ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

               351. 5. Malunkya 3- puttattheragathavannana
      manujassatiadika ayasmato malunkyaputtattherassa gatha. Ka uppatti?
      ayampi purimabuddhesu katadhikaro tattha tattha bhave punnani upacinitva
imasmim buddhuppade savatthiyam kosalaranno 4- aggasanikassa 5- putto hutva
nibbatti. Tassa mata malunkya nama, tassa vasena malunkyaputtotveva 6-
pannayittha. So vayappatto nissaranajjhasayataya gharavasam pahaya paribbajakapabbajjam
pabbajitva vicaranto satthu santike dhammam sutva sasane patiladdhasaddho pabbajitva
vipassanaya kammam karonto na cirasseva chalabhinno ahosi. So natisu anukampaya
natikulam agamasi, tam nataka panitena khadaniyena bhojaniyena parivisitva dhanena
palobhetukama
@Footnote: 1 Si.,i. ekarasabhave  2 khu.dhamMa. 25/374/82 sambahulabhikkhuvatthu
@3 cha.Ma. malukYu....  4 Si.,i. kosalaratthe, Ma.Ma. 13/122/97 culamalunkyasutta
@5 Ma. agghapanikassa  6 Si.malunkayanamaya puttotveva, i. malunkyaya
@puttotveva
Mahantam dhanarasim purato upatthapetva "idam dhanam tava santakam, vibbhamitva imina
dhanena puttadaram patijagganto punnani karohi"ti yacimsu. Thero tesam ajjhasayam
viparivattento akase thatva:-
         [399] "manujassa pamattacarino    tanha vaddhati maluva viya
               so pariplavati 1- hura huram phalamicchavam vanasmi vanaro.
         [400] Yam esa sahate jammi     tanha loke visattika
               soka tassa pavaddhanti     abhivutthamva 2- viranam. 3-
         [401] Yo cetam sahate jammim     tanham loke duraccayam
               soka tamha papatanti     udabinduva pokkhaRa.
         [402] Tam vo vadami bhaddam vo    yavantettha samagata
               tanhaya mulam khanatha        usiratthova viranam.
               Ma vo nalamva sotova     maro bhanji punappunam.
         [403] Karotha buddhavacanam         khano vo ma upaccaga
               khanatita hi socanti      nirayamhi samappita.
         [404] Pamado rajo pamado     pamadanupatito rajo
               appamadena vijjaya      abbuhe 4- sallamattano"ti
imahi chahi gathahi dhammam deseti.
      Tattha manujassati sattassa. Pamattacarinoti sativossaggalakkhanena pamadena
pamattacarissa, neva jhanam, na vipassana, na maggaphalani vaddhanti. Yatha pana
rukkham samsibbanti pariyonandhanti tassa vinasaya maluva lata vaddhanti, evamassa
cha dvarani nissaya rupadisu punappunam uppajjamana tanha vaddhati. Vaddhamanava
yatha maluva lata attano apassayabhutam rukkham ajjhottharitva pateti, evam
@Footnote: 1 cha.Ma. plavati  2 cha.Ma. abhivatthamva   3 cha.Ma. biranam. evamuparipi 4 cha.Ma. abbahe
Tanhavasikam puggalam apaye nipateti. So pariplavatiti so tanhavasiko puggalo
aparaparam bhavabhave uplavati dhavati. Yatha kim? phalamicchamva vanasmi vanaro yatha
rukkhaphalam icchanto vanaro vanasmim dhavanto rukkhassa ekam sakham ganhati, tam
muncitva annam ganhati, tam muncitva annanti "sakham alabhitva nisinno"ti
vattabbatam napajjati, evameva tanhavasiko puggalo hura huram dhavanto "arammanam
alabhitva tanhaya appavattim patto"ti vattabbatam napajjati.
      Yanti yam puggalam. Esa lamakabhavena jammi visaharataya visapupphataya 1-
visaphalataya visaparibhogataya rupadisu visattataya asattataya ca visattikati sankham
gata chadvarika tanha sahate abhibhavati tassa puggalassa. Yatha nama vane
punappunam vassante deve abhivuttham 2- viranam viranatinam vaddhati, evam vattamulaka
soka abhivaddhanti vuddhim apajjantiti attho.
      Yo cetam .pe. Duraccayanti yo pana puggalo evam vuttappakaram atikkamitum
pajahitum dukkarataya duraccayam tanham sahate abhibhavati, tamha puggala vattamulaka
soka papatanti. Yatha nama pokkhare padumapatte patitam udabindu na patitthati,
evam na patitthahantiti attho.
      Tam vo vadamiti tena karanena aham tumhe vadami. Bhaddam voti bhaddam
tumhakam hotu, ma tanham anuvattapuggalo viya vinasam 3- anattham papunathati attho.
Yavantettha samagatati imasmim thane yattaka sannipatita, tattaka. Kim 4- vadasiti
ce? tanhaya mulam khanatha imissa chadvarikatanhaya mulam karanam avijjadikilesaggahanam
arahattamaggananakudalena khanatha samucchindatha. Kim viyati? usiratthova viranam
yatha usirena atthiko puriso mahantena kudalena viranaparanamam usiram nama
tinam 5- khanati, evamassa mulam khanathati attho. Ma vo nalamva sotova, maro
@Footnote: 1 cha.Ma. visamulataya 2 Ma. abhivaddhanca 3 cha.Ma. vibhavam 4 Si.,i. sannipatita. kinci
@5 Ma. biranavanam nama usirathambham
Bhanji punappunanti tumhe naditire jatam nalam mahavegena agato nadisoto
viya kilesamaro maccumaro devaputtamaro ca punappunam ma bhanjiti attho.
      Tasma karotha buddhavacanam "jhayatha bhikkhave ma pamadattha"tiadina 1- vuttam
buddhassa bhagavato vacanam karotha, yathanusittham patipattiya sampadetha. Khano vo
ma upaccagati yo hi buddhavacanam na karoti, tam puggalam ayam buddhuppadakkhano
patirupadesavase uppattikkhano sammaditthiya patiladdhakkhano channam ayatananam
avekallakkhanoti sabbopi khano atikkamati, so khano ma tumhe  atikkamatu, khanatitati
ye hi tam khanam atita, ye va puggale so khano atito, te nirayamhi samappita
tattha nibbatta cirakalam socanti.
      Pamado rajoti rupadisu arammanesu sativossaggalakkhano pamado, sankilesa-
sabhavatta ragarajadimissataya ca rajo. Pamadanupatito rajoti yo hi koci
rajo nama ragadiko, so sabbo pamadanupatito pamadavaseneva uppajjati.
Appamadenati appamajjanena appamadapatipattiya. Vijjayati aggamaggavijjaya.
Abbuhe sallamattanoti attano hadayanissitam ragadisallam uddhareyya samuhaneyyati.
                  Malunkyaputtattheragathavannana nitthita.
                      ---------------------



             The Pali Atthakatha in Roman Book 33 page 105-108. http://84000.org/tipitaka/atthapali/read_rm.php?B=33&A=2397&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2397&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=351              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6550              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6683              The Pali Tipitaka in Roman Character :- http://84000.org/tipitaka/read/roman_read.php?B=26&A=6683              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]