บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Aggisuttavannana [93] Catutthe anudanahatthena aggi, rago eva aggi ragaggi. Rago hi uppajjamano satte anudahati jhapeti, tasma "aggi"ti vuccati. Itaresupi dvisu eseva nayo. Tattha yatha aggi yadeva indhanam nissaya uppajjati, tam nidahati, mahaparilaho ca hoti, evamimepi ragadayo yasmim santane sayam uppanna, tam nidahanti, mahaparilaha ca honti dunnibbapaya. Tesu ragaparilahena santattahadayanam icchitalabhadukkhena maranappattanam sattanam pamanam natthi. Ayam tava ragassa anudahanata. Dosassa pana anudahanataya visesato manopadosika deva, mohassa anudahanataya khiddapadosika deva ca nidassanam. Mohavasena hi tesam satisammoso hoti, tasma khiddavasena aharavelam ativattenta kalam karonti. Ayam tava ragadinam ditthadhammiko anudahanabhavo. Samparayiko pana nirayadisu nibbattapanavasena ghorataro duradhivaso ca ayanca attho adittapariyayena vibhavetabbo. Gathasu kamesu mucchiteti vatthukamesu patabyatavasena muccham balyam pamadam micchacaram apanne. Byapanneti byapannacitte dahatiti sambandho. Nare panatipatinoti idam dosaggissa. Ariyadhamme akovideti ye khandhayatanadisu sabbena sabbam uggahaparipucchaya manasikararahita ariyadhammassa akusala, te Sammohena abhibhuta visesena sammulha namati vutta. Ete aggi ajanantati "ete ragaggiadayo idha ceva samparaye ca anudahanti"ti ajananta parinnabhisamayavasena pahanabhisamayavasena ca appativijjhanta. Sakkayabhiratati sakkaye upadanakkhandhapancake tanhaditthimananandanabhirata. Vaddhayantiti punappunam uppajjanena vaddhayanti acinanti. Nirayanti atthavidham mahanirayam, solasavidham ussadanirayanti sabbampi nirayam. Tiracchananca yoniyoti tiracchanayoniyo ca. Asuranti asurakayam pettivisayanca vaddhayantiti sambandho. Ettavata ragaggiadinam idha ceva samparaye ca anudahanabhavadassanamukhena vattam dassetva idani nesam nibbapanena vivattam dassetum "ye ca rattindivatiadi vuttam. Tattha yuttati bhavananuyogavasena yutta. Kattha? sammasambuddhasasane. Tena annasasane ragaggiadinam nibbapanabhavam dasseti. Tatha hi anannasadharanam tesam nibbapanavidhim asubhakammatthanam sankhepeneva dassento:- "te nibbapenti ragaggim niccam asubhasannino dosaggim pana mettaya nibbapenti naruttama mohaggim pana pannaya yayam nibbedhagamini"ti aha. Tattha asubhasanninoti dvattimsakaravasena ceva uddhumatakadivasena ca asubhabhavananuyogena asubhasannino. Mettayati "so mettasahagatena cetasa ekam dinam pharitva viharati"ti 1- vuttaya mettabhavanaya. Ettha ca asubhajjhananca padakam katva nibbattitaanagamimaggena ragaggidosagginam nibbapanam veditabbam. Pannayati vipassanapannasahitaya maggapannaya. Tenevaha "yayam nibbedhagamini"ti. Sa hi kilesakkhandham vinivijjhanti gacchati pavattatiti @Footnote: 1 an.tika. 20/64/178 Nibbedhagaminiti vuccati asesam parinibbantiti arahattamaggena asesam ragaggiadim nibbapetva saupadisesaya nibbanadhatuya thita pannavepullappattiya nipaka pubbeva sammappadhanena sabbaso kosajjassa supahinatta phalasamapattisamapajjanena akilasubhavena ca rattindivamatandita carimakacittanirodhena anupadisesaya nibbanadhatuya asesam parinibbanti, tato ca asesam nissesam vattadukkham accagum atikkamimsu. Evam ye ragaggiadike nibbapenti, tesam anupadisesanibbanena nibbutim dassetva idani patividdhagunehi thomento osanagathamaha. Tattha ariyaddasati ariyehi buddhadihi passitabbam, kilesehi va arakatta ariyam nibbanam, ariyam catusaccameva va ditthavantoti ariyaddasa. Vedassa maggananassa, tena va vedena samsarassa pariyosanam gatati vedaguno. Sammadannayati sammadeva sabbam ajanitabbam kusaladim khandhadinca janitva. Sesam vuttanayameva. Catutthasuttavannana nitthita. --------------The Pali Atthakatha in Roman Book 27 page 336-338. http://84000.org/tipitaka/atthapali/read_rm.php?B=27&A=7439&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=7439&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=273 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6361 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6239 The Pali Tipitaka in Roman Character :- http://84000.org/tipitaka/read/roman_read.php?B=25&A=6239 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]