ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {86} Annatitthiyapubbavatthusmim yo tava ayam pasuro so
titthiyapakkantakatta na upasampadetabbo. Yo pana annopi
nayidha pabbajitapubbo agacchati tasmim yam kattabbam tam dassetum
yo bhikkhave annopitiadimaha. Tattha tassa cattaro mase
parivaso databboti ayam titthiyaparivaso nama appaticchannapari-
vasotipi vuccati. Ayampana naggaparibbajakasseva ajivakassa va
acelakassa va databbo. Sace sopi satakam va valakambaladinam
annataram titthiyaddhajam va nivasetva agacchati nassa parivaso

--------------------------------------------------------------------------------------------- page54.

Databbo. Annassa pana tapasapandarangadikassa na databbova. Pathamam kesamassuntiadina tassa aditova samanerapabbajjam dasseti. Evam pabbajentehi pana tasmim sanghamajjhe nisinneyeva tvam pabbajehi tvam acariyo hohi tvam upajjhayo hohiti bhikkhu na vattabba. Evam vutta hi sace tassa acariyupajjhaya- bhavena jigucchanta na sampaticchanti atha nayime mayham saddahantiti kujjhitvapi gaccheyya tasma tam ekamantam netva tassa acariyupajjhaya pariyesitabba. {87} Evam kho bhikkhave annatitthiyapubbo aradhako hoti evam anaradhakoti ayamassa parivasa- vattadassanattham matika thapita. Kathanca bhikkhavetiadi tassa vibhango. Tattha titthiyaparivaso niganthajatikanamyeva databbo na annesam. Atikale gamam pavisatiti bhikkhunam vattakaranavelayameva gamam pindaya pavisati. Atidiva patikkamatiti kulagharesu itthi- purisadarikadarakadihi saddhim gehasitakatham kathento tattheva bhunjitva bhikkhusu pattacivaram patisametva uddesaparipucchadini va karontesu patisallinesu va agacchati na upajjhayavattam nacariyavattam karoti annadatthum vasanatthanam pavisitva niddayati. Evampi bhikkhave annatitthiyapubbo anaradhako hotiti evampi karonto parivasavattassa sampadako purako na hoti. Vesiyagocaro vatiadisu vesiyati amisakincikkhasampadanadina sulabhajjhacara rupajivika itthiyo. Vidhavati matapatika va vippavutthapatika va

--------------------------------------------------------------------------------------------- page55.

Itthiyo. Ta yenakenaci saddhim mittabhavam patthenti. Thullakumarikati yobbanappatta va yobbanatita va kumariyo. Ta purisadhippayava vicaranti yenakenaci saddhim mittabhavam patthenti. Pandakati ussannakilesa avupasantaparilaha napumsaka. Te parilahavegabhibhuta yenakenaci saddhim mittabhavam patthenti. Bhikkhuniyoti samanapabbajja itthiyo. Tahi saddhim khippameva vissaso hoti tato silam bhijjati. Tattha vesiyanam kulesu kulupako hutva pindapatacariyadini va apadisitva sinehasanthavajatena hadayena abhinhadassanasallapakamataya tasam santikam upasankamanto vesiyagocaroti vuccati. So na cirasseva amukavesiya saddhim gatoti vattabbam papunati. Esa nayo sabbattha. Sace pana vesiyadayo salakabhattadini denti bhikkhuhi saddhim gantva saddhimyeva bhunjitva va gahetva va agantum vattati. Gilana bhikkhuniyo ovaditum va dhammam va desetum uddesaparipucchadini va datum gacchantehi bhikkhuhi saddhim gantum vattati. Yo pana tatha agantva mittasanthavavasena gacchati ayam anaradhako hoti. Uccavacani kimkaraniyaniti mahantakhuddakani kammani. Tattha gandim paharitva samaggena sanghena sannipatitva kattabbani cetiyamahapasada- patisankharanadikammani uccani nama. Civaradhovanarajanadini khandhakapariyapannani ca aggisalavattadini abhisamacarikani avacani nama. Tattha na dakkho hotiti tesu kammesu cheko susikkhito na hoti.

--------------------------------------------------------------------------------------------- page56.

Alasoti utthanaviriyasampanno na hoti. Bhikkhusanghassa kammam atthiti sutva pageva bhattakiccam katva gabbhantaram pavisitva yavadattham supitva sayam nikkhamati. Tatrupayayati tesu kammesu upayabhutaya. Vimamsayati thanuppattikaya vimamsaya idameva kattabbam idameva na kattabbanti tasmimyeva khane uppannapannaya samannagato na hoti. Na alam katum na alam samvidhatunti sahatthapi katum samattho na hoti ganhatha bhante ganha dahara ganha samanera sace tumhe va na karissatha amhe va na karissama kodani idam karissatiti evam ussaham janetva samvidhatum annamannam karetumpi samattho na hoti. Bhikkhuhi kammam karissamati vutte kinci rogam apadisati bhikkhunam kammam karontanam samipeneva vicarati sisameva dasseti ayampi anaradhako hoti. Na tibbacchandoti balavacchando na hoti. Uddeseti palipariyapunane. Paripucchayati atthasamvannane. Adhisileti patimokkhasile. Adhicitteti lokiyasamadhibhavanaya. Adhipannayati lokuttaramaggabhavanaya. Sankanto hotiti idhagato hoti. Tassa satthunoti tassa titthayatanasamikassa. Tassa ditthiyati tassa santakaya laddhiya. Idani sayeva laddhi yasma tassa titthakarassa khamati ceva ruccati ca idameva saccanti ca dalhagahena gahita tasma tassa khanti ruci adayoti vuccati tena vuttam tassa khantiya tassa ruciya tassa adayassati. Avanne

--------------------------------------------------------------------------------------------- page57.

Bhannamaneti garahaya bhannamanaya. Anabhiraddhoti aparipunna- sankappo no paggahitacitto. Udaggoti abbhunnatakayacitto. Idam bhikkhave sanghatanikam annatitthiyapubbassa anaradhaniyasminti bhikkhave yadidam tassa satthuno tasseva ca laddhiya avanne bhannamane kim ime param garahantiti kayavacivikaranibbattakam anattamanattam buddhadinanca avanne bhannamane attamanattam yanca tasseva buddhadinanca vanne bhannamane attamanattanattamanattam idam annatitthiyapubbassa anaradhaniyasmim sanghatanikam. Anaradhake parivasavattam apurake kamme idam lingam idam lakkhanam idamacalam idam balam idam pamananti vuttam hoti. Evam anaradhako kho bhikkhave annatitthiyapubbo agato na upasampadetabboti ito ekenapi angena samannagato na upasampadetabbo. Sukkapakkhe sabbam vuttavipallasena veditabbam. Evam aradhako kho bhikkhaveti evam natikale gamappavesana natidivappatikkamanam avesiyadi- gocarata sabrahmacarinam kiccesu dakkhata uddesadisu tibbacchandata titthiyanam avannabhanane attamanata buddhadinam avannabhanane anattamanata titthiyanam vannabhanane anattamanata buddhadinam vannabhanane attamanatati imesam atthannam titthiyavattanam paripuranena aradhako paritosako bhikkhunam annatitthiyapubbo agato upasampadetabbo. Sace pana upasampadamalakepi ekavattam bhindati puna cattaro mase parivasitabbam. Yatha pana bhinnasikkhaya

--------------------------------------------------------------------------------------------- page58.

Sikkhamanaya puna sikkhapadani ca sikkhasammati ca diyati evam nayimassa kinci puna databbamatthi. Pubbe dinnaparivasoyeva hi tassa parivaso tasma puna cattaro mase parivasitabbam. Sace parivasanto antara atthasamapattiyo nibbatteti lokiyadhammo nama kuppanasabhavo neva upasampadetabbo. Cattaro mase puritavattova upasampadetabbo. Sace pana parivasanto cattari mahabhutani parigganhati upadarupani paricchindati namarupam vavatthapeti tilakkhanam aropetva vipassanam arabhati lokiyadhammo nama kuppanasabhavo neva upasampadetabbo. Sace pana vipassanam vaddhetva sotapattimaggam patilabhati paripunnamyeva hoti vattam samuhatani sabbaditthigatani abbulham vicikicchasallam tamdivasameva upasampadetabbo. Sacepi titthiyalinge thito sotapanno hoti parivasadanakiccam natthi tadaheva pabbajetva upasampadetabbo. Upajjhayamulakam civaram pariyesitabbanti upajjhayam issaram katva tassa civaram pariyesitabbam. Pattampi tatheva. Tasma yadi upajjhayassa pattacivaram atthi imassa dehiti vattabbo. Atha natthi anne datukama honti tehipi upajjhayasseva databbam imam tumhakam katva imassa dethati. Kasma. Titthiya nama viloma honti sanghena me pattacivaram dinnam kim mayham tumhesu ayatanti vatva ovadanusasanim na kareyyum. Upajjhaye pana ayatajivikatta tassa vacanakaro bhavissati. Tenassa upajjhayamulakam civaram pariyesitabbanti

--------------------------------------------------------------------------------------------- page59.

Vuttam. Bhandukammayati kesoropanattham. Bhandukammakatha parato agamissati. Aggikati aggiparicaranaka. Jatilakati tapasa. Ete bhikkhave kiriyavadinoti ete kiriyam nappatibahanti atthi kammam atthi kammavipakoti evam ditthika. Sabbabuddha hi nekkhammaparamim purayamana etameva pabbajjam pabbajitva paramim puresum mayapi tatheva purita na etesam sasane pabbajja viloma tasma upasampadetabba na tesam parivaso databbo. Imaham bhikkhave natinam avenikam pariharam dammiti imam aham tesam patekkam odissakam pariharam dadami. Kasma evamaha. Te hi titthayatane pabbajitapi sasanassa avannakama na honti amhakam natisetthassa sasananti vannavadinova honti tasma evamahati. Annatitthiyavatthukatha nitthita.


             The Pali Atthakatha in Roman Book 3 page 53-59. http://84000.org/tipitaka/atthapali/read_rm.php?B=3&A=1107&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1107&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=4&i=100              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=2764              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=2930              The Pali Tipitaka in Roman Character :- http://84000.org/tipitaka/read/roman_read.php?B=4&A=2930              Contents of The Tipitaka Volume 4 http://84000.org/tipitaka/read/?index_4

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]