บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
15. Uttaravimanavannana abhikkantena vannenati uttaravimanam. Tassa ka uppatti? bhagava rajagahe viharati veluvane kalandakanivape. Tena kho pana samayena 1- punno nama duggatapuriso rajagahasetthim upanissaya jivati, tassa bhariya uttara, uttara ca nama dhitati dve eva gehamanusaka. athekadivasam rajagahe "mahajanena sattaham nakkhattam kilitabban"ti ghosanam karimsu. Tam sutva setthi patova agatam punnam "tata amhakam parijano nakkhattam kilitukamo, tvam kim nakkhattam kilissasi, udahu bhatim karissasi"ti aha. Sami nakkhattam nama sadhananam hoti, mama pana gehe svatanaya yagutandulanipi natthi, 2- kim me nakkhattena, gone labhanto kasitum gamissamiti. Tena hi gone ganhassuti. So balavagone ca bhaddanangalanca gahetva "bhadde nagara nakkhattam kilanti, aham daliddataya bhatim katum gamissami, mayhampi tava ajja dvigunam nivapam pacitva bhattam ahareyyasi"ti bhariyam vatva khettam agamasi. Sariputtattheropi sattaham nirodhasamapanno tato vutthaya "kassa nu kho ajja maya sangaham katum vattati"ti olokento punnam attano nanajalassa anto pavittham disva "saddho nu kho esa, sakkhissati va me sangaham katun"ti @Footnote: 1 cha.Ma. tena ca samayena 2 Si. na santi Olokento tassa saddhabhavanca sangaham katum samatthabhavanca tappaccaya ca tassa mahasampattipatilabham natva pattacivaram adaya tassa kasanatthanam gantva avatatire 1- ekam gumbam olokento atthasi. Punno theram disvava kasim thapetva pancapatitthi- tena theram vanditva "dantakatthena attho bhavissati"ti dantakattham kappiyam katva adasi. Athassa thero pattanca parissavananca niharitva adasi, so "paniyena attho bhavissati"ti tam adaya paniyam parissavetva adasi. Thero cintesi "ayam paresam pacchimagehe vasati, sacassa gehadvaram gamissami, imassa bhariya mam datthum na sakkhissati, yavassa bhariya bhattam adaya maggam patipajjati, tava idheva bhavissami"ti. So tattheva thokam vitinametva tassa maggarulhabhavam natva antonagarabhimukho payasi. Sa antaramagge theram disva cintesi "appekadaham deyyadhamme sati ayyam na passami, appekada me ayyam passantiya deyyadhammo na hoti, ajja pana me ayyo ca dittho, deyyadhammo cayam atthi, karissati nu kho me sangahan"ti. Sa bhattabhajanam otaretva 2- theram pancapatitthitena vanditva "bhante idam lukham va panitam vati acintetva dasassa vo sangaham karotha"ti aha. Atha thero pattam upanametva taya ekena hatthena bhajanam dharetva ekena hatthena tato bhattam dadamanaya upaddhabhatte dinne "alan"ti hatthena pattam pidahi. Sa "bhante ekova pativiso, na sakka dvidha katum, tumhakam dasassa idhalokasangaham 3- akatva paralokasangaham karotha, niravasesameva datukamamhi"ti vatva sabbamevassa patte patitthapetva "tumhehi ditthadhammassa bhagini assan"ti patthanam akasi. Thero "evam hotu"ti vatva thitakova anumodanam katva ekasmim udakaphasukatthane nisiditva bhattakiccam akasi. Sapi patinivattitva tandule pariyesitva bhattam paci. @Footnote: 1 Si. avapatire 2 Ma. oropetva 3 i.,Ma. idhaloke sangaham Punnopi addhakarisamattam 1- thanam kasitva jighaccham sahitum asakkonto gone vissajjetva ekam rukkhachayam pavisitva maggam olokento nisidi. Athassa bhariya bhattam adaya gacchamana tam disvava "esa jighacchaya pilito mam olokento nisinno, sace mam `ativiya cirayi'ti tajjetva patodalatthiya 2- paharissati, maya katakammam niratthakam bhavissati, patikaccevassa arocessami"ti cintetva evamaha "sami ajjekadivasam cittam pasadehi, ma maya katakammam niratthakam kari, aham patova te bhattam aharanti antaramagge dhammasenapatim disva tava bhattam tassa datva puna geham gantva bhattam pacitva agata, pasadehi sami cittan"ti. So "kim vadesi bhadde"ti pucchitva puna tamattham sutva "bhadde sadhu vata te katam mama bhattam ayyassa dadamanaya, mayapissa ajja patova dantakatthanca mukhodakanca dinnan"ti pasannamanaso tam vacanam abhinanditva ussure laddhabhattataya kilantakayo tassa anke sisam katva niddam okkami. Athassa patova kasitatthanam pamsucunnam upadaya sabbam rattasuvannam hutva kanikarapuppharasi viya sobhamanam atthasi. So pabuddho oloketva 3- bhariyam aha "bhadde etam maya kasitatthanam sabbam mama suvannam hutva pannayati, kim nu kho me atiussure laddhabhattataya akkhini bhamanti"ti. Sami mayhampi evameva pannayatiti. So utthaya tattha gantva ekam pindam gahetva nangalasise paharitva suvannabhavam natva "aho ayyassa dhammasenapatissa dinnadane ajjeva vipako dassito, na kho pana sakka ettakam dhanam paticchadetva paribhunjitun"ti bhariyaya abhatam bhattapatim suvannassa puretva rajakulam gantva ranna katokaso pavisitva rajanam abhivadetva "kim tata"ti vutte "deva ajja maya kasitatthanam sabbam suvannarasimeva 4- hutva thitam, suvannam aharapetum vattati"ti aha. Kosi tvanti. @Footnote: 1 ka. atthakarisamattam 2 patodayatthiya; dhamMa.A. 6/176/167 (sya.) @3 ka. olokento 4 Ma. sabbam suvannabharitameva, i. sabbam suvannarasibharitameva Punno namahanti. Kim pana te ajja katanti. Dhammasenapatissa me patova dantakatthanca mukhodakanca dinnam, bhariyayapi me mayham ahatabhattam tasseva dinnanti. Tam sutva raja "ajjeva kira bho dhammasenapatissa dinnadane vipako dassito"ti vatva "tata kim karomi"ti pucchi. Bahuni sakatasahassani pahinitva suvannam aharapethati. Raja sakatani pahini. Rajapurisesu "ranno santakan"ti ganhantesu gahitam gahitam mattikava hoti. 1- Te gantva ranno arocetva 1- "tata tumhehi kinti vatva gahitan"ti puttha "tumhakam santakan"ti ahamsu. "tena hi tata puna gacchatha, `punnassa santakan'ti vatva ganhatha"ti aha. Te tatha karimsu. Gahitam gahitam suvannameva ahosi. Tam sabbam aharitva rajangane rasim akamsu, asitihatthubbedho rasi ahosi. Raja nagare sannipatapetva aha "imasmim nagare atthi kassaci ettakam suvannan"ti. Natthi devati. Kim panassa datum vattatiti. Setthicchattam devati. Raja "bahudhanasetthi nama hotu"ti mahantena bhogena saddhim tassa setthicchattam adasi. Atha nam so aha "mayam deva ettakam kalam parakule vasimha, vasanatthanam no detha"ti. Tenahi passa, esa gumbo pannayati, etam harapetva geham karehiti puranasetthissa gehatthanam acikkhi. So tasmim thane katipaheneva geham karapetva gehapavesanamangalanca chattamangalanca ekatova karonto sattaham buddhappamukhassa bhikkhusamghassa danam adasi. Athassa sattha dananumodanam karonto anupubbikatham 2- kathesi. Dhammakathavasane punnasetthi ca bhariya cassa dhita ca uttarati tayopi jana sotapanna ahesum. Aparabhage rajagahasetthi punnasetthino dhitaram attano puttassa varesi. So "naham dassami"ti vutto "ma evam karotu, ettakam kalam amhe nissaya @Footnote: 1-1 cha.Ma. tehi gantva ranno arocite 3 cha.Ma. anupubbim katham Vasanteneva te sampatti laddha, detu me puttassa te dhitaran"ti aha. So "micchaditthika tumhe, mama dhita tihi ratanehi vina vasitum na sakkoti, nevassa dhitaram dassami"ti aha. Atha nam bahu setthigahapatikadayo 1- kulaputta "ma tena saddhim vissasam bhindi, dehissa dhitaran"ti yacimsu. So tesam vacanam sampaticchitva asalhipunnamaya dhitaram adasi. Sa patikulam gatakalato patthaya bhikkhum va bhikkhunim va upasankamitum danam va datum dhammam va sotum nalattha, evam addhatiyesu masesu vitivattesu attano santike thite paricarike pucchi "idani kittakam antovassam 2- avasitthan"ti. Addhamaso ayyeti. Sa matapitunam sasanam pahini "kasma mam evarupe bandhanagare pakkhipimsu, varam tumhehi mam lakkhanahatam katva paresam dasim savetum, na evarupassa micchaditthikassa kulassa datum, agatakalato patthaya bhikkhudassanadisu ekampi punnam katum na labhami"ti. Athassa pita "dukkhita 3- vata me dhita"ti anattamanatam pavedetva pancadasa kahapanasahassani pesesi, "imasmim nagare sirima nama ganika atthi, devasikam sahassam ganhati, imehi kahapanehi tam anetva samikassa niyyadetva sayam yatharuci punnani karotu"ti sasanam ca pahini. Uttara tatha katva samikena sirimam disva "kimidan"ti vutte "sami imam addhamasam mama sahayika tumhe paricaratu, aham pana imam addhamasam dananceva datukama dhammanca sotukama"ti aha. So tam abhirupam itthim disva uppannasineho "sadhu"ti sampaticchi. Uttarapi kho buddhappamukham bhikkhusamgham nimantetva "bhante imam addhamasam annattha agantva idheva bhikkha gahetabba"ti satthu patinnam gahetva "itodani patthaya yava mahapavarana, tava sattharam upatthatum dhammanca sotum labhissami"ti @Footnote: 1 Ma. setthiganakadayo 2 Si. antovassassa 3 Ma. duggata Tutthamanasa "evam yagum pacatha, evam bhattam pacatha, evam puvam pacatha"ti mahanase sabbakiccani samvidahanti vicarati. Athassa samiko "sve mahapavarana bhavissati"ti mahanasabhimukho vatapane thatva "kim nu kho karonti sa andhabala vicarati"ti oloketva tam sedakilinnam charikaya okinnam angaramasimakkhitam tatha samvidahitva vicaramanam disva "aho 1- andhabala evarupe thane imam sirisampattim nanubhavati, `mundakasamane upatthahissami'ti tutthacitta vicarati"ti hasitva apaganchi. 2- Tasmim apagate tassa santike thita sirima "kim nu kho oloketva esa hasati"ti teneva vatapanena olokenti uttaram disva "imam oloketva imina hasitam, addha imassa etaya saddhim santhavo atthi"ti cintesi. Sa kira addhamasam tasmim gehe bahirakaitthi hutva vasamanapi tam sampattim anubhavamana attano bahirakaitthibhavam ajanitva "aham gharasamini"ti sannam akasi. Sa uttaraya aghatam bandhitva "dukkhamassa uppadessami"ti pasada oruyha mahanasam pavisitva puvapacanatthane pakkutthitam 3- sappim katacchuna adaya uttarabhimukham 4- payasi. Uttara tam agacchantim disva "mama sahayikaya mayham upakaro 5- kato, cakkavalam atisambadham, brahmaloko atinicako, mama pana sahayikaya gunova mahanto, ahampi etam nissaya dananca datum dhammanca sotum labhim, sace mama etissaya upari kodho atthi, idam sappi mam dahatu, sace natthi, ma mam dahatu"ti 6- tam mettaya phari. Taya tassa matthake asincitampi pakkutthitasappi sitodakam viya ahosi. Atha nam "idam sitalam bhavissati"ti puna katacchukam puretva adaya agacchantim uttaraya dasiyo disva "are dubbinite na tvam amhakam ayyaya upari pakkasappim asincitum anucchavika"ti santajjentiyo ito cito ca utthaya hatthehi ca padehi @Footnote: 1 Ma. ayam 2 ka. apagacchi 3 Si. pakkatthitam, cha.Ma. pakkuthitam. evamuparipi @4 uttarabhimukhi;dhammapadatthakathayanca uttaraupasikavatthusmim passitabbam @5 Si. mahopakaro 6 Si.,Ma. dahiti Ca pothetva bhumiyam patesum, uttara varentipi varetum nasakkhi. Atha sa upari thatva sabba dasiyo patibahitva "kissa te evarupam bhariyam kammam katan"ti sirimam ovaditva unhodakena nhapetva satapakatelena abbhanji. Tasmim khane sa attano bahirakitthibhavam natva cintesi "maya bhariyam kammam katam samikassa hasitamattakarana imissa upari pakkasappim asincantiya, ayam `ganhatha nan'ti dasiyo na anapetva mam vihethanakalepi sabba dasiyo patibahitva mayham kattabbameva akasi, sacaham imam na khamapessami, muddha me sattadha phaleyya"ti tassa padamule nipajjitva "ayye khamahi me dosan"ti aha. Aham sappitika dhita, pitari me khamapite khamissamiti. Hotu ayye, pitarampi te punnasetthim khamapessamiti. Punno mama vatte janakapita, vivatte janakapitari khamapite pana aham khamissamiti. Ko pana te vivatte janakapitati. Sammasambuddhoti. Mayham tena saddhim 1- vissaso natthi, aham kim karissamiti. 1- Sattha sve bhikkhusamgham adaya idhagamissati, tvam yathaladdham sakkaram gahetva idheva agantva tam khamapehiti. Sa "sadhu ayye"ti utthaya attano geham gantva pancasataparicarikitthiyo anapetva nanavidhani khadaniyabhojaniyani ceva supeyyani ca sampadetva punadivase tam sakkaram adaya uttaraya geham agantva buddhappamukhassa bhikkhusamghassa patte patitthapetum avisahanti atthasi, tam sabbam gahetava uttarava samvidahi. Sirimapi satthu bhattakiccavasane saddhim parivarena satthu padamule nipajji, atha nam sattha pucchi "ko te aparadho"ti. "bhante maya hiyyo idam nama katam, atha me sahayika mam vihethayamana dasiyo nivaretva mayham upakarameva akasi, saham imissa gunam janitva imam khamapesim, atha mam esa `tumhesu @Footnote: 1-1 ka. vissaso natthiti. hotu ayyeti. aham kim karissamiti Khamapitesu 1- khamissami'ti aha"ti. Evam kira uttareti. Ama bhante, sise me sahayikaya pakkasappi asittanti. Atha taya kim cintitanti. "cakkavalam atisambadham, brahmaloko atinicako, mama sahayikaya gunova mahanto, aham hi etam nissaya dananca datum dhammanca sotum alattham, sace me imissa upari kodho atthi, idam mam dahatu, no ce, ma dahatu"ti evam cintetva imam mettaya pharim bhanteti. Sattha "sadhu sadhu uttare, evam kodham jinitum vattati, kodhano hi nama akkodhena akkosako anakkosantena, paribhasako aparibhasantena, thaddhamacchari attano santakassa danena, musavadi saccavacanena jinitabbo"ti imamattham dassento:- "akkodhena jine kodham asadhum sadhuna jine jine kadariyam danena saccenalikavadinan"ti 2- imam gatham vatva gathapariyosane catsaccakatham abhasi. Saccapariyosane uttara sakadagamiphale patitthahi, samiko ca sasuro ca sassu ca sotapattiphalam sacchikarimsu, sirimapi pancasataparivara sotapanna ahosi. Aparabhage uttara kalam katva tavatimsabhavane uppajji. Athayasma mahamoggallano hettha vuttanayeneva devacarikam caranto uttaram devadhitaram disva:- [124] "abhikkantena vannena ya tvam titthasi devate obhasenti disa sabba osadhi viya taraka. [125] Kena te'tadiso vanno kena te idha mijjhati uppajjanti ca te bhoga ye keci manaso piya. [126] Pucchami tam devi mahanubhave manussabhuta kimakasi punnam @Footnote: 1 ka. khamitesu 2 khu.dha. 25/223/56 Kenasi evanjalitanubhava vanno ca te sabbadisa pabhasati"ti patipucchi. [127] Sa devata attamana moggallanena pucchita panham puttha viyakasi yassa kammassidam phalam. [128] "issa ca maccheramatho 1- palaso 2- nahosi mayham gharamavasantiya akkodhana bhattu vasanuvattini uposathe niccahamappamatta. [129] Catuddasim pancadasim ya ca pakkhassa atthami patihariyapakkhanca atthangasusamagatam. [130] Uposatham upavasissam 3- sada silesu samvuta sannama samvibhaga ca vimanam avasamaham. [131] Panatipata virata musavada ca sannata theyya ca aticara ca majjapana ca araka. [132] Pancasikkhapade rata ariyasaccana kovida upasika cakkhumato gotamassa yasassino. [133] Saham sakena silena yasasa ca yasassini anubhomi sakam punnam sukhita camhi'namaya. @Footnote: 1 i. macchariyamatho, ka. macchariyamano. evamuparipi @2 cha.Ma. palaso. evamuparipi 3 paliyam upavasim [134] Tena me'tadiso vanno tena me idha mijjhati uppajjanti ca me bhoga ye keci manaso piya. [135] Akkhami te bhikkhu mahanubhava manussabhuta yamaham akasim tenamhi evanjalitanubhava vanno ca me sabbadisa pabhasati"ti devatapissa vissajjesi. [136] Mama ca bhante vacanena bhagavato pade sirasa vandeyyasi "uttara nama bhante upasika bhagavato pade sirasa vandati"ti anacchariyam kho panetam bhante yam mam bhagava annatarasmim samannaphale byakareyya, tam bhagava sakadagamiphale byakasiti. #[128] Tattha issa ca maccheramatho palaso, nahosi mayham gharamavasantiyati ya ca agaramajjhe vasantinam annasam itthinam sampattiadivisaya parasampattiusuyanalakkhana issa, yanca tavakalikadivasenapi kinci yacantanam adatukamataya attasampattiniguhanalakkhanam macchariyam, yo ca kulapadesadina parehi yugaggahalakkhano palaso uppajjati, 1- so tividhopi papadhammo gehe thitaya mayham satipi paccayasamavaye nahosi na uppajji. Akkodhanati khantimettanuddayasampannataya akujjhanasabhava. Bhattu vasanuvattiniti pubbutthanapacchanipatanadina 2- samikassa anukulabhavena vase vattanasila, manapacariniti attho. Uposathe niccahamappamattati aham uposathasilarakkhane niccam appamatta appamadaviharini. @Footnote: 1 Si. palaso iccete uppajjanti 2 Si. pubbutthanapacchanipajjanadina #[129] Tameva uposathe appamadam dassenti yesu divasesu tam rakkhitabbam, yadisam yatha ca rakkhitabbam, tam dassetum "catuddasin"tiadimaha. Tattha catuddasim pancadasinti pakkhassati sambandho, accantasamyoge cetam upayogavacanam. Ya ca 1- pakkhassa atthamiti ettha cati vacanaseso. Patihariyapakkhancati 2- patiharanakapakkhanca, 3- catuddasipancadasiatthaminam yathakkamam adito antato cati pavesananikkhamanavasena uposathasilassa patiharitabbam pakkhanca, terasi patipada sattami navami cati attho. Atthangasusamagatanti panatipata veramaniadihi atthahi angehi eva sutthu samagatam samannagatam. #[130] Upavasissanti upavasim. Atitatthe hi idam anagatavacanam. Keci pana "upavasim"icceva pathanti. Sadati sappatiharikesu 4- sabbesu uposathadivasesu. Silesuti uposathasilesu sadhetabbesu. Nipphadetabbe hi idam bhummam. Samvutati kayavacacittehi samvuta. Sadati va sabbakalam. Silesuti niccasilesu. Samvutati kayavacahi samvuta. #[131] Idani tam niccasilam dassetum "panatipata virata"tiadi vuttam. Tattha panoti voharato satto, paramatthato jivitindriyam. Panassa atipato panavadho panaghato panatipato, atthato pane panasannino jivitindriyupacchedaka- upakkamasamutthapika kayavacidvaranam annataradvarapavatta vadhakacetana. Tato panatipata. Viratati orata, nivattati attho. Musavadati musa nama visamvadanapurekkharassa atthabhanjanako vacipayogo va kayapayogo va, visamvadanadhippayena parassa visamvadakakayavacipayogasamutthapika cetana musavado. Atha va musati abhutam ataccham vatthu, vadoti tassa @Footnote: 1 Si.,Ma. yava 2 i.,Ma. patiharikapakkhancati @3 Ma. patihariyam pakkhanca 4 Ma. sadati sabbesu atthasu patihariyesu Bhutato tacchato vinnapetukamassa tatha vinnattisamutthapika cetana. Tato musavada sannata orata, viratati attho. Casaddo sampindanattho. Theyyati theyyam vuccati thenabhavo, corikaya parassa harananti attho. Atthato parapariggahite parapariggahitasannino tadadayakaupakkamasamutthapika theyyacetana theyyam. Tato theyya sannata, arakati va sambandho. Aticarati aticca caro aticaro, lokamariyadam atikkamitva agamaniyatthane kamavasena caro micchacaroti attho. Agamaniyatthanam nama:- purisanam matu- rakkhita piturakkhita matapiturakkhita bhaturakkhita bhaginirakkhita natirakkhita gottarakkhita dhammarakkhita sarakkha saparidandati dasa, dhanakkita chandavasini bhogavasini patavasini odapattakini obhatacumbata dasi ca bhariya kammakari ca bhariya dhajahata muhuttikati dasati visati itthiyo. Itthisu pana dvinnam sarakkha- saparidandanam dasannanca dhanakkitadinanti dvadasannam annapurisa agamaniyatthanam, idameva idha adhippetam. Lakkhanato pana asaddhammadhippayena kayadvarapavatta agamaniyatthanavitikkamacetana aticaro. Tasma aticaRa. Majjapanati majjam vuccati madaniyatthena sura ca merayanca, pivanti tenati panam, majjassa panam majjapanam. Yaya dussilyacetanaya majjasankhatam pitthasura puvasura odaniyasura kinnapakkhitta samabharasamyuttati pancabhedam suram va, pupphasavo phalasavo madhvasavo gulasavo sambharasamyuttoti pancabhedam merayam va bijato patthaya kusaggenapi pivati, sa cetana majjapanam. 1- Tasma pajjapana araka virata. #[132] Evam "panatipata virata"tiadina pahatabbadhammavasena vibhajitva dassitam niccasilam puna samadatabbatavasena ekato katva dassenti @Footnote: 1 ka. majjapana "pancasikkhapade rata"ti aha. Tattha sikkhapadanti sikkhitabbapadam, sikkha- kotthasoti attho. Atha va jhanadayo 1- sabbepi kusala dhamma sikkhitabbato sikkha, pancasu pana silangesu yankinci angam tasam sikkhanam patitthanatthena padanti sikkhanam padatta sikkhapadam, panca silangani. Tasmim pancavidhe sikkhapade rata abhiratati pancasikkhapade rata. Ariyasaccana kovidati parinnapahanasacchikiriya- bhavanabhisamayavasena dukkhasamudayanirodhamaggasankhatesu catusu ariyasaccesu kusala nipuna, patividdhacatusaccati attho. Gotamassati bhagavantam gottena kitteti. Yasassinoti kittimato, parivaravato va. #[133] Sahanti sa yatha vuttaguna aham. Sakena silenati anussukitadina attano sabhavasilena ca uposathasiladisamadanasilena ca karanabhutena. Tam hi sattanam kammassakataya hitasukhavahataya ca visesato "sakan"ti vuccati. Tenevaha:- "tam hi tassa sakam hoti tanca adaya gacchati tancassa anugam hoti chayava anapayini"ti. 2- Yasasa ca yasassiniti "uttara upasika silacarasampanna anussuki amacchari akkodhana"tiadina "agataphala vinnatasasana"tiadina ca yathabhutagunadhigatena jalatale telena viya samantato patthatena kittisaddena yasassini kittimati, tena va silagunena idha adhigatena yasaparivarena yasassini sampannaparivaRa. Anubhomi sakam punnanti yathupacitam attano punnam paccanubhomi. Yassa hi punnaphalam anubhuyati, phalupacarena tam punnampi anubhuyatiti vuccati. Atha va puthujjanabhavato sucaritaphalampi "punnan"ti vuccati. Yathaha "kusalanam bhikkhave dhammanam samadanahetu evamidam punnam pavaddhati"ti. 3- Sukhita camhi'namayati dibbasukhena ca phalasukhena ca sukhita ca amhi bhavami, kayikacetasikadukkhabhavato anamaya aroga. @Footnote: 1 Ma. cetanadayo 2 sam.sa. 15/115/87 3 di.pa. 11/90,110/49,67 #[136] Mama cati casaddo samuccayattho. Tena "mama vacanena ca vandeyyasi, na tava sabhaveneva"ti vandanam samuccinoti. Anacchariyantiadina attano ariyasavikabhavassa pakatabhavam dasseti. Tam bhagavatiadi sangitikaravacanam. Sesam vuttanayamevati. Uttaravimanavannana nitthita. ------------The Pali Atthakatha in Roman Book 30 page 68-81. http://84000.org/tipitaka/atthapali/read_rm.php?B=30&A=1459&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=1459&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=15 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=365 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=400 The Pali Tipitaka in Roman Character :- http://84000.org/tipitaka/read/roman_read.php?B=26&A=400 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]