AtthaPali Vol.3

Bhikkhunikkhandhakavannana -------- {402} bhikkhunikkhandhake. Alam gotami ma te ruciti kasma patikkhipati nanu sabbesampi buddhanam catasso parisa hontiti. Kamam honti kilametva pana anekakkhattum yacitena anunnatam pabbajjam dukkham laddha ayam amhehiti samma paripalessantiti garukam katva anujanitukamo patikkhipati. Atthagarudhammakatha mahavibhangeyeva kathita. {403} Kumbhathenakehiti kumbhe dipam jaletva tena alokena paraghare bhandam vicinitva thenakacorehi. Setatthika nama rogajatiti eko panako nama. So nalimajjhe gatam kandam vijjhati yena viddhatta nikkhantampi salisisam khiram gahetum na sakkoti. Manjetthika nama rogajatiti ucchunam antorattabhavo. Mahato talakassa patikacceva palinti imina pana etamattham dasseti yatha mahato talakassa paliya abaddhayapi kinci udakam tittheyya pathamameva baddhaya pana yam udakam abaddhapaccaya na tittheyya tampi baddhaya tittheyya evameva ye ime anuppanne vatthusmim patikacceva avitikkamanatthaya garudhamma pannatta bhagavata tesu apannattesupi matugamassa pabbajitatta panca vassasatani saddhammo tittheyya patikacceva pannattatta pana aparanipi panca vassasatani Thassatiti evam pathamam vuttam vassasahassameva thassatiti. Vassasahassanti cetam patisambhidappabhedapattakhinasavavaseneva vuttam. Tato pana uttarimpi sukkhavipassakakhinasavavasena vassasahassam anagamivasena vassasahassam sakadagamivasena vassasahassam sotapannavasena vassasahassanti evam panca vassasahassani pativedhasaddhammo thassati. Pariyattidhammopi taniyeva. Na hi pariyattiya asati pativedho atthi napi pariyattiya sati pativedho na hoti. Lingam pana pariyattiya antarahitayapi ciram pavattissatiti. {404} Anujanami bhikkhave bhikkhuhi bhikkhuniyo upasampadetunti imaya anunattiya bhikkhu pancasata sakiyaniyo mahapajapatiya saddhim vihariniyo katva upasampadesum. Iti ta sabbapi ekato upasampanna nama ahesum. Ye kho tvam gotamiti imina ovadena gotami arahattam patta. {409} Kammam na kariyatiti tajjaniyadi sattavidhampi kammam na kariyati. Khamapentiti na puna evarupam karissamati khamapenti. {410} Anujanami bhikkhave bhikkhuhi bhikkhuninam kammam aropetva bhikkhuninam niyyadetunti ettha tajjaniyadisu idam nama kammam etissa katabbanti evam aropetva tamdani tumheva karothati niyyadetabbam. Sace pana annasmim aropite annam karonti tajjaniyakammarahassa niyasakammam karontiti ettha vuttanayeneva karetabbatam apajjanti. {411} Kaddamodakenati ettha na kevalam kaddamodakena vippasannaudakarajanakaddamadisupi yenakenaci osincantassa dukkatameva. Avandiyo so bhikkhave Bhikkhu bhikkhunisanghena katabboti bhikkhuniupassaye sannipatitva asuko nama ayyo bhikkhuninam apasadaniyam dasseti etassa ayyassa avandiyakaranam ruccatiti evam tikkhattum savetabbam. Ettavata avandiyo kato hoti. Tato patthaya yatha samaneram disva na vandanti evameva disvapi na vanditabbo. Tena bhikkhuna samma vattantena bhikkhuniupassayam agantva vihareyeva sangham va ekapuggalam va upasankamitva ukkutikam nisiditva anjalim paggahetva bhikkhunisangho mayham khamatuti khamapetabbam. Tena bhikkhuna bhikkhuninam santikam gantva eso bhikkhu tumhe khamapetiti vattabbam. Tato patthaya so vanditabbo. Ayamettha sankhepo. Vittharam pana kammavibhange vakkhama. Obhasentiti asaddhammena obhasenti. Bhikkhunihi saddhim sampayojentiti bhikkhunihi saddhim purise asaddhammena sampayojenti. Avandiyakaranam vuttanayameva. Avarananti viharappavesananivaranattadikam avaranam. Na adiyantiti na samma sampaticchanti. Ovadam thapetunti etatha na bhikkhuniupassayam gantva thapetabbo ovadanatthaya panagata bhikkhuniyo vattabba asuka nama bhikkhuni sapattika assa ovadam thapemi ma taya saddhim uposatham karitthati. Kayavivaranadisupi dandakammam vuttanayameva. {413} Na bhikkhave bhikkhuniya ovado na gantabbotiadi bhikkhunivibhangavannanayam vuttameva. Phasuke namentiti gihidarikayo viya thanapatakena kayabandhanena phasuke namanatthaya bandhanti. Ekapariyayakatanti ekavaram parikkhipanakam. Vilivena pattenati sanhehi veluvilivehi katapattena. Dussapattenati setavatthapattena. Dussaveniyati dussena kataveniya. Dussavattiyati dussena katavattiya. Colapattadisu colakasavam colanti veditabbam. Atthillenati gojanghatthikena. Jaghananti katippadeso vuccati. Hattham kottapentiti aggabaham kottapetva morapattadihi cittakam karonti. Hatthakocchanti pitthihattham. Padanti jangham. Padakocchanti pitthipadam. {417} Mukhalimpanadini vuttanayaneva. Avangam ^1- karontiti akkhianjaniyo avangadese adhomukham lekham karonti. Visesakanti gandappadese vicitrasanthanam visesakam karonti. Olokanakenati vatapanam vivaritva vithim olokenti. Saloke titthantiti dvaram vivaritva upaddhakayam dassentiyo titthanti. Sanaccanti natasamajjam karenti. Vesim vutthapentiti ganikam vutthapenti. Panagaram thapentiti suram vikkinanti. Sunam thapentiti mamsam vikkinanti. Apananti nanabhandanam anekavidham apanam pasarenti. Dasam upatthapentiti dasam gahetva tena attano veyyavaccam karenti. Dasiadisupi eseva nayo. Haritakapattikam ^2- pakinantiti haritakanceva pakkanca pakinanti. Pakinnakapanam pasarentiti vuttam hoti. {418} Sabbanilakadikatha kathitayeva. {419} Bhikkhuni ce bhikkhave kalam karontitiadisu ayam palimuttakavinicchayo. @Footnote: ^1. avankam itipi . ^2. pattikanca itipi. Sace hi pancasu sahadhammikesu yo koci kalam karonto mamaccayena mayham parikkharo upajjhayassa hotu acariyassa hotu saddhiviharikassa hotu antevasikassa hotu matu hotu pitu hotu annassa va kassaci hotuti vadati. Tesam na hoti sanghasseva hoti. Na hi pancannam sahadhammikanam accayadanam ruhati gihinam pana ruhati. Bhikkhu bhikkhunivihare kalam karoti tassa parikkharo bhikkhunamyeva hoti. Bhikkhuni bhikkhuvihare kalam karoti tassa parikkharo bhikkhuninamyeva hoti. {420} Puranamalliti purane gihikale mallassa bhariya. Purisabyanjananti purisanimittam chinnam va hotu acchinnam va paticchannam va appaticchannam va. Sace etasmim thane purisabyanjananti cittam uppadetva upanijjhayati dukkatam. {421} Attano paribhogatthaya dinnam nama yam tumhe eva paribhunjathati vatva dinnam tam annassa dadato dukkatam. Aggam gahetva pana datum vattati. Sace asappayam sabbampi apanetum vattati. Civaram ekaham va dviham va paribhunjitva datum vattati. Pattadisupi eseva nayo. Bhikkhuhi bhikkhunihi patiggahapetvati hiyyo patiggahetva thapitamisam ajja annasmim anupasampanne asati bhikkhuhi patiggahapetva bhikkhunihi paribhunjitabbam. Bhikkhuhi patiggahitam hi bhikkhuninam apatiggahitatthane titthati. Bhikkhunampi bhikkhunisu eseva nayo. {426} Asanam sangayantiyoti asanam sangahentiyo. Kalam vitinamesunti annampi vutthapetva annam nisidapentiyo bhojanakalam Atikkamesum. Atthannam bhikkhuninam yathavuddhanti ettha sace dhure atthasu nisinnasu tasam abbhantarima anna agacchati sa attano navakataram utthapetva nisiditum labhati. Ya pana atthahipi navakatara sa sacepi satthivassa hoti agatapatipatiyava nisiditum labhati. Annattha yathavuddham na patibahitabbanti thapetva bhattaggam annasmim catupaccayabhajaniyatthane aham pubbe agatati vuddham patibahitva kinci na gahetabbam. Yathavuddhameva vattati. Pavaranakatha kathitayeva. {429} Itthiyuttantiadihi sabbayanani anunnatani. Patankinti patapotalikam. {430} Dutena upasampada dasannam antarayanam yenakenaci vattati. Kammavacapariyosane sa bhikkhuni bhikkhuniupassaye thita va hotu nisinna va jagara va niddam okkanta va upasampannava hoti. Tavadeva chayati- adini agataya dutabhikkhuniya acikkhitabbani. {431} Uddositoti bhandasala. Na sammatiti nappahoti. Upassayanti gharam. Navakammanti sanghassatthaya bhikkhuniya navakammam katum anujanamiti attho. {432} Tassa pabbajitayati tassa pabbajitakale. Yava so darako vinnutam papunatiti yava khaditum bhunjitum nahayitum ca attano dhammataya sakkotiti attho. Thapetva sagaranti sahagaraseyyamattam thapetva. Yatha annasmim purise evam dutiyikaya bhikkhuniya tasmim darake patipajjitabbanti dasseti. Tam mata nahapetum payetum bhojetum manditum ure katva sayitum ca labhati. {434} Yadeva sa vibbhantati yasma sa vibbhanta attano ruciya khantiya odatani vatthani nivaseti tasmayeva sa abhikkhuni na sikkhapaccakkhanenati dasseti. Sa puna upasampadam na labhati. Sa agata na upasampadetabbati na kevalanca na upasampadetabba pabbajjampi na labhati. Odatani gahetva vibbhanta pana pabbajjamattam labhati. Abhivadanantiadisu purisa pade sambahanta vandanti kese chindanti nakhe chindanti vanapatikammam karonti tam sabbam kukkuccayanta na sadiyantiti attho. Tatra keci acariya sace ekato va ubhato va avassuta honti saratta yathavatthukameva. Eke acariya natthi ettha apattiti vadanti. Evam acariyavadam dassetva idam uddissa anunnatam vattatiti atthakathasu vuttam. Tam pamanam. Anujanami bhikkhave sadiyitunti hi vacaneneva tam kappiyam. {435} Pallankena nisidantiti pallankam abhujitva nisidanti. Addhapallankanti ekam padam abhujitva katapallankam. Hetthavivate uparipaticchanneti ettha sace kupo khanito ^1- upari pana padaramattameva sabbadisasu pannayati evarupepi vattati. {436} Kukkusam mattikanti kundakanceva mattikanca. Sesam sabbattha uttanamevati. Bhikkhunikkhandhakavannana nitthita. --------- @Footnote: ^1. khato.

The Pali Atthakatha in Roman Book 3 page 448-454. http://84000.org/tipitaka/atthapali/read_rm.php?B=3&A=9179&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9179&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4