AtthaPali Vol.3

Aparadutiyagathasanganikavannana ------------ {474} katapattiyo kayikatiadigathanam vissajjane. Cha apattiyo kayikati antarapeyyale catutthena apattisamutthanena cha apattiyo apajjati bhikkhu methunam dhammam patisevati apatti parajikassati- adina nayena vutta apattiyo. Kayadvare samutthitatta hi eta kayikati vuccanti. Cha vacasikati tasmimyeva antarapeyyale pancamena apattisamutthanena cha apattiyo apajjati bhikkhu papiccho icchapakatotiadina nayena vutta apattiyo. Chadenatassa tissoti vajjapaticchadikaya bhikkhuniya parajikam bhikkhussa sanghadisesapaticchadane pacittiyam attano dutthullapattipaticchadane dukkatam. Panca samsaggapaccayati bhikkhuniya kayasamsagge parajikam bhikkhuno sanghadiseso kayena kayapatibaddhe thullaccayam nissaggiyena kayapatibaddhe dukkatam angulipatodake pacittiyanti ima kayasamsaggapaccaya panca apattiyo. Arunugge tissoti ekarattacharattasattaha dasaha masatikkamavasena nissaggiyam pacittiyam bhikkhuniya rattivippavase sanghadiseso pathamampi yamam chadeti dutiyampi tatiyampi yamam chadeti uddhaste arune channa hoti apatti yo chadeti (apattim) so dukkatam desapetabboti ima Arunugge tisso apattiyo apajjati. Dve yavatatiyakati ekadasa yavatatiyaka nama pannattivasena pana dve honti bhikkhunam yavatatiyaka bhikkhuninam yavatatiyakati. Ekettha atthavatthukati bhikkhuninamyeva eka ettha imasmim sasane atthavatthuka nama. Ekena labbasangahoti yassa siya apatti so avikareyyati imina ekena nidanuddesena sabbasikkhapadanam ca sabbapatimokkhuddesanam ca sangaho hoti. Vinayassa dve mulaniti kayo ceva vaca ca. Garuka dve vuttati parajikasanghadisesa. Dve dutthullacchadanati vajjapaticchadikaya parajikam sanghadisesapaticchadakassa pacittiyanti ima dve dutthullacchadanapattiyo nama. Gamantare catassoti bhikkhu bhikkhuniya saddhim samvidahati dukkatam annassa gamassa upacaram okkamati pacittiyam bhikkhuniya gamantaram gacchantiya parikkhitte game pathamapade thullaccayam dutiyapade sanghadiseso aparikkhittassa pathamapade upacarokkamane thullaccayam dutiyapade sanghadisesoti ima gamantare dukkatapacittiyathullaccayasanghadisesavasena catasso apattiyo. Catasso nadiparapaccayati bhikkhu bhikkhuniya saddhim samvidahati dukkatam navam abhiruhati pacittiyam bhikkhuniya nadiparam gacchantiya uttaranakale pathamapade thullaccayam dutiyapade sanghadisesoti ima catasso. Ekamamse thullaccayanti manussamamse. Navamamsesu dukkatanti sesaakappiyamamsesu. Dve vacasika rattinti bhikkhuni rattandhakare appadipe purisena saddhim Hatthapase thita sallapati pacittiyam hatthapasam vijahitva thita sallapati dukkatam. Dve vacasika divati bhikkhuni diva paticchanne okase purisena saddhim hatthapase thita sallapati pacittiyam hatthapasam vijahitva thita sallapati dukkatam. Dadamanassa tissoti maranadhippayo manussassa visam deti so ce tena marati parajikam yakkhapetanam deti te ca maranti thullaccayam tiracchanagatassa deti so ce marati pacittiyam annatikaya bhikkhuniya civaradanepi pacittiyanti evam dadamanassa tisso apattiyo. Cattaro ca patiggaheti hatthagahavenigahesu sanghadiseso mukhena angajatagahane parajikam annatikaya bhikkhuniya civarapatiggahane nissaggiyam pacittiyam avassutaya avassutassa hatthato khadaniyam bhojaniyam patigganhantiya thullaccayam evam patiggahe cattaro apattikkhandha honti. {475} Panca desanagaminiyoti lahuka panca. Cha sappatikammati parajikam thapetva avasesa. Ekettha appatikammati parajikapatti. Vinayagaruka dve vuttati parajikanceva sanghadisesanca. Kayavacasikani cati sabbaneva sikkhapadani kayavacasikani. Manodvare pannattam ekasikkhapadampi natthi. Eko vikale dhannarasoti lonasocirakam. Ayameva hi eko dhannaraso vikale vattati. Eka natticatutthena sammatiti bhikkhunovadakasammati. Ayameva hi eka natticatutthena kammena sammati anunnata. Parajika kayika dveti bhikkhunam Methunadhammaparajikam bhikkhuninam ca kayasamsaggaparajikam. Dve samvasakabhumiyoti attana va attanam samanasamvasakam karoti samaggo va nam sangho ukkhittam osareti. Kurundiyam pana samanasamvasakabhumi ca nanasamvasakabhumi cati evam dve samvasakabhumiyo vutta. Dvinnanca ratticchedoti parivasikassa ca manattacarikassa ca. Pannatta dvangula duveti dve dvangulapannattiyo dvangulapabbaparamam adatabbanti ayameka dvangulam va dvemasam vati ayameka. Dve attanam vadhitvanati bhikkhuni attanam vadhitva dve apattiyo apajjati vadhati rodati apatti pacittiyassa vadhati na rodati apatti dukkatassa. Dvihi sangho bhijjatiti kammena ca salakagahena ca. Dvettha pathamapattikati ettha sakalepi vinaye dve pathamapattika ubhinnam pannattivasena. Itaratha pana nava bhikkhunam nava bhikkhuninancati attharasa honti. Nattiya karana duveti dve nattikiccani kamma ca kammapadaka ca navasu thanesu kammam hoti dvisu kammapadabhavena titthati. Panatipate tissoti anodissa opatam khanati sace manusso marati parajikam yakkhapetanam marane thullaccayam tiracchanagatassa marane pacittiyanti ima tisso honti. Vaca parajika tayoti vajjapaticchadikaya ukkhittanuvattikaya atthavatthukayati. Kurundiyam pana anattiya adinnadane manussamarane uttarimanussadhammaullapane cati evam tayo vutta. Obhasana tayoti vaccamaggapassavamaggam adissa Vannavannabhasane sanghadiseso vaccamaggam passavamaggam thapetva adhakkhakam ubbhajanumandalam adissa vannavannabhanane thullaccayam ubbhakkhakam adhojanumandalam adissa vannavannabhanane dukkatam. Sancarittena va tayoti patigganhati vimamsati paccaharati apatti sanghadisesassa patigganhati vimamsati na paccaharati apatti thullaccayassa patigganhati na vimamsati na paccaharati apatti dukkatassati ime sancarittena karanabhutena tayo apattikkhandha honti. Tayo puggala na upasampadetabbati addhanahino angahino vatthuvipanno ca. Tesam nanakaranam vuttameva. Apicettha yo pattacivarena aparipuro ca paripuro ca na yacati imepi angahineneva sangahita. Matughatakadayo ca karanadukkataka pandakaubhatobyanjanakatiracchanagatasankhatena vatthuvipanneneva sangahitati veditabba. Esa hi nayo kurundiyam vutto. Tayo kammanam sangahati nattikappana vippakatapaccattam atitakarananti. Tattha dadeyya kareyyatiadibheda nattikappana deti karotiti- adibhedam vippakatapaccattam dinnam katantiadibhedam atitakaranam namati imehi tihi kammani sangayhanti. Aparehipi tihi sangayhanti vatthuna nattiya anussavanayati. Vatthusampannam hi nattisampannam anussavanasampannanca kammannama hoti. Tena vuttam tayo kammanam sangahati. Nasitaka tayo nama mettiyam bhikkhunim nasetha dusako nasetabbo dasahangehi samannagato samanero Nasetabbo kantakam samanuddesam nasethati evam lingasamvasa- dandakammanasanavasena tayo nasitaka veditabba. Tinnannam ekavacikati anujanami bhikkhave dve tayo ekanussavane katunti vacanato tinnam jananam ekupajjhayena nanacariyena eka anussavana vattati. Adinnadane tissoti pade va atirekapade va parajikam atirekamasake onapancamasake thullaccayam masake va onamasake va dukkatam. Catasso methunapaccayati akkhayite parajikam yebhuyyena khayite thullaccayam vivatakate ^1- mukhe dukkatam jatumatthake pacittiyam. Chandantassa tissoti ^2- vanappatim chindantassa parajikam ^2- bhutagame pacittiyam angajate thullaccayam. Panca chadditapaccayati anodissa visam chaddeti sace tena manusso marati parajikam yakkhapete thullaccayam tiracchanagate pacittiyam visatthichaddane sanghadiseso sekhiyesu harite uccarapassavachaddane dukkatam ima chadditapaccaya pancapattiyo honti. Pacittiyena dukkata katati bhikkhunovadakavaggasmim dasasu sikkhapadesu pacittiyena saddhim dukkata kataevati attho. Caturettha navaka vuttati pathamasikkhapadamhiyeva adhammakamme dve dhammakamme dveti evam cattaro navaka vuttati attho. Dvinnampi civarena cati bhikkhunam santike upasampannaya civaram dentassa pacittiyam bhikkhuninam santike upasampannaya dentassa dukkatanti evam dvinnam bhikkhuninam civaram @Footnote: ^1. vattakatetipi . ^2. 2. (?). Dentassa civarena karanabhutena apatti hotiti attho. Attha patidesaniya paliyam agata eva. Bhunjantamakadhannena pacittiyena dukkata katati amakadhannam vinnapetva bhunjantiya pacittiyena saddhim dukkata katayeva. Gacchantassa catassoti bhikkhuniya va matugamena va saddhim samvidhaya gacchantassa dukkatam gamupacarokkamane pacittiyam ya bhikkhuni eka gamantaram gacchati tassa gamupacaram okkamantiya pathamapade thullaccayam dutiyapade sanghadisesoti gacchantassa ima catasso apattiyo honti. Thitassa vapi tattakati thitassapi catassoevati attho. Katham. Bhikkhuni andhakare va paticchanne va okase mittasanthavavasena purisassa hatthapase titthati pacittiyam hatthapasam vijahitva titthati dukkatam arunuggamanakale dutiyikaya hatthapasam vijahanti titthati thullaccayam vijahitva titthati sanghadiseso. Nisinnassa catasso apattiyo nipannassapi tattakati sacepi hi sa nisidati va nipajjati va etayeva catasso apattiyo apajjati. {476} Panca pacittiyaniti panca bhesajjani patiggahetva nanabhajanesu va ekabhajane va amissetva thapitani honti. Sattahatikkame so bhikkhu panca pacittiyani sabbani nanavatthukani ekakkhane apajjati. Imam pathamam apanno imam pacchati na vattabbo. Nava pacittiyaniti yo bhikkhu nava panitabhojanani vinnapetva etehi saddhim ekatova ekam kabalam omadditva mukhe pakkhipitva paragalam atikkameti Ayam nava pacittiyani sabbani nanavatthukani ekakkhane apajjati. Imam pathamam apanno imam pacchati na vattabbo. Ekavacaya deseyyati aham bhante panca bhesajjani patiggahetva sattaham atikkametva panca apattiyo apanno ta tumhamule patidesemiti evam ekavacaya deseyya desitaneva honti dvihi tihi vacahi kiccam nama natthi. Dutiyavissajjanepi aham bhante nava panitabhojanani vinnapetva bhunjitva nava apattiyo apanno ta tumhamule patidesemiti vattabbam. Vatthum kittetva deseyyati aham bhante panca bhesajjani patiggahetva sattaham atikkamesim yathavatthukam ta tumhamule patidesemiti evam vatthum kittetva deseyya. Desitava honti apattiyo. Apattiya nama gahanena kiccam natthi. Dutiyavissajjanepi aham bhante nava panitabhojanani vinnapetva bhutto yathavatthukam ta tumhamule patidesemiti vattabbam. Yavatatiyake tissoti ukkhittanuvattikaya parajikam bhedakanuvattakanam kokalikadinam sanghadisesam papikaya ditthiya appatinissagge candakaliya ca bhikkhuniya pacittiyanti ima yavatatiyakena tisso apattiyo. Cha voharapaccayati payuttavacapaccaya ^1- cha apattiyo apajjatiti attho. Katham. Ajivahetu ajivakarana papiccho icchapakato asantam abhutam uttarimanussadhammam ullapati apatti parajikassa ajivahetu @Footnote: ^1. payuttavacapaccayatipi. Ajivakarana sancarittam samapajjati apatti sanghadisesassa ajivahetu ajivakarana yo te vihare vasati .pe. Apatti thullaccayassa ajivahetu ajivakarana bhikkhu panitabhojanani attano atthaya vinnapetva bhunjati apatti pacittiyassa ajivahetu ajivakarana bhikkhuni panitabhojanani attano atthaya vinnapetva bhunjati apatti patidesaniyassa ajivahetu ajivakarana supam va odanam va agilano attano atthaya vinnapetva bhunjati apatti dukkatassati. Khadantassa tissoti manussamamse thullaccayam avasesesu akappiyamamsesu dukkatam bhikkhuniya lasune pacittiyam. Panca bhojanapaccayati avassuta avassutassa purisapuggalassa hatthato bhojanam gahetva tatheva manussamamsam lasunam attano atthaya vinnapetva gahitapanitabhojanani avasesam ca akappiyamamsam pakkhipitva vomissakam omadditva ajjhoharamana sanghadisesam thullaccayam pacittiyam patidesaniyam dukkatanti ima panca apattiyo bhojanapaccaya apajjati. Panca thananiti ukkhittanuvattikaya bhikkhuniya yavatatiyam samanubhasanaya appatinissajjantiya nattiya dukkatam dvihi kammavacahi thullaccayam kammavacapariyosane apatti parajikassa sanghabhedaya parakkamanadisu sanghadiseso ca papikaya ditthiya appatinissagge pacittiyanti evam sabba yavatatiyaka panca thanani gacchanti. Pancannanceva apattiti apatti nama pancannam sahadhammikanam hoti. Tattha dvinnam nippariyayena Apattiyeva. Sikkhamana samanera samanerinam pana akappiyata na vattatiti imina pariyayena apatti. Te apattim na desapetabba. Dandakammam pana tesam katabbam. Pancannam adhikaranena cati adhikaranam ca pancannamevati attho. Etesamyeva hi pancannam pattacivaradinam atthaya vinicchayavoharo adhikarananti vuccati. Gihinam pana attakammam nama hoti. Pancannam vinicchayo hotiti pancannam sahadhammikanamyeva vinicchayo nama hoti. Pancannam vupasamena cati etesamyeva pancannam adhikaranam vinicchinitam vupasantam nama hotiti attho. Pancannanceva anapattiti etesamyeva pancannam anapatti nama hotiti attho. Tihi thanehi sobhatiti sanghadihi tihi karanehi sobhati. Katavitikkamo hi puggalo sappatikammam apattim sanghamajjhe ganamajjhe puggalassa santike va patikaritva abbhunhasilo patipakatiko hoti. Tasma tihi thanehi sobhatiti vuccati. Dve kayika rattinti bhikkhuni rattandhakare purisassa hatthapase thana nisajjana sayanani kappiyamana pacittiyam hatthapasam vijahitva thanadini kappiyamana dukkatanti dve kayadvarasambhava apattiyo rattim apajjati. Dve kayika divati etenevupayena diva paticchanne okase dve apattiyo apajjati. Nijjhantassa eka apattiti na ca bhikkhave sarattena matugamassa angajatam upanijjhayitabbam yo upanijjhayeyya apatti dukkatassati nijjhantassa ayameka Apatti. Eka pindapatapaccayati na ca bhikkhave bhikkhadayikaya mukham oloketabbanti ettha vuttadukkatapatti. Antamaso yagum va byanjanam va dentassa samanerassapi hi mukham olokayato dukkatameva. Kurundiyam pana eka pindapatapaccayati bhikkhuni- paripacitam pindapatam bhunjantassa pacittiyanti vuttam. Atthanisamse sampassanti kosambikkhandhake vuttanisamse. Ukkhittaka tayo vuttati apattiya adassane appatikamme papikaya ca ditthiya appatinissaggeti. Tecattalisa sammavattanati tesamyeva ukkhittakanam ettakesu vattesu sammavattana. Pancatthane musavadoti parajika- sanghadisesa thullaccaya pacittiya dukkatasankhate pancatthane musavado gacchati. Cuddasa paramanti vuccatiti dasahaparamadina nayena hettha vuttam. Dvadasa patidesaniyati bhikkhunam cattari bhikkhuninam attha. Catunnam desanaya cati catunnam accayadesanayati attho. Katama pana sati. Devadattena payojitanam abhimaranam accayadesana anuruddhattherassa upatthayikaya accayadesana vaddhassa licchavino accayadesana vasabhagamiyattherassa ukkhepaniyakammam katva agatanam bhikkhunam accayadesanati ayam catunnam accayadesana nama. Atthangiko musavadoti pubbevassa hoti musa bhanissanti adim katva vinidhaya sannanti pariyosanehi atthahi angehi samannagato atthangiko. Attha uposathanganipi panam na hannetiadina nayena vuttaneva. Attha duteyyanganiti idha bhikkhave bhikkhu sota ca hoti saveta Catiadina nayena sanghabhedake vuttani. Attha titthiyavattani mahakhandhake vuttani. Atthavacika upasampadati bhikkhuninam upasampadam sandhaya vuttam. Atthannam paccutthatabbanti bhattagge atthannam bhikkhuninam itarahi paccutthaya asanam databbam. Bhikkhunovadako atthahiti atthangehi samannagato bhikkhuniovadako sammannitabbo. Ekassa chejjanti gathaya. Navasu yo salakam gahetva sangham bhinadati tasseva chejjam hoti devadatto viya parajikam apajjati. Bhedakanuvattakanam catunnam thullaccayam kokalikadinam viya. Dhammavadinam catunnam anapatti. Ima pana apattiyo ca anapattiyo ca sabbesam ekavatthuka sanghabhedavatthuka eva. Nava aghatavatthuniti gathaya. Navahiti navahi bhikkhuhi sangho bhijjati. Nattiya karana navati nattiya katabbani kammani navati attho. Sesam uttanameva. {477} Dasa puggala nabhivadetabbati senasanak- khandhake vutta dasa jana. Anjalisamicena cati samicikammena saddhim anjali ca tesam na katabbo. Neva paniyapucchanatalavanta- gahanadikhandhakavattam tesam dassetabbam na anjali pagganhitabboti attho. Dasannam dukkatanti tesamyeva dasannam evam karontassa dukkatam hoti. Dasa civaradharanati dasa divasani atirekacivarassa dharana anunnatati attho. Pancannam vassam vutthanam databbam idha civaranti pancannam sahadhammikanam sammukhava databbam. Sattannam santeti disapakkantaummattakakhittacittavedanattanam tinnam ca Ukkhittakananti imesam sattannam sante patirupe gahake parammukhapi databbam. Solasannam na databbanti sesanam civarakkhandhake vuttanam pandakadinam solasannam na databbam. Katisatam rattisatam apattim chadayitvanati katisatam apattiyo rattisatam chadayitvana. Dasasatam rattisatam apattim chadayitvanati dasasatam apattiyo rattisatam chadayitvana. Ayam hettha sankhepattho. Yo divase divase satam satam sanghadisesa apattiyo apajjitva dasa dasa divase paticchadeti. Tena rattisatam apattisahassam paticchaditam hoti so sabbava ta apattiyo dasahapaticchannati parivasam yacitva dasa rattiyo vasitvana mucceyya parivasikoti. Dvadasa kammadosa vuttati apalokanakammam adhammena vaggam adhammena samaggam dhammena vaggam tatha nattikammanattidutiyakammanatticatutthakammanipiti evam ekekasmim kamme tayo tayo katva dvadasa kammadosa vutta. Catasso kammasampattiyoti apalokanakammam dhammena samaggam tatha sesanipiti evam catasso kammasampattiyo vutta. Cha kammaniti adhammakammam vaggakammam samaggakammam dhammapatirupakena vaggakammam dhammapatirupakena samaggakammam dhammena samaggakammanti evam cha kammani vuttani. Ekettha dhammika katati ekam dhammena samaggakammamevettha dhammikam katanti attho. Dutiyagathavissajjanepi etadeva dhammikam. Yam desitanti yani desitani vuttani pakasitani. Anantajinenati- adisu. Pariyantaparicchedabhavarahitatta anantam vuccati nibbanam. Tam bhagavata ranna sapattaganam abhimadditva rajjam viya kilesaganam abhimadditva jitam vijitam adhigatam sampattam. Tasma bhagava anantajinoti vuccati. Sve va itthanitthesu nibbikarataya tadi. Tadanga vikkhambhanasamucchedapatippassaddhinissaranavivekasankhatam vivekapancakam addasati vivekadassi. Tena anantajinena tadina vivekadassina yani apattikkhandhani desitani. Ekettha sammati vina samathehiti ayamettha padasambandho yani satthara satta apattikkhandhani desitani tattha ekapi apatti vina samathehi na sammati. Athakho cha samatha cattari adhikarananiti sabbepime dhamma sammukhavinayena sammanti sammayogam gacchanti. Ettha pana eko sammukhavinayo ca vina samathehi sammati samathabhavam gacchati. Na hi tassa annena samathena vina anipphatti nama atthi. Tena vuttam ekettha sammati vina samathehiti. Imina tava adhippayena atthakathasu attho vutto. Mayam pana vinati nipatassa patisedhamattamattham gahetva ekettha sammati vina samathehiti etesu sattasu apattikkhandhesu eko parajikapattikkhandho vina samathehi na samathehi sammatiti etamattham rocayama. Vuttampi cetam ya sa apatti anavasesa sa apatti na katamena adhikaranena na katamamhi thane na katamena samathena sammatiti. Chaunadiyaddhasatati idha upali bhikkhu adhammam dhammoti dipeti tasmim adhammaditthibhede adhammaditthi tasmim adhammaditthibhede dhammaditthi tasmim adhammaditthibhede vematiko Tasmim dhammaditthibhede adhammaditthi tasmim dhammaditthibhede vematiko tasmim vematikabhede adhammaditthi tasmim vematikabhede dhammaditthi tasmim vematikabhede vematikoti evam yani attharasannam bhedakaravatthunam vasena attharasa atthakani sanghabhedakkhandhake vuttani tesam vasena chaunadiyaddhasatam apayika veditabba. Attharasa napayikati idha upali bhikkhu dhammam dhammoti dipeti tasmim dhammaditthibhede dhammaditthi avinidhaya ditthim avinidhaya khantim avinidhaya rucim anussaveti salakam gaheti ayam dhammo ayam vinayo idam satthusasanam imam ganhatha imam rocethati ayampi kho upali sanghabhedako na apayiko na nerayiko na kappattho na atekicchoti evam ekekasmim ekekam katva sanghabhedakkhandhakavasane vutta attharasa jana. Attharasa atthaka chaunadiyaddhasatavissajjane vuttayeva. {478} Kati kammanitiadinam sabbagathanam vissajjanam uttanamevati. Aparadutiyagathasanganikavannana nitthita. ----------

The Pali Atthakatha in Roman Book 3 page 585-599. http://84000.org/tipitaka/atthapali/read_rm.php?B=3&A=11863&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11863&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4