AtthaPali Vol.3

purimesu vatthusu tathagatena pannattanayeneva kathesum. {364} Gamakavasam agamasiti appevanama civarani bhajenta mayhampi sangaham kareyyunti civarabhajanakalam sallakkhetvava agamasi. Sadiyissasiti ganhissasi. Ettha ca kincapi tassa bhago na papunati. Atha kho nagaravasiko ayam mukharo dhammakathikoti te bhikkhu sadiyissasiti ahamsu. Yo sadiyeyya apatti dukkatassati ettha pana kincapi lahuka apatti athakho gahitani gahitatthane databbani sacepi natthani va jinnani va honti tasseva giva. Dehiti vutte adento dhuranikkhepe bhandagghena karetabbo. Ekadhippayanti ekam adhippayam ekapuggalapativimsameva dethati attho. Idani yatha so databbo tam dassetum tantim @Footnote: ^1. aticiram hotiti bhaveyya.

--------------------------------------------------------------------------------------------- page243.

Thapento idha panatiadimaha. Tattha sace amutra upaddham amutra upaddhanti ekekasmim ekahamekaham sattahasattaham va sace vasati ekekasmim vihare yam eko puggalo labhati tato tato upaddham upaddham databbam. Evam ekadhippayo dinno nama hoti. Yattha va pana bahutaranti sace ekasmim vihare vasanto itarasmim sattahavarena arunameva utthapeti evam purimasmim bahutaram vasati nama tasma tato bahutaravasitaviharato tassa pativimso databbo evampi ekadhippayo dinno hoti. Idanca nanalabhehi nanupacarehi ekasimaviharehi kathitam. Nanasimavihare pana senasanagaho patippassambhati. Tasma tattha civarapativimso na papunati. Sesam pana amisabhesajjadi sabbam sabbattha antosimagatassa papunati.

The Pali Atthakatha in Roman Book 3 page 242-243. http://84000.org/tipitaka/atthapali/read_rm.php?B=3&A=4990&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4990&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=127 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3517 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3602 The Pali Tipitaka in Roman Character :- http://84000.org/tipitaka/read/roman_read.php?B=4&A=3602 Contents of The Tipitaka Volume 4 http://84000.org/tipitaka/read/?index_4