ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

                    Uposathakkhandhakavannana
                       --------
     {132} uposathakkhandhake annatitthiyati ettha tittham vuccati laddhi
annam tittham annatittham annatittham etesam atthiti anna-
titthiya. Ito annaladdhikati vuttam hoti. Dhammam bhasantiti
yantesam kattabbakattabbam tam kathenti. Te labhantiti te manussa
labhanti. Mugasukarati thulasarirasukara.
     {135} Anajjhapanno va hoti apajjitva va vutthitoti ettha
yam apattim bhikkhu anajjhapanno va hoti apajjitva va vutthito.
Ayam asanti nama apattiti evamattho veditabbo. Sampajana-
musavado kim hotiti yvayam sampajanamusavado assa hotiti
vutto so apattito kim hoti. Katara apatti hotiti
attho. Dukkatam hotiti dukkatapatti hoti. Sa ca kho na
musavadalakkhanena bhagavato pana vacanena vacidvare akiriyasamutthana
apatti hotiti veditabba. Vakkhati hi
                analapanto manujena kenaci
                vacagiram no ca pare bhaneyya
                apajjeyya vacasikam na kayikam
                panha mesa kusalehi cintitati.
     Antarayikoti antarayakaro. Kissa phasu hotiti kimatthaya
phasu hoti. Pathamassa jhanassa adhigamayati pathamassa jhanassa
adhigamatthaya tassa bhikkhuno phasu hoti sukham hoti. Esa nayo
sabbattha. Iti bhagava uddesato ca niddesato ca pathamam
patimokkhuddesam dassesi.
     {136} Devasikanti divase divase. Catuddase va pannarase vati
ekassa utuno tatiye ca sattame ca pakkhe dvikkhattum catuddase
avasese chakkhattum pannarase. Ayantava eko attho. Ayampana
pakaticarittavasena vutto. Sakim pakkhassa catuddase va pannarase
vati vacanato pana tatharupe paccaye sati yasmim tasmim catuddase
va pannarase va uddisitum vattati. Avasikanam bhikkhunam
catuddaso hoti agantukanam bhikkhunam pannaraso. Sace avasika
bahutara honti agantukehi avasikanam anuvattitabbanti vacanatopi
cetam veditabbam.



             The Pali Atthakatha in Roman Book 3 page 114-115. http://84000.org/tipitaka/atthapali/read_rm.php?B=3&A=2360&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=2360&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=147              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=4053              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=4132              The Pali Tipitaka in Roman Character :- http://84000.org/tipitaka/read/roman_read.php?B=4&A=4132              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]