AtthaPali Vol.3

{34} Nanadisa nanajanapadati nanadisato ca nanajanapadato.

--------------------------------------------------------------------------------------------- page21.

Anujanami bhikkhave tumhevadani tasu tasu disasu tesu tesu janapadesu pabbajethati adimhi pabbajjapekkham kulaputtam pabbajentena yena parato na bhikkhave pancahi abadhehi phuttho pabbajetabboti adim katva yava na andhamugabadhiro pabbajetabboti evam patikkhitta puggala te vajjetva pabbajjadosavirahito puggalo pabbajetabbo. Sopi matapituhi anunnatoyeva tassa anujananalakkhanam na bhikkhave ananunnato matapituhi putto pabbajetabbo yo pabbajeyya apatti dukkatassati etasmim sutte vannayissama. Evam pabbajjadosavirahitam matapituhi anunnatam pabbajentenapica sace acchinnakeso hoti ekasimayam ca annepi bhikkhu atthi kesacchedanatthaya bhandukammam apucchitabbam. Tassa apucchanakaram anujanami bhikkhave sangham apaloketum bhandukammayati ettha vannayissami. Sace okaso hoti sayam pabbajetabbo. Sace uddesaparipucchadihi byavato hoti okasam na labhati eko daharabhikkhu vattabbo etam pabbajehiti. Avuttopi ce daharabhikkhu upajjhayam uddissa pabbajeti vattati. Sace daharabhikkhu natthi samaneropi vattabbo etam khandasimam netva pabbajetva kasayani acchadetva ehiti. Saranani pana sayam databbani. Evam bhikkhunava pabbajito hoti. Purisam hi bhikkhuto anno pabbajetum na labhati tatha matugamam bhikkhunito anno. Samanero pana samaneri va anattiya kasayani

--------------------------------------------------------------------------------------------- page22.

Datum labhati. Kesoropanam yenakenaci katam sukatam hoti. Sace pana bhabbarupo hoti sahetuko nato yasassi kulaputto okasam katvapi sayameva pabbajetabbo. Mattikamutthim gahetva nahayitva kese temetva agacchahiti na ca pana vissajjetabbo. Pabbajitukamanam hi pathamam balava ussaho hoti paccha pana kasayani ca kesaharanasatthakanca disva utrasanti etoyeva palayanti. Tasma sayameva nahanatittham netva sace natidaharo hoti nahahiti vattabbo. Kesa panassa sayameva mattikam gahetva dhovitabba. Daharakumarako pana sayam udakam otaritva gomayamattikahi ghamsitva nahapetabbo. Sacepissa kacchu va pilaka va honti yatha mata puttam na jigucchati evameva ajigucchantena sadhukam hatthapadato patthaya yava sisa ghamsitva nahapetabbo. Kasma. Ettakena hi upakarena kulaputta acariyupajjhayesu ca sasane ca balavasineha tibbagarava anivattidhamma honti uppannam anabhiratim vinodetva therabhavam papunanti katannu katavedino honti. Evam nahapanakale pana kesamassu- oropanakale va tvam nato yasassi idani mayam tam nissaya paccayehi na kilamissamati na vattabbo annapi aniyyanikakatha na kathetabba. Athakhvassa avuso sutthu upadharehi satim upatthapehiti vatva tacapancakakammatthanam acikkhitabbam acikkhantena ca vannasanthanagandhasayokasavasena asucijegucchapatikkulabhavam

--------------------------------------------------------------------------------------------- page23.

Nijjivanissattabhavam va pakatam karontena acikkhitabbam. Sace hi so pubbe parimadditasankharo hoti bhavitabhavano kantakavedhapekkho viya paripakkagando suriyuggamanapekkham viya ca parinatapadumam athassa araddhamatte kammatthanamanasikare indasani viya pabbate kilesapabbate cunniyamanamyeva nanam pavattati. Khuraggeyeva arahattam papunati. Ye hi aditova keci khuragge arahattam patta sabbe te evarupam savanam labhitva kalyanamittena acariyena dinnanayam nissaya no anissaya tasmassa evarupa katha kathetabbati. Kesesu pana oropitesu haliddacunnena va gandhacunnena va sisanca sariranca ubbattetva gihigandham apanetva kasayani tikkhattum va dvikkhattum va sakim va patiggahapetabbo. Athapissa hatthe adatva acariyo va upajjhayo va sayameva acchadeti vattati. Sacepi annam daharam va samaneram va upasakam va anapeti avuso etani kasayani gahetva etam acchadehiti tamyeva va anapeti etani gahetva acchadehiti. Sabbam vattati. Sabbam hetam tena bhikkhunava dinnam hoti. Yam pana nivasam va parupanam va ananattiya nivaseti va parupati va tam apanetva puna databbam. Bhikkhuna hi sahatthena va anattiya va dinnameva kasavam vattati adinnam na vattati sacepi tasseva santakam hoti ko pana vado upajjhayamulake. Ayam pathamam kesamassum oharetva kasayani vatthani acchadetva ekamsam uttarasangam

--------------------------------------------------------------------------------------------- page24.

Karapetvati ettha vinicchayo. Bhikkhunam pade vandapetvati ye tattha sannipatita bhikkhu tesam pade vandapetva atha saranagahanattham ukkutikam nisidapetva anjalim paggahapetva evam vadehiti vattabbo yamaham vadami tam vadehiti vattabbo. Athassa upajjhayena va acariyena va buddham saranam gacchamiti adina nayena saranani databbani. Yathavuttappatipatiyava na uppatipatiya. Sace hi ekapadampi ekakkharampi uppatipatiya deti buddham saranamyeva va tikkhattum datva puna itaresu ekekam tikkhattum deti adinnani honti saranani . imanca pana saranagamanupasampadam patikkhipitva anunnata upasampada ekato suddhiya vattati. Samanerapabbajja pana ubhato suddhiya vattati no ekato suddhiya tasma upasampadaya sace acariyo nattidosanceva kammavaca- dosanca vajjetva kammam karoti sukatam hoti. Pabbajjaya pana imani tini saranani bukaradhakaradinam byanjananam thanakaranasampadam ahapentena acariyenapi antevasikenapi vattabbani. Sace acariyo vattum sakkoti antevasiko na sakkoti antevasiko va sakkoti acariyo na sakkoti ubhopi va na sakkonti na vattati. Sace pana ubhopi sakkonti vattati. Imani ca pana dadamanena buddham saranam gacchamiti evam ekasambaddhani anunasikantani va katva databbani buddham saranam gacchamiti evam vicchinditva makarantani va katva databbani. Andhakatthakathayam

--------------------------------------------------------------------------------------------- page25.

Namam savetva aham bhante buddharakkhito yavajivam buddham saranam gacchamiti vuttam. Tam ekaatthakathayampi natthi paliyampi na vuttam tesam rucimattameva tasma na gahetabbam. Na hi tatha avadantassa saranam kuppatiti. Anujanami bhikkhave imehi tihi saranagamanehi pabbajjam upasampadanti imehi buddham saranam gacchamiti adihi evam tikkhattum ubhato suddhiya vuttehi tihi saranagamanehi pabbajjanceva upasampadanca anujanamiti attho. Tattha yasma upasampada parato patikkhitta tasma sa etarahi saranamatteneva na ruhati. Pabbajja pana yasma parato anujanami bhikkhave imehi tihi saranagamanehi samanerapabbajjanti anunnata eva tasma sa etarahipi saranamatteneva ruhati. Ettavata hi samanerabhumiyam patitthito hoti. Sace panesa matima hoti panditajatiko athassa tasmimyeva thane sikkhapadani uddisitabbani. Katham. Yatha bhagavata udditthani vuttam hetam anujanami bhikkhave samaneranam dasa sikkhapadani tesu ca samanerehi sikkhitum panatipata veramani adinnadana veramani abrahmacariya veramani musavada veramani suramerayamajjapamadatthana veramani vikalabhojana veramani naccagitavaditavisukadassana veramani malagandhavilepana- dharanamandanavibhusanatthana veramani uccasayanamahasayana veramani jataruparajatapatiggahana veramaniti. Andhakatthakathayam pana aham bhante itthannamo yavajivam panatipata veramanisikkhapadam samadiyamiti

--------------------------------------------------------------------------------------------- page26.

Evam saranadanam viya sikkhapadadanampi vuttam. Tampi neva paliya na atthakathasu atthi tasma yathapaliyava uddisitabbani. Pabbajja hi saranagamaneheva siddha. Sikkhapadani pana kevalam sikkhaparipuranattham janitabbani tasma tani paliyam agatanayena uggahetum asakkontassa yaya kayaci bhasaya atthavasenapi acikkhitum vattati. Yava pana attana sikkhitabbasikkhapadani na janati sanghatipattacivaradharanathananisajjadisu panabhojanadividhimhi ca na kusalo hoti tava bhojanasalam va salakabhajanatthanam va annam va tatharupatthanam na pesetabbo. Santikavacaroyeva katabbo baladarako viya patijaggitabbo. Sabbamassa kappiyakappiyam acikkhitabbam nivasanaparupanadisu abhisamacarikesu vinetabbo. Tenapi anujanami bhikkhave dasahangehi samannagatam samaneram nasetunti evam parato vuttani dasa nasanangani araka parivajjetva abhisamacarikam paripurentena dasavidhe sile sadhukam sikkhitabbanti. Pabbajjavinicchayo nitthito.

The Pali Atthakatha in Roman Book 3 page 20-26. http://84000.org/tipitaka/atthapali/read_rm.php?B=3&A=420&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=420&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=34 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=778 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=812 The Pali Tipitaka in Roman Character :- http://84000.org/tipitaka/read/roman_read.php?B=4&A=812 Contents of The Tipitaka Volume 4 http://84000.org/tipitaka/read/?index_4