|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Adhikaranabhedavannana -------- {340} adhikaranabhede. Ime dasa ukkotati adhikarananam ukkotetva puna adhikaranaukkotena samathanam ukkotam dassetum vivadadhikaranam ukkotento kati samathe ukkotetitiadimaha. Tattha vivadadhikaranam ukkotento dve samathe ukkotetiti sammukhavinayam ca yebhuyyasikanca ime dve ukkoteti patisedheti patikkosetiti attho. Anuvadadhikaranam ukkotento cattaroti sammukhavinayam sativinayam amulhavinayam tassa papiyasikanti ime cattaro samathe ukkoteti. Apattadhikaranam ukkotento tayoti sammukhavinayam patinnatakaranam tinavattharakanti ime tayo samathe ukkoteti. Kiccadhikaranam ukkotento ekanti sammukhavinayam imam ekam samatham ukkoteti. {341} Kati ukkotatiadipucchanam vissajjane. Dvadasasu ukkotesu akatam kammantiadayo tava tayo ukkota visesato dutiye anuvadadhikarane labbhanti. Anihatantiadayo tayo pathame vivadadhikarane labbhanti. Avinicchitantiadayo tayo tatiye apattadhikarane labbhanti. Avupasantantiadayo tayo catutthe kiccadhikarane labbhanti. Apica dvadasapi ekekasmim adhikarane--------------------------------------------------------------------------------------------- page543.
Labbhantiyeva. Tatthajatakam adhikaranam ukkotetiti yasmim vihare mayham imina patto gahito civaram gahitantiadina nayena pattacivaradinam atthaya adhikaranam uppannam hoti tasmimyeva vihare avasika sannipatitva alam avusoti attapaccatthike sannapetva palimuttakavinicchayeneva vupasamenti. Idam tatthajatakam adhikaranam nama. Yenapi vinicchayeneva samitam sopi eko samathoyeva. Imam ukkotentassapi pacittiyam. Tatthajatakam vupasantanti sace pana tam adhikaranam nevasika vupasametum na sakkonti. Athanno vinayadharo thero agantva kim avuso imasmim vihare uposatho va pavarana va thitati pucchati. Tehi ca tasmim adhikarane kathite tam adhikaranam khandhakato ca parivarato ca suttena vinicchinitva vupasameti. Idam tatthajatakam vupasantam nama adhikaranam etam ukkotentassapi pacittiyameva. Antaramaggeti te ce attapaccatthika na mayam etassa vinicchaye titthama nayam vinaye kusalo asukasmim nama game vinayadhara thera vasanti tattha gantva vinicchinissamati gacchanta antaramaggeyeva karanam sallakkhetva annamannam va sannapenti anne va te bhikkhu nijjhapenti idampi vupasantameva hoti. Evam vupasantam antaramagge adhikaranam ukkoteti yo tassapi pacittiyam eva. Antaramagge vupasantanti naheva kho pana annamannam sannattiya va sabhagabhikkhunijjhapanena va vupasantam hoti. Apica kho patipatham agacchanto--------------------------------------------------------------------------------------------- page544.
Eko vinayadharo disva katthavuso gacchathati pucchitva asukannama gamam imina nama karanenati vutte alam avuso kim tattha gatenati tattheva dhammena vinayena tam adhikaranam vupasameti idam antaramagge vupasantam nama. Etam ukkotentassapi pacittiyameva. Tattha gatanti sace pana alam avuso kintattha gatenati vuccamanapi mayam tattheva gantva vinicchayam papessamati vinayadharassa vacanam anadiyitva gacchantiyeva gantva sabhagabhikkhunam etamattham arocenti. Sabhagabhikkhu alam avuso sanghasannipatam nama garukanti tattheva nisidapetva vinicchinitva sannapenti. Idampi vupasantameva hoti. Evam vupasantam tattha gatam adhikaranam ukkoteti yo tassapi pacittiyameva. Tattha gatam vupasantanti naheva kho pana sabhagabhikkhunam sannattiya vupasantam hoti. Api ca kho sangham sannipatetva arocitam sanghamajjhe vinayadhara vupasamenti. Idam tattha gatam vupasantam nama. Etam ukkotentassapi pacittiyameva. Sativinayanti khinasavassa dinnam sativinayam ukkoteti pacittiyameva. Ummattakassa dinne amulhavinaye papussannassa dinnaya tassa papiyasikayapi eseva nayo. Tinavattharakam ukkotetiti sanghena tinavattharakasamathena vupasamite adhikarane apatti nama ekam bhikkhum upasankamitva ukkutikam nisiditva anjalim paggahetva desiyamana vutthati. Yam panetam niddayantassapi apattivutthanam nama etam mayham na khamatiti evam vadantopi tinavattharakam ukkoteti nama.--------------------------------------------------------------------------------------------- page545.
Tassapi pacittiyameva. Chandagatim .pe. Gacchanto adhikaranam ukkotetiti vinayadharo hutva attano upajjhayadinam atthaya adhammam dhammotiadini dipetva pubbe vinicchitam adhikaranam dvadasasu ukkotesu yenakenaci ukkotento chandagatim gacchanto adhikaranam ukkoteti nama. Dvisu pana attapaccatthikesu ekasmim anatthamme acaritiadina nayena samuppannaghato tassa parajayam aropanattham adhammam dhammotiadini dipetva pubbe vinicchitam adhikaranam dvadasasu ukkotesu yenakenaci ukkotento dosagatim gacchanto adhikaranam ukkoteti nama. Mando pana momuho momuhattaeva adhammam dhammotiadini dipetva vuttanayeneva ukkotento mohagatim gacchanto adhikaranam ukkoteti nama. Sace pana dvisu attapaccatthikesu eko visamani kayakammadini gahanamicchaditthim balavante ca pakkhantariye abhinnate bhikkhu nissitatta visamanissito gahananissito balavanissito ca hoti. Tassa bhayena ayamme jivitantarayam va brahmacariyantarayam va kareyyati adhammam dhammotiadini dipetva vuttanayeneva ukkotento bhayagatim gacchanto adhikaranam ukkoteti nama. Tadahupasampannoti eko samanero byatto hoti bahussuto so vinicchaye parajayam patva mankubhute bhikkhu disva pucchati kasma mankubhutatthati. Te tassa tam karanam arocenti. So te evam vadeti hotu bhante mam upasampadetha ahantam adhikaranam vupasamessamiti. Te--------------------------------------------------------------------------------------------- page546.
Tam upasampadenti. So dutiyadivase bherim paharitva sangham sannipateti. Tato bhikkhuhi kena sangho sannipatitoti vutto mayati vadati. Kasma sannipatitoti. Hiyyo adhikaranam dubbinicchitam tamaham ajja vinicchinissamiti. Tvam pana hiyyo kuhim gatoti. Anupasampannosmi bhante ajja pana upasampannomhiti. So vattabbo idam avuso tumhadisanam bhagavata sikkhapadam pannattam tadahupasampanno ukkoteti ukkotanakam pacittiyanti gaccha apattim desehiti. Agantukepi eseva nayo. Karakoti evam sanghena saddhim adhikaranam vinicchinitva parivenagatam parajita bhikkhu vadanti kissa bhante tumhehi evam vinicchitam adhikaranam nanu evam vinicchinitabbanti. So kasma pathamamyeva evam na vadethati tam adhikaranam ukkoteti. Yo evam karako ukkoteti tassapi ukkotanakam pacittiyam. Chandadayakoti eko adhikaranavinicchaye chandam datva sabhage bhikkhu parajayam patva agate mankubhute disva svedani aham vinicchinissamiti sangham sannipatapetva kasma sannipatapesiti vutto hiyyo adhikaranam dubbinicchitam tam aham ajja vinicchinissamiti. Hiyyo pana tvam kattha gatoti. Chandam datva nisinnomhiti. So vattabbo idam avuso tumhadisanam bhagavata sikkhapadam pannattam chandadayako ukkoteti ukkotanakam pacittiyanti gaccha apattim desehiti. {342} Vivadadhikaranam kimnidanantiadisu. Kinnidanamassati--------------------------------------------------------------------------------------------- page547.
Kinnidanam. Ko samudayo assati kimsamudayam. Ka jati assati kimjatikam. Ko pabhavo ko sambharo kim samutthanam assati kimsamutthanam. Sabbanetani karanavevacananiyeva. Vivadanidananti- adisupi. Attharasabhedakaravatthusankhato vivado nidanametassati vivadanidanam. Vivadam nissaya uppajjanakavivadavasenetam vuttam. Anuvado nidanam assati anuvadanidanam. Idampi anuvadam nissaya uppajjanakaanuvadavasena vuttam. Apatti nidanam assati apattinidanam. Apattadhikaranapaccaya catasso apattiyo apajjatiti evam apattim nissaya uppajjanakaapattivasenetam vuttam. Kiccayam nidanamassati kiccayanidanam. Catubbidham sanghakammam karanamassati attho. Ukkhittanuvattikaya bhikkhuniya yavatatiyam samanubhasanadinam kiccam nissaya uppajjanakakiccanam vasenetam vuttam. Ayam catunnampi adhikarananam vissajjanapakkhe ekapadayojana. Etenanusarena sabbapadani yojetabbani. Dutiyapucchaya hetunidanantiadimhi vissajjane navannam kusalakusalabyakatahetunam vasena hetunidanadita veditabba. Tatiyapucchaya vissajjane byanjanamattam nanam. Hetuyeva hi ettha paccayoti vutto. {343} Mulapucchaya vissajjane. Dvadasa mulaniti kodhaupanaha- yugalakadini cha vivadamulani lobhadosamoha tayo alobhadosamoha tayoti imani ajjhattasantanappavattani dvadasa mulani. Cuddasa mulaniti taneva dvadasa kayavacahi saddhim cuddasa honti.--------------------------------------------------------------------------------------------- page548.
Cha mulaniti kayadini cha samutthanapucchaya vissajjane attharasa bhedakaravatthuni samutthanani. Tanhi etesu attharasasu bhedakaravatthusu samutthati etehi va karanabhutehi samutthati tenassetani samutthananiti vuccanti. Esa nayo sabbattha. {344} Vivadadhikaranam apattitiadibhede ekena adhikaranena kiccadhikaranenati idam adhikaranesu yena adhikaranena sammanti tam dassetum vuttam. Na panetani ekamsato kiccadhikaraneneva sammanti. Na hi puggalassa santike desentassa kiccadhikaranannama atthi. Na katamena samathenati savasesapatti viya na sammati. Na hi sakka sa desetum na tato patthaya suddhante patitthatum. {348} Vivadadhikaranam hoti anuvadadhikaranantiadinayo uttanoyeva. {349} Tato param yattha sativinayotiadika sammukhavinayam amuncitva chayamakapuccha vutta tasam vissajjaneneva attho pakasito. {351} Samsatthadipucchanam vissajjane. Samsatthati sativinaya- kammavacakhanasmimyeva dvinnampi samathanam siddhatta sammukhavinayoti va sativinayoti va ime dhamma samsattha no visamsattha. Yasma pana kadalikkhandhe pattavaddhanam viya na sakka tesam vinibbhujitva nanakaranam dassetum. Tena vuttam na ca labbha imesam dhammanam vinibbhujitva vinibbhujitva nanakaranam pannapetunti. Esa nayo sabbattha. {352} Kimnidanoti pucchanam vissajjane. Nidanam nidanamassati nidananidano. Tattha sanghasammukhata dhammasammukhata vinayasammukhata--------------------------------------------------------------------------------------------- page549.
Puggalasammukhatati idam sammukhavinayassa nidanam. Sativepullappatto khinasavo laddhupavado sativinayassa nidanam ummattako bhikkhu amulhavinayassa nidanam yo ca deseti yassa ca deseti ubhinnam sammukhibhavo patinnatakaranassa nidanam bhandanajatanam adhikaranam vupasametum asakkuneyyata yebhuyyasikaya nidanam papussanno puggalo tassa papiyasikaya nidanam bhandanajatanam bahuassamanakaajjhacaro tinavattharakassa nidanam. Hetupaccayavara vuttanaya eva. {353} Mulapucchaya vissajjanam uttanameva. Samutthanapucchaya kincapi sattannam samathanam katame chattimsa samutthanati vuttam sammukhavinayassa pana kammasangahabhavena samutthanabhavato channamyeva samathanam cha samutthanani vibhattani. Tattha kammassa kiriyati natti veditabba. Karananti tassayeva nattiya thapetabbakale thapanam. Upagamananti sayam upagamanam attanayeva tassa kammassa karananti attho. Ajjhupagamananti ajjhesanupagamanam annam saddhiviharikadikam imam kammam karohiti ajjhesananti attho. Adhivasanati vuccati me etam karotu sanghoti evam adhivasana chandadananti attho. Appatikkosanati na me tam khamati ma evam karothati appatisedhana. Iti channam chakkanam vasena chattimsa samutthana veditabba. {354} Nanatthapucchavissajjanam uttanameva. Adhikaranapucchavissajjane. Ayam vivado no adhikarananti ayam mataputtadinam vivado viruddhavadatta vivado nama hoti.--------------------------------------------------------------------------------------------- page550.
Samathehi pana adhikaraniyatayabhavato adhikaranam na hoti. Anuvadadisupi eseva nayo. Sesam sabbattha uttanameva. Adhikaranabhedavannana nitthita. ------------The Pali Atthakatha in Roman Book 3 page 542-550. http://84000.org/tipitaka/atthapali/read_rm.php?B=3&A=11034&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11034&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]