AtthaPali Vol.3

{97} Na bhikkhave dasoti ettha cattaro dasa antojato dhanakkito karamaranito samam dasabyam upagatoti. Tattha anto- jato nama jatidaso gharadasiya putto. Dhanakkito nama matapitunam santika putto va samikanam santika daso va dhanam datva dasacarittam aropetva kito ete dvepi na pabbajetabba pabbajentena tattha tattha carittavasena adasam katva pabbajetabba. Karamaranito nama tiroratthavilopam va katva upalapetva va tiroratthato bhujissamanusakanipi aharanti

--------------------------------------------------------------------------------------------- page67.

Antorattheyeva va kataparadham kanci gamam raja vilumpathati anapeti tato manusakanipi aharanti tattha sabbe purisa dasa sabba itthiyo dasiyo evarupo karamaranito daso. Yehi anito tesam santike vasanto va bandhanagare bandho va purisehi rakkhiyamano va na pabbajetabbo. Palayitva pana gato gatatthane pabbajetabbo. Ranna tutthena karamaranitake muncathati vatva va sabbasadharanena va nayena bandhamokkhe kate pabbajetabbova. Samam dasabyam upagato nama jivitahetu va arakkhahetu va aham te dasoti sayameva dasabhavam upagato. Rajunam hatthiassagomahisagopakadayo viya tadiso daso na pabbajetabbo. Ranno vannadasinam putta honti amaccaputtasadisa tepi na pabbajetabbava. Bhujissitthiyo asannata vannadasihi saddhim vicaranti tasam putte pabbajetum vattati. Sace sayameva pannam aropenti na vattati. Bhaddiputtakaganadinam dasapi tehi adinna na pabbajetabba. Viharesu rajuhi aramikadasa nama dinna honti tepi pabbajetum na vattati. Bhujisse katva pana pabbajetum vattati. Mahapaccariyam antojatadhanakkitake anetva bhikkhusanghassa aramike demati denti takkam sise asittakasadisava honti pabbajetum vattatiti vuttam. Kurundiyampana aramikam demati kappiyavoharena denti yenakenaci voharena dinno hotu neva pabbajetabboti vuttam. Duggatamanussa sangham nissaya

--------------------------------------------------------------------------------------------- page68.

Jivissamati vihare kappiyakaraka honti ete pabbajetum vattati. Yassa matapitaro dasa mataeva va dasi pita adaso tam pabbajetum na vattati. Bhikkhussa nataka va upatthaka va dasam denti imam pabbajetha tumhakam veyyavaccam karissatiti attano vassa daso atthi bhujisso katova pabbajetabbo. Samika dasam denti imam pabbajetha sace sasane abhiramissati adaso vibbhamissati ce amhakam dasova bhavissatiti ayam tavakaliko nama tam pabbajetum na vattatiti kurundiyam vuttam. Nissamikadaso hoti sopi bhujisso katova pabbajetabbo. Ajananto pabbajetva va upasampadetva va paccha janati bhujissam katumeva vattati. Imassa ca atthassa pakasanattham idam vatthum vadanti eka kira kuladasi ekena saddhim anuradhapura palayitva rohane vasamana puttam patilabhi. So pabbajitva upasampannakale lajji kukkuccako ahosi. Athekadivasam mataram pucchi kim upasike tumhakam bhata va bhagini va natthi na kanci natakam passamiti. Tata aham anuradhapure kuladasi tava pitara saddhim palayitva idha vasamiti. Silava bhikkhu asuddha kira me pabbajjati samvegam labhitva mataram tassa kulassa namagottam pucchitva anuradhapuram agamma tassa kulassa gharadvare atthasi. Aticchatha bhanteti vuttopi natikkami. Te agantva kim bhanteti pucchimsu. Tumhakam itthannama dasi palata atthiti. Atthi bhanteti.

--------------------------------------------------------------------------------------------- page69.

Aham tassa putto sace mam tumhe anujanatha pabbajjam labhami tumhe mayham samikati. Te hatthatuttha hutva suddha bhante tumhakam pabbajjati tam bhujissam katva mahavihare vasapesum catuhi paccayehi patijagganta. Thero tam kulam nissaya vasamanoyeva arahattam papuniti. Dasavatthukatha nitthita.

The Pali Atthakatha in Roman Book 3 page 66-69. http://84000.org/tipitaka/atthapali/read_rm.php?B=3&A=1380&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1380&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=109 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3032 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3196 The Pali Tipitaka in Roman Character :- http://84000.org/tipitaka/read/roman_read.php?B=4&A=3196 Contents of The Tipitaka Volume 4 http://84000.org/tipitaka/read/?index_4