AtthaPali Vol.3

{324} Catukkesu. Sakavacaya apajjati paravacaya vutthatiti vacidvarikam padasodhammadibhedam apattim apajjitva tinavattharakasamathatthanam gato Parassa kammavacaya vutthati. Paravacaya apajjati sakavacaya vutthatiti papikaya ditthiya appatinissagge parassa kammavacaya apajjati puggalassa santike desento sakavacaya vutthati. Sakavacaya apajjati sakavacaya vutthatiti vacidvarikam padasodhammadibhedam apattim sakavacaya apajjati desetva vutthahantopi sakavacaya vutthati. Paravacaya apajjati paravacaya vutthatiti yavatatiyakam sanghadisesam parassa kammavacaya apajjati vutthahantopi parassa parivasakammavacadihi vutthati. Tato paresu. Kayadvarikam kayena apajjati desento vacaya vutthati. Vacidvarikam vacaya apajjati tinavattharakena kayena vutthati. Kayadvarikam kayena apajjati tameva tinavattharakena kayena vutthati. Vacidvarikam vacaya apajjati tameva desento vacaya vutthati. Sanghikamancassa attano paccattharanena anatthato kayaphusane lomagananaya apajji- tabbapattim sahagaraseyyapattinca pasutto apajjati. Pabujjhitva pana apannabhavam natva desento patibuddho vutthati. Jagganto apajjitva pana tinavattharakasamathatthane sayanto patibuddho apajjati pasutto vutthati nama. Pacchimapadadvayampi vuttanusareneva veditabbam. Acittakapattim acittako apajjati nama. Paccha desento sacittako vutthati. Sacittakapattim sacittako apajjati nama. Tinavattharakasamathatthane sayanto acittako vutthati. Sesapadadvayampi vuttanusareneva veditabbam. Yo sabhagam apattim Deseti ayam desanapaccaya dukkatam apajjanto pacittiyadisu annataram deseti. Tanca desento dukkatam apajjati. Tam pana dukkatam apajjanto pacittiyadito vutthati. Pacittiyadito vutthahanto tam apajjati. Iti ekassa puggalassa ekameva payogam sandhaya atthi apajjanto desetiti idam catukkam vuttanti veditabbam. Kammacatukke. Papikaya ditthiya appatinissaggapattim kammena apajjati desento akammena vutthati. Visatthiadikam akammena apajjati parivasadina kammena vutthati. Samanubhasanam kammeneva apajjati kammena vutthati. Sesam akammena apajjati akammena vutthati. Parikkharacatukke. Pathamo sakaparikkharo. Dutiyo sanghiko. Tatiyo cetiyasantako. Catuttho gihiparikkharo. Sace pana so pattacivaranavakammabhesajjanam atthaya ahato hoti. Apapuranam datum anto vasapetum ca vattati. Sammukhacatukke. Papikaya ditthiya appatinissaggapattim sanghassa sammukhaeva apajjati. Vutthanakale pana sanghena kiccam natthiti parammukha vutthati. Visatthiadikam parammukha apajjati sanghassa sammukha vutthati. Samanubhasanam sanghassa sammukha eva apajjati sammukha vutthati. Sesam sampajanamusavadadibhedam parammukhava apajjati parammukha ca vutthati. Ajanantacatukkam acittakacatukkasadisam. Lingapatubhavenati sayitasseva bhikkhussa va bhikkhuniya va lingaparivatte jate sahagaraseyyapatti hoti. Idameva tam paticca vuttam. Ubhinnampi pana asadharanapatti lingapatubhavena vutthati. Saha patilabhacatukke. Yassa bhikkhuno lingam parivattati so saha lingapatilabhena pathamam uppannavasena setthabhavena ca purimam purisalingam jahati pacchime itthilinge patitthati. Purisakuttapurisakaradivasena pavatta kayavacivinnattiyo patippassambhanti. Bhikkhuti va purisoti va evam pavatta pannattiyo nirujjhanti. Yani hi bhikkhunihi asadharanani chacattalisa sikkhapadani tehi anapattiyeva hoti. Dutiyacatukke pana yassa bhikkhuniya lingam parivattati sa paccha samuppattiya va hinabhavena va pacchimanti sankhagatam itthilingam jahati vuttappakarena purimanti sankhagate purisalinge patitthati. Vuttaviparita vinnattiyo patippassambhanti. Bhikkhuniti va itthiti va evam pavatta pannattiyo nirujjhanti. Yani va bhikkhuhi asadharanani satam timsanca sikkhapadani tehi anapattiyeva hoti. Cattaro samukkamsati cattaro mahapadesa. Te hi bhagavata anuppanne vatthusmim sayam ukkamsitva ukkhipitva thapitatta samukkamsati vuccanti. Paribhogati ajjhoharaniyaparibhoga. Udakam pana akalikatta appatiggahitakam vattati. Yavakalikadini appatiggahitakani ajjhoharitum na vattanti. Cattari mahavikatani kalodissatta yathavuttakale vattanti. Upasako silavati panca Va dasa va silani gopayamano. Agantukadicatukke. Sachattupahano sasisam parupanto viharam pavisanto tattha vicaranto ca agantukova apajjati no avasiko. Avasikavattam akaronto pana avasiko apajjati no agantuko. Sesam kayavacidvarikam apattim ubhopi apajjanti. Asadharanam apattim neva agantuko apajjati no avasiko. Gamiyacatukkepi. Gamiyavattam apuretva gacchanto gamiko apajjati no avasiko. Avasikavattam akaronto avasiko apajjati no gamiko. Sesam ubhopi apajjanti. Asadharanam apattim ubhopi napajjanti. Vatthunanattatadicatukke. Catunnam parajikanam annamannam vatthunanattatava hoti na apattinanattata. Sabbapi hi sa parajikapattiyeva. Sanghadisesadisupi eseva nayo. Bhikkhussa ca bhikkhuniya ca annamannam kayasamsagge bhikkhussa sanghadiseso bhikkhuniya parajikanti evam apattinanattatava hoti na vatthunanattata. Ubhinnampi kayasamsaggova vatthu. Tatha lasunakhadane bhikkhuniya pacittiyam bhikkhussa dukkatantievamadina cettha nayena yojana veditabba. Catunnam parajikanam terasahi sanghadisesehi saddhim vatthunanattata ceva apattinanattata ca. Evam sanghadisesadinam aniyatadihi. Adito cattari parajikani ekato apajjantanam bhikkhubhikkhuninam neva vatthunanattata no apattinanattata. Visum Apajjantesupi sesa sadharanapattiyo apajjantesupi eseva nayo. Vatthusabhagadicatukke. Bhikkhussa ca bhikkhuniya ca kayasamsagge vatthusabhagata no apattisabhagata. Catusu parajikesu apattisabhagata no vatthusabhagata. Eseva nayo sanghadisesadisu. Bhikkhussa ca bhikkhuniya ca catusu parajikesu vatthusabhagata ceva apattisabhagata ca. Esa nayo sabbasu sadharanapattisu. Asadharanapattiyam neva vatthusabhagata ca napattisabhagata ca. Yo hi purimacatukke pathamapanho so idha dutiyo. Yo ca tattha dutiyo so idha pathamo. Tatiyacatutthesu nanakaranam natthi. Upajjhayacatukke. Saddhiviharikassa upajjhayena kattabba- vattassa akarane ca apattim upajjhayo apajjati no saddhivihariko. Upajjhayassa kattabbavattam akaronto saddhivihariko apajjati no upajjhayo. Sesam ubhopi apajjanti. Asadharanam ubhopi napajjanti. Acariyacatukkepi eseva nayo. Adiyantacatukke. Padam va atirekapadam va sahattha adiyanto garukam apajjati. Unakapadam ganhahiti anattiya annam payojento lahukam apajjati. Etena nayena sesapadattiyam veditabbam. Abhivadanarahacatukke. Bhikkhuninam tava bhattagge navamabhikkhunito patthaya upajjhayapi abhivadanaraha no paccupatthanaraha. Avisesena ca vippakatabhojanassa bhikkhussa yo Koci vuddhataro. Satthivassassapi parivasikassa samipam gato tadahupasampannopi paccupatthanaraho no abhivadanaraho. Appatikkhittesu thanesu vuddho navakassa abhivadanaraho ceva paccupatthanaraho ca. Navako pana vuddhassa neva abhivadanaraho na paccupatthanaraho. Asanarahacatukkassa pathamapadam purimacatukke dutiyapadena dutiyapadanca pathamapadena atthato sadisam. Kalacatukke. Pavaretva bhunjanto kale apajjati no vikale. Vikalabhojanapattim vikale apajjati no kale. Sesam kale ceva vikale ca. Asadharanam neva kale no vikale. Patiggahitacatukke. Purebhattam patiggahitamisam kale kappati no vikale. Panakam vikale kappati punadivasamhi no kale. Sattahakalikam yavajivikam kale ceva kappati vikale ca. Attano attano kalatitam yavakalikadittayam akappiyamamsauggahitaka- patiggahitakanca neva kale kappati no vikale. Paccantimacatukke. Samudde simam bandhanto paccantimesu janapadesu apajjati no majjhimesu. Pancavaggena ganena upasampadento gananganupahanadhuvanahanacammattharanani ca majjhimesu janapadesu apajjati no paccantimesu. Imani cattari idha na kappantiti vadantopi paccantimesu apajjati. Idha kappantiti vadanto pana majjhimesu apajjati. Sesapattim ubhayatthapi apajjati. Asadharanam na katthaci apajjati. Dutiyacatukke. Pancavaggena ganena Upasampadadicatubbidhampi vatthu paccantimesu janapadesu kappati. Idam kappatiti dipetumpi tattheva kappati no majjhimesu. Idam na kappatiti dipetum pana majjhimesu janapadesu kappati no paccantimesu. Sesam anujanami bhikkhave panca lonanitiadi anunnatam. Tam ubhayattha kappati. Yam pana akappiyanti patikkhittam tam ubhayatthapi na kappati. Antoadicatukke. Anupakhajjaseyyadim anto apajjati no bahi. Ajjhokase sanghikamancadini nikkhipitva pakkamanto bahi apajjati no anto. Sesam anto ceva bahi ca. Asadharanam neva anto na bahi. Antosimadicatukke. Agantuko vattam na purento anto simaya apajjati. Gamiyo bahi simaya. Musavadadim anto simaya ca bahi simaya ca apajjati. Asadharanam na katthaci. Gamacatukke. Antaragharapatisamyuttam sekhapannattim game apajjati no aranne. Bhikkhuni arunam utthapayamana aranne apajjati no game. Musavadadim game ceva apajjati aranne ca. Asadharanam na katthaci. Cattaro pubbakiccati sammajjani padipo ca udakam asanena cati idam catubbidham pubbakarananti vuccatiti vuttam. Chandaparisuddhi utukkhanam bhikkhuganana ca ovadoti ime pana cattaro pubbakiccati veditabba. Cattaro pattakallati uposatho yavatika ca bhikkhu kammappatta te agata honti sabhagapattiyo na vijjanti Vajjaniya ca puggala tasmim na honti pattakallanti vuccatiti. Cattari anannapacittiyaniti etadeva paccayam karitva anannam pacittiyanti evam vuttani anupakhajjaseyyakappanasikkhapadam ehavuso gamam va nigamam vati sikkhapadam sancicca kukkuccaupadahanam upassutititthananti imani cattari. Catasso bhikkhusammatiyoti ekarattampi ce bhikkhu ticivarena vippavaseyya annatra bhikkhusammatiya annam navam santhatam karapeyya annatra bhikkhusammatiya tato ce uttarim vippavaseyya annatra bhikkhusammatiya dutthullam apattim anupasampannassa aroceyya annatra bhikkhusammatiyati evam agata terasasammatihi vimutta annatra sammatiyo. Gilanacatukke. Annabhesajjena karaniye lolataya annam vinnapento gilano apajjati. Abhesajjena karaniye bhesajjam vinnapento agilano apajjati. Musavadadim ubhopi. Asadharanam ubhopi napajjanti. Sesam sabbattha uttanamevati. Catukka vannana nitthita.

The Pali Atthakatha in Roman Book 3 page 503-511. http://84000.org/tipitaka/atthapali/read_rm.php?B=3&A=10270&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=10270&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=-252 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=7428 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=7498 The Pali Tipitaka in Roman Character :- http://84000.org/tipitaka/read/roman_read.php?B=4&A=7498 Contents of The Tipitaka Volume 4 http://84000.org/tipitaka/read/?index_4