AtthaPali Vol.3

{55} Latthivaneti taluyyane. Suppatitthe cetiyeti annatarasmim vattarukkhe. Tassa kiretam namam. Dvadasanahutehiti ettha ekam nahutam dasasahassani. Appekacceti api ekacce. Ajjhabhasiti tesam kankhacchedanattham abhasi. Kimeva disvati kimeva disva. Uruvelavasiti uruvelayam vasi. Aggihuttam pahaya pabbajitosi ko upayo. Kisakovadanoti tapasacariyaya kisasariratta kisakati laddhanamanam tapasanam ovadako anusasako samanoti attho. Athava sayam kisako tapaso samano ca ovadamano ca anne ovadanto anusasantoti attho. Katham pahinanti kena karanena pahinam. Idam vuttam hoti tvam uruvelavasi agagiparicarakanam tapasanam sayam ovadacariyo samano kim disva aggim pahasi pucchami tam etamattham kena karanena tava aggihuttam pahinanti. Dutiyagathayam ayamattho ete rupadike kame itthiyo ca yanna abhivadanti. Svaham etam sabbampi rupadikam kamappabhedam khandhupadhisu malanti natva

--------------------------------------------------------------------------------------------- page29.

Yasma ime yitthahutappabheda yanna malameva vadanti tasma na yitthe na hute aranjim yitthe va hute va nabhiraminti attho. Tatiyagathayam atha kocarahiti atha kuhimcarahi. Sesam uttanameva. Catutthagathayam padanti nibbanapadam santasabhavataya santam upadhinam abhavena anupadhikam ragakincanadinam abhavena akincanam tisu bhavesu alaggataya yam kamabhavam yanna vadanti tasmimpi kamabhave asattam jatijaramarananam abhavena anannathabhavim attana bhavitena maggeneva adhigantabbam na annena kenaci adhigametabbanti anannaneyyam yasma idisam padam addasam tasma na yitthe na hute aranjim. Tena kim dasseti. Yo aham devamanussaloka- sampattisadhake na yitthe na hute aranjim so kim vakkhami ettha nama na me devamanussaloke rato manoti {56} evam sabbaloke anabhiratibhavam pakasetva athakho ayasma uruvelakassapo savakohamasmiti evam bhagavato savakabhavam pakasesi. Tanca kho akase vividhani patihariyani dassetva. Dhammacakkhunti sotapattimaggananam. {57} Assasakati asimsana patthanati attho. Esaham bhanteti ettha pana kincapi maggapativedhenevassa siddham saranagamanam tattha pana nicchayagamanameva gato idani vacaya attasanniyatanam karoti maggavasenevayam niyatam saranagamanam patto tam paresam vacaya patakam karonto panipatagamananca gacchanto evam vadati.

--------------------------------------------------------------------------------------------- page30.

{58} Singinikkhasuvannoti singisuvannanikkhena samanavanno. Dasavasoti dasasu ariyavasesu vutthavaso. Dasadhammaviduti dasakammapathavidu. Dasabhi cupetoti dasahi asekhehi angehi upeto. Sabbadhi dantoti sabbesu indriyesu danta bhagavato hi cakkhuadinam kinci adantam nama natthi. {59} Bhagavantam bhuttavim onitapattapanim ekamantam nisiditi bhagavantam bhuttavantam pattato ca apanitapanim sallakkhetva ekasmim padese nisiditi attho. Atthikananti buddhabhigamanena ca dhammassavanena ca atthikanam. Abhikkamaniyanti abhigantum sakkuneyyam. Appakinnanti anakinnam. Appasaddanti vacanasaddena appasaddam. Appanigghosanti nagaranigghosasaddena appanigghosam. Vijanavatanti anusancaranajanassa sariravatena virahitam. Vijanavadantipi patho. Antopi janavadena rahitanti attho. Vijanapatantipi patho. Janasancaravirahitanti attho. Manussarahaseyyakanti manussanam rahassakiriyatthaniyam. Patisallanasarupanti vivekanurupam.

The Pali Atthakatha in Roman Book 3 page 28-30. http://84000.org/tipitaka/atthapali/read_rm.php?B=3&A=575&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=575&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=56 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1216 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=1308 The Pali Tipitaka in Roman Character :- http://84000.org/tipitaka/read/roman_read.php?B=4&A=1308 Contents of The Tipitaka Volume 4 http://84000.org/tipitaka/read/?index_4