AtthaPali Vol.3

{150} Nidanam uddisitva avasesam sutena savetabbanti sunatu me bhante sangho .pe. Avikata hissa phasu hotiti imam nidanam uddisitva uddittham kho ayasmanto nidanam tatthayasmante pucchami kaccittha parisuddha dutiyampi pucchami .pe. Evametam dharayamiti vatva suta kho panayasmantehi cattaro parajika dhamma .pe. Avivadamanehi sikkhitabbanti evam avasesam sutena savetabbam. Etena nayena sesa cattaro patimokkhuddesa veditabba. Sancarabhayanti atavimanussabhayam. Rajantarayoti- adisu sace bhikkhusu uposatham karissamati nisinnesu raja agacchati ayam rajantarayo. Cora agacchanti ayam corantarayo. Davadaho va agacchati avase va aggi utthahati ayam agyantarayo. Megho va utthahati ogho va agacchati ayam udakantarayo. Bahu manussa agacchanti ayam manussantarayo. Bhikkhum yakkho ganhati ayam amanussantarayo.

--------------------------------------------------------------------------------------------- page145.

Byagghadayo candamiga agacchanti ayam valantarayo. Bhikkhum sappadayo damsanti ayam sirimsapantarayo. Bhikkhu gilano hoti kalam va karoti verino va tam maretukama ganhanti ayam jivitantarayo. Manussa ekam va bahu va bhikkhu brahmacariya cavetukama ganhanti ayam brahmacariyantarayo. Evarupesu antarayesu sankhittena patimokkho uddisitabbo. Pathamo va uddeso uddisitabbo adimhi dve va tayo va cattaro va. Ettha ca dutiyadisu uddesesu yasmim apariyosite antarayo hoti sopi sutteneva savetabbo.

The Pali Atthakatha in Roman Book 3 page 144-145. http://84000.org/tipitaka/atthapali/read_rm.php?B=3&A=2995&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=2995&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=167 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=4440 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=4535 The Pali Tipitaka in Roman Character :- http://84000.org/tipitaka/read/roman_read.php?B=4&A=4535 Contents of The Tipitaka Volume 4 http://84000.org/tipitaka/read/?index_4