AtthaPali Vol.36

10. Kuddalajatakam na tam jitam sadhu jitanti imam sattha jetavane viharanto cittahatthasariputtam arabbha kathesi. So kira savatthiyam eko kuladarako athekadivasam kasitva agacchanto viharam pavisitva ekassa therassa pattato siniddham madhurappanitabhojanam labhitva cintesi mayam rattindivam sahatthena nanakammani kurumanapi evarupam madhuraharam na labhama mayapi samanena bhavitabbanti. So pabbajitva masaddhamasaccayena ayoniso manasikaronto kilesavasiko hutva vibbhamitva puna bhattena kilamanto agantva pabbajitva abhidhammam ugganhi imina upayena cha vare vibbhamitva pabbajito sattame bhikkhubhave sattappakaraniko hutva bahunnam bhikkhunam dhammam vacento vipassanam vaddhetva arahattam papuni. Athassa sahayaka bhikkhu kim nu kho avuso cittahattha pubbe viya te etarahi kilesa na vaddhantiti parihasam karimsu. Avuso abhabbodanaham ito patthaya gihibhavayati. Evam tasmim arahattam patte dhammasabhayam katha udapadi avuso evarupassa nama arahattassa upanissaye sati ayasma cittahatthasariputto chakkhattum uppabbajito aho mahadoso puthujjanabhavoti. Sattha agantva kaya nuttha bhikkhave etarahi kathaya sannisinnati pucchitva imaya namati vutte bhikkhave puthujjanacittam nama lahukam dunniggaham arammanavasena gantva alliyati ekavaram allinam na sakka hoti khippam mocetum evarupassa cittassa damatho sadhu dantameva hitam sukham avahatiti vatva aha dunniggahassa lahuno yatthakamanipatino cittassa damatho sadhu cittam dantam sukhavahanti. Tassa pana dunniggahanataya pubbepi pandita etam kuddalakam nissaya tam jahitum asakkonto lobhavasena chakkhattum uppabbajitva sattame pabbajitabhave jhanam uppadetva tam lobham nigganhimsuti vatva atitam ahari. Atite baranasiyam brahmadatte rajjam karente bodhisatto manikakule nibbattitva vinnutam papuni. Kuddalakapanditotissa namam ahosi. So kuddalakena bhumiparikammam katva dakanceva alabukumbhandaelalukadini ca vapitva tani vikkinanto kapanajivikam kappesi. Tanhissa ekam kuddalakam thapetva annam dhanam nama natthi. So ekadivasam cintesi kim me gharavasena nikkhamitva Pabbajissamiti. Athekadivasam tam kuddalakam paticchannatthane thapetva isipabbajjam pabbajitva tam kuddalakam anussaritva lobham chinditum asakkonto kunthakuddalakam nissaya uppabbaji. Evam dutiyampi tatiyampiti cha vare tam kuddalakam paticchannatthane nikkhamitva pabbajito ceva uppabbajito ca sattame vare cintesi aham imam kunthakuddalakam nissaya punappunam uppabbajito idani nam mahanadiyam pakkhipitva pabbajissamiti naditiram gantva sacassa patitatthanam passissami puna agantva uddharitukamata bhaveyyati tam kuddalakam dande gahetva nagabalo thamasampanno sisassa uparibhage tikkhattum avijjhitva akkhini nimmiletva nadimajjhe khipitva jitam me jitam meti tikkhattum nadam nadi. Tasmim khane baranasiraja paccantam vupasametva agato nadiya sisam nhayitva sabbalankarapatimandito hatthikkhandhena gacchamano tam bodhisattassa saddam sutva ayam puriso jitam me jitam meti vadati ko nu kho etena jito pakkosatha nanti pakkosapetva bho purisa aham tava vijitasangamo idani jayam gahetva agacchami taya pana ko jitoti pucchi. Bodhisatto maharaja taya sangamasatampi sangamasahassampi sangamasatasahassampi jinantena dujjitameva kilesanam ajitatta ahampana abbhantare lobham nigganhanto kilese jininti kathento mahanadim olokento apokasinajjhanam nibbattetva jhanasamapattanubhavena akase nisiditva ranno dhammam desento imam gathamaha Na tam jitam sadhu jitam yam jitam avajiyyati tam kho jitam sadhu jitam yam jitam navajiyyatiti. Tattha na tam jitam sadhu jitam yam jitam avajiyyatiti yam paccamitte parajinitva rattham jitam patiladdham puna tehi paccamittehi avajiyyati tam jitam sadhu jitannama na hoti. Kasma. Punappunam avajiyanato. Aparo nayo jitam vuccati jayo yo paccamittehi saddhim yujjhitva adhigato jayo puna tesu jinantesu parajayo hoti so na sadhu na sobhano . Kasma. Yasma puna parajayova hoti. Tam kho jitam sadhu jitam yam jitam navajiyyatiti yam kho pana paccamitte nimmathetva jitam puna tehi na avajiyyati yo va ekavaram laddho jayo puna parajayo na hoti tam jitam sadhu sobhanam so jayo sadhu sobhano nama hoti. Kasma. Puna navajiyanato. Tasma tvam maharaja sahassakkhattumpi satasahassakkhattumpi sangamasisam jinitvapi sangamayodho nama na hoti. Kimkarana. Attano kilesanam ajitatta. Yo pana ekavarampi attano abbhantare kilese jinati ayam uttamasangamasisayodhoti akase nisinnakova buddhalilhaya ranno dhammam desesi. Uttamasangamayodhabhave panettha yo sahassam sahassena sangame manuse jine ekanca jeyyamattanam sa ve sangamajuttamoti idam suttam sadhakam. Ranno pana dhammam sunantasseva tadangappahanavasena kilesa pahina pabbajjaya cittam nami. Rajabalassapi tatheva kilesa pahiyyimsu. Raja idani tumhe kaham gamissathati bodhisattam pucchi. Himavantam pavisitva isipabbajjam pabbajissami maharajati. Raja tenahi ahampi pabbajissamiti bodhisatteneva saddhim nikkhami. Balakayo brahmanagahapatika sabba seniyoti sabbopi tasmim khane sannipatito mahajanakayo ranna saddhimyeva nikkhami. Baranasivasino amhakam kira raja kuddalakapanditassa dhammadesanam sutva pabbajjabhimukho hutva saddhim balanikayena nikkhamanto mayam idha kim karissamati dvadasayojanikaya baranasiya sakalanagaravasino nikkhamimsu. Dvadasayojanika parisa ahosi. Tam adaya bodhisatto himavantam pavisi. Tasmim khane sakkassa devaranno nisinnasanam unhakaram dassesi. So avajjamano kuddalakapandito mahabhinikkhamanam nikkhamantoti disva mahasamagamo bhavissati vasanatthanam laddhum vattatiti vissakammam amantetva tata kuddalakapandito mahabhinikkhamanam nikkhamanto vasanatthanam laddhum vattati tvam himavantappadesam gantva same bhumibhage dighato timsayojanikam vittharato pannarasayojanam assamapadam mapehiti aha. So sadhu devati patissunitva gantva tatha akasi. Ayamettha sankhepo. Vittharo pana hatthipalajatake avibhavissatiti. Idanca hi tanca ekaparicchedameva. Vissakammopi assamapade pannasalam mapetva Dussadde mige ca sakune ca amanusse ca patikkamapetva tena tena disabhagena ekapadikamaggam nimminitva attano vasanatthanameva agamasi. Kuddalakapanditopi tam parisam adaya himavantam pavisitva sakkadattiyam assamapadam gantva vissakammena mapitam pabbajitaparikkharam gahetva pathamam attana pabbajitva paccha parisam pabbajetva assamapadam bhajetva adasi. Satta rajano satta rajjani chaddayimsu. Timsayojanam assamapadam puri. Kuddalakapandito sesakasinesu parikammam katva brahmavihare bhavetva parisaya kammatthanam acikkhi. Sabbe samapattilabhino hutva brahmavihare bhavetva brahmalokaparayana ahesum. Ye pana tesam paricariyam akamsu te devalokaparayana ahesum. Sattha evam bhikkhave cittam nametam kilesavasena allinam dummocayam hoti uppanna lobhadhamma duppajaha evarupepi pandite annane karontiti imam dhammadesanam aharitva saccani pakasesi. Saccapariyosane keci sotapanna ahesum keci sakadagamino keci anagamino keci arahattam papunimsu. Satthapi anusandhim ghatetva jatakam samodhanesi tada raja anando ahosi parisa buddhaparisa kuddalakapandito pana ahamevati. Kuddalajatakam dasamam. Itthivaggo sattamo. --------

The Pali Atthakatha in Roman Book 36 page 113-118. http://84000.org/tipitaka/atthapali/read_rm.php?B=36&A=2254&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2254&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=70 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=456 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=446 The Pali Tipitaka in Roman Character :- http://84000.org/tipitaka/read/roman_read.php?B=27&A=446 Contents of The Tipitaka Volume 27 http://84000.org/tipitaka/read/?index_27