Atthakatha Book 3 : PALI ROMAN
Vinaya.A. (samanta.3)

     Bhikkhu ganetvati ettaka nama bhikkhuti vihare bhikkhunam
paricchedam natva. {318} Seyyati mancatthanani vuccanti. Seyyaggenati
seyyaparicchedena. Vassupanayikadivase kalam ghosetva ekam
mancatthanam ekassa bhikkhuno gahetum anujanamiti attho.
Seyyaggena gahentati seyyaparicchedena gahiyamana. Seyya
ussadiyimsuti evam mancatthanani atirekani ahesum. Viharaggadisupi
eseva nayo. Sopacaragabbho adhippeto. Anubhaganti puna
---------------------------------------------------------------------------------------------
page363.
Aparampi bhagam datum atimandesu hi bhikkhusu ekekassa bhikkhuno
dve tini parivenani databbani. Na akama databboti
na anicchaya databbo. Vassupanayikadivase gahite anubhage
paccha agatanam na attano aruciya so anubhago databbo.
Sace pana na yena gahito so attano ruciya tam anubhagam va
pathamabhagam va deti vattati.
     Nissime thitassati upacarasimato bahitthitassa. Anto
upacarasimaya pana dure thitassapi labbhatiyeva.
     Senasanam gahetvati vassupanayikadivase gahetva. Sabbakalam
patibahantiti catumasaccayena utukalepi patibahanti.
     Tisu senasanagahesu purimako ca pacchimako cati ime dve
thavara. Antaramuttake ayam vinicchayo. Ekasmim vihare
mahalabhasenasanam hoti. Senasanasamika vassupagatam bhikkhum
sabbapaccayehi sakkaccam upatthahitva pavaretva gamanakale bahum
samanaparikkharam denti. Mahathera duratopi agantva vassupanayika-
divase tam gahetva phasum vasitva vutthavassa labham ganhitva
pakkamanti. Avasika mayam etthuppannam labham na labhama niccam
agantukamahatherava labhanti teyeva nam agantva patijaggissantiti
palujjantampi na olokenti. Bhagava tassa patijagganattham
aparajjugataya mahapavaranaya ayatim vassavasatthaya antaramuttako
gahetabboti aha. Tam gahentena sanghatthero vattabbo bhante
---------------------------------------------------------------------------------------------
page364.
Antaramuttakam senasanam ganhathati. Sace ganhati databbam
no ce eteneva upayena anutheram adim katva yo ganhati
tassa antamaso samanerassapi databbam. Tenapi tam senasanam
atthamase patijaggitabbam. Chadanabhittibhumisu yankinci khandam va
phullam va hoti. Sabbam patisankharitabbam. Uddesaparipucchadihi
divasam khepetva rattim tattha vasitumpi vattati. Rattim parivene
vasitva tattha divasam khepetum vattati. Rattindivam tattheva vasitumpi
vattati. Utukale agatanam vuddhanam na patibahitabbam.
Vassupanayikadivase pana sampatte sanghatthero mayham idam senasanam
dethati vadati. Na labbhati. Bhante idam antaramuttakam gahetva
atthamase ekena bhikkhuna patijaggitanti vatva na databbam.
Atthamase patijaggitabhikkhusseva gahitam hoti. Yasmim pana senasane
ekasamvacchare dvikkhattum paccaye denti tam chamasaccayena
chamasaccayena antaramuttakam na gahetabbam. Yasmim va tikkhattum denti
tam catumasaccayena catumasaccayena. Yasmim va catukkhattum denti
tam temasaccayena temasaccayena antaramuttakam na gahetabbam.
Paccayeneva hi tam patijagganam labhissati. Yasmim pana ekasamvacchare
sakimdeva bahu paccaye denti etam antaramuttakam gahetabbanti.
Ayantava antovasse vassupanayikadivasena paliyam agatasenasana-
gahakakatha. Ayam pana senasanagaho nama duvidho hoti utukale ca
vassavase ca.
---------------------------------------------------------------------------------------------
page365.
     Tattha utukale tava keci agantuka bhikkhu purebhattam
agacchanti keci pacchabhattam pathamayamam majjhimayamam pacchimayamam
va ye yada agacchanti tesam tadava bhikkhu utthapetva
senasanam databbam. Akalo nama natthi. Senasanapannapakena
pana panditena bhavitabbam. Ekam va dve va mancatthanani
thapetabbani. Sace vikale eko va dve va mahathera
agacchanti te vattabba bhante adito patthaya utthapiyamana
sabbepi bhikkhu ubbhandika bhavissanti tumhe amhakam vasanatthane-
yeva vasathati. Bahusu pana agatesu vutthapetva patipatiya
databbam. Sace ekekam parivenam pahoti ekekam parivenam
databbam tattha aggisaladighasalamandalamaladayo sabbepi tasseva
papunanti. Evam appahontesu pasadaggena databbam.
Pasadesu appahontesu ovarakaggena databbam. Ovarakaggesu
appahontesu seyyaggena databbam. Mancatthane appahonte
ekapithakatthanavasena databbam. Bhikkhuno pana thitokasamattam na
gahetabbam. Etam hi senasanam nama na hoti. Pithakatthane
pana appahonte ekam mancatthanam va pithakatthanam va varena
varena bhante vissamathati tinnam jananam databbam. Na hi
sakka sitasamaye sabbarattim ajjhokase vasitum. Mahatherena
pathamayamam vissamitva nikkhamitva dutiyattherassa vattabbam avuso
idha pavisahiti. Sace mahathero niddagaruko hoti kalam na
---------------------------------------------------------------------------------------------
page366.
Janati ukkasitva dvaram akotetva bhante kalo jato
sitam anudahatiti vattabbam. Tena nikkhamitva okaso databbo.
Adatum na labhati. Dutiyattheranapi majjhimayamam vissamitva
purimanayeneva itarassa databbam. Niddagaruko vuttanayeneva
vutthapetabbo. Evam ekarattim ekamancatthanam tinnam databbam.
Jambudipe pana ekacce bhikkhu senasanam nama mancatthanam va
pithatthanam va kincideva kassaci sappayam hoti kassaci asappayanti
agantuka va hontu ma va devasikam senasanam gahenti.
Ayam utukale senasanagaho nama.
     Vassavase pana atthi agantukavattam atthi avasikavattam.
Tattha agantukena tava sakatthanam muncitva annattha gantva
vasitukamena vassupanayikadivasameva tattha na gantabbam. Vasanatthanam
va hi tattha sambadham bhaveyya bhikkhacaro va na sampajjeyya.
Tena na phasukam vihareyya tasma idani masamattena vassupanayiko
bhavissatiti tam viharam pavisitabbam. Tattha masamattam vasanto sace
uddesatthiko uddesasampattim sallakkhetva sace kammatthaniko
kammatthanasappayam sallakkhetva sace paccayatthiko paccayalabham
sallakkhetva antovasse sukham vasissati. Sakatthanato ca
tattha gacchantena na gocaragamo ghatetabbo na tattha manussa
vattabba tumhe nissaya salakabhattadini va yagukhajjakadini
va vassavasikam va natthi ayam cetiyassa parikkharo ayam
---------------------------------------------------------------------------------------------
page367.
Uposathagarassa idam talanceva suci ca sampaticchatha tumhakam
viharanti. Senasanampana patijaggitva darubhandamattikabhandani
patisametva gamiyavattam puretva gantabbam. Evam gacchantenapi
daharehi pattacivarabhandakadayo ukkhipapetva telanalikattaradandadini
gahapetva chattam paggayha attanam dassentena gamadvareneva na
gantabbam. Paticchannena atavimaggena gantabbam. Atavimagge asati
gumbadini maddantena na gantabbam. Gamiyavattam pana puretva
vitakkam chinditva suddhacittena gamanavatteneva gantabbam. Sace
pana gamadvarena maggo hoti. Gacchantam pana saparivaram disva
manussa amhakam thero viyati upadhavitva kuhim bhante sabbe
parikkhare gahetva gacchathati vadanti. Tesu ce eko evam vadati
vassupanayikakalo namayam yattha antovasse nibaddhabhikkhacaro
bhandapaticchadananca labbhati tattha bhikkhu gacchantiti. Tassa ce
sutva te manussa bhante imasmimpi game jano bhunjati ceva
nivaseti ca ma annattha gacchathati vatva mittamacce
pakkosapetva sabbe samantayitva vihare nibaddhabhattanca salakabhattadini
ca vassavasikanca thapetva idheva bhante vasathati yacanti.
Sabbam saditum vattati. Sabbampetam kappiyanceva anavajjanca.
Kurundiyam pana kuhim gacchathati vutte asukatthananti vatva kasma
tattha gacchathati vuttena karanam acikkhitabbanti vuttam. Ubhayam
panetam suddhacittattava anavajjam. Idam agantukavattam nama.
---------------------------------------------------------------------------------------------
page368.
     Idam pana avasikavattam. Patikacceva hi avasikehi viharo
patijaggitabbo. Khandaphullapatisankharanaparibhandani katabbani.
Rattitthanadivatthanavaccakutipassavatthanani padhanagharaviharamaggoti
imani sabbani patijaggitabbani cetiye sudhakammam khuddavedikaya
telamakkhanamancapithajaggananti idampi sabbam katabbam vassam vasitukama
agantva uddesaparipucchakammatthananuyogadini karonta sukham
vasissantiti. Kataparikammehi asalhajunhapancamito patthaya
vassavasikam pucchitabbam. Kattha pucchitabbam. Yato pakatiya
labbhati. Yehi pana na dinnapubbam te pucchitum na vattati.
Kasma pucchitabbam. Kadaci hi manussa denti kadaci dubbhikkhadihi
upadduta na denti tattha ye na dassanti te apucchitva
vassavasike gahite gahitabhikkhanam labhantarayo hoti tasma
pucchitvava gahetabbam. Pucchantena tumhakam vassavasikagahana-
kalo upakatthoti vattabbam. Sace vadanti bhante imam samvaccharam
chatakadihi upaddutamha na sakkoma datunti va yam pubbe dema
tato unataram dassamati va idani kappaso sulabho yam
pubbe dema tato bahutaram dassamati va tam sallakkhetva
tadanurupena nayena tesam senasane bhikkhunam vassavasikam gahetabbam.
     Sace manussa vadanti yassa amhakam vassavasikam papunati
so temasam paniyam upatthapetu viharamaggam jaggatu cetiyangana-
bodhiyanganani jaggatu bodhirukkhe udakam asincatuti. Yassa
---------------------------------------------------------------------------------------------
page369.
Vassavasikam papunati tassacikkhitabbam. Yo pana gamo patikkamma
yojanadviyojanantare hoti. Tatra ce kulani upanikkhepam thapetva
vihare vassavasikam dentiyeva. Tani kulani apucchitvapi
tesam senasane vattam katva vasantassa bhikkhuno vassavasikam
gahetabbam sace pana tesam senasane pamsukuliko vasati. Agatanca
nam disva tumhakam vassavasikam demati vadanti. Tena sanghassa
acikkhitabbam. Sace tani kulani sanghassa datum na icchanti
tumhakamyeva demati vadanti. Sabhago bhikkhu vattam katva
ganhahiti vattabbo. Pamsukulikassa panetam na vattati. Iti
saddhadeyyadayakamanussa pucchitabba. Tatruppade pana
kappiyakaraka pucchitabba. Katham pucchitabba. Kim avuso sanghassa
bhandapaticchadanam bhavissatiti. Sace vadanti bhavissati bhante
ekekassa navahattham satakam dassama vassavasikam gahethati
gahetabbam. Sacepi vadanti sataka natthi vatthum pana atthi gahetha
bhanteti. Vatthumhi santepi gahetum vattatiyeva. Kappiyakarakanam
hi hatthe kappiyabhandam paribhunjathati dinnavatthuto yam yam kappiyam
tam tam sabbam paribhunjitum anunnatam. Yam panettha pindapatatthaya
gilanapaccayatthaya va bhikkhunam uddissa dinnam tam civare
upanamentehisanghasutthutayaapaloketva upanametabbam. Senasanatthaya
uddissa dinnam garubhandam hoti. Civaravaseneva pana
catuppaccayavasena va dinnam civare upanamentanam apalokanakammakiccam
---------------------------------------------------------------------------------------------
page370.
Natthi. Apalokanakammam karontehi pana puggalavaseneva katabbam
sanghavasena na katabbam. Jataruparajatavasenapi amakadhannavasena
va apalokanakammam na vattati. Kappiyabhandavaseneva
civaratanduladivaseneva ca vattati. Tam pana evam kattabbam idani
subhikkham sulabhapindam bhikkhu civarena kilamanti ettakam nama
tandulabhagam bhikkhunam civaram katum ruccati gilanapaccayo sulabho
gilano va natthi ettakam nama tandulabhagam bhikkhunam civaram
katum ruccatiti. Evam civarappaccayam sallakkhetva senasanassa kale
ghosite sannipatite sanghe senasanagahako sammannitabbo.
Sammannantehi ca ekam sammannitum na vattati dve sammannitabbati
vuttam. Evam hi navako vuddhassa vuddho ca navakassa
gahessatiti. Mahante pana mahaviharasadise vihare tayo cattaro
jana sammannitabba. Kurundiyam pana atthapi solasapi jane sammannitum
vattatiti vuttam. Tesam sammati kammavacayapi apalokanakammenapi
vattatiyeva tehi sammatehi bhikkhuhi senasanam sallakkhetabbam.
Cetiyagharam bodhigharam asanagharam sammujjaniatto daruatto vaccakuti
itthakasala vaddhakisala dvarakotthako paniyamalo maggo
pokkharaniti etani hi asenasanani. Viharo addhayogo
pasado hammiyam guha mandapo rukkhamulam velugumboti imani
senasananiti tani gahetabbani. Gahentena ca pathamam bhikkhu
ganetum bhikkhu ganetva seyya ganetunti ettha vuttanayena
---------------------------------------------------------------------------------------------
page371.
Gahetabbani. Sace sanghiko ca saddhadeyya cati dve
civarappaccaya honti. Tesu yam bhikkhu pathamam ganhitum icchanti tam
gahetva tassapi thitikato patthaya itaro gahetabbo. Sace
bhikkhunam appataya parivenaggena senasane gahiyamane ekam
parivenam mahalabham hoti. Dasa va dvadasa va ticivarani
labbhanti. Tam vijatetva annesu alabhesu avasesu pakkhipitva
annesampi bhikkhunam gahetabbanti mahasumatthero aha.
Mahapadumatthero panaha na evam katabbam manussa hi attano
avasajagganatthaya paccayam denti tasma annehi bhikkhuhi tattha
pavisitabbanti. Sace panettha mahathero patikkosati ma
avuso evam gahetha bhagavato anusittham karotha vuttam hetam
bhagavata anujanami bhikkhave parivenaggena gahetunti. Tassa
patikkosanaya athatva bhante bhikkhu bahu paccayo mando sangaham
katum vattatiti tam sannapetva gahetabbameva. Gahentena ca
sammatena bhikkhuna mahatherassa santikam gantva evam vattabbam
bhante tumhakam senasanam papunati paccayamva ganhathati.
Asukakulassa ca paccayo asukasenasananca mayham papunati avusoti.
Papunati bhante ganhatha nanti. Ganhami avusoti. Gahitam
hoti. Sace pana gahitam te bhanteti vutte gahitam meti va
ganhissatha bhanteti vutte ganhissamiti va vadati agahitam hotiti
mahasumatthero aha. Mahapadumatthero panaha atitanagatavacanam
---------------------------------------------------------------------------------------------
page372.
Va hotu vattamanavacanam va satuppadamattam alayakaranamattameva
cettha pamanam tasma gahitameva hotiti. Yopi pamsukuliko
bhikkhu senasanam gahetva paccayam vissajjeti. Ayampi na annasmim
avase pakkhipitabbo. Tasmimyeva avase nikkhipitabbo.
Tasmimyeva parivene aggisalaya va dighasalaya va rukkhamule va
annassa gahetum vattati. Pamsukuliko vasamiti senasanam jaggissati.
Itaro paccayam ganhamiti. Evam dvihi karanehi senasanam
sujaggitataram bhavissati. Mahapaccariyam pana vuttam pamsukulike
vasatthaya senasanam ganhante senasanagahapakena vattabbam idha
bhante paccayo atthi so kim katabboti. Tena hettha
annam gahapehiti vattabbo. Sace pana kinci avatvava
vasati tattha vutthavassassa cassa padamule thapetva satakam
denti vattati. Atha vassavasikam demati vadanti tasmim
senasane vassam vutthabhikkhunam papunatiti. Yesam pana senasanam
natthi kevalam paccayameva denti. Tesam paccayam avassavasike
senasane gahetum vattati. Manussa thupam katva vassavasikam
gahapenti. Thupo nama asenasanam tassa samipe rukkhe va
mandape va upanibandhitva gahapetabbam. Tena bhikkhuna cetiyam
patijaggitabbam. Bodhirukkhabodhigharaasanagharasammujjaniattadaruatta-
vaccakutidvarakotthakapaniyakuti 1- paniyamalakadantakatthamalakesupieseva
@Footnote: 1. paniyakutiti atirekam manne.
---------------------------------------------------------------------------------------------
page373.
Nayo. Bhojanasala pana senasanameva tasma tam ekassa va
bahunnam va paricchinditva gahetum vattati. Sabbamidam vittharena
mahapaccariyam vuttam. Senasanagahapakena pana patipadaarunato
patthaya yava puna arunam na bhijjati tava gahetabbam. Idam
hi senasanagahassa khettam. Sace patova gahite senasane
anno vitakkacariko bhikkhu agantva senasanam yacati.
Gahitam bhante senasanam vassupagato sangho ramaniyo viharo
rukkhamuladisu yattha icchatha tattha vasathati vattabbo. Vassupagatehi
antovasse nibaddhavattam thapetva vassupagata bhikkhu sammujjaniyo
bandhathati vattabba. Sulabha ce dandaka ceva salakayo ca
honti. Ekekena cha panca mutthisammujjaniyo dve tisso
yatthisammujjaniyo va bandhitabba. Dullabha ce honti dve
tisso mutthisammujjaniyo eka yatthisammujjani va bandhitabba.
Samanerehi cha panca ukka kottetabba. Vasanatthanesu
kasavaparibhandam katabbam. Vattam karontehi ca na uddisitabbam
na uddisapetabbam na sajjhayo katabbo na pabbajetabbam
na upasampadetabbam na nissayo databbo na dhammassavanam
katabbam sabbeva hi ete sapapanca nippapanca hutva
samanadhammameva karissamati va sabbe terasadhutangani samadiyantu
seyyam akappetva thanacankamehi vitinamentu mugavatgam ganhantu
sattahakaraniyena gatapi bhajaniyabhandam ma labhantuti va evarupam
---------------------------------------------------------------------------------------------
page374.
Adhammikavattam na katabbam. Evam pana katabbam. Pariyattidhammo
nama tividhampi saddhammam patitthapeti tasma sakkaccam uddisatha
uddisapetha sajjhayam karotha padhanaghare vasantanam sanghatanam
akatva antovihare nisiditva uddisatha uddisapetha sajjhayam
karotha dhammassavanam samiddham karotha pabbajenta sodhetva
pabbajjam detha upasampadenta sodhetva upasampadam detha
nissayam dadanta sodhetva nissayam detha ekopi hi kulaputto
pabbajjanca upasampadanca labhitva sakalam sasanam patitthapessati
attano thamena yattakani sakkotha tattakani dhutangani samadiyittha
antovassam nametam sakaladivasam rattiya ca pathamamajjhimapacchimayamesu
appamattehi bhavitabbam viriyam arabhitabbam poranaka mahatherapi
sabbapalibodhe chinditva antovasse ekacariyam vattam purayimsu
bhasse mattam janitva dasavatthukathadasaasubhadasanussatiyo
atthattimsarammanakathanca katum vattati agantukanam vattam katum
sattahakaraniyena gatanam apaloketva datum vattatiti evarupam
vattam katabbam. Apica bhikkhu ovaditabba viggahikapisuna-
pharusavacanani ma vadetha divase divase silani avajjenta
caturarakkham ahapenta manasikarabahula viharathati. Dantakattha-
khadanavattam acikkhitabbam. Acaravattam acikkhitabbam. Cetiyam va
bodhim va vandantena gandhamalam va pujentena pattam va thavikaya
pakkhipantena na kathetabbam. Bhikkhacaravattam acikkhitabbam.
---------------------------------------------------------------------------------------------
page375.
Antogame manussehi saddhim paccayasannuttakatha va visabhagakatha
va na kathetabba. Rakkhitindriyehi bhavitabbam khandhakavattanca
sekhiyavattanca puretabbanti evarupapi bahukapi niyyanikakatha
acikkhitabbati. Pacchimavassupanayikadivase pana sace kalam ghosetva
sannipatite sanghe koci dasahattham vattham aharitva vassavasikam
deti. Agantuko ce bhikkhu sanghatthero hoti tassa databbam
navako ce hoti sammatena bhikkhuna sanghatthero vattabbo
sace bhante icchatha pathamabhagam muncitva idam vattham ganhathati.
Amuncantassa na databbam. Sace pana pubbe gahitam muncitva
ganhati eteneva upayena dutiyattherato patthaya parivattetva
pattatthane agantukassa databbam. Sace pathamavasasupagata dve
tini cattari panca va vatthani alatthum laddham laddham eteneva
upayena vissajjapetva yava agantukassa samakam hoti tava
databbam. Tena pana samake laddhe avasittho anubhago therasane
databbo. Paccuppanne labhe satitthitikaya gahetum ruccatiti
katikam katum vattati. Sace dubbhikkham hoti dvisupi vassupanayikesu
vassupagata bhikkhu bhikkhaya kilamanta avuso idha vasanta hi
sabbeva kilamama sadhu vata dve bhaga homa yesam
natipavaritatthanani atthi te tattha vasitva pavaranaya agantva
attano pattam vassavasikam ganhantuti vadanti. Tesu ye tattha
vasitva pavaranaya agacchanti tesam apalokanakammam katva
---------------------------------------------------------------------------------------------
page376.
Vassavasikam databbam. Sadiyantapi hi te bhikkhu neva
vassavasikassa samino khiyantapi ca avasika neva adatum labhanti.
Kurundiyam pana vuttam katikavattam katabbam sace sabbesam no
idha yagubhattam nappahoti sabhagatthane vasitva agacchatha
tumhakam pattam vassavasikam labhissathati. Tance eko patibahati
suppatibahitam. No ce patibahati katika sukata paccha tesam
tattha vasitva agatanam apaloketva databbam apalokanakale
patibahitum na labhatiti. Punapi vuttam sace pana vassupagatesu
ekaccanam vassavasike apapunante bhikkhu katikam karonti
chinnavassanam vassavasikanca idani uppajjanakam vassavasikanca imesam
datum ruccatiti. Evam katikaya kataya gahitasadisameva hoti.
Uppannuppannanca tesameva databbanti. Temasam paniyam
upatthapetva viharamaggacetiyanganabodhiyanganadini jaggitva bodhirukkhe
udakam sincitva pakkantopi vibbhamantopi vassavasikam
labhatiyeva. Bhatinivittham 1- hi tena tam 2- sanghikam pana apalokanakammam
katva gahitam antovasse vibbhamantopi labhateva paccayavasena
gahitum pana na labhatiti vadanti. Sace vutthavasso disam gamiko
bhikkhu avasikassa hatthato kincideva kappiyabhandam gahetva
asukakule mayham vassavasikam pattam tam ganhathati vatva gatatthane
vibbhamati vassavasam sanghikam hoti. Sace pana manusse sammukha
@Footnote: 1. bhattinivittham itipi .  2. katam itipi.
---------------------------------------------------------------------------------------------
page377.
Sampaticchapetva gacchati labhati. Idam vassavasikam amhakam
senasane vutthavassassa bhikkhuno demati vutte yassa gahitam tasseva
hoti. Sace pana senasanasamikassa piyakamyataya puttadhitadayo
bahuni vatthani aharitva amhakam senasane demati vadanti
tattha vassupagatassa ekameva vattham databbam. Sesani sanghikani
honti. Vassavasikatthitikaya gahetabbani. Thitikaya asati
therasanato patthaya gahetabbani. Senasaneva vassupagatam bhikkhum
nissaya uppannena cittappasadena bahuni vatthani aharitva
senasanassa demati dinnesupi eseva nayo. Sace pana padamule
thapetva etassa bhikkhuno demati vadanti tasseva honti.
     Ekassa gehe dve vassavasikani. Pathamabhago samanerassa
gahito hoti dutiyo therasane. So ekam dasahattham ekam
atthahattham satakam pesesi vassavasikam pattam bhikkhunam dethati.
Vicinitva varabhagam samanerassa datva anubhago therasane databbo.
Sace pana ubhopi gharam netva bhojetva sayameva padamule thapesi
yam yassa dinnam tadeva tassa hoti. Ito param mahapaccariyam
agatanayo hoti. Ekassa ghare daharasamanerassa vassavasikam
papunati. So ce pucchati amhakam vassavasikam kassa
pattanti samanerassati avatva danakale janissatiti vatva
danadivase ekam mahatheram pesetva niharapetabbam. Sace yassa
vassavasikam pattam so vibbhamati va kalam va karoti.
---------------------------------------------------------------------------------------------
page378.
Manussa ca pucchanti kassa amhakam vassavasikam pattanti.
Tesam yathabhutam acikkhitabbam. Sace te vadanti tumhakam
demati. Tassa bhikkhuno papunati. Atha sanghassa va
ganassa va denti sanghassa va ganassa va papunati.
Sace vassupagata suddhapamsukulikayeva honti. Anetva dinnam
vassavasikam senasanaparikkharam va katva thapetabbam bimbohanadini
va katabbaniti. Idam nevasikavattam.
                Senasanagahavinicchayo nitthito.


             The Pali Atthakatha in Roman Book 3 page 362-378.
http://84000.org/tipitaka/atthapali/read_rm.php?B=3&A=7430&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=7430&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=4&i=110
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=3044
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=3208
             The Pali Tipitaka in Roman Character :-
http://84000.org/tipitaka/read/roman_read.php?B=4&A=3208
             Contents of The Tipitaka Volume 4
http://84000.org/tipitaka/read/?index_4