|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
53. 3. Chattamanavakavimanavannana
yo vadatam pavaro manujesuti chattamanavakavimanam. Tassa ka uppatti? bhagava
savatthiyam viharati jetavane. Tena kho pana samayena 2- setabyam annatarassa brahmanassa
kicchaladdho putto chatto nama brahmanamanavo ahosi. So vayappatto pitara
pesito ukkattham gantva brahmanassa pokkharasatissa santike medhavitaya
analasataya ca nacireneva mante vijjatthanani ca uggahetva brahmanasippe
nipphattim patto. So acariyam abhivadetva "maya tumhakam santike sippam sikkhitam,
kim vo garudakkhinam 3- demi"ti aha. Acariyo "garudakkhina nama antevasikassa
vibhavanurupa, kahapanasahassam anehi"ti aha. Chattamanavo acariyam abhivadetva
setabyam gantva matapitaro vanditva tehi abhinandiyamano katapatisantharo tamattham
pitu arocetva "detha me databbayuttakam, ajjeva datva agamissami"ti aha.
Tam matapitaro "tata ajja vikalo, sve gamissasi"ti vatva kahapane niharitva
@Footnote: 1 ka. sampapunimsu 2 cha.Ma. tena samayena 3 Si. i. gurudakkhinam
---------------------------------------------------------------------------------------------
page265.
Bhandikam bandhapetva thapesum, cora tam pavattim natva chattamanavakassa gamanamagge
annatarasmim vanagahane nilina acchimsu "manavam maretva kahapane ganhissama"ti.
Bhagava paccusasamaye mahakarunasamapattito vutthaya lokam volokento chattamanavakassa
saranesu ca silesu ca patitthanam, corehi maritassa devaloke nibbattam, 1-
tato saha vimanena agatassa tattha sannipatitaparisaya ca dhammabhisamayam disva
pathamatarameva gantva manavakassa gamanamagge annatarasmim rukkhamule nisidi. Manavo
acariyadhanam gahetva setabyato ukkatthabhimukho gacchanto antaramagge bhagavantam
nisinnam disva upasankamitva atthasi. "kuhim gamissasi"ti bhagavata vutto
"ukkattham bho gotama gamissami mayham acariyassa pokkharasatissa garudakkhinam
datun"ti aha. Atha bhagava "janasi pana tvam manava tini saranani panca silani"ti vatva
tena "naham janami, kimatthi yani panetani kidisani ca"ti vutte "idamidisan"ti
saranagamanassa pancasilasamadanassa 2- ca phalanisamsam vibhavetva "ugganhahi tava
manavaka saranagamanavidhin"ti vatva "sadhu ugganhissami, kathetha bhante
bhagava"ti tena yacito tassa ruciya anurupam gathabandhavasena saranagamanavidhim
dassento:-
[886] "yo vadatam pavaro manujesu
sakyamuni bhagava katakicco
paragato balaviriyasamangi
tam sugatam saranatthamupehi.
[887] Ragaviragamanejamasokam 3-
dhammasankhatamappatikulam
@Footnote: 1 ka. nibbattassa 2 cha.Ma. silasamadanassa 3 ka...manenjamasokam
---------------------------------------------------------------------------------------------
page266.
Madhuramimam pagunam suvibhattam
dhammamimam saranatthamupehi.
[888] Yattha ca dinna mahapphalamahu
catusu sucisu purisayugesu
attha ca puggala dhammadasa te
samghamimam saranatthamupehi"ti
tisso gathayo abhasi.
#[886] Tattha yoti aniyamitavacanam, tassa "tan"ti imina niyamanam
veditabbam. Vadatanti vadantanam. Pavaroti settho, kathikanam uttamo vadivaroti
attho. Manujesuti ukkatthaniddeso yatha "sattha devamanussanan"ti. Bhagava pana
devamanussanampi brahmanampi sabbesampi sattanam pavaroyeva, bhagavato ca purimabhave 1-
manussesu uppannataya vuttam "manujesu"ti. Tenevaha "sakyamuni"ti. Sakya-
kulappasutataya sakyo, kayamoneyyadihi samannagato anavasesassa ca neyyassa munanato
muni cati sakyamuni. Bhagyavantatadihi catuhi karanehi bhagava. Catuhi maggehi
katabbassa parinnadipabhedassa solasavidhassa kiccassa katatta nipphaditatta
katakicco. Param sakkayassa paratiram nibbanam gato sayambhunanena adhigatoti paragato.
Asadisena kayabalena, anannasadharanena nanabalena, catubbidhasammappadhanaviriyena
ca samannagatatta balaviriyasamangi. Sobhanagamanatta, sundaram thanam gatatta,
samma gatatta, samma ca gahitatta sugato. Tam sugatam sammasambuddham saranattham
saranaya parayanaya apayadukkhavattadukkhaparittanaya upehi upagaccha, ajja 2-
patthaya ahitanivattanena hitasamvaddhanena "ayam me bhagava saranam tanam lenam
parayanam gati patisaranan"ti bhaja seva, evam janahi va bujjhassuti attho.
@Footnote: 1 ka. carimabhave 2 ka. ajjato
---------------------------------------------------------------------------------------------
page267.
#[887] Ragaviraganti ariyamaggam aha, tena hi ariya anadikalabhavitampi
ragam virajjenti. Anejamasokanti ariyaphalam. Tam hi ejasankhataya tanhaya
avasitthananca sokanimittanam kilesanam sabbaso patippassambhanato "anejam
asokan"ti ca vuccati. Dhammanti sabhavadhammam. Sabhavato 1- gahetabbadhammo hesa
yadidam maggaphalanibbanani, na pariyattidhammo viya pannattidhammavasena. Dhammanti va
paramatthadhammam, nibbananti attho. Samecca sambhuyya 2- paccayehi katam sankhatam, na
sankhatanti asankhatam, tadeva nibbanam. Natthi ettha kincipi patikulanti appatikulam.
Savanavelayam upaparikkhanavelayam patipajjanavelayanti sabbadapi itthamevati
madhuram. Sabbannutananasannissayaya patibhanasampadaya pavattitatta suppavattibhavato
nipunabhavato ca pagunam. Vibhajitabbassa atthassa khandhadivasena kusaladivasena
uddesadivasena ca sutthu vibhajanato suvibhattam. Tihipi 3- padehi pariyattidhammameva
vadati. Teneva hissa apathakale viya vimaddanakalepi kathentassa viya sunantassapi
sammukhibhavato ubhatopaccakkhataya dassanattham "iman"ti vuttam. Dhammanti
yathavapatipajjante apayadukkhapatato dharanatthena dhammam, idam catubbidhassapi dhammassa
sadharanavacanam. Pariyattidhammopi hi saranesu ca silesu ca patitthanamattayapi
yathavapatipattiya apayadukkhapatato dhareti eva. 4- Imassa ca atthassa idameva
vimanam sadhakanti datthabbam. Sadharanabhavena yathavuttadhammassa paccakkham katva
dassento puna "iman"ti aha.
#[888] Yatthati yasmim ariyasamghe. Dinnanti pariccattam annadideyyadhammam.
Dinna mahapphalanti gathasukhattham anunasikalopo kato. Accantameva kilesasucito
visujjhanena sucisu "sotapanno sotapattiphalasacchikiriyaya patipanno"tiadina 5-
vuttesu
@Footnote: 1 Ma. sabhavabhavato 2 ka. yebhuyya 3 Ma. catuhipi 4 Si. dharetiti dhammo, evam
@5 vi.cula. 7/385/210, an.atthaka. 23/109/106 (sya), khu.u. 25/45/170
---------------------------------------------------------------------------------------------
page268.
Catusu purisayugesu. Atthati maggatthaphalatthesu yugale akatva visum visum gahanena
attha puggala. Gathasukhatthameva cettha "puggala dhammadasa"ti rassam katva
niddeso. Dhammadasati catusaccadhammassa nibbanadhammasseva 1- ca paccakkhato dassanaka.
Ditthisilasamannena samhatabhavena samgham.
Evam bhagavata tihi gathahi saranagunasandassanena saddhim saranagamanavidhimhi
vutte manavo tamtamsaranagunanussaranamukhena saranagamanavidhino attano hadaye thapitabhavam
vibhavento tassa tassa gathaya anantaram "yo vadatam pavaro"tiadina tam tam
gatham paccanubhasi. Evam paccanubhasitva thitassa panca sikkhapadani sarupato
phalanisamsato ca vibhavetva tesam samadanavidhim kathesi. So tampi sutthu upadharetva
pasannamanaso "handaham bhagava gamissami"ti vatva ratanattayagunam anussaranto
tamyeva maggam patipajji. Bhagavapi "alam imassa ettakam kusalam devalokupapattiya"ti
jetavanameva agamasi.
Manavassa pana pasannacittassa ratanattayagunam sallakkhanavasena "saranam upemi"ti
pavattacittuppadataya saranesu ca, bhagavata vuttanayeneva 2- pancannam silanam adhitthanena
silesu ca patitthitassa teneva nayena ratanattayagune anussarantasseva gacchantassa
cora magge pariyutthimsu. So te aganetva ratanattayagune anussarantoyeva gacchati.
Tanceko coro gumbantaram upanissaya thito visapitena sarena 3- sahasava vijjhitva
jivitakkhayam papetva kahapanabhandikam gahetva attano sahayehi saddhim pakkami.
Manavo pana kalam katva tavatimsabhavane timsayojanike kanakavimane suttappabuddho
viya accharasahassaparivuto satthisakatabharalankarapatimanditattabhavo nibbatti, tassa
vimanassa abha satirekani visatiyojanani pharitva titthati.
@Footnote: 1 cha.Ma. nibbanadhammassa 2 cha.Ma. vuttanayena 3 Si. nisitavisapitena sayakena,
@i. nisitavisapitena sarena
---------------------------------------------------------------------------------------------
page269.
Atha manavam kalakatam disva setabyagamavasino manussa setabyam gantva
tassa matapitunam arocesum, 1- ukkatthagamavasino ca ukkattham gantva brahmanassa
pokkharasatissa kathesum. Tam sutva tassa matapitaro natimitta brahmano ca
pokkharasati saparivara assamukha rodamana tam padesam agamamsu, yebhuyyena
setabyavasino ca ukkatthavasino ca icchanangalavasino ca sannipatimsu. Mahasamagamo
ahosi. Atha manavassa matapitaro maggassa avidure citakam sajjetva sarirakiccam 2-
katum arabhimsu.
Atha bhagava cintesi "mayi gate chattamanavo mam vanditum agamissati, agatanca
tam katakammam kathapento kammaphalam paccakkham karetva dhammam desessami, evam
mahajanassa dhammabhisamayo bhavissati"ti. Cintetva mahata bhikkhusamghena saddhim tam
padesam upagantva annatarasmim rukkhamule nisidi chabbannabuddharamsiyo vissajjento.
Atha chattamanavadevaputtopi attano sampattim paccavekkhitva tassa karanam
upadharento saranagamananca silasamadananca disva vimhayajato bhagavati
sanjatapasadabahumano "idanevaham gantva bhagavantanca bhikkhusamghanca vandissami,
ratanattayagune ca mahajanassa pakate karissami"ti katannutam nissaya sakalam tam
arannapadesam ekalokam karonto saha vimanena agantva vimanato oruyha
mahata parivarena saddhim dissamanarupo upasankamitva bhagavato padesu
sirasa nipatanto abhivadetva anjalim paggayha atthasi. Tam disva mahajano
"ko nu kho ayam devo va brahma va"ti acchariyabbhutajato upasankamitva
bhagavantam parivaresi. Bhagava tena katapunnakammam pakatam katum:-
[889] "na tatha tapati nabhasmim suriyo
cando ca na bhasati na phusso
@Footnote: 1 cha.Ma. ayam patho na dissati 2 Si. sarirasakkaram
---------------------------------------------------------------------------------------------
page270.
Yatha tulamidam mahappabhasam
ko nu tvam tidiva mahim upagami.
[890] Chindati ramsi pabhankarassa
sadhikavisatiyojanani abha
rattimapi yatha divam karoti
parisuddham vimalam subham vimanam.
[891] Bahupadumavicitrapundarikam
vokinnam kusumehi nekacittam
arajavirajahemajalacchannam
akase tapati yathapi suriyo.
[892] Rattambarapitavasasahi
agarupiyangucandanussadahi
kancanatanusannibhattacahi
paripuram gaganamva tarakahi.
[893] Naranariyo bahuketthanekavanna
kusumavibhusitabharanettha sumana
anilapamuncita 1- pavanti surabhim
tapaniyavitata suvannachanna. 2-
[894] Kissa samyamassa 3- ayam vipako
kenasi kammaphalenidhupapanno
@Footnote: 1 i. anilapamuccita 2 Si. suvannacchadana 3 Si. samadamassa
---------------------------------------------------------------------------------------------
page271.
Yatha ca te adhigatamidam vimanam
tadanupadam 1- avacasi ingha puttho"ti
tam devaputtam patipucchi.
#[889] Tattha tapatiti dippati. Nabheti akase. Phussoti phussa-
taraka. Atulanti anupamam, appamanam va. Idam vuttam hoti:- yatha idam tava
vimanam anupamam appamanam pabhassarabhavena tato eva mahappabhasam akase dippati,
na tatha tarakarupani dippanti. Na cando, tani tava titthantu, napi suriyo
dippati, evambhuto ko nu tvam devalokato imam bhumipadesam upagato, tam pakatam
katva imassa mahajanassa kathehiti.
#[890] Chindatiti vicchindati, pavattitum adento patihanatiti 2- attho. Ramsiti
rasmiyo. Pabhankarassati suriyassa. Tassa ca vimanassa pabha samantato pancavisati
yojanani pharitva titthati. Tenaha "sadhikavisatiyojanani abha"ti, rattimapi
yatha divam karotiti attano pabhaya andhakaram vidhamantam rattibhagampi divasabhagam
viya karoti. Parisamantato 3- anto ceva bahi ca suddhataya parisuddham. Sabbaso malabhavena
vimalam, sundarataya subham.
#[891] Bahupadumavicitrapundarikanti bahuvividharattakamalanceva vicittavanna-
setakamalanca. Setakamalam padumam, rattakamalam pundarikanti vadanti. Vokinnam kusumehiti
annehi ca nanavidhehi pupphehi samokinnam. Nekacittanti malakammalatakammadi-
nanavidhacittam. Arajavirajahemajalacchannanti sayam apagatarajam virajena niddosena
kancanajalena chaditam.
@Footnote: 1 ka. tadanurupam 2 Si. patihantiti 3 Si. parito
---------------------------------------------------------------------------------------------
page272.
#[892] Rattambarapitavasasahiti rattavatthahi ceva pitavatthahi ca. Eka
hi rattam dibbavattham nivasetva pitam uttariyam karoti, apara pitam nivasetva
rattam uttariyam karoti. Tam sandhaya vuttam "rattambarapitavasasahi"ti.
Agarupiyangucandanussadahiti agarugandhehi piyangumalahi candanagandhehi ca ussadahi,
ussannadibbagarugandhadikahiti attho. Kancanatanusannibhattacahiti
kanakasadisasukhumacchavihi. Paripuranti taham taham vicarantihi sangitipasutahi ca paripunnam.
#[893] Bahuketthati bahuka ettha. Anekavannati nanarupa. Kusuma-
vibhusitabharanati visesato surabhivayanattham dibbakusumehi alankatadibbabharana. Etthati
etasmim vimane. Sumanati sundaramana pamuditacitta. Anilapamuncita pavanti surabhinti
anilena pamuncitagandhanam pupphanam vayuna vimuttapattaputam viya vibandhataya 1-
vikasitataya ca sugandham pavayanti. "anilapadhupita"tipi pathanti, vatena mandam
avuyhamana hemamayapupphati 2- attho. Kanakacirakadihi veniadisu otatataya
tapaniyavitata. Yebhuyyena kancanabharanehi acchaditasarirataya suvannachanna.
Naranariyoti devaputta devadhitaro ca bahuka ettha tava vimaneti dasseti.
#[894] Inghati codanatthe nipato. Putthoti pucchito imassa maha-
janassa kammaphalapaccakkhabhavayati 3- adhippayo.
Tato devaputto imahi gathahi byakasi:-
[895] "sayamidha 4- pathe samecca manavena
sattha'nusasi anukampamano
tava ratanavarassa dhammam sutva
karissamiti ca bravittha chatto.
@Footnote: 1 Ma. vimuttapattaputagandhataya 2 Si. adhuyamanahemamayapupphati
@3 Ma. kammaphalam paccakkham katheyyasiti 4 Si.,i. yamidha
---------------------------------------------------------------------------------------------
page273.
[896] Jinavarapavaram upehi saranam
dhammancapi tatheva bhikkhusamgham
noti pathamam avoca'ham bhante
paccha te vacanam tathevakasim.
[897] Ma ca panavadham vividham carassu 1- asucim
na hi panesu asannatam avannayimsu sappanna
noti pathamam avoca'ham bhante
paccha te vacanam tathevakasim.
[898] Ma ca parajanassa rakkhitampi
adatabbamamannitho 2- adinnam
noti pathamam avoca'ham bhante
paccha te vacanam tathevakasim.
[899] Ma ca parajanassa rakkhitayo
parabhariya agama anariyametam
noti pathamam avoca'ham bhante
paccha te vacanam tathevakasim.
[900] Ma ca vitatham annatha abhani
na hi musavadam avannayimsu sappanna.
Noti pathamam avoca'ham bhante
paccha te vacanam tathevakasim.
@Footnote: 1 ka. vividhamacarassu 2 Si.,i. mamannittha
---------------------------------------------------------------------------------------------
page274.
[901] Yena ca purisassa apeti sanna
tam majjam parivajjayassu sabbam
noti pathamam avoca'ham bhante
paccha te vacanam tathevakasim.
[902] Svaham idha panca sikkha karitva
patipajjitva tathagatassa dhamme
dvepatha'magamasim coramajjhe
te mam tattha vadhimsu bhogahetu.
[903] Ettakamidam anussarami kusalam
tato param na me vijjati annam
tena sucaritena kammunaham 1-
uppanno tidivesu kamakami.
[904] Passa khanamuhuttasannamassa
anudhammappatipattiya vipakam
jalamiva yasasa samekkhamana
bahuka mam pihayanti hinakamma.
[905] Passa katipayaya desanaya
sugatincamhi gato sukhanca patto
ye ca te satatam sunanti dhammam
manne te amatam phusanti khemam.
@Footnote: 1 Si. kammanaham
---------------------------------------------------------------------------------------------
page275.
[906] Appampi katam mahavipakam
vipulam hoti 1- tathagatassa dhamme
passa katapunnataya chatto
obhaseti pathavim yathapi suriyo.
[907] Kimidam kusalam kimacarema
icceke hi samecca mantayanti
te mayam punareva laddha manusattam
patipanna viharemu silavanto.
[908] Bahukaro anukampako ca sattha
iti me sati agama diva divassa
svaham upagatomhi saccanamam
anukampassu punapi sunemu 2- dhammam.
[909] Ye cidha 3- pajahanti kamaragam
bhavaraganusayanca pahaya moham
na ca te puna mupenti gabbhaseyyam
parinibbanagata hi sitibhuta"ti.
#[895] Tattha sayamidha pathe samecca manavenati idha imasmim pathe mahamagge
sayameva upagatena manavena brahmanakumarena samecca samagantva.
Ditthadhammikasamparayikaparamatthehi sattanam yatharaham anusasanato sattha bhagava tvam
yam manavam yathadhammam anusasi anukampamano anugganhanto, tava ratanavarassa
@Footnote: 1 Ma. vipulam phalam 2 Si. sunoma 3 Si.,i. yedha
---------------------------------------------------------------------------------------------
page276.
Aggaratanassa sammasambuddhassa tam dhammam sutva iti evam karissami yathanusittham
patipajjissamiti so chatto chattanamako manavo bravittha kathesiti padayojana.
#[896] Evam yathapucchitam kammam karanato dassetva idani tam sarupato
vibhagato ca dassento satthara samadapitabhavam attana ca tattha paccha
patitthitabhavam dassetum "jinavarapavaran"tiadimaha. Tattha noti pathamam avoca'ham
bhanteti bhante bhagava "saranagamanam janasi"ti taya vutto "no"ti na
"janami"ti pathamam avocam aham. Paccha te vacanam tathevakasinti paccha taya
vuttam katham 1- parivattento tava vacanam tatheva akasim patipajjim, tinipi saranani
upagacchinti attho.
#[897] Vividhanti uccavacam, appasavajjam mahasavajjancati attho.
Ma carassuti ma akasi. Asucinti kilesasucimissataya na sucim. Panesu
asannatanti panaghatato aviratam. Na hi avannayimsuti na hi vannayanti.
Paccuppannakalatthe hi idam atitakalavacanam. Atha va "avannayimsu"ti. Ekadesena
sakalassa kalassa upalakkhanam, tasma yatha na vannayimsu atitamaddhanam, evam
etarahipi na vannayanti, anagatepi na vannayissantiti vuttam hoti.
#[898-900] Parajanassa rakkhitanti parapariggahitavatthu. Tenaha "adinnan"ti.
Ma agamati ma ajjhacari. Vitathanti atatham, musati attho. Annathati annathava,
vitathasanni evam vitathanti jananto evam ma bhaniti attho.
#[901] Yenati yena majjena, pitenati adhippayo. Apetiti vigacchati.
Sannati dhammasanna, lokasanna eva va. Sabbanti anavasesam, bijato ca
patthayati attho.
@Footnote: 1 Si. gatham
---------------------------------------------------------------------------------------------
page277.
#[902] Svahanti so tada chattamanavabhuto aham. Idha imasmim maggappadese,
idha imasmim va 1- tava sasane. Tenaha "tathagatassa dhamme"ti. Panca
sikkhati panca silani. Karitvati adiyitva, adhitthayati attho. Dvepathanti
dvinnam gamasimanam vemajjhabhutam patham, simantarikapathanti attho. Teti te coRa.
Tatthati tattha simantarikamagge. Bhogahetuti amisakincikkhanimittam.
#[903] Tato yathavuttakusalato, param upari, annam kusalam na vijjati na
upalabbhati, yamaham anussareyyanti attho. Kamakamiti yathicchitakamagunasamangi.
#[904] Khanamuhuttasannamassati khanamuhuttamattam 2- pavattasilassa. Anudhammap-
patipattiyati yathadhigatassa phalassa anurupadhammam patipajjamanassa bhagava passa, tuyham
ovadadhammassa va anurupaya dhammapatipattiya vuttaniyameneva saranagamanassa
silasamadanassa cati attho. Jalamiva yasasati iddhiya parivarasampattiya ca
jalantam viya. Samekkhamanati passanta. Bahukati bahavo. Pihayantiti "katham nu
kho mayampi 3- edisa bhaveyyama"ti patthenti. Hinakammati 4- mama sampattito
nihinabhoga.
#[905] Katipayayati appikaya. Yeti ye bhikkhu ceva upasakadayo ca.
Casaddo byatireke. Teti tava. Satatanti divase divase.
#[906] Vipulanti ularaphalam vipulanubhavam. Tathagatassa dhammeti tathagatassa
sasane ovade thatva katanti yojana. Evam anuddesikavasena vuttamevattham
attuddesikavasena dassento "passa"tiadimaha. Tattha passati bhagavantam vadati,
attanameva va annam viya ca katva vadati.
@Footnote: 1 Si.,i. idha va imasmim 2 Si.,i. khanam mahuttam 3 cha.Ma. mayam 4 Si. hinakamati
---------------------------------------------------------------------------------------------
page278.
#[907] Kimidam kusalam kimacaremati kusalam nametam kimsabhavam kidisam, katham
va tam acareyyama. Icceke hi samecca mantayantiti evameke samecca
samagantva pathavim parivattenta viya sinerum ukkhipanta viya ca sudukkaram katva
mantayanti vicarenti, mayam pana akiccheneva punapi kusalam acareyyamati adhippayo.
Tenevaha "mayan"tiadi.
#[908] Bahukaroti bahupakaro mahaupakaro va. Anukampakoti
karuniko. Makaro padasandhikaro. Ititi evam, bhagavato attani patipannakaram
sandhaya vadati. Me satiti mayi sati vijjamane, corehi avadhite evati attho.
Diva divassati divasassapi diva, kalassevati attho. Svahanti so chattamanavabhuto
aham. Saccanamanti "bhagava araham sammasambuddho"tiadinamehi avitathanamam
bhutatthanamam. Anukampassuti anugganhahi. Punapiti bhiyyopi sunemu, tava dhammam
suneyyamati attho.
Evam devaputto sabbametam katannutabhave thatva satthu 1- payirupasanena ca
dhammassavanena ca 2- atittimeva dipento vadati. Bhagava devaputtassa ca tattha
sannipatitaparisaya ca ajjhasayam oloketva anupubbikatham kathesi. Atha nesam kallacittatam
natva samukkamsikam dhammadesanam pakasesi, desanapariyosane devaputto ceva
matapitaro cassa sotapattiphale patitthahimsu, mahato ca mahajanakayassa dhammabhisamayo
ahosi.
#[909] Pathamaphale patitthito devaputto uparimagge attano garucittikaram
tadadhigamassa ca mahanisamsatam vibhavento "ye cidha pajahanti kamaragan"ti
pariyosanagathamaha. Tassattho:- ye idha imasmim sasane thita pajahanti anavasesato
@Footnote: 1 sutthu 2 cha.Ma. payirupasane ca dhammassavane ca
---------------------------------------------------------------------------------------------
page279.
Samucchindanti kamaragam, na ca te puna upenti gabbhaseyyam orambhagiyanam samyojananam
samucchinnatta. Ye ca pana pahaya moham sabbaso samugghatetva bhavaraganusayanca
pajahanti, te puna upenti gabbhaseyyanti vattabbameva natthi. Kasma? parinibbanagata
hi sitibhuta, te hi uttamapurisa anupadisesaya nibbanadhatuya parinibbanam
gata evam idheva sabbavedayitanam sabbaparilahanam byantibhavena sitibhuta.
Iti devaputto attano ariyasotasamapannabhavam pavedento anupadisesaya
nibbanadhatuya desanaya kutam gahetva bhagavantam vanditva padakkhinam katva
bhikkhusamghassa apacitim dassetva matapitaro apucchitva devalokameva gato. Satthapi
utthayasana gato saddhim bhikkhusamghena, manavassa pana matapitaro brahmano
ca pokkharasati sabbo ca mahajano bhagavantam anugantva nivatti. Bhagava jetavanam
gantva sannipatitaya parisaya imam vimanam vittharato kathesi, sa desana
mahajanassa satthika ahositi.
Chattamanavakavimanavannana nitthita.
------------------
The Pali Atthakatha in Roman Book 30 page 264-279.
http://84000.org/tipitaka/atthapali/read_rm.php?B=30&A=5567&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=30&A=5567&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=53
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=1903
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=1894
The Pali Tipitaka in Roman Character :-
http://84000.org/tipitaka/read/roman_read.php?B=26&A=1894
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]