|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Bhesajjakkhandhakavannana
----------------
{260} bhesajjakkhandhake. Saradikena abadhenati saradakale uppannena
pittabadhena. Tasmim hi kale vassodakenapi tementi kaddamampi
maddanti antarantara atapopi kharo hoti tena tesam pittam
kotthabbhantaragatam hoti. Aharatthanca phareyyati aharattham
sadheyya. {261} Nacchadentiti na jiranti na vatarogam patippassambhetum
sakkonti. Sinesikaniti siniddhani. Bhattacchadakenati bhattassa
anarocakena. Kale patiggahitantiadisu majjhantike avitivatte
patiggahetva pacitva parissavetvati attho. Telaparibhogena
paribhunjitunti sattahakalikatelaparibhogena paribhunjitum. Vacatthanti
sesavacam. Nisadam nisadapotanti pimsanasila ca pimsanapotako ca.
Paggavanti latajati. Nattamalanti karanjam. {262} Acchavasanti-
adisu nissaggiyavannanayam vuttanayeneva vinicchayo veditabbo.
{263} Mulabhesajjadivinicchayopi khuddakavannanayam vuttoyeva tasma idha
yam yam pubbe avuttam tam tadeva vannayissama. Hinguhingu-
jatuhingusipatika hingujatiyoyeva takatakapattitakapanniyo lakha-
jatiyoyeva. Samuddikati samuddatire valuka viya santitthati.
Kalalonanti pakatilonam. Sindhavanti setavannam pabbate
Utthahati. Ubbhidanti bhumito ankuram utthahati. Bilanti
sabbasambharehi saddhim pacitam tam rattavannam. Chakananti gomayam.
{264-266} Kayo va duggandhoti kassaci assadinam viya kayagandho hoti
tassapi sirisakosambadicunnani va gandhacunnani va sabbani
vattanti. Rajananipakkanti rajanakasatam. Pakatikacunnampi kottetva
udakena temetva nhayitum vattati. Etampi rajananipakkasankhameva
gacchati. Amakamamsanca khadi amakalohitanca piviti na tam
bhikkhu khadi na pivi amanusso khaditva ca pivitva ca
pakkanto tena vuttam tassa so amanussikabadho patippassambhiti.
Anjananti sabbasangahikavacanametam. Kalanjananti eka anjanajati
sabbasambharapakkam va. Rasanjananti nanasambharehi katam.
Sotanjananti nadisotadisu uppajjanakaanjanam. Geruko nama
suvannageruko. Kapallanti dipasikhato gahitamasi. Candananti
lohitacandanadikam yankinci. Tagaradini pakatani. Annanipi
niluppaladini vattantiyeva. Anjanupapimsanehiti anjanena saddhim
ekato pimsitabbehi. Na hi kinci anjanupimsanam na vattati.
Atthimayanti manussatthim thapetva avasesam atthimayam. Dantamayanti
hatthidantadi sabbam dantamayam. Visanamayepi akappiyam nama natthi.
Nalamayadayo ekantakappiyayeva. Salakodhaniyanti yattha salakam
odahanti tam susiradandakam va thavikam va anujanamiti attho.
Amsavaddhakoti anjanatthavikaya amsavaddhako. Yamakam natthukaraninti
Samasotahi dvihipi nalikahi ekam natthukaranim. {267} Anujanami bhikkhave
telapakanti yankinci bhesajjam pakkhipitum sabbam anunnatameva hoti.
Atipakkhittamajjaniti ativiya khittamajjani bahum majjam pakkhipitva
yojitaniti attho. Angavatoti angamangesu vato. Sambhara-
sedanti nanavidhapannabhangasedam. Mahasedanti porisappamanam
avatam angaranam puretva pamsuvalakadihi pidahitva tattha nanavidhani
vataharanapannani santharitva telamakkhitena gattena tattha nipajjitva
samparivattanena sariram sedetum anujanamiti attho. Bhangodakanti
nanapannabhangehi kutthitam udakam. Tehi pannehi ca udakena ca
sincitva sincitva sedetabbo. Udakotthakanti udakakotthakam.
Patim va donim va unhodakassa puretva tattha pavisitva
sedakammakaranam anujanamiti attho. Pabbavato hotiti pabbe
pabbe vato vijjhati. Lohitam mocetunti satthakena lohitam
mocetum. Majjam abhisankharitunti yena phalitapada pakatika honti
tam nalikeradisu nanabhesajjani pakkhipitva majjam abhisankharitum
padanam sappayabhesajjam pacitunti attho. Tilakakkena atthoti
pitthehi tilehi attho. Kabalikanti vanamukhe sattupindam
pakkhipitum. Sasapakuddenati sasapapitthena. Vaddhamamsanti
adhikamamsam ani viya utthahati. Vikasikanti telarundhanapilotikam.
Sabbam vanapatikammanti yankinci vanapatikammam nama atthi sabbam
anujanamiti attho. {268} Samam gahetvati idam na kevalam sappadatthasseva
Annasmimpi datthavise sati samam gahetva paribhunjitabbam annesu
pana karanesu patiggahitameva vattati. Na patiggahapetabboti 1-
sace bhumippatto patiggahetabbo appattampana sayam gahetum vattati.
{269} Gharadinnakabadhoti vasikaranapanakasamutthitarogo. Sitalolinti
nangalena kasantassa phale laggamattikam udakena aloletva
payetum anujanamiti attho. Dutthagahanikoti vipannagahaniko.
Kicchena uccaro nikkhamatiti attho. Amisakharanti sukkhodanam
jhapetva taya charikaya paggharitakharodakam. Muttaharitakanti
gomuttaparibhavitam haritakam. Abhisannakayoti ussannadosakayo.
Acchakanjikanti tandulakamanda. Akatayusanti asiniddho mugga-
pacitapaniyo. Katakatanti sova thokam siniddho. Paticchadaniyenati
mamsarasena. {272} Sace bhikkhave pakkapi mugga jayantiti pakka
The Pali Atthakatha in Roman Book 3 page 188-191.
http://84000.org/tipitaka/atthapali/read_rm.php?B=3&A=3866&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=3866&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=4&i=-10
เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=259
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=232
The Pali Tipitaka in Roman Character :-
http://84000.org/tipitaka/read/roman_read.php?B=4&A=232
Contents of The Tipitaka Volume 4
http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]