AtthaPali Vol.35

9 Maghadevajatakam uttamangaruha mayhanti idam sattha jetavane viharanto mahabhinikkhamanam arabbha kathesi. Tam hettha nidanakathaya kathitameva. Tasmim pana kale bhikkhu dasabalassa nekkhammam vannayanta nisidimsu. Atha sattha dhammasabham agantva buddhasane nisinno bhikkhu amantetva kaya nuttha bhikkhave etarahi kathaya sannisinnati pucchi. Bhante na annaya kathaya tumhakamyeva pana nekkhammam vannayamana nisinnamhati. Na bhikkhave tathagato etarahiyeva nekkhammam nikkhanto pubbepi nikkhantoyevati aha. Bhikkhu tassatthassavibhavattham bhagavantam yacimsu. Bhagava bhavantarena paticchannam karanam pakatam akasi. Atite videharatthe mithilayam maghadevo nama raja ahosi dhammiko dhammaraja. So dighamaddhanam khepetva ekadivasam kappakam amantesi yada me samma kappaka sirasmim palitani passeyyasi atha me aroceyyasiti. Kappakopi dighamaddhanam khepetva ekadivasam ranno anjanavannanam kesanam antare ekameva palitam disva deva ekam te palitam dissatiti arocesi. Tenahi me samma tam palitam uddharitva panimhi thapehiti. Evam vutte suvannasandasena uddharitva ranno panimhi patitthapesi. Tada ranno caturasitivassasahassani ayu avasittham ahosi. Evam santepi palitam Disva maccurajanam agantva samipe thitam viya attanam adittapannasalam pavittham viya ca mannamano samvegam apajjitva balamaghadeva yava palitassuppada nama ime kilese jahitum nasakkhiti cintesi. Tasseva palitapatubhutam avajjentassa antodaho uppajji sarire seda muncimsu sataka piletva apanetabbakarappatta ahesum. So ajjeva maya nikkhamitva pabbajitum vattatiti. Kappakassa sattasahassutthanakam gamavaram datva jetthaputtam pakkosapetva tata mama sise palitam patubhutam mahallakomhi jato bhutta kho pana me manussakama idani dibbakame pariyesissami nekkhammakalo mayham tvam idam rajjam patipajja aham pana pabbajitva maghadevaambavanuyyane vasanto samanadhammam karissamiti aha. Tam evam pabbajitukamam amacca upasankamitva deva kim tumhakam pabbajjakarananti pucchimsu. Raja palitam hatthena gahetva amaccanam idam gathamaha uttamangaruha mayham ime jata vayohara patubhuta devaduta pabbajjasamayo mamanti. Tattha uttamangaruhati kesa. Kesa hi sabbesam hatthapadadinam anganam uttame sirasmim rulhatta uttamangaruhati vuccanti. Ime jata vayoharati passatha tata palitapatubhavena tinnam vayanam haranato ime jata vayohara. Patubhutati nibbatta. Devoti maccu tassa dutati devaduta. Sirasmim hi palitesu patubhutesu maccurajassa santike thito viya hoti tasma palitati maccudevassa dutati vuccanti. Deva viya dutatipi devaduta. Yatha hi alankatapatiyattaya devataya akase thatva asukadivase tvam marissasiti vutto viya tatheva hoti. Evam sirasmim palitesu patubhutesu devataya byakaranasadisameva hoti tasma palitani devasadisa dutati vuccanti. Visuddhidevanam dutatipi devaduta. Sabbabodhisatta hi jinnabyadhimatapabbajite disvava samvegamapajjitva nikkhamma pabbajanti. Yathaha jinnanca disva dukkhitanca byadhitam matanca disva gatamayusankhyam kasavavattham pabbajitanca disva tasma aham pabbajitomhi rajati. Imina pariyayena palitani visuddhidevanam dutatta devadutati vuccanti. Pabbajjasamayo mamanti gihibhavato nikkhamanatthena pabbajjati laddhanamassa samanalingagahanassa kalo mayhanti dasseti. So evam vatva tam divasameva rajjam pahaya isipabbajjam pabbajitva tasmimyeva maghaambavane viharanto caturasitivassasahassani cattaro brahmavihare bhavetva aparihinajjhane thito kalam katva brahmaloke nibbattitva puna tato cuto mithilayameva nemi nama raja hutva ossakkamanam attano vamsam ghatetva tattheva ambavane Pabbajitva brahmavihare bhavetva puna brahmalokupagova ahosi. Satthapi na bhikkhave tathagato idaneva mahabhinikkhamanam nikkhamanto pubbepi nikkhantoyevati vatva idam dhammadesanam aharitva dassetva cattari ariyasaccani pakasesi. Saccapariyosane keci sotapanna ahesum keci sakadagamino keci anagamino. Iti bhagava imani dve vatthuni kathetva anusandhim ghatetva jatakam samodhanesi tada kappako anando ahosi putto rahulo maghadevaraja pana ahamevati. Maghadevajatakam navamam. --------------------

The Pali Atthakatha in Roman Book 35 page 210-213. http://84000.org/tipitaka/atthapali/read_rm.php?B=35&A=4376&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4376&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=9 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=51 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=54 The Pali Tipitaka in Roman Character :- http://84000.org/tipitaka/read/roman_read.php?B=27&A=54 Contents of The Tipitaka Volume 27 http://84000.org/tipitaka/read/?index_27