim etanti pucchi. Te sabbam tam pavuttim ranno arocesum. Raja tesam vacanam sutva ubhopi setthi pakkosapetva sankhasetthim pucchi saccam kira taya mahasetthi piliyasetthissa cattalisakotidhanam dinnanti. Maharaja mama sahayassa mam takketva rajagaham agatassa na kevalam dhanam sabbam vibhavajatam savinnanakavinnanakam dve kotthase katva samabhagam adasinti. Raja saccametanti piliyasetthim pucchi. Ama devati. Taya panassa tanneva takketva agatassa atthi koci sakkaro va sammano va katoti. So tunhi ahosi. Apica pana te etassa palapatumbamattam dussante pakkhipapetva dapitam atthiti. Tampi sutva tunhiyeva ahosi. Raja kim katabbanti amaccehi saddhim mantetva tam paribhasitva gacchatha piliyasetthissa ghare sabbam vibhavam sankhasetthissa dethati aha. Bodhisatto maharaja mayham parasantakena attho natthi maya dinnamattameva pana dapethati aha. Raja bodhisattassa santakam dapesi. Bodhisatto sabbam attana dinnavibhavam patilabhitva dasaparivuto rajagahameva gantva kutumbam santhapetva danadini punnani katva yathakammam gato. Sattha imam dhammadesanam aharitva jatakam samodhanesi tada piliyasetthi devadatto ahosi sankhasetthi pana ahamevati. Asampadanajatakam pathamam. -------------The Pali Atthakatha in Roman Book 36 page 347-351. http://84000.org/tipitaka/atthapali/read_rm.php?B=36&A=6896&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6896&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=131 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=867 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=859 The Pali Tipitaka in Roman Character :- http://84000.org/tipitaka/read/roman_read.php?B=27&A=859 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]