AtthaPali Vol.27

3. Asavakkhayasuttavannana [102] Tatiye janatoti janantassa. Passatoti passantassa. Yadipi imani dvepi padani ekatthani, byanjanameva nanam, evam santepi "janato"ti nanalakkhanam upadaya puggalam niddisati. Jananalakkhanam hi nanam. "passato"ti nanappabhavam ^3- upadaya. Dassanappabhavam hi upadaya nanasamangi puggalo cakkhuma viya puggalo @Footnote: ¹ Ma. vighatabhavo ² khu.su. 25/42/343, khu.cula. 30/289/345 (sya) ³ Ma. nanasabhavam Cakkhuna rupani, nanena vivate dhamme passati. Atha va janatoti anubodhananena janato. Passatoti pativedhananena passato. Patilomato va dassanamaggena passato, bhavanamaggena janato. Keci pana "natatiranapahanaparinnahi janato, sikkhappattavipassanaya passato"ti vadanti. Atha va dukkham parinnabhisamayena janato, nirodham sacchikiriyabhisamayena passato. Tadubhaye ca sati pahanabhavanabhisamaya siddha eva hontiti catusaccabhisamayo vutto hoti. Yada cettha vipassanananam adhippetam, tada "janato passato"ti padanam hetuatthadipanata datthabba. Yada pana maggananam adhippetam, tada maggakiccatthadipanata. Asavanam khayanti "janato aham bhikkhave passato asavanam khayam vadami"ti ^1- evamagate sabbasavasamvarapariyaye "asavanam khaya anasavam cetovimuttin"tiadisu ^2- ca suttapadesu asavanam pahanam accantakkhayo asamuppado khinakaro natthibhavo "asavakkhayo"ti vutto. "asavanam khaya samano hoti"tiadisu ^2- phalam. "paravajjanupassissa niccam ujjhanasannino asava tassa vaddhanti ara so asavakkhayati- adisu ^3- nibbanam. "sekhassa sikkhamanassa ujumagganusarino khayasmim pathamam nanam tato anna anantara tato anna vimuttassa nanam ve hoti tadino"ti ^4- evamagate indriyasutte idha ca maggo "asavakkhayo"ti vutto. Tasma yathavuttanayena janantassa passantassa aham ariyamaggadhigamam vadamiti vuttam hoti. No ajanato no apassatoti yo pana na janati na passati, tassa no @Footnote: ¹ Ma.mu. 12/11/12, sam.kha. 17/101/120, sam.maha. 19/1095/379 ² Ma.mu 12/438/386 @³ khu.dha. 25/253/60 ⁴ an.tika. 20/86/225, khu.dha. 25/62/279 Vadamiti attho. Etena ye ajanato apassatopi samsarasuddhim vadanti, te patikkhipati. Purimena va padadvayena upayo vutto, imina anupayapatisedho. Sankhepena cettha nanam asavakkhayakaram, sesam tassa parikkharoti dasseti. Idani yam janato yam passato asavakkhayo hoti, tam dassetum "kinci bhikkhave janato"ti puccham arabhi. Tattha janana bahuvidha. Dabbajatiko eva hi koci bhikkhu chattam katum janati, koci civaradinam annataram, tassa idisani kammani vattasise thatva karontassa sa janana "maggaphalanam padatthanam na hoti"ti na vattabba. Yo pana sasane pabbajitva vejjakammadini katum janati, tassevam janato asava vaddhantiyeva. Tasma yam janato yam passato asavanam khayo hoti, tadeva dassento aha "idam dukkhan"tiadi. Tattha yam vattabbam catusaccakammatthanam tam hettha yonisomanasikarasutte sankhepato vuttameva. Tattha pana "yoniso bhikkhave bhikkhu manasikaronto akusalam pajahati, kusalam bhaveti"ti ^1- agatatta "idam dukkhan"ti yoniso manasikaroti"tiadina atthavibhavana kata. Idha "idam dukkhanti bhikkhave janato passato asavanam khayo hoti"ti ^2- agatatta "idam dukkhanti parinnapativedhavasena parinnabhisamayavasena maggananena janato passato asavanam khayo hoti"tiadina nayena yojetabbam. Asavesu ca pathamamaggena ditthasavo khiyati, tatiyamaggena kamasavo, catutthamaggena bhavasavo avijjasavo ca khiyatiti veditabbo. Gathasu vimuttinananti vimuttiyam nibbane phale ca paccavekkhanananam. Uttamanti uttamadhammarammanatta uttamam. Khaye nananti asavanam samyojanananca @Footnote: ¹ khu.iti. 25/16/241 ² Ma.mu. 12/15/10, sam.kha. 17/111/121, sam.maha. 19/1095/379 Khaye khayakare ariyamagge nanam. "khina samyojana iti nanan"ti idhapi anetva sambandhitabbam. Tena pahinakilesapaccavekkhanam dasseti. Evamettha cattaripi paccavekkhanananani vuttani honti. Avasitthakilesapaccavekkhana hi idha natthi arahattaphaladhigamassa adhippetatta. Yatha cettha janato passatoti nibbanadhigamena sammaditthikiccam adhikam katva vuttam, evam sammappadhanakiccampi adhikameva icchitabbanti dassento "na tvevidam kusitena"ti osanagathamaha. Tattha na tvevidanti na tu eva idam. Tusaddo nipatamattam. Balenamavijanatati makaro padasandhikaro. Ayanhettha sankhepattho:- idam sekkhamaggena asekkhamaggena ca. Pattabbam abhijjhakayaganthadisabbaganthanam pamocanam pamocanassa nimittabhutam nibbanam "idam dukkhan"tiadina cattari saccani yathabhutam avijanata tato eva balena aviddasuna yatha adhigantum na sakka, evam kusitena nibbiriyenapi, tasma tadadhigamaya araddhaviriyena bhavitabbanti. Tenaha bhagava "araddhaviriyassayam dhammo, no kusitassa ". ^1- "arambhatha nikkamatha yunjatha buddhasasane dhunatha maccuno senam nalagaramva kunjaro"ti. ^2- Tatiyasuttavannana nitthita. ------------

The Pali Atthakatha in Roman Book 27 page 369-372. http://84000.org/tipitaka/atthapali/read_rm.php?B=27&A=8193&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=8193&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=282 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6566 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6413 The Pali Tipitaka in Roman Character :- http://84000.org/tipitaka/read/roman_read.php?B=25&A=6413 Contents of The Tipitaka Volume 25 http://84000.org/tipitaka/read/?index_25