AtthaPali Vol.3

{323} Tikesu. Atthapatti titthante bhagavati apajjatiti atthi apatti yam titthante bhagavati apajjatiti attho. Esa nayo sabbattha. Tattha ruhiruppadapattim titthante apajjati. Etarahi kho panananda bhikkhu annamannam avusovadena samudacaranti na vo mamaccayena evam samudacaritabbam navakena ananda bhikkhuna thero bhikkhu bhadanteti va ayasmati va samudacaritabboti vacanato theram avusovadena samudacaranappaccaya apattim parinibbute bhagavati apajjati no titthante. Ima dve apattiyo thapetva avasesa dharantepi bhagavati apajjati parinibbutepi. Pavaretva anatirittam bhunjanto apattim kale apajjati no vikale. Vikalabhojanapattim pana vikale apajjati no kale. Avasesam kale ceva apajjati vikale ca. Sahagaraseyyam rattim apajjati dvaram asamvaritva patisalliyanam diva. Sesa rattinceva diva ca. Dasavassomhi atirekadasavassomhiti balo abyatto parisam upatthapento dasavasso apajjati na unadasavasso. Aham pandito byattoti navo va majjhimo va parisam upatthapento unadasavasso apajjati no dasavasso. Sesam dasavasso ceva Apajjati unadasavasso ca. Pancavassomhiti balo abyatto anissaya vasanto pancavasso apajjati. Aham pandito byattoti navako anissaya vasanto unapancavasso apajjati. Sesam pancavasso ceva apajjati unapancavasso ca. Anupasampannam padaso dhammam vacento matugamassa dhammam desentoti evarupim apattim kusalacitto apajjati. Parajika visatthi kayasamsagga dutthullaattakamaparicariyadutthadosasanghabhedapaharadanatalasattikadibhedamakusala- citto apajjati. Asancicca sahagaraseyyadim abyakatacitto apajjati. Yam araha apajjati sabbam abyakatacittova apajjati. Methunadhammadibhedamapattim sukhavedanasamangi apajjati. Dutthadosadibhedam dukkhavedanasamangi. Yam sukhavedanasamangi apajjati tamyeva majjhatto hutva apajjanto adukkhamasukhavedanasamangi apajjati. Tayo patikkhepati buddhassa bhagavato tayo patikkhepa catusu paccayesu mahicchata asantutthita kilesasallekhanakapatipattiya agopayana ime hi tayo dhamma buddhena bhagavata patikkhitta. Appicchatadayo pana tayo buddhena bhagavata anunnata. Tena vutatam tayo anunnatati. Dasavassomhiti parisam upatthapento pancavassomhiti nissayam aganhanto balo apajjati na pandito. Unadasavasso byattomhiti bahussutatta parisam upatthapento unapancavasso ca nissayam aganhanto pandito apajjati no balo. Avasesam pandito ceva apajjati balo ca. Vassam Anupagacchanto kale apajjati no junhe. Mahapavaranaya apavarento junhe apajjati no kale. Avasesam kale ceva apajjati junhe ca. Vassupagamanam kale kappati no junhe. Mahapavaranaya pavarana junhe kappati no kale. Sesam anunnatam kale ceva kappati junhe ca. Kattikapunnamasiya pacchime patipadadivase vikappetva thapitam vassikasatikam nivasento hemante apajjati. Kurundiyam pana kattikapunnamidivase apaccuddharitva hemante apajjatiti vuttam. Tampi suvuttam. Catumasam adhitthatum tato param vikappetunti hi vuttam. Atirekamase sese gimhane pariyesanto atirekaddhamase sese katva nivasento ca gimhe apajjati nama. Satiya vassikasatikaya naggo kayam ovassapento vasse apajjati nama. Parisuddhiuposatham va adhitthanuposatham va karonto sangho apajjati. Suttuddesanca adhitthanuposathanca karonto gano apajjati. Ekako suttuddesam karonto puggalo apajjati. Pavaranayapi eseva nayo. Sanghuposatho ca sanghapavarana ca sanghasseva kappati. Ganuposatho ca ganapavarana ca ganasseva kappati. Adhitthanuposatho ca adhitthanapavarana ca puggalasseva kappati. Parajikam apannomhitiadini bhananto vatthum chadeti na apattim. Methunam dhammam patisevintiadini bhananto apattim Chadeti no vatthum. Yo neva vatthum na apattim aroceti. Ayam vatthunceva chadeti apattim ca. Paticchadetiti paticchadi. Jantagharameva paticchadi jantagharapaticchadi. Itarasupi eseva nayo. Dvaram pidahitva antojantaghare thitena parikammam katum vattati. Udake otinnenapi etadeva vattati. Ubhayattha khaditum va bhunjitum va na vattati. Vatthapaticchadi sabbattha kappiya. Taya paticchannena sabbam katum vattati. Vahantiti yanti niyyanti nindam va patikkosam va na labhanti. Candamandalam abbha mahika dhumarajarahuvimuttam vivatamyeva virocati na tesu annatarena paticchannam. Tatha suriyamandalam. Dhammavinayopi vivaritva vibhajitva desiyamanova virocati no paticchanno. Annena bhesajjena karaniye annam vinnapento gilano apajjati. Na bhesajjena karaniye bhesajjam vinnapento agilano apajjati. Avasesam apattim gilano ceva apajjati agilano ca. Anto apajjati no bahiti anupakhajja seyyam kappento apajjati. Bahi apajjati no antoti sanghikam mancadim ajjhokase santharitva pakkamanto bahi apajjati. Avasesam pana anto ceva apajjati bahi ca. Antosimayati agantuko agantukavattam adassetva sachattupahano viharam pavisanto upacarasimam okkantamattova apajjati. Bahisimayati gamiko darubhandapatisamanadim gamikavattam apuretva pakkamanto upacarasimam Atikkantamattova apajjati. Avasesam anto simaya ceva apajjati bahi simaya ca. Sati vuddhatare anajjhittho dhammam bhasanto sanghamajjhe apajjati nama. Ganamajjhepi puggalasantikepi eseva nayo. Kayena vutthatiti tinavattharakasamathena vutthati. Kayam acaletva vacaya desentassa vacaya vutthati. Vacisampayuttam kayakiriyam katva desentassa kayena vacaya vutthati nama. Sanghamajjhe desanagaminipi vutthanagaminipi vutthati. Ganapuggalamajjhe pana desanagaminipiyeva vutthati. Agalhaya ceteyyati agalhaya dalhabhavaya ceteyya. Tajjaniyakammadikatassa vattam na purayato icchamano sangho ukkhepaniyakammam kareyyati attho. Alajji ca hoti balo ca apakatatto cati ettha balo ayam dhammadhammam na janatiti apakatatto va apattanapattim na janatiti na ettavata kammam katabbam. Balabhavamulakam apakatattabhavamulakanca apattim apannassa kammam katabbanti attho. Adhisile silavipanno nama dve apattikkhandhe apanno. Acaravipanno nama panca apattikkhandhe apanno. Ditthivipanno nama antagahikaya ditthiya samannagato. Tesam apattim appassantanam appatikarontanam ditthim ca anissajjantanamyeva kammam katabbam. Kayiko davo nama pasakadihi jutakilanadibhedo anacaro. Vacasiko davo nama Mukhalambarakaranadibhedo anacaro. Kayikavacasiko nama naccanagayanadibhedo dvihipi dvarehi anacaro. Kayiko anacaro nama kayadvare pannattasikkhapadavitikkamo. Vacasiko anacaro nama vacidvare pannattasikkhapadavitikkamo. Kayikavacasiko nama dvaradvayepi pannattasikkhapadavitikkamo. Kayikena upaghatikenati kayadvare pannattassa sikkhapadassa asikkhanena. Yo hi tam na sikkhati so nam upaghateti. Tasma tassa tam asikkhanam kayikam upaghatikanti vuccati. Sesapadadvayepi eseva nayo. Kayikena micchajivenati janghapesanikadina va ganduphalanadina va vejjakammena. Vacasikenati sasanaugganhanaarocanadina. Tatiyapadam ubhayasampayogavasena vuttam. Alam bhikkhu ma bhandananti alam bhikkhu ma bhandanam kari ma kalaham ma viggaham ma vivadam kariti attho. Na voharitabboti na kinci vattabbo. Vadatopi hi tadisassa na vacanam sotabbam mannanti. Na kisminci paccekatthaneti kisminci vijanigahadike ekasmimpi jetthakatthane na thapetabboti attho. Okasam karapentassati karotu ayasma okasam aham tam vattukamoti evam okasam karentassa. Nalam okasakammam katunti kim tvam karissasiti okaso na katabbo. Savacaniyam nadatabbanti na adatabbam vacanampi na sotabbam. Yattha gahetva gantukamo hoti na tattha gantabbanti attho. Tihangehi samannagatassa bhikkhuno vinayoti yam so Janati so tassa vinayo nama hoti so na pucchitabboti attho. Anuyogo na databboti idam kappatiti pucchantassa pucchaya okaso na databbo anno pucchati vattabbo yopi tam pucchati so annam pucchati vattabbo iti so neva pucchitabbo nassa puccha sotabbati attho. Vinayo na sakacchitabboti vinayapanho na sakacchitabbo. Kappiyakappiyakatha na samsandetabba. Idamappahayati etam brahmacaripatinnatadikam laddhim avijahitva. Suddham brahmacarinti khinasavam bhikkhum. Patabyatam apajjatiti patabyabhavam patisevanam apajjati. Idamappahayati vacanato pana tam brahmacaripatinnatam pahaya khinasavam musa maya bhanitam khamatha meti khamapetva natthi kamesu dosoti laddhim vijahitva gativisodhanam kareyya. Akusalamulaniti akusalani ceva mulani ca akusalanam va mulani akusalamulani. Kusalamulepi eseva nayo. Dutthu caritani virupani va caritani duccaritani. Sutthu caritani sundarani va caritani sucaritani. Kayena karanabhutena katam duccaritam kayaduccaritam. Eseva nayo sabbattha. Sesam tattha tattha vuttanayatta uttanamevati. Tikavannana nitthita.

The Pali Atthakatha in Roman Book 3 page 497-503. http://84000.org/tipitaka/atthapali/read_rm.php?B=3&A=10129&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=10129&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=-251 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=7371 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=7438 The Pali Tipitaka in Roman Character :- http://84000.org/tipitaka/read/roman_read.php?B=4&A=7438 Contents of The Tipitaka Volume 4 http://84000.org/tipitaka/read/?index_4