AtthaPali Vol.27

6. Asubhanupassisuttavannana [85] Chatthe asubhanupassiti asubham anupassanta dvattimsakaravasena ceva uddhumatakadisu gahitanimittassa upasamharanavasena ca kayasmim asubham asubhakaram anupassaka hutva viharatha. Anapanassatiti anapane sati, tam arabbha pavatta sati, assasapassasapariggahika satiti attho. Vuttanhetam "ananti assaso, no passaso. Pananti passaso, no assaso"tiadi. ^1- Voti tumhakam. Ajjhattanti idha gocarajjhattam adhippetam. Parimukhanti abhimukham. Supatthitati sutthu upatthita. Idam vuttam hoti:- anapanassati ca tumhakam kammatthanabhimukham sutthu upatthita hotuti. Atha va parimukhanti pariggahitaniyyanam. Vuttanhetam patisambhidayam "pariti pariggahattho, mukhanti niyyanattho, satiti upatthanattho, tena vuccati parimukham satin"ti. ^2- Imina catusatipatthanasolasappabheda anapanassatikammatthanabhavana dassitati datthabba. Evam sankhepeneva ragacaritavitakkacaritanam sappanam patikulamanasikara- kayanupassanavasena samathakammatthanam vipassanakammatthananca upadisitva ^3- idani suddhavipassanakammatthanameva desento "sabbasankharesu aniccanupassi viharatha"ti aha. Tattha aniccam aniccalakkhanam aniccanupassana aniccanupassiti idam catukkam veditabbam. Hutva abhavato udayabbayayogato tavakalikato niccapatikkhepato ca @Footnote: ¹ khu.pati. 31/160/183 ² khu.pati. 31/164/188 ³ Si. udditva Khandhapancakam aniccam nama. Tassa yo hutva abhavakaro, tam aniccalakkhanam nama. Tam arabbha pavatta vipassana aniccanupassana. Tam aniccanti vipassako aniccanupasSi. Ettha ca ekadasavidha asubhakatha pathamajjhanam papetva, solasavatthuka ca anapanakatha catutthajjhanam papetva, vipassanakatha ca vittharato vattabba, sa pana sabbakarato visuddhimagge kathitati tattha vuttanayeneva veditabba. Idani asubhanupassanadihi nipphadetabbam phalavisesam dassetum "asubhanupassinan"tiadimaha. Tattha subhaya dhatuyati subhabhave, subhanimitteti attho. Raganusayoti subharammane uppajjanaraho kamaraganusayo. So kesadisu uddhumatakadisu va asubhanupassinam asubhanimittam gahetva tattha pathamajjhanam nibbattetva tam padakam katva vipassanam patthapetva adhigatena anagamimaggena pahiyati, sabbaso samucchindiyatiti attho. Vuttanhetam "asubha bhavetabba kamaragassa pahanaya"ti. ^1- Bahirati bahiddhavatthukatta anatthavahatta ca bahira bahibhuta. Vitakkasayati kamasankappadimicchavitakka. Te hi appahina asayanugata sati paccayasamavaye uppajjanato vitakkasayati vutta. Kamavitakko cettha kamaragaggahanena gahito evati tadavasesa vitakka eva vuttati veditabba. Vighatapakkhikati dukkhabhagiya, icchavighatanibbattanaka va. Te na hontiti te pahiyanti. Byapadavitakko vihimsavitakko nativitakko janapadavitakko anavannatti- patisamyutto vitakko labhasakkarasilokapatisamyutto vitakko paranuddayatapatisamyutto vitakkoti attha kamavitakkena saddhim navavidha mahavitakka anapanassatisamadhina tannissitaya ca vipassanaya pubbabhage vikkhambhita, tam padakam katva adhigatena ariyamaggena yatharaham anavasesato pahiyanti. Vuttampi cetam "anapanassati bhavetabba vitakkupacchedaya"ti. ^1- @Footnote: ¹ an.navaka. 23/207/371, khu.u. 25/31/143 Ya avijja, sa pahiyatiti ya saccasabhavapaticchadini sabbanatthakari sakalassa vattadukkhassa mulabhuta avijja, sa aniccanupassinam viharatam samucchijjati. Idam kira bhagavata aniccakarato vutthitassa sukhavipassakakhinasavassa vasena vuttam. Tassayam sankhepattho:- tebhumakesu sabbasankharesu aniccadito sammasanam patthapetva vipassantanam yada aniccanti pavattamana vutthanagamini vipassana maggena ghatiyati, anukkamena arahattamaggo uppajjati, tesam aniccanupassinam viharatam avijja anavasesato pahiyati, arahattamaggavijja uppajjatiti. Aniccanupassinam viharatanti idam aniccalakkhanassa nesam pakatabhavato itarassa lakkhanadvayassa gahane upayabhavato va vuttam, na pana ekasseva lakkhanassa anupassitabbato vuttanhetam "yadaniccam tam dukkham. Yam dukkham tadanatta"ti. ^1- Aparampi vuttam "aniccasannino hi meghiya anattasanna santhati, anattasanni asmimanasamugghatam papunati"ti. ^2- Gathasu anapane patissatoti anapananimittasmim pati pati sato, upatthitassatiti attho. Passanti asavakkhayananacakkhuna sankharupasamam nibbanam passanto. Atapi sabbadati antara vosanam anapajjitva asubhanupassanadisu satatam atapi yuttappayutto, tato eva yatoti vayamamano, niyato va sammattaniyamena tattha sabbasankharasamathe nibbane arahattaphalavimuttiya vimuccati. Sesam vuttanayameva. Chatthasuttavannana nitthita. ---------------- @Footnote: ¹ sam.kha. 17/15/19 ² an.navaka. 23/207/371, khu.u. 25/31/143

The Pali Atthakatha in Roman Book 27 page 303-305. http://84000.org/tipitaka/atthapali/read_rm.php?B=27&A=6692&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6692&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=264 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6154 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6055 The Pali Tipitaka in Roman Character :- http://84000.org/tipitaka/read/roman_read.php?B=25&A=6055 Contents of The Tipitaka Volume 25 http://84000.org/tipitaka/read/?index_25