บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6 Asilakkhanajatakam tathevekassa kalyananti idam sattha jetavane viharanto kosalaranno asilakkhanapathakam brahmanam arabbha kathesi. So kira kammarehi ranno asinam ahatakale asim upasinghitva asilakkhanam udaharati. So yesam hatthato labham labhati tesam asim lakkhanasampanno mangalasamyuttoti vadati yesam hatthato na labhati tesam asim avalakkhanoti garahati. Atheko kammaro asim katva kosiyam sukhumam maricacunnam pakkhipitva ranno asim ahari. Raja brahmanam pakkositva asim vimamsahiti aha. Brahmanassa asim akaddhitva upasinghantassa maricacunnani nasam pavisitva khipitukamatam uppadesum. Tassa khipantassa nasika asidharaya pahata dvidha chijji. Tasseva nasikaya chinnabhavo bhikkhusanghe pakato khato. Athekadivasam dhammasabhayam bhikkhu katham samutthapesum avuso ranno kira asilakkhanapathako brahmano asilakkhanam upasinghanto nasikam chindapesiti. Sattha agantva kaya nuttha bhikkhave etarahi kathaya sannisinnati pucchitva imaya Namati vutte na bhikkhave idaneva so brahmano asim upasinghanto nasikacchedam patto pubbepi pattoyevati vatva atitam ahari. Atite baranasiyam brahmadatte rajjam karente tassa asilakkhanapathako brahmano ahosi. Sabbam paccuppannavatthusadisameva. Raja pana tassa vejje datva nasikakotim phasukam karapetva lakhaya patinasikam karetva puna tam upatthakameva akasi. Baranasiranno pana putto natthi eka dhita ceva bhagineyyo ca ahesum. Sopi ubhopi te attano santikeyeva vaddhapesi. Te ekato vaddhanta annamannam patibaddhacitta ahesum. Rajapi amacce pakkosapetva mayham bhagineyyopi imassa rajjassa samikova dhitaram etasseva datva abhisekamassa karomiti vatva puna cintesi mayham bhagineyyo sabbathapi me natakoyeva etassa annam rajadhitaram anetva abhisekam katva dhitaram annassa ranno dassami evam no nataka bahu bhavissanti dvinnam rajjanam mayameva samika bhavissamati. So amaccehi saddhim sammantetva ubhopete visum katum vattatiti bhagineyyam annasmim nivesane dhitaram annasmim nivasesi. Te solasavassuddesikabhavam patva ativiya patibaddhacitta ahesum. Rajakumaro kena nu kho upayena matuladhitaram rajageha niharapetum sakka bhaveyyati cintento attheko upayoti mahaikkhanikam pakkosapetva tassa sahassabhandikam datva kim maya kattabbanti Vutte amma ajja tava karontiya anipphatti nama natthi kincideva karanam vatva yatha mama matulo rajadhitaram antogeha niharapeti tatha karohiti aha. Sadhu sami aham rajanam upasankamitva evam vakkhami deva rajadhitaya upari kalakanni atthi ettakam kalam nivattitva olokentopi natthi aham rajadhitaram asukadivase nama ratham aropetva bahu avudhahatthe purise adaya mahantena parivarena susanam gantva mandalapitthikaya hetthasusanamancake matakamanussam nipajjapetva uparimance rajadhitaram thapetva gandhodakaghatanam addhuttarasatena nhapetva kalakannim pavahessamiti evam vatva rajadhitaram susanam nessami tvam amhakam tattha gamanadivase amhehi puretarameva thokam maricacunnamadaya avudhahatthehi attano manussehi parivuto ratham aruyha susanam gantva ratham susanadvare ekadese thapetva avudhahatthe manusse susanavanam pavesetva sayam susane mandalapitthikam gantva matako viya patikujjo hutva nipajja aham tattha agantva tava upari mancakam attharitva rajadhitaram ukkhipitva mance thapessami tvam tasmim khane maricacunnam nasikaya pakkhipitva dve tayo vare khipeyyasi taya khipitakale mayam rajadhitaram pahaya palayissama atha tvam rajadhitaram sisam nhapetva sayampi sisam nhayitva tam adaya attano nivesanam gaccheyyasiti. So sadhu bhaddako sundaro upayoti sampaticchi. Sapi gantva ranno tamattham arocesi. Raja sampaticchi. Rajadhitayapi tam antaram acikkhi. Sapi sampaticchi. Sa nikkhamanadivase kumarassa sannam datva mahantena parivarena susanam gacchanti arakkhamanussanam bhayajananattham aha maya rajadhitaya mance thapitakale hetthamance makatapuriso khipissati khipitva ca hetthamanca nikkhamitva yam pathamam passissati tameva gahessati appamatta bhaveyyathati. Rajakumaro puretaram gantva vuttanayeneva tattha nipajji. Mahaikkhanika rajadhitaram ukkhipitva mandalapitthikatthanam gacchanti ma bhayiti sannapetva mance thapesi. Tasmim khane kumaro maricacunnam nasaya pakkhipitva khipi. Tena khipitamatteyeva mahaikkhanika rajadhitaram pahaya maharavam ravamana sabbappathamam palayi. Tassa palayitakalato patthaya ekopi thatum samattho nama nahosi. Gahitagahitani avudhani chaddetva sabbe palayimsu. Kumaro yathasammantitam sabbam katva rajadhitaram adaya attano nivesanam agamasi. Ikkhanika gantva tam karanam ranno arocesi. Raja pakatiyapi sa maya tassevatthaya posita payase chadditasappi viya jatanti sampaticchitva aparabhage bhagineyyassa rajjam datva dhitaram mahadevim karesi. So taya saddhim samaggasamvasam vasamano dhammena rajjam karesi. Asilakkhanapathako tasseva upatthako ahosi. Tassekadivasam rajupatthanam agantva patisuriyam thatva upatthahantassa lakha viliyi patinasika bhumiyam pati. So lajjaya adhomukho atthasi. Atha nam raja parihasanto Acariya ma cintayittha khipitam nama ekassa kalyanam ahosi ekassa papakam tumhehi khipitena nasa chijjiyittha mayam pana matuladhitaram labhitva rajjam labhimhati vatva imam gathamaha tathevekassa kalyanam tathevekassa papakam tasma sabbam na kalyanam sabbam vapi na papakanti. Tattha tathevekassati tadevekassa. Ayameva va patho. Dutiyapadepi eseva nayo. Iti so imaya gathaya tam karanam aharitva danadini punnani katva yathakammam gato. Sattha imaya desanaya lokasammatanam kalyanapapakanam anekamsikabhavam pakasetva jatakam samodhanesi tada asilakkhanapathako etarahi asilakkhanapathakova bhagineyyo raja pana ahamevati. Asilakkhanajatakam chattham. ----------The Pali Atthakatha in Roman Book 36 page 331-335. http://84000.org/tipitaka/atthapali/read_rm.php?B=36&A=6600&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6600&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=126 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=832 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=826 The Pali Tipitaka in Roman Character :- http://84000.org/tipitaka/read/roman_read.php?B=27&A=826 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]