บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Lomahamsajatakam sotatto sositoti idam sattha vesalim upanissaya patikarame viharanto sunakkhattam arabbha kathesi. Ekasmim hi samaye sunakkhatto satthu upatthako hutva pattacivaramadaya vicaramano korakkhattiyassa dhammam rocetva dasabalassa pattacivaram niyyadetva korakkhattiyam nissaya tassa kalakanjikaasurayoniyam nibbattakale gihi hutva natthi samanassa gotamassa uttarimanussadhammo alamariyananadassanaviseso takkapariyahatam samano gotamo dhammam desesi vimamsanucaritam sayampatibhanam yassa ca khvassa atthaya dhammo desito so na niyyati takkarassa sammadukkhakkhayayati vesaliyam tinnam pakaranamantare vicaranto satthu avannam bhasati. Athayasma sariputto pindaya caranto tasseva avannam bhasantassa sutva pindapatappatikkanto tamattham bhagavato arocesi. Bhagava kodhano sariputta sunakkhatto moghapuriso kodhavaseneva evamaha mahakodhavasenapi so na niyyati takkarassa Sammadukkhakkhayayati vadanto ajanitvapi mayham agunameva bhasati na kho pana so moghapuriso mayham gunam janati mayhanhi sariputta cha abhinna nama atthi ayampi me uttarimanussadhammova dasabalani atthi catuvesarajjananam atthi catuyyoniparicchedakananam atthi pancagatiparicchedakananam atthi ayampi me uttarimanussadhammova evam uttarimanussadhammasamannagatampana mam yo evam vadeyya natthi samanassa gotamassa uttarimanussadhammoti so tam vacam appahaya tam cittam appahaya tam ditthim appatinissajjitva yathabhatam nikkhitto evam nirayeti evam attano vijjamanam uttarimanussadhammassa gunam kathetva sunakkhatto kira sariputta korakkhattiyassa dukkarakarikaya micchatape pasanno pasidanto na pana mayieva pasiditum vattati ahanhi ito ekanavutikappamatthake atthi nu kho ettha saroti bahirakamicchatapam vimamsanto caturangasamannagatam brahmacariyavasam vasim tapassi sudam homi paramatapassi lukho sudam homi paramalukho jegucchi sudam homi paramajegucchi pavivitto sudam homi paramapavivittoti vatva therena yacito atitam ahari. Atite ekanavutikappamatthake bodhisatto bahirakatapam vimamsissamiti ajivakapabbajjam pabbajitva acelako ahosi rajojalliko pavivitto ahosi ekavihari manusse disva migo viya palayi mahavikatibhojano ahosi vacchagomayadini paribhunjitva appamadaviharatthaya aranne ekasmim bhimsanake vanasande vihasi tasmim viharanto Himapatasamaye antaratthake rattim vanasanda nikkhamitva abbhokase viharitva suriye uggate vanasandam pavisati. So yatha rattim abbhokase himodakena tinto tatheva diva vanasandato paggharantehi udakavinduhi temiyati evam ahorattam sitadukkham anubhoti gimhanam pana pacchime mase diva abbhokase viharitva rattim vanasandam pavisati. So yatha diva abbhokase atapena parilaham patto tatheva rattim nivate vanasande parilaham papunati. Sarira sedadhara muccanti. Athassa pubbe assutapubba ayam gatha patibhasi sotatto sosito gato eko bhimsanake vane naggo na caggimasino esanapasuto muniti. Tattha sotattoti suriyasantapena sutatto. Sositoti himodakena susito sutthu tinto. Eko bhimsanake vaneti yattha pavitthanam yebhuyyena lomani hamsanti tatharupe bhimsanake vanasande eko adutiyova ahosinti dipeti. Naggo na caggimasinoti naggo na ca aggimasino vatasitena piliyamanopi neva nivasanaparupanadini na aggim agamma nisidinti dipeti. Esanapasutoti abrahmacariyepi tasmim brahmacariyasanni hutva brahmacariyancevetam esana ca gavesana ca upayo brahmalokassati evam taya brahmacariyesanaya pasuto anuyutto ussukkam apanno ahosinti dasseti. Muniti muni kho esa monatthaya patipannoti evam Lokena sambhavito ahosinti dipeti. Evam caturangasamannagatampana brahmacariyam caritva bodhisatto arunakale upatthitam nirayanimittam disva idam vattasamadanam niratthakanti natva tam khananneva tam laddhim bhinditva sammaditthim gahetva devaloke nibbatti. Sattha imam dhammadesanam aharitva jatakam samodhanesi aham tena samayena so ajivako ahosinti. Lomahamsajatakam catuttham. --------The Pali Atthakatha in Roman Book 36 page 230-233. http://84000.org/tipitaka/atthapali/read_rm.php?B=36&A=4640&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4640&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=94 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=623 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=616 The Pali Tipitaka in Roman Character :- http://84000.org/tipitaka/read/roman_read.php?B=27&A=616 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]