AtthaPali Vol.29

[755] Arogyanti nibbanam. Sankhaya seviti cattaro paccaye paccavekkhitva sevamano, "pancakkhandha dvadasayatanani attharasa dhatuyo"ti. Evam va lokam sankhaya "aniccam dukkham anatta"ti nanena sevamano. Dhammatthoti catusaccadhamme thito. Sankhyam ^1- nopetiti "devo"ti va "manusso"ti va adikam sankhyam na gacchati. Sesamuttanameva. #[12] Dvadasamavare injitapaccayati tanhamanaditthikammakilesainjitesu yato kutoci kammasambharinjitapaccaya. [757] Ejam vossajjati tanham cajitva. Sankhare uparundhiyati kammanca kammasampayutte ca sankhare nirodhetva. Sesamuttanameva. #[13] Terasamavare nissitassa calitanti tanhaya tanhaditthimanehi va khandhe nissitassa sihasutte ^2- devanam viya bhayacalanam hoti. Sesamuttanameva. #[14] Cuddasamavare rupehi"ti rupabhavehi, rupasamapattihi va. Aruppati ^3- arupabhava, arupasamapattiyo va. Nirodhoti nibbanam. [761] Maccuhayinoti maranamaccukilesamaccudevaputtamaccuhayino, tividhampi tam maccum hitva gaminoti vuttam hoti. Sesamuttanameva. #[15] Pannarasamavare yanti namarupam sandhayaha. Tam hi lokena dhuvasubhasukhattavasena "idam saccan"ti upanijjhayitam ditthamalokitam. Tadamariyananti tam idam ariyanam, anunasikaikaralopam katva vuttam. Etam musati etam dhuvadivasena gahitampi musa, na tadisam hotiti. Puna yanti nibbanam sandhayaha. Tam hi lokena rupavedanadinamabhavato "idam musa natthi kinci"ti upanijjhayitam. @Footnote: ¹ Si. sankham ² sam.kha. 17/78-9/69-70 ³ cha.Ma. arupati Tadamariyanam etam saccanti tam idam ariyanam etam nikkilesasankhata sukhabhava, pavattidukkhapatipakkhasankhata sukhabhava, accantasantisankhata niccabhava ca anapagamanena paramatthato "saccan"ti yathabhutam sammappannaya sudittham. [762-3] Anattani ^1- attamaniti anattani namarupavedanadinam sabhavato attamani. ^1- Idam saccanti mannatiti idam namarupam dhuvadivasena "saccan"ti mannati. Yena yena hiti yena yena rupe va vedanaya va "mama rupam, mama vedana"tiadina nayena mannanti. Tato tanti tato mannitakara tam namarupam hoti annatha. Kimkaranam? tanhi tassa musa hoti, yasma tam yatha mannitakara musa hoti, tasma annatha hotiti attho. Kasma pana musa hotiti? mosadhammanhi ittaram, yasma yam ittaram parittapaccupatthanam, tam mosadhammam nassanadhammam hoti, tatharupanca namarupanti. Saccabhisamayati saccavabodha. ^2- Sesamuttanameva. #[16] Solasamavare yanti chabbidhamittharammanam sandhayaha. Tam hi lokena salabhamacchamakkatadihi padipabalisalepadayo viya "etam ^3- sukhan"ti upanijjhayitam. Tadamariyanam etam dukkhanti tam idam ariyanam "kama hi citra madhura manorama, viruparupena mathenti cittan"tiadina ^4- nayena "etam dukkhan"ti yathabhutam sammapapannaya sudittham. Puna idan"ti ^5- nibbanameva sandhayaha. Tam hi lokena kamagunabhava "dukkhan"ti upanijjhayitam. Tadamariyananti tam idam ariyanam paramatthasukhato "etam sukhan"ti yathabhutam sammappannaya sudittham. @Footnote: ^1-1 cha.Ma. attamaninti attani namarupe attamanim @² ka. saccabodha ³ cha.Ma. idam @⁴ khu.su. 25/50/345, khu.cula. 30/722/365 (sya) ⁵ cha.Ma..i. yanti [765-6] Kevalati anavasesa. Itthati icchita patthita. Kantati piya. Manapati manavuddhikaRa. Yavatatthiti vuccatiti yavata ete cha arammana atthiti vuccantiti. ^1- Vacanabyattayo veditabbo. Ete voti ettha voti nipatamattam. [767-8] Sukhanti ditthamariyehi, sakkayassuparodhananti "sukha"miti ariyehi pancakkhandhanirodho dittho, nibbananti vuttam hoti. Paccanikamidam hotiti patilomamidam dassanam hoti. Passatanti passantanam, panditananti vuttam hoti. Yam pareti ettha yanti vatthukame sandhayaha. Puna yam pareti ettha nibbanam. [769-71] Passati sotaram alapati. Dhammanti nibbanadhammam. Sampamulhetthaviddasuti ^2- sampamulha ettha aviddasu bala. Kimkaranam sampamulha? Nivutanam tamo hoti, andhakaro apassatam, yasma ^3- balanam avijjaya nivutanam otthatanam andhabhavakarano tamo hoti, yena nibbanadhammam datthum na sakkonti. Satanca vivatam hoti, aloko passatamivati satanca sappurisanam pannadassanena passatam alokova vivatam hoti nibbanam. Santike na vijananti, maga dhammassa kovidati yam attano sarire tacapancakamattam paricchinditva anantarameva adhigantabbato, attano khandhanam va nirodhamattato santike nibbanam, tam evam santike santampi na vijananti magabhuta jana maggamaggadhammassa va sabbadhammassa va ^4- akovida, sabbatha bhavaraga .pe. Susambudho. Tattha madheyyanupannehiti tebhumakavattam anuppannehi. [772] Pacchimagathaya sambandho "evam asusambudham ko nu annatra mariyehi"ti. Tassattho:- thapetva ariye ko nu anno nibbanapadam janitum. @Footnote: ¹ cha.Ma. vuccanti ² ka. sampamulhettha aviddasuti @³ cha.Ma. ayam patho na dissati ⁴ cha.Ma. saccadhammassa va Arahati, yam padam catutthena ariyamaggena sammadannaya anantarameva anasava hutva kilesaparinibbanena parinibbanti, sammadannaya va anasava hutva ante anupadisesaya nibbanadhatuya parinibbantiti arahattanikutena desanam nitthapesi. Attamanati tutthamana. Abhinandunti abhinandimsu. Imasminca pana veyyakaranasminti imasmim solasame veyyakarane. Bhannamaneti bhaniyamane. Sesam pakatameva. Evam sabbesupi solasasu veyyakaranesu satthimatte satthimatte katva satthiadhikanam navannam bhikkhusatanam anupadaya asavehi cittani vimuccimsu, solasakkhattum cattari cattari katva catusatthisaccanettha veneyyavasena ^1- nanappakarato desitaniti. Paramatthajotikaya khuddakatthakathaya suttanipatatthakathaya dvayatanupassanasuttavannana nitthita. Nitthito ca tatiyo vaggo atthavannananayato, namena mahavaggoti. -------------- @Footnote: ¹ ka. veyyakaranavasena

The Pali Atthakatha in Roman Book 29 page 341-344. http://84000.org/tipitaka/atthapali/read_rm.php?B=29&A=7684&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=7684&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=390 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=9696 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=9837 The Pali Tipitaka in Roman Character :- http://84000.org/tipitaka/read/roman_read.php?B=25&A=9837 Contents of The Tipitaka Volume 25 http://84000.org/tipitaka/read/?index_25