AtthaPali Vol.3

Parivaravannana ------- visuddhaparivarassa parivaroti sasane dhammakkhandhasarirassa khandhakanam anantara sangaham yo samarulho tassa pubbagatam nayam hitvadani karissami anuttanatthavannanam. ----------- Ubhatovibhange solasamahavaravannana {1} tattha yantena bhagavata .pe. Pannattantiadinayappavattaya tava pucchaya ayam sankhepattho yo so bhagava sasanassa ciratthitikattham dhammasenapatina saddhammagaravabahumanavegasamussitam anjalim sirasi patitthapetva yacito dasa atthavase paticca vinayapannattim pannapesi. Tena bhagavata tassa tassa sikkhapadassa pannattikalam janata tassa tassa sikkhapadapannattiya dasa atthavase passata apica pubbenivasadihi janata dibbena cakkhuna passata tihi vijjahi chahi vapana abhinnahi janata sabbattha appatihatena samantacakkhuna passata sabbadhammajananasamatthaya pannaya janata sabbasattanam cakkhuvisayatitani tirokuddadigatani capi rupani ativisuddhena mamsacakkhuna passata attahitasadhikaya samadhipadatthanaya Pativedhapannaya janata parahitasadhikaya karunapadatthanaya desanapannaya passata arahata sammasambuddhena yam pathamam parajikam pannattam tam kattha pannattam kam arabbha pannattam kismim vatthusmim pannattam atthi tattha pannatti .pe. Kenabhatanti. {2} Pucchavissajjane pana yantena bhagavata janata passata arahata sammasambuddhena pathamam parajikanti idam kevalam pucchaya agatassa adipadassa paccuddharanamattameva. Kattha pannattanti vesaliya pannattam kam arabbhati sudinnam kalandaputtam arabbhati- evamadina pana nayena punapi ettha ekekam padam pucchitvava vissajjitam. Eka pannattiti yo pana bhikkhu methunam dhammam patiseveyya parajiko hoti asamvasoti ayam pannatti eka pannatti. Dve anuppannattiyoti antamaso tiracchanagatayapiti ca sikkham apaccakkhayati ca makkativajjiputtakavatthunam vasena vutta ima dve anuppannattiyo. Ettavata atthi tattha pannatti anuppannatti anuppannapannattiti imisasa pucchaya dve kotthasa vissajjita honti. Tatiyam vissajjetum pana anuppannapannatti tasmim natthiti vuttam. Ayam hi anuppannapannatti nama anuppanne dose pannatta. Sa atthagarudhammavasena bhikkhuninamyeva agata annatra natthi tasma vuttam anuppannapannatti tasmim natthiti. Sabbattha pannattiti majjhimadese ceva paccantimajanapadesu ca sabbattha pannatti. Vinayadharapancamena gane upasampada Gananganupahana dhuvanahanam cammattharananti imani hi cattari sikkhapadani majjhimadeseyeva pannattani. Ettheva etehi apatti hoti na paccantimajanapadesu. Sesani sabbaneva sabbattha pannatti nama. Sadharanapannattiti bhikkhunanceva bhikkhuninanca sadharanapannatti. Suddhabhikkhunameva hi suddhabhikkhuninam va pannattasikkhapadam asadharanapannatti nama hoti. Idam pana bhikkhu arabbha uppanne vatthusmim ya pana bhikkhuni chandaso methunam dhammam patiseveyya antamaso tiracchanagatepi parajika hoti asamvasati bhikkhuninampi pannattam. Vinitakathamattameva hi tasam natthi. Sikkhapadam pana atthi. Tena vuttam sadharana- pannattiti. Ubhato pannattiyampi eseva nayo. Byanjanamattameva hi ettha nanam. Bhikkhunampi bhikkhuninampi sadharanatta sadharana- pannatti ubhinnampi pannattatta ubhato pannattiti. Atthe pana bhedo natthi. Nidanogadhanti yassa siya apatti so avikareyyati ettha sabbapattinam anupavitthatta nidanogadham nidane anupavitthanti attho. Dutiyena uddesenati nidanogadham nidanapariyapannampi samanam tatrime cattaro parajika dhammati- adina dutiyena neva uddesena uddesam agacchati. Catunnam vipattinanti silavipattiadinam. Pathama hi dve apattikkhandha silavipatti nama. Avasesa panca acaravipatti nama micchaditthi ca antagahikaditthi ca ditthivipatti nama ajivahetu pannattani cha Sikkhapadani ajivavipatti nama. Iti imasam catunnam vipattinam idam parajikam silavipatti nama hoti. Ekena samutthanenati dvangikena ekena samutthanena. Ettha hi cittam angam hoti kayena pana apattim apajjati. Tena vuttam kayato ca cittato ca samutthatiti. Dvihi samathehiti apannositi sammukha pucchiyamano ama apannomhiti patijanati. Tavadeva bhandanakalahaviggaha vupasanta hoti sakka ca hoti tam puggalam apanetva uposatho va pavarana va katum iti sammukhavinayena ca patinnatakaranena cati dvihi samathehi sammati. Na ca tappaccaya koci upaddavo hoti. Yam pana upari pannattivagge katamena samathena sammatiti vuttam tam samatham otaretva anapatti katum na sakkati imamattham sandhaya vuttam. Pannatti vinayoti yo pana bhikkhutiadina nayena vuttamatika pannatti vinayoti attho. Vibhattiti padabhajanam vuccati. Vibhattiti vibhangassetam namam. Asamvaroti vitikkamo. Samvaroti avitikkamo. Yesam vattatiti yesam vinayapitakam ca atthakatha ca sabba pagunati attho. Te dharentiti te etam pathamaparajikam palito ca atthato ca dharenti. Na hi sakka sabbam vinayapitakam ajanantena etassa attho janitunti. Kenabhatanti idam pathamam parajikam palivasena ca atthavasena ca yavaajjatanakalam kena anitam. Paramparabhatanti paramparaya anitam. {3} Idani yaya paramparaya anitam tam dassetum upalidasako Cevatiadina nayena poranakehi mahatherehi gathayo thapita. Tattha yam vattabbam tam nidanavannanayameva vuttam. Imina nayena dutiyaparajikadisu pucchavissajjanesupi vinicchayo veditabboti. Mahavibhange pannattivaravannana nitthita. {157} Ito param methunam dhammam patisevanto kati apattiyo apajjatiti- adippabhedo katapattivaro methunam dhammam patisevantassa apattiyo catunnam vipattinam kati vipattiyo bhajantitiadippabhedo vipattivaro methunam dhammam patisevantassa apattiyo sattannam apattikkhandhanam katihi apattikkhandhehi sangahitatiadippabhedo sangahavaro methunam dhammam patisevantassa apattiyo channam apattisamutthananam katihi samutthanehi samutthahantitiadippabhedo samutthanavaro methunam dhammam patisevantassa apattiyo catunnam adhikarananam katamam adhikarananti- adippabhedo adhikaranavaro methunam dhammam patisevantassa apattiyo sattannam samathanam katihi samathehi sammantitiadippabhedo samathavaro tadanantaro samuccayavaro cati ime satta vara uttanattha eva. {188} Tato param methunam dhammam patisevanapaccaya parajikam kattha pannattanti- adina nayena puna paccayavasena eko pannattivaro tassa vasena purimasadisaeva katapattivaradayo satta varati evam aparepi attha vara vutta. Tepi uttanattha eva. Iti purima attha ime atthati mahavibhange solasa vara dassita. Tato param teneva nayena bhikkhunivibhangepi solasa vara agatati evamime ubhatovibhange Dvattimsa vara palinayeneva veditabba. Na hettha kinci pubbe avinicchitannama atthi. Mahavibhange ca bhikkhunivibhange ca solasamahavaravannana nitthita. ---------

The Pali Atthakatha in Roman Book 3 page 461-466. http://84000.org/tipitaka/atthapali/read_rm.php?B=3&A=9420&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9420&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=1 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=1 The Pali Tipitaka in Roman Character :- http://84000.org/tipitaka/read/roman_read.php?B=4&A=1 Contents of The Tipitaka Volume 4 http://84000.org/tipitaka/read/?index_4