ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        2. Sakkarasuttavannana
      [81] Dutiye sakkarenati sakkarena hetubhutena, atha va sakkarenati
sakkarahetuna, sakkarahetukena va. Sakkaram hi nissaya idhekacce puggala
papiccha icchapakata icchacare thatva "sakkaram nibbattessama"ti anekavihitam
anesanam appatirupam apajjitva ito cuta apayesu nibbattanti, apare
yathasakkaram labhitva tannimittam manamadamacchariyadivasena pamadam apajjitva
ito cuta apayesu nibbattanti. Yam sandhaya vuttam "sakkarena abhibhuta
pariyadinnacitta"ti tattha abhibhutati ajjhotthata. Pariyadinnacittati
khepitacitta, icchacarena, manamadadina ca khayam papitakusalacitta. Atha va
pariyadinnacittati parito adinnacitta, vuttappakarena akusalakotthasena yatha
@Footnote: 1 Si.,ka. sangahaniti
Kusalacittassa uppattivaro na hoti, evam samantato gahitacittasantanati
attho. Asakkarenati hiletva paribhavitva parehi attani pavattitena asakkarena
hetuna, asakkarahetukena va manadina. Sakkarena ca asakkarena cati
kehici pavattitena sakkarena kehici pavattitena asakkarena ca. Ye hi kehici
pathamam sakkata hutva tehiyeva asarabhavam 1- natva paccha asakkata honti,
tadise sandhaya vuttam "sakkarena ca asakkarena ca"ti.
      Ettha sakkarena abhibhuta devadattadayo nidassetabba. Vuttampi
cetam:-
            "phalam ve kadalim hanti         phalam velum phalam nalam
             sakkaro kapurisam hanti      gabbho assatarim yatha"ti. 2-
      Sadhunam upari katena asakkarena abhibhuta dandakirajakalingarajamajjharajadayo
nidassetabba. Vuttampi cetam:-
                  "kisam hi vaccham avakiriya dandaki
                   ucchinnamulo sajano sarattho
                   kukkulaname nirayamhi paccati
                   tassa phulingani patanti kaye.
                   Yo sannate pabbajite avancayi
                   dhammam bhanante samane adusake
                   tam nalikeram sunakha parattha
                   sangamma khadanti viphandamanam. 3-
@Footnote: 1 Si. assaddhadibhavam     2 vi.cula. 7/335/123, sam.sa. 15/183/185,
@an.catukka. 21/68/85   3 khu.ja. 27/2464/539 (sya)
            Upahacca manam majjho     matangasmim yasassino
            saparisajjo ucchinno    majjharannam tada ahu"ti. 1-
      Sakkarena ca asakkarena ca abhibhuta annatitthiya nataputtadayo
nidassetabba.
      Gathasu ubhayanti ubhayena sakkarena ca asakkarena ca. Samadhi na
vikampatiti na calati, ekasabhavena 2- titthati. Kassa pana na calatiti aha
"appamadaviharino"ti. 3- Yo pamadakaradhammanam 4- ragadinam sutthu pahinatta
appamadavihari araha, tassa. So hi lokadhammehi na vikampati. Sukhumaditthivipassakanti
phalasamapattiattham sukhumaya ditthiya pannaya abhinham pavattavipassanatta
sukhumaditthivipassakam. Upadanakkhayaramanti catunnam upadananam khayam pariyosanabhutam
arahattaphalam aramitabbam etassati upadanakkhayaramam. Sesam vuttanayameva.
                       Dutiyasuttavannana nitthita.
                         --------------



             The Pali Atthakatha in Roman Book 27 page 284-286. http://84000.org/tipitaka/atthapali/read_rm.php?B=27&A=6267&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6267&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=259              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6023              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5932              The Pali Tipitaka in Roman Character :- http://84000.org/tipitaka/read/roman_read.php?B=25&A=5932              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]