ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 29 : PALI ROMAN Sutta.A.2 (paramattha.2)

                        9. Vasetthasuttavannana
      evamme sutanti vasetthasuttam. Ka uppatti? ayamevassa, 1- nidane
vutta. Atthavannanam panassa vuttanayani uttanatthani ca padani pariharanta
karissama. Icchanangalanti gamassa 2- namam. Brahmanamahasalanam canki tarukkho
todeyyoti voharanamametam, pokkharasati janussoniti nemittikam. 3- Tesu kira
eko himavantapasse pokkharaniya padume nibbatto, annataro tapaso tam
padumam gahetva tattha sayitam darakam disva samvaddhetva ranno dassesi,
pokkhare sayitatta "pokkharasati"ti cassa namam akasi. Ekassa thanantaram
nemittikam. Tena kira janussoninamakam purohitatthanam laddham, so teneva
pannayi.
      Te sabbepi anne ca abhinnata abhinnata brahmanamahasala
kasma icchanangale pativasantiti ce 4-? vedajjhayanaparivimamsanattham. Tena kira
samayena kosalajanapade vedaka brahmana vedanam sajjhayakaranatthanca
atthupaparikkhanatthanca tasmimyeva game sannipatanti. Tena tepi 5- antarantara
attano bhogagamato agamma tattha pativasanti.
@Footnote: 1 cha.Ma.,i. ayameva, yassa  2 Ma. icchanangalanti nigamassa, cha. icchanangaloti
@gamassa  3 ka. nemittakam  4 cha.Ma. ayam saddo na dissati  5 ka. keci
      Vasetthabharadvajananti vasetthassa ca bharadvajassa ca. Ayamantarakathati
yam attano sahayakabhavanurupam katham kathenta anuvicarimsu, tassa kathaya
antara vemajjheyeva ayamanna katha udapaditi vuttam hoti. Samsuddhagahanikoti
samsuddhakucchiko, samsuddhaya brahmaniya eva kucchismim nibbattoti adhippayo.
"samavepakiniya gahaniya"tiadisu hi udaraggi "gahani"ti vuccati, idha pana
matukucchi. Yava sattamati matu mata pitu pitati evam patilomena yava satta
jatiyo 1- ettha ca pitamaho ca pitamahi ca pitamaha, tatha matamaho ca
matamahi ca matamaha, pitamaha ca matamaha ca pitamahayeva. Pitamahanam
yugam pitamahayugam. Yuganti ayuppattameva cetam, atthato pana pitamahayeva
pitamahayugam. Akkhittoti jatim arabbha "kim so"ti kenaci anavannato.
Anupakutthoti jatisandosavadena anupakkutthapubbo. Vattasampannoti
acarasampanno. Sannapetunti napetum bodhetum, nirantaram natunti vuttam hoti.
Ayamati gacchama.
      [600] Anunnatapatinnatati "tevijja tumhe"ti ca ete 2- mayam
acariyehi ca anunnata, attana ca patijanimhati attho. Asmati bhavama.
Ubhoti dvepi jana. Aham pokkharasatissa, tarukkhassaya 3- manavoti aham
pokkharasatissa jetthantevasi aggasisso, ayam tarukkhassati adhippayena bhanati
acariyasampattim attano sampattinca dipento.
      [601] Tevijjananti tivedanam. Kevalinoti nitthangata. Asmaseti amha
bhavama. Idani tam kevalibhavam vittharento aha "padakasma .pe. Sadisa"ti.
Tattha jappeti vede. Kammunati dasavidhena kusalakammapathakammuna. Ayam hi pubbe
@Footnote: 1 ka. sattamajatito
@ 2 cha.Ma.,i. evam  3 cha.Ma. tarukkhassayam
Sattavidham kayavacikammam sandhaya "yato kho bho silava ca 1- hoti"ti aha. Tividham
manokammam sandhaya "vattasampanno"ti aha. Tena samannagato hi acarasampanno
hoti.
      [602-5] Idani tam vacanantarena dassento aha "ahanca kammuna brumi"ti.
Khayatitanti unabhavam atitam, 2- paripunnanti attho. Peccati upagantava.
Namassantiti namo karonti. Cakkhum loke samuppannanti avijjandhakare loke tam
andhakaram viddhamsitva 3- lokassa ditthadhammikadiatthasandassanena cakkhum hutva
samuppannam.
      [606] Evam abhitthavitva vasetthena yacito bhagava te 4- dvepi jane
sanganhanto aha "tesam vo aham byakkhissan"tiadi. Tattha byakkhissanti
byakarissami. Anupubbanti titthatu tava brahmanacinta, kintam 5-
kitapatangatinarukkhato pabhuti vo anupubbam byakkhissanti evamettha adhippayo
veditabbo. Evam vittharakathaya vinetabba hi te manavaka. Jativibhanganti
jativittharam. Annamanna hi jatiyoti tesam tesam hi pananam jatiyo anna
anna, nanappakarati attho.
      [607] Tato pananam jativibhange kathetabbe "tinarukkhepi janatha"ti
anupadinnakanam tava kathetum araddho. Tam kimatthamiti ce? upadinnesu
sukhanapanattham. Anupadinnesu hi jatibhede gahite upadinnesu so pakatataro
hoti. Tattha tinani nama antophegguni bahisarani. Tasma talanalikeradayopi
tinasangaham gacchanti. Rukkha nama bahipheggu antosaRa. Tinani ca
@Footnote: 1 cha.Ma.,i. casaddo na dissati
@2 ka. hanabhavamatitam  3 cha.Ma. vidhamitva
@4 cha.Ma. ayam patho na dissati  5 cha.Ma. ayam patho na dissati
Rukkha ca tinarukkha. Te upayogabahuvacanena dassento aha "tinarukkhepi
janatha"ti. Na capi patijanareti "mayam tina, mayam rukkha"ti evampi na
patijananti. Lingam jatimayanti appatijanantanampi ca tesam ca jatimayameva
santhanam attano mulabhutatinadisadisameva hoti. Kimkaranam? annamanna hi
jatiyo, yasma anna tinajati, anna rukkhajati, tinesupi anna talajati,
anna nalikerajatiti evam vittharetabbam.
      Tena kim dipeti? yam jativasena nana hoti, tam attano patinnam
Paresam va upadesam vinapi annajatito visesena gayhati. Yadi ca jatiya
brahmano bhaveyya, sopi attano patinnam paresam va upadesam vina khattiyato
vessasuddato va visesena gayheyya, 1- na ca gayhati, tasma na jatiya
brahmanoti. Parato 2- pana "yatha etasu jatisu"ti imaya gathaya etamattham
vacibhedeneva avikarissati.
      [608] Evam anupadinnesu jatibhedam dassetva, upadinnesu tam
dassento "tato kite"ti evamadimaha. Tattha kitati kimayo. Patangati
patangayeva. Yava kunthakipilliketi kunthakipillikam pariyantam katvati attho.
      [609] Khuddaketi kalakakantakadayo. Mahallaketi sasavilaradayo. Sabbe
hi te anekavannayeva. 3-
      [610] Padudareti udarapade, udaramyeva tesam 4- padati vuttam hoti.
Dighapitthiketi sappanam hi sisato yava nanguttha pitthi eva hoti, tena te
"dighapitthika"ti vuccanti. Tepi anekappakara asivisadibhedena.
@Footnote: 1 ka. viseso na bhaveyya  2 ka. yato
@3 cha.Ma. anekavanna  4 cha.Ma. yesam
      [611] Odaketi 1- udakamhi jate. Macchapi anekappakara
rohitamacchadibhedena.
      [612] Pakkhiti sakune. Te hi pakkhanam atthitaya "pakkhi"ti vuccanti.
Pattehi yantiti pattayana vehase gacchantiti vihangama. Tepi anekappakara
kakadibhedena.
      [613] Evam thalajalakasagocaranam pananam jatibhedam dassetva idani
yena adhippayena tam dassesi, tam avikaronto "yatha etasu"ti gathamaha.
Tassattho sankhepato pubbepi 2- vuttadhippayavannanavaseneva veditabbo.
      [614-6] Vittharato panettha yam vattabbam, tam sayameva dassento "na
kesehi"tiadimaha. Tatrayam yojana:- yam vuttam "natthi manussesu lingam jatimayam
puthu"ti, tam evam natthiti veditabbam. Seyyathidam? na kesehiti. Na hi "brahmananam
idisa kesa honti, khattiyanam idisa"ti niyamo atthi yatha hatthiassamigadinanti
imina nayena sabbam yojetabbam. Lingam jatimayam neva, yatha annasu jatisuti
idam pana vuttassevatthassa nigamananti veditabbam. Tassa yojana:- tadeva
yasma imehi kesadihi natthi manussesu lingam jatimayam puthu, tasma veditabbametam
"brahmanadibhedesu manussesu  lingam jatimayam neva yatha annasu jatisu"ti.
      [617] Idani evam jatibhede asantepi 3- brahmano khattiyoti idam
nanattam yatha jatam, tam dassetum "paccattan"ti gathamaha. Tassattho:-
etam tiracchanagatanam viya 4- yonisiddhameva kesadisanthanananattam manussesu
brahmanadinam attano attano sariresu na vijjati. Avijjamanepi pana etasmim
@Footnote: 1 ka. udaketi  2 cha.Ma. pubbe
@3 ka. jatibhedesu sattesupi  4 cha.Ma. tiracchananam viya
Yadetam brahmano khattiyoti nanattavidhanapariyayam vokaram, tam vokaranca
manussesu samannaya pavuccati voharamattena vuccatiti.
      [619-25] Ettavata bhagava bharadvajassa vadam niggahetva idani
yadi jatiya brahmano bhaveyya, ajivasilacaravipannopi brahmano bhaveyya.
Yasma pana porana brahmana tassa brahmanabhavam na icchanti, loke ca
annepi panditamanussa, tasma vasetthassa vadapaggahanattham tam dassento
"yo hi koci manussesu"tiadika attha gathayo aha. Tattha gorakkhanti khettarakkham,
kasikammanti vuttam hoti. Pathavi hi "go"ti vuccati, tappabhedo ca khettam.
Puthusippenati tantavayakammadinanasippena. Voharanti vanijjam. Parapessenati
paresam veyyavaccena. Issatthanti avudhajivikam usunca satthancati 1- vuttam
hoti. Porohiccenati purohitakammena.
      [626] Evam brahmanasamayena ca lokavoharena ca ajivasilacaravipannassa
abrahmanabhavam sadhetva 2- evam sante na jatiya brahmano, gunehi pana
brahmano hoti. Tasma yattha yattha 3- kule jato yo gunava, so brahmano,
ayamettha nayoti evametam nayamatthato apadetva puna tadeva nayam
vacibhedena pakasento aha "na caham brahmanam brumi"ti.
      Tassattho:- aham pana yvayam catusu yonisu yattha katthaci jato, tatrapi
va visesena yo brahmanasamannitaya 4- matari sambhuto, tam yonijam mattisambhavam,
ya cayam "ubhato sujato"tiadina 5- nayena brahmanehi brahmanassa
parisuddhauppattimaggasankhata yoni kathiyati, "samsuddhagahaniko"ti 5- imina ca
@Footnote: 1 cha.Ma. sattincati  2 ka. savetva
@3 ka. yattha tatatha  4 ka. brahmanassa samvannitaya
@ 5 di.Si. 9/303/112, Ma.Ma. 13/242/412
Matusampatti, tatopi jatasambhutatta "yonijo mattisambhavo"ti ca vuccati, tampi
yonijam matti sambhavam imina ca yonijamattisambhavamattena 1- brahmanam na brumi.
Kasma? yasma "bho bho"ti vacanamattena annehi sakincanehi visitthatta
Bhovadi nama so hoti, sve 2- hoti sakincano. Yo panayam yattha katthaci
kule jatopi ragadikincanabhavena akincano, sabbaggahanapatinissaggena ca
anadano, akincanam anadanam tamaham brumi brahmanam. Kasma? yasma
bahitapapoti.
      [627] Kinca bhiyyo:- "sabbasamyojanam chetva"tiadika sattavisati
gatha. Tattha sabbasamyojananti dasavidhasamyojanam. Na paritassatiti tanhaya na bhayati 3-
tamahanti tam aham ragadinam sanganam atikkantatta sangatigam, catunnampi yoganam
abhavena visam yuttam brahmanam vadamiti attho.
      [628] Naddhinti nayhanabhavena pavattam kodham. Varattanti bandhanabhavena
pavattam tanham. Sandanam sahanukkamanti anusayanukkamasahitam dvasatthiditthisandhanam,
idam sabbampi chinditva thitam avijjapalighassa ukkhittata ukkhittapaligham
catunnam saccanam buddham aham brahmanam vadamiti attho.
      [629] Adutthoti evam dasahi akkosavatthuhi akkosanca, paniadihi
pothananca rajjubandhanadihi 4- bandhananca yo akuddhamanaso hutva adhivaseti,
khantibalena ca 5- samannagatatta khantibalam, punappunam uppattiya anikabhutena
teneva khantibalanikena samannagatatta balanikam tam evarupam aham brahmanam
vadamiti attho.
@Footnote: 1 ka. yonijamattena imina ca mattikasambhavamattena
@2 cha.Ma.,i. sace  3 cha.Ma. tassati
@4 cha.Ma.,i andubandhanadihi  5 cha.Ma. ayam saddo na dissati
      [630] Vatavantanti dhutavatena samannagatam, catuparisuddhisilena silavantam,
tanhaussadabhavena anussadam, chalindriyadamanena dantam, kotiyam thitena attabhavena
antimasariram tamaham brahmanam vadamiti attho.
      [631] Yo na limpatiti evameva yo abbhantare duvidhenapi kamena 1-
na limpati, tasmim kame na santhati, tamaham brahmanam vadamiti attho.
      [632] Dukkhassati khandhadukkhassa. Pannabharanti ohitakkhandhabharam catuhi
yogehi sabbakkilesehi va visamyuttam tamaham brahmanam vadamiti attho.
      [633] Gambhirapannanti gambhiresu khandhadisu pavattaya pannaya samannagatam,
dhammojapannaya medhavim, "ayam duggatiya, ayam sugatiya, ayam nibbanassa maggo,
ayam amaggo"ti evam magge amagge ca chekataya maggamaggassa kovidam,
arahattasankhatam uttamattham anuppattam tamaham brahmanam vadamiti attho.
      [634] Asamsatthanti dassanasavanasamullapaparibhogakayasamsagganam abhavena
asamsattham. Ubhayanti gihihi ca anagarehi cati ubhayehipi asamsattham. Anokasarinti
analayacarim, tam evarupam aham brahmanam vadamiti attho.
      [635] Nidhayati nikkhipitva oropetva, tasesu thavaresu cati
tanhatasena 2- tasesu tanhabhavena thirataya thavaresu. Yo na hantiti yo
evam sabbasattesu vigatapatighataya nikkhittadando neva kanci sayam hanati, na
anne ghateti, tamaham brahmanam vadamiti attho.
      [636] Aviruddhanti aghatanavasena viruddhesupi lokiyamahajanesu
aghatabhavena aviruddham, hatthagate dande va satthe va avijjamanepi paresam
@Footnote: 1 cha.Ma. duvidhe kame  2 ka. tanhabhavena
Paharadanato aviratatta attadandesu janesu nibbutam nikkhittadandam, pancannam
khandhanam "aham maman"ti gahitatta sadanesu tassa gahanassa abhavena anadanam
tam evarupam aham brahmanam vadamiti attho.
      [637] Araggati yassete ragadayo ayanca paragunamakkhanalakkhano
makkho aragga sasapo viya papatito, yatha sasapo aragge na santitthati,
evam citte na titthati, tamaham brahmanam vadamiti attho.
      [638] Akakkasanti apharusam. Vinnapaninti atthavinnapanim. Saccanti bhutam.
Nabhisajeti yaya giraya annam kujjhapanavasena na laggapeyya, khinasavo nama
evarupameva giram bhaseyya, tasma tamaham brahmanam vadamiti attho.
      [639] Satakabharanadisu digham va rassam va, manimuttadisu anum va thulam
va, mahagghaappagghavasena subham va asubham va yo puggalo imasmim loke
parapariggahitam nadiyati, tamaham brahmanam vadamiti attho.
      [640] Nirasayanti 1- nittanham. Visamyuttanti sabbakkilesehi visamyuttam
tamaham brahmanam vadamiti attho.
      [641] Alayati tanha. Annaya akathamkathiti attha vatthuni yathabhutam
janitva atthavatthukaya vicikicchaya nibbicikiccho. Amatogadhaanuppattanti amatam
nibbanam ogahetva 2- anuppattam tamaham brahmanam vadamiti attho.
      [642] Ubhoti dvepi punnani papani ca chaddetvati attho.
Sanganti ragadibhedam sangam. Upaccagati atikkanto. Tamaham vattamulasokena asokam,
abbhantare ragarajadinam abhavena virajam, nirupakkilesataya suddham brahmanam
vadamiti attho.
@Footnote: 1 cha.Ma. nirasasanti  2 ka. ogahetva
      [643] Vimalanti abbhadimalarahitam. Suddhanti nirupakkilesam. Vippasannanti
pasannacittam. Anavilanti kilesavilattavirahitam. Nandibhavaparikkhinanti tisu bhavesu
parikkhinatanham tamaham brahmanam vadamiti attho.
      [644] Yo bhikkhu imam ragapalipathanceva kilesadugganca samsaravattanca
catunnam saccanam appativijjhanakamohanca atito, cattaro oghe tinno hutva
param anuppatto, duvidhena jhanena jhayi, tanhaya abhavena anejo, kathamkathaya
abhavena akathamkathi, upadananam abhavena anupadiyitva kilesanibbanena
nibbuto, tamaham brahmanam vadamiti attho.
      [645] Yo puggalo idha loke ubhopi kame hitva anagaro hutva
paribbajati, 1- tam parikkhinakamanceva parikkhinabhavanca aham brahmanam vadamiti
attho.
      [646] Yo idha loke chadvarikam tanham gharavasena anatthiko anagaro
hutva paribbajati, tanhaya ceva bhavassa ca parikkhinatta tanhabhavaparikkhinam
tamaham brahmanam vadamiti attho.
      [647] Manusakam yoganti manusakam ayunceva pancavidhakamagune ca.
Dibbayogepi eseva nayo. Upaccagati yo manusakam yogam hitva dibbam
atikkanto, tam sabbehi catuhi yogehi visamyuttam aham brahmanam vadamiti attho.
      [648] Ratinti pancakamagunaratim. Aratinti arannavase ukkanthitattam.
Sitibhutanti nibbutam. Nirupadhinti nirupakkilesam. Viranti tam evarupam sabbam
khandhalokam abhibhavitva thitam viriyavantam aham brahmanam vadamiti attho.
@Footnote: 1 ka. pabbajati, evamuparipi
      [649] Yo vediti yo sattanam sabbakarena cutinca patisandhinca
pakatam katva janati, tamaham alaggataya asattam, patipattiya sutthugatatta sugatam,
catunnam saccanam buddhataya buddham brahmanam vadamiti attho.
      [650] Yassati yassete devadayo gatim na jananti, tamaham asavanam
khinataya khinasavam, kilesehi arakatta arahantam brahmanam vadamiti attho.
      [651] Pureti atitakkhandhesu. Pacchati anagatakkhandhesu. Majjheti
paccuppannesu. Kincananti yassetesu thanesu tanhagahasankhatam kincanam natthi,
tamaham ragakincanadihi akincanam, kassaci gahanassa abhavena anadanam brahmanam
vadamiti attho.
      [652] Acchambhitattena 1- usabhasadisataya usabham, uttamatthena pavaram,
viriyasampattiya viram, mahantanam silakkhandhadinam esitatta mahesim, tinnam maranam
vijitatta vijitavinam, ninhatakilesataya nhatakam, catusaccabuddhataya buddham tam
evarupam aham brahmanam vadamiti attho.
      [653] Yo pubbenivasam pakatam katva janati, chabbisatidevalokabhedam
saggam, catubbidham apayanca dibbacakkhuna passati, atho jatikkhayasankhatam arahattam
patto, tamaham brahmanam vadamiti attho.
      [654] Evam bhagava gunato brahmanam vatva "ye `jatito 2-
brahmano'ti abhinivesam karonti, te idam voharamattam ajananta, 3- sa ca
nesam ditthi dudditthi"ti dassento "samanna hesa"ti gathadvayamaha.
Tassattho:- yadidam "brahmano khattiyo bharadvajo vasettho"ti namagottam
@Footnote: 1 ka. acchambhitatthena  2 ka. yonito  3 ka. voharamajananta
Pakappitam, samanna hesa lokasmim, pannatti voharamattanti veditabbam. Kasma?
yasma sammucca samudagatam samanunnaya 1- agatam. Etam 2- hi tattha tattha
jatakaleyevassa natisalohitehi pakappitam katam. No ce tam evam pakappeyyum,
na koci kanci disva "ayam brahmano"ti va "bharadvajo"ti va janeyya.
      [655] Evam pakappitam cetam digharattamanusayitam ditthigatamajanatam, "pakappitam
namagottam, namagottamattametam samvoharattam 3- pakappitan"ti ajanantanam sattanam
hadaye digharattam ditthigatamanusayitam, tassa anusayitatta tam namagottam ajananta
no pabruhanti 4- "jatiya hoti brahmano"ti, ajanantayeva evam vadantiti
vuttam hoti.
      [656-7] Evam "ye ca 5- `jatito brahmano'ti abhinivesam karonti,
te idam voharamattamajananta, sa ca nesam ditthi dudditthi"ti dassetva
idani nippariyayameva jativadam patikkhipanto kammavadanca niropento "na
jacca"tiadimaha. Tattha "kammuna brahmano hoti, kammuna hoti
abrahmano"ti imissa upaddhagathaya atthavittharanattham "kassako kammuna"ti-
adi vuttam. Tattha kammunati paccuppannena kasikammadinibbattakacetanakammuna.
      [659] Paticcasamuppadadassati "imina paccayena evam hoti"ti evam
paticcasamuppadadassavino. Kammavipakakovidati sammanavamanarahe kule
kammavasena uppatti hoti, annapi hinapanitata hinapanite kamme vipaccamane
hotiti evam kammavipakakusala.
      [660] "kammuna vattati"ti gathaya pana "loko"ti va "paja"ti va
"satta"ti va ekoyeva attho, vacanamattameva ca nanam. 6- Purimapadena cettha
@Footnote: 1 Ma. samannaya  2 cha.Ma.,i. tam  3 ka. salyoharamattam
@4 cha.Ma. te pabruvanti  5 cha.Ma. ayam saddo na dissati  6 i. vacanamatte bhedo
"atithi brahma mahabrahma .pe. Settho sajjita vasi pita bhutabhabyanan"ti 1-
imissa ditthiya nisedho veditabbo. Kammuna hi vattati tasu tasu gatisu
uppajjati loko, na tassa koci sajjitati. 2- Dutiyena "evam kammuna uppannopi
ca pavattiyampi atitapaccuppannabhedena kammuna eva pavattati, sukhadukkhani
paccanubhonto hinapanitadibhavam apajjanto pavattati"ti dasseti. Tatiyena
tamevattham nigameti "evam sabbathapi kammanibandhana satta sammeneva baddha
hutva pavattanti, na annatha"ti. Catutthena tamevattham 3- upamaya vibhaveti
rathassaniva yayatoti. Yatha rathassa yayato ani nibandhanam hoti, na taya
anibaddho yati, 4- evam lokassa uppajjato ca pavattato ca kammam nibandhanam,
na tena anibaddho 5- uppajjati nappavattati.
      [661] Idani yasma kammanibandhano loko, tasma setthena kammuna
setthabhavam dassento "tapena"ti gathadvayamaha. Tattha tapenati indriyasamvarena.
Brahmacariyenati sikkhanissitena vuttavasesasetthacariyena. Samyamenati silena.
Damenati pannaya. Etena setthatthena 6- brahmabhutena kammuna brahmano
hoti. Kasma? yasma etam brahmanamuttamam, yasma etam kammam uttamo
brahmanabhavoti 7- vuttam hoti. "brahmanan"tipi patho, tassattho:-  brahmam
anetiti brahmanam, brahmabhavam aneti avahati detiti vuttam hoti.
      [662] Dutiyagathaya santoti santakileso. Brahma sakkoti brahma
ceva sakko ca. Yo evarupo, so na kevalam brahmano, apica kho brahma ca
@Footnote: 1 di.Si. 9/42/18  2 cha.Ma. tassa ko sajjitati
@3 cha.Ma. tamattham  4 ka. anibandhaya  5 ka. tato nam anibandhano
@6 Si.,i. setthena setthatthena  7 Si.,i. brahmabhavoti
Sakko ca so vijanatam panditanam, evam vasettha janahiti vuttam hoti. Sesam
vuttanayamevati.
                     Paramatthajotikaya  khuddakatthakathaya
                          suttanipatatthakathaya
                      vasetthasuttavannana nitthita.
                          -------------



             The Pali Atthakatha in Roman Book 29 page 290-303. http://www.84000.org/tipitaka/atthapali/read_rm.php?B=29&A=6541&modeTY=2              อรรถกถาบาลีอักษรไทย :- http://www.84000.org/tipitaka/atthapali/read_th.php?B=29&A=6541&modeTY=2              อ่านอรรถกถาแปลไทย :- http://www.84000.org/tipitaka/attha/attha.php?b=25&i=381              เนื้อความพระไตรปิฎกฉบับหลวง :- http://www.84000.org/tipitaka/read/r.php?B=25&A=9256              พระไตรปิฎกฉบับบาลีอักษรไทย :- http://www.84000.org/tipitaka/read/pali_read.php?B=25&A=9333              The Pali Tipitaka in Roman Character :- http://www.84000.org/tipitaka/read/roman_read.php?B=25&A=9333              Contents of The Tipitaka Volume 25 http://www.84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com