AtthaPali Vol.29

8. Pasurasuttavannana [831] Idheva suddhiti pasurasuttam. Ka uppatti? bhagavati kira savatthiyam viharante pasuro nama paribbajako mahavadi, so "ahamasmi sakalajambudipe vadena aggo, tasma yatha jambudipassa jambu pannanam, evam mamapi bhavitum arahati"ti jambusakham dhajam katva sakalajambudipe pativadam anasadento anupubbena savatthim agantva nagaradvare valikatthalam katva tattha sakham ussapetva "yo maya saddhim vadam katum samattho, so imam sakham bhanjatu"ti vatva nagaram pavisi. Tam thanam mahajano parivaretva atthasi. Tena ca samayena ayasma sariputto bhattakiccam katva savatthito nikkhamati, so tam disva sambahule gamadarake pucchi "kim etam daraka"ti, te sabbam acikkhimsu. "tenahi nam tumhe uddharitva padehi bhanjatha, `vadatthiko viharam agacchatu'ti ca bhanatha"ti vatva pakkami. Paribbajako pindaya caritva katabhattakicco agantva uddharitva bhaggam sakham disva "kenidam karitan"ti pucchi. "buddhasavakena sariputtena"ti ca vutte pamudito hutva "ajja mama jayam samanassa ca parajayanca pandita passantu"ti panhavimamsake karanike anetum savatthim pavisitva vithisinghatakacaccaresu vicaranto "samanassa gotamassa aggasavakena saha vade pannapatibhanam sotukama bhonto nikkhamantu"ti ugghosesi. "panditanam vacanam sossama"ti sasane pasannapi appasannapi bahu manussa nikkhamimsu. Tato pasuro mahajanaparivuto "evam vutte evam bhanissami"tiadini vitakkento viharam agamasi. Thero "vihare uccasaddamahasaddo janabyakulanca ma ahosi"ti jetavanadvarakotthake asanam pannapetva nisidi. Paribbajako theram upasankamitva "tvam bho pabbajita mayham jambudhajam bhanjapesi"ti aha. "ama paribbajaka"ti ca vutte "hotu no bho kaci kathapavatti"ti aha. "hotu paribbajaka"ti ca therena sampaticchite "tvam samana puccha, aham vissajjessami"ti aha. Tato nam thero avaca "kim paribbajaka dukkaram puccha, udahu vissajjanan"ti. Vissajjanam bho pabbajita, pucchaya kim dukkaram, tam yo hi koci yam kinci pucchatiti. "tenahi paribbajaka tvam puccha, aham vissajjessami"ti evam vutte paribbajako "sadhurupo bhikkhu padena sakham ^1- bhanjapesi"ti vimhitacitto hutva theram pucchi "ko purisassa kamo"ti. "sankapparago purisassa kamo"ti ^2- thero aha. So tam sutva there viruddhasanni hutva parajayam aropetukamo aha "citravicitrarammanam pana bho pabbajita purisassa kamam na vadesi"ti. Ama paribbajaka na vademiti. Tato nam paribbajako yava tikkhattum patinnam karapetva "sunantu bhonto samanassa vade dosan"ti panhavimamsake alapitva aha "bho pabbajita tumhakam sabrahmacarino aranne viharanti"ti. Ama paribbajaka viharantiti. Te tattha viharanta kamavitakkadayo vitakke vitakkentiti. Ama paribbajaka puthujjana sahasa vitakkentiti. "yadi evam tesam samanabhavo kuto, nanu te agarika kamabhogi ^3- hontiti evanca pana vatva athaparam etadavoca:- "na te ve kama yani citrani loke sankapparaganca vadesi kamam sankappayam akusale vitakke bhikkhupi te hessati kamabhogi"ti. ^4- @Footnote: ¹ cha.Ma.,i. thane sakham ² an.chakka. 22/63 @³ cha.Ma.,i. kamabhogino ⁴ sa.pa. 1/62 Atha thero paribbajakassa vade dosam dassento aha "kim paribbajaka sankapparagam purisassa kamam na vadesi, citravicitrarammanam vadesi"ti. Ama bho pabbajitati. Tato nam thero yava tikkhattum patinnam karapetva "sunatha avuso paribbajakassa vade dosan"ti panhavimamsake alapitva aha "avuso pasura tava sattha atthi"ti. Ama pabbajita atthiti. So cakkhuvinneyyam ruparammanam passati, saddarammanadini va sevatiti. Ama pabbajita sevatiti. "yadi evam tassa satthubhavo kuto, nanu so agariko kamabhogi hoti"ti evanca pana vatva athaparam etadavoca:- "te ve kama yani citrani loke sankapparagam na vadesi kamam passanto rupani manoramani sunanto saddani manoramani. Ghayanto gandhani manoramani sayanto rasani manoramani phusanto phassani manoramani satthapi te hessati kamabhogi"ti. Evam vutte nippatibhano paribbajako "ayam pabbajito mahavadi, imassa santike pabbajitva vadasattham sikkhissami"ti savatthim pavisitva pattacivaram pariyesitva jetavanam pavittho tattha loludayim ^1- suvannavannakayupapannam sarirakarakappesu samantapasadikam disva "ayam bhikkhu mahapanno mahavadi"ti mantva tassa santike pabbajitva tam vadena niggahetva salingena tamyeva @Footnote: ¹ cha.Ma. laludayim Titthayatanam pakkamitva puna "samanena gotamena saddhim vadam karissami"ti savatthiyam purimanayeneva ugghosetva mahajanaparivuto "evam samanam gotamam niggahessami"tiadini vadanto jetavanam agamasi, jetavanadvarakotthake adhivattha devata "ayam abhajanabhuto"ti mukhabandhanamassa akasi. So bhagavantam upasankamitva mugo viya nisidi. Manussa "idani pucchissati"ti ^1- tassa mukham oloketva "vadehi bho pasura, vadehi bho pasura"ti uccasaddamahasadda ahesum. Atha bhagava "kim pasuro vadissati"ti vatva tattha sampattaparisaya dhammadesanattham imam suttamabhasi. Tattha pathamagathaya tava ayam sankhepo:- ime ditthigatika attano ditthim sandhaya idheva suddhi iti vadayanti nannesu dhammesu visuddhimahu. ^2- Evam sante attano sattharadim ^3- nissita tattheva "esa vado subho"ti evam subham vadana ^4- hutva puthu samanabrahmana "sassato loko"tiadisu paccekasaccesu nivittha. [832] Evam nivittha ca:- te vadakamati gatha. Tattha balam dahanti mithu annamannanti "ayam balo ayam balo"ti evam dvepi jana annamannam balam dahanti, balato passanti. Vadanti te annasita kathojjanti te annamannam sattharadim nissita kalaham vadanti. Pasamsakama kusala vadanati pasamsatthika ubhopi "mayam kusalavada panditavada"ti evamsannino hutva. [833] Evam vadanesu ca tesu eko niyamato eva:- yutto kathayanti gatha. Tattha yutto kathayanti vivadakathaya ussukko. Pasamsamiccham vinighati hotiti @Footnote: ¹ cha.Ma.,i. idani pucchissati, idani pucchissatiti @² ka. suddhiti vadanti annesu pana dhammesu visuddhim nahu @³ cha.Ma.,i. sattharadini ⁴ ka. subhavada Attano pasamsam icchanto "katham nu kho niggahessami"tiadina nayena pubbeva sallapa kathamkathi vinighati ^1- hoti. Apahatasminti panhavimamsakehi "atthapagatam te bhanitam, byanjanapagatam te bhanitan"tiadina nayena apaharite ^2- vade. Nindaya so kuppatiti evam apahatasminca vade uppannaya nindaya so kuppati. Randhamesiti parassa randhameva gavesanto. [834] Na kevalanca kuppati, apica kho pana yamassa vadanti gatha. Tattha parihinamahu apahatanti atthabyanjanadito apahatam parihinam vadanti. Paridevatiti tato nimittam so "annam maya avajjitan"tiadihi vippalapati. Socatiti "tasseva jayo"tiadini arabbha socati. Upaccaga manti anutthunatiti "so mam vadena vadam atikkanto"tiadina nayena sutthutaram vippalapati. [835] Ete vivada samanesuti ettha pana samana vuccanti bahiraparibbajaka. Etesu ugghati nighati hotiti etesu vadesu jayaparajayadivasena cittassa ugghatam nighatanca papunanto ugghati nighati ca hotiti. Virame kathojjanti pajaheyya kalaham. Na hannadatthatthi pasamsalabhati na hi ettha pasamsalabhato anno attho atthi. [836-7] Chatthagathayattho:- yasma ca na hannadatthatthi pasamsalabha, tasma paramam labham labhantopi "sundaro ayan"ti tattha ditthiya pasamsito va pana hoti tam vadam parisaya majjhe dipetva, tato so tena jayatthena tutthim va dantavidamsakam va apajjanto hasati, manena ca unnamati. Kimkaranam? yasma tam jayattham pappuyya yathamano jato, evam unnamato ca ya unnatiti @Footnote: ¹ ka. sallapakathamkathavinighati ² Si.,i.,Ma. apasadite Gatha. Tattha manatimanam vadate panesoti eso pana tam unnatim "vighatabhumi"ti abujjhamano mananca atimananca vadatiyeva. [838] Evam vade dosam dassetva idani tassa vadam asampaticchanto "suro"ti gathamaha. Tattha rajakhadayati rajakhadaniyena, bhattavetanenati ^1- vuttam hoti. Abhigajjameti patisuramicchanti yatha so patisuram icchanto abhigajjanto eti, evam ditthigatiko ditthigatikanti dasseti. Yeneva so, tena palehiti yena so tuyham patisuro, tena gaccha. Pubbeva natthi yadidam yudhayati yam pana idam kilesajatam yuddhaya siya, tam etam pubbeva natthi, bodhimuleyeva pahinanti dasseti. Sesagatha pakatasambandhayeva. [839-40] Tattha vivadayantiti vivadanti. Patisenikattati patilomakarako. Visenikatvati kilesasenam vinasetva. Kim labhethoti patimallam kim labhissasi. Pasurati tam paribbajakam alapati. Yesidha natthiti yesam idha natthi. [841] Pavitakkanti "jayo nu kho idha ^2- me bhavissati"tiadini vitakkento. Dhonena yugam samagamati dhutakilesena buddhena saddhim yugaggaham samapanno. Na hi tvam sakkhasi sampayataveti kotthukadayo viya sihadihi, dhonena saha yugam gahetva ekam padampi sampayatum yugaggahameva va sampadetum na sakkhissasiti. Sesam sabbattha pakatamevati. Paramatthajotikaya khuddakatthakathaya suttanipatatthakathaya pasurasuttavannana nitthita. ------------ @Footnote: ¹ ka. ghatamaggenati ² cha.Ma. ayam saddo na dissati

The Pali Atthakatha in Roman Book 29 page 375-380. http://84000.org/tipitaka/atthapali/read_rm.php?B=29&A=8428&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=8428&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=415 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10174 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10280 The Pali Tipitaka in Roman Character :- http://84000.org/tipitaka/read/roman_read.php?B=25&A=10280 Contents of The Tipitaka Volume 25 http://84000.org/tipitaka/read/?index_25