AtthaPali Vol.34

427. 8. Abhayamatutherigathavannana uddham padatalatiadika abhayamataya theriya gatha. Ayampi purimabuddhesu katadhikara tattha tattha bhave punnani upacinanti tissassa bhagavato kale kulagehe nibbattitva vinnutam patva ekadivasam sattharam pindaya carantam disva pasannamanasa pattam gahetva katacchumattam bhikkham adasi. Sa tena punnakammena devamanussesu samsaranti imasmim buddhuppade tadisena kamma- nissandena ujjeniyam padumavati nama nagarasobhini ahosi. Raja bimbisaro tassa rupasampattiadike gune sutva purohitassa acikkhi "ujjeniyam kira padumavati nama ganika ahosi, tamaham datthukamomhi"ti. Purohito "sadhu deva"ti mantabalena @Footnote: ¹ khu.su. 25/403/410 ² cha.Ma. aggamaggassa

--------------------------------------------------------------------------------------------- page49.

Kumbhiram nama yakkham avahetva yakkhanubhavena rajanam tavadeva ujjeninagaram nesi. Raja taya saddhim ekarattim samvasam kappesi. Sa tena gabbham ganhi. Ranno ca arocesi "mama kucchiyam gabbho patitthahi"ti. Tam sutva raja nam "sace putto bhaveyya, vaddhetva mam dassehi"ti vatva nama muddikam datva agamasi. Sa dasamasaccayena puttam vijayitva namaggahanadivase abhayoti namam akasi. Puttanca sattavassikakale "tava pita bimbisaramaharaja"ti ranno santikam pahini. Raja tam puttam passitva puttasineham patilabhitva kumarakapariharena vaddhesi. Tassa saddhapatilabho pabbajja visesadhigamo ca hettha agatoyeva. Tassa mata aparabhage puttassa abhayattherassa santike dhammam sutva patiladdhasaddha bhikkhunisu pabbajitva vipassanaya kammam karonti nacirasseva saha patisambhidahi arahattam papuni. Tena vuttam apadane 1-:- "pindacaram carantassa tissanamassa satthuno katacchubhikkham paggayha buddhasetthassa dasaham. Patiggahetva sambuddho tisso lokagganayako vithiya santhito sattha aka me anumodanam. Katacchubhikkham datvana tavatimsam gamissasi chattimsadevarajunam mahesittam karissasi. Pannasacakkavattinam mahesittam karissasi manasa patthitam sabbam patilacchasi sabbada. Sampattim anubhotvana pabbajissasi kincana sabbasave parinnaya nibbayissasinasava. @Footnote: ¹ khu.apa. 33/60/288

--------------------------------------------------------------------------------------------- page50.

Idam vatvana sambuddho tisso lokagganayako nabham abbhuggami dhiro ^1- hamsarajava ambare. Sudinnameva me danam ^2- suyittha yagasampada katacchubhikkham datvana pattaham acalam padam. Dvenavute ito kappe yam danamadadintada duggatim nabhijanami bhikkhadanassidam phalam. Kilesa jhapita mayham .pe. Katam buddhassa sasanan"ti. Arahattam pana patva attano puttena abhayattherena dhammam kathentena ovada- vasena ya gatha bhasita. Udanavasena sayampi ta eva paccudaharanti:- [33] "uddham padatala amma adho ve kesamatthaka paccavekkhassumam kayam asucim putigandhikam. [34] Evam viharamanaya sabbo rago samuhato parilaho samucchinno sitibhutamhi nibbuta"ti aha. Tattha pathamagathaya tava ayam sankhepattho:- amma padumavati padatalato uddham kesamatthakato adho nanappakaraasucipuritaya ^3- asucim sabbakalam putigandhavayanato putigandhikam imam kucchitanam ayatanataya kayam sariram nanacakkhuna paccavekkhassuti. Ayam hi tassa puttena ovadadanavasena bhasita gatha. Sa tam sutva arahattam patva udanenti acariyapujavasena tameva gatham pathamam vatva attano patipattim kathenti "evam viharamanaya"ti dutiyagathamaha. @Footnote: ¹ cha.Ma. viro ² cha.Ma. sudinnam me danavaram ³ Si....asucipunjataya

--------------------------------------------------------------------------------------------- page51.

Tattha evam viharamanayati evam mama puttena abhayattherena "uddham padatala"ti- adina dinne ovade thatva sabbakayam asubhato disva ekaggacitta tattha bhutupadayabhede rupadhamme tappatibaddhe vedanadike arupadhamme pariggahetva tattha tilakkhanam aropetva aniccanupassanadivasena viharamanaya. Sabbo rago samuhatoti vutthanagaminiya vipassanaya maggena ghatitaya maggapatipatiya aggamaggena sabbo rago maya samuhato samugghatito. Parilaho samucchinnoti tato eva sabbo kilesaparilaho sammadeva ucchinno, tassa ca samucchinnatta eva sitibhuta saupadisesaya nibbanadhatuya nibbuta amhiti. Abhayamatutherigathavannana nitthita. ---------------------

The Pali Atthakatha in Roman Book 34 page 48-51. http://84000.org/tipitaka/atthapali/read_rm.php?B=34&A=1035&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1035&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=427 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9024 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9085 The Pali Tipitaka in Roman Character :- http://84000.org/tipitaka/read/roman_read.php?B=26&A=9085 Contents of The Tipitaka Volume 26 http://84000.org/tipitaka/read/?index_26