|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Paripatentipiti samantato agantva palapenti bhayam va janenti jivita voropenti. Avisantiti sariram anupavisanti.--------------------------------------------------------------------------------------------- page162.
{201} Yena gamo tena gantuntiadisu sace gamo aviduram gato hoti tattha pindaya caritva viharameva agantva vasitabbam. Sace duram gato hoti sattahavarena aruno utthapetabbo. Na sakka ce hoti tatreva sabhagatthane vasitabbam. Sace manussa yathapavattani salakabhattadini denti na mayam tasmim vihare vasamati vattabba. Mayam viharassa va pasadassa va na dema tumhakam yattha katthaci vasitva bhunjathati vutte pana yathasukham bhunjitabbam tesamyeva tam papunati. Tumhakam vasanatthane papunapetva bhunjathati vutte pana yattha vasanti tattha netva vassaggena papunapetva bhunjitabbam. Sace pavaritakale vassavasikam denti yadi sattahavarena arunam utthapayimsu gahetabbam chinnavassehi pana na mayam tattha vasimha chinnavassa mayanti vattabbam yadi yesam amhakam senasanam papitam te ganhantuti vadanti gahetabbam. Yampana vihare upanikkhittakam ma vinassiti idha ahatam civaradivebhangiyabhandam tam tattheva gantva apaloketva bhajetabbam. Ito ayyanam cattaro paccaye dethati kappiya- karakanam dinne khettavatthuadike tatruppadepi eseva nayo. Sanghikam hi vebhangiyabhandam antovihare va bahisimaya va hotu bahisimaya thitanam apaloketva bhajetum na vattati. Ubhayatrat- thitampana antosimaya thitanam apaloketva bhajetum vattatiyeva. {202} Sangho bhinnoti ettha bhinne sanghe gantva karaniyam natthi yo--------------------------------------------------------------------------------------------- page163.
Pana bhijjissatiti asankito tam sandhaya bhinnoti vuttam. Sambahulahi bhikkhunihi sangho bhinnoti ettha na bhikkhunihi sangho bhinnoti datthabbo. Vuttanhetam na kho upali bhikkhuni sangham bhindatiti. Eta pana nissaya eta anubalam katva yam sangham bhikkhu bhindeyyunti asanka hoti tam sandhayetam vuttam. {203} Vajoti gopalakanam nivasanatthanam. Yena vajoti ettha vajena saddhim gatassa vassacchede anapatti. Upakatthayati asannaya. Satthe vassam upagantunti ettha vassupanayikadivase tena bhikkhuna upasaka vattabba kutika laddhum vattatiti. Sace karitva denti tattheva pavisitva idha vassam upemiti tikkhattum vattabbam. No ce denti salasankhepena thitasakatassa hettha upagantabbam tampi alabhantena alayo katabbo. Satthe pana vassam upagantum na vattati. Alayo nama idha vassam vasissamiti cittuppadamattam. Sace maggapatipanneyeva satthe pavaranadivaso hoti tattheva pavaretabbam. Atha sattho antovasseyeva bhikkhuna patthitatthanam patva atikkamati patthitatthane vasitva tattha bhikkhuhi saddhim pavaretabbam. Athapi sattho antovasseyeva antara ekasmim game titthati va vippakiriyati va tasmimyeva game bhikkhuhi saddhim vasitva pavaretabbam. Appavaretva tato param gantum na vattati. Navaya vassam upagacchantenapi kutiyamyeva upagantabbam. Pariyesitva alabhantena alayo katabbo. Sace--------------------------------------------------------------------------------------------- page164.
Antotemasam nava samuddeyeva hoti tattheva pavaretabbam. Atha sace nava kulam labhati ayanca parato gantukamo hoti gantum na vattati navaya laddhagameyeva vasitva bhikkhuhi saddhim pavaretabbam. Sacepi nava anutirameva annattha gacchati bhikkhu ca pathamam laddhagameyeva vasitukamo nava gacchatu bhikkhuna tattheva vasitva bhikkhuhi saddhim pavaretabbam. Iti vaje satthe navayanti tisu thanesu natthi vassacchede apatti pavaretunca labhatiti. Purimesu pana valehi ubbalha hontitiadisu sanghabheda- pariyosanesu vatthusu kevalam anapatti hoti pavaretum pana na labhati. Pisacillikati pisacayeva pisacillika. {204} Na bhikkhave rukkhasusireti ettha suddhe rukkhasusireyeva na vattati. Mahantassa pana susirassa anto padaracchadanam kutikam katva pavisanadvaram yojetva upagantum vattati. Rukkham chinditva khanukamatthake padaracchadanam kutikam katvapi vattatiyeva. Rukkhavitabhiyati etthapi suddhe vitapamatte na vattati. Mahavitape attakam bandhitva tattha padaracchadanam kutikam katva upagantabbam. Asenasanikenati yassa pancannam chadananam annatarena channam yojitadvarabandham senasanam natthi tena na upagantabbam. Na bhikkhave chavakutikayati ettha chavakutika nama tankitamancadibheda kuti tattha upagantum na vattati. Susane pana annam kutikam katva upagantum vattati.--------------------------------------------------------------------------------------------- page165.
Na bhikkhave chatteti etthapi catusu thambhesu chattam thapetva avaranam katva dvaram yojetva upagantum vattati. Chattakutika namesa hoti. Catiyati etthapi mahantena kapallena chatte vuttanayena kutim katva upagantum vattati. {205} Evarupa katikati etthapi annapi ya idisa adhammika katika hoti sa na katabbati attho. Tassa lakkhanam mahavibhange vuttam. Vassavaso patissuto hoti purimikayati tumhakam avase purimikaya vassupanayikaya vassam vasissamiti patinna kata hoti. Purimika ca na pannayatiti yattha patinnatam tattha vassupagamanam na dissatiti. {207-208} Patissave ca apatti dukkatassati ettha na kevalam imam temasam idha vassam vasathati etasseva patissave apatti imam temasam bhikkham ganhatha ubhopi mayam idha vasissama ekato uddisapessamati evamadinapi tassa tassa patissave dukkatam. Tanca kho pathamam suddhacittassa paccha visamvadanapaccaya. Pathamampi asuddhacittassa pana patissave pacittiyam visamvadane dukkatanti pacittiyena saddhim dukkatam yujjati. So tadaheva akaraniyoti- adisu sace vassam anupagantva va pakkamati upagantva va sattaham bahiddha vitinameti purimika ca na pannayati patissave ca apatti. Vassam upagantva pana arunam anutthapetva tadaheva sattahakaraniyena pakkamantassapi antosattahe nivattantassa anapatti ko pana vado dvihatiham vasitva antosattahe--------------------------------------------------------------------------------------------- page166.
Nivattantassa. Dvihatiham vasitvati etthapi nirapekkhagamaneneva upacaratikkame vassacchedo veditabbo. Sace idha vasissamiti alayo atthi asatiya pana vassam na upeti gahitasenasanam sugahitam chinnavasso na hoti pavaretum labhatiyeva. Sattaham anagataya pavaranayati ettha navamito patthaya gantum vattati agacchatu va ma va anapatti. Sesam uttanamevati. Vassupanayikakkhandhakavannana nitthita. ------------The Pali Atthakatha in Roman Book 3 page 161-166. http://84000.org/tipitaka/atthapali/read_rm.php?B=3&A=3348&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=3348&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=214 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=5971 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=6021 The Pali Tipitaka in Roman Character :- http://84000.org/tipitaka/read/roman_read.php?B=4&A=6021 Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]