ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                        10. Parihanasuttavannana
      [79] Dasame parihanaya samvattanti avuddhiya bhavanti, maggadhigamassa
paripanthaya honti. Adhigatassa pana maggassa parihani nama natthi. "tayo
dhamma"ti dhammadhitthanavasena udditthadhamme puggaladhitthanaya desanaya
vibhajanto "idha bhikkhave sekho bhikkhu"tiadimaha.
      Tattha kammam aramitabbato aramo etassati kammaramo. Kamme ratoti
kammarato. Kammaramatam kammabhiratim anuyutto payuttoti kammaramatamanuyutto.
Tattha kammam nama itikattabbam kammam, seyyathidam? civaravicaranam civarakaranam
Upatthambhanam pattatthavikam amsabandhanam kayabandhanam dhamakaranam adharakam padakathalikam
sammajjaniti evamadinam upakarananam karanam, yanca vihare khandaphulladipatisankharanam.
Ekacco hi etani karonto sakaladivasam etaneva karoti. Tam
sandhayetam vuttam. Yo pana etesam karanavelayameva etani karoti, uddesavelayam
uddesam ganhati, sajjhayavelayam sajjhayati, cetiyanganavattadikaranavelayam
cetiyanganavattadini karoti, manasikaravelayam manasikaram karoti
sabbatthakakammatthane va parihariyakammatthane va, na so kammaramo nama. Tassa tam:-
             "yani kho pana tani sabrahmacarinam uccavacani kimkaraniyani,
         tattha dakkho hoti analaso tatrupayaya vimamsaya samannagato, alam
         katum alam samvidhatun"tiadina 1- satthara anunnatakaranameva hoti.
      Bhassaramoti yo bhagavata patikkhittarajakathadivasena rattindivam vitinameti,
ayam bhasse pariyantakari na hotiti bhassaramo nama. Yo pana rattimpi divapi
dhammam katheti, panham vissajjeti, ayam appabhasso bhasse pariyantakariyeva.
@Footnote: 1 di.pa. 11/345/236, an.dasaka. 23/17/20
Kasma? "sannipatitanam vo bhikkhave dvayam karaniyam dhammi va katha, ariyo va
tunhibhavo"ti 1- vuttavidhimyeva patipannoti.
      Niddaramoti yo yavadattham udaravadehakam bhunjitva seyyasukham passasukham
middhasukham anuyunjati, yo ca gacchantopi nisinnopi thitopi thinamiddhabhibhuto
niddayati, ayam niddaramo nama. Yassa pana karajakayagelannena cittam bhavangam
otarati. Nayam niddaramo. Tenevaha:-
             "abhijanami kho panaham aggivessana gimhanam pacchime mase
         pacchabhattam pindapatappatikkanto catuggunam sanghatim pannapetva
         dakkhinena passena sato sampajano niddam okkamita"ti. 2-
      Ettha ca puthujjanakalyanakopi sekhotveva veditabbo, tasma tassa
sabbassapi visesadhigamassa itaresam upari visesadhigamassa parihanaya vattantiti
veditabbam. Sukkapakkhassa vuttavipariyayena atthavibhavana veditabba.
      Gathasu uddhatoti cittavikkhepakarena uddhaccena uddhato avupasanto.
Appakiccassati anunnatassapi vuttappakarassa kiccassa yuttappayuttakaleyeva
karanato appakicco assa bhaveyya. Appamiddhoti "divasam cankamena nisajjaya"tiadina
vuttajagariyanuyogena niddarahito assa. Anuddhatoti bhassaramataya
uppajjanakacittavikkhepassa abhassaramo hutva parivajjanena na uddhato
vupasantacitto, samahitoti attho, sesam pubbe vuttanayatta suvinneyyameva.
Iti imasmim vagge pathamadutiyapancamachatthasattamaatthamanavamesu suttesu vattam kathitam,
itaresu vattavivattam.
                       Dasamasuttavannana nitthita.
                       Tatiyavaggavannana nitthita.
                         -------------
@Footnote: 1 Ma.mu. 12/273/235      2 Ma.mu. 12/387/345



             The Pali Atthakatha in Roman Book 27 page 281-282. http://84000.org/tipitaka/atthapali/read_rm.php?B=27&A=6188&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6188&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=257              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5973              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5896              The Pali Tipitaka in Roman Character :- http://84000.org/tipitaka/read/roman_read.php?B=25&A=5896              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]