ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                       9. Sikkhanisamsasuttavannana
      [46] Navame sikkhanisamsati ettha sikkhitabbati sikkha, sa tividha
adhisilasikkha adhicittasikkha adhipannasikkhati. Tividhapi cesa sikkha anisamsa
etesam, na labhasakkarasilokati sikkhanisamsa. Viharathati sikkhanisamsa hutva
viharatha, tisu sikkhasu anisamsadassavino hutva tahi sikkhahi laddhabbamanisamsameva
sampassanta viharathati attho. Pannuttarati tasu sikkhasu ya
adhipannasikkhasankhata panna, sa uttara padhana visittha etesanti
pannuttaRa. Ye hi sikkhanisamsa viharanti, te pannuttara bhavantiti.
Vimuttisarati arahattaphalasankhata vimutti saram etesanti vimuttisara, yathavuttam
vimuttimyeva sarato gahetva thitati attho. Ye hi sikkhanisamsa pannuttara
ca, na te bhavavisesam patthenti, apica kho vibhavam akankhanta vimuttimyeva
sarato paccenti. Satadhipateyyati jetthakaranatthena sati adhipateyyam etesanti
satadhipateyya adhipati eva adhipateyyanti katva, catusu satipatthanesu
supatitthitacitta kayanupassanadimukhena samathavipassanabhavananuyuttati attho.
      Atha va sikkhanisamsati bhikkhave evarupe dullabhakkhanapatilabhe
tividhasikkhasikkhanameva anisamsam katva viharatha, evam viharanta ca pannuttara
Pannaya uttara lokuttarapannaya samannagata hutva viharatha, evambhuta ca
vimuttisara nibbanasara anannasara viharatha, tathabhavassa cayam upayo, yam
satadhipateyya viharatha, satipatthanabhavanaya yuttappayutta hotha, sabbattha va
satarakkhena cetasa viharathati evamettha attho veditabbo. Iti bhagava tisu
sikkhasu bhikkhu niyojento yatha ta sikkhitabba, yena ca paripurim gacchanti,
tam sankhepeneva dassetva idani yathanusittham patipajjamananam phalavisesadassanena
tassa patipattiya amoghabhavam pakasento "sikkhanisamsanan"tiadimaha. Tam
vuttatthameva.
      Gathasu paripunnasikkhanti aggaphalappattiya parisuddhasikkham, asekkhanti
attho. Apahanadhammanti ettha pahanadhamma vuccanti kuppa vimuttiyo. Pahanadhammoti
hi hanadhammo kuppadhammo. Na pahanadhammoti apahanadhammo, akuppadhammo.
"appahanadhammo"tipi pali, so evattho. Khayo eva antoti khayanto, jatiya
khayanto jatikhayanto, nibbanam. Khayo va maranam, jatikhayanto nibbanameva,
tassa ditthatta jatikhayantadasSi.
      Tasmati yasma sikkhaparipuriya ayam jaraparangamanapariyosano anisamso,
tasma. Sadati sabbakalam. Jhanaratati lakkhanupanijjhane arammanupanijjhaneti
duvidhepi jhane rata, tato eva samahita. Maram sasenam abhibhuyyati kilesasenaya
anatthasenaya 1- ca sasenam anavasittham catubbidhampi maram abhibhavitva.
Devaputtamarassapi hi gunamarane sahayabhavupagamanato kilesa "sena"ti vuccanti.
Tatha rogadayo anattha 2- maccumarassa. Yathaha:-
            "kama te pathama sena        dutiya arati vuccati
             tatiya khuppipasa te          catutthi tanha pavuccati.
@Footnote: 1 Si.,i. anantasenaya        2 Si.,i.,Ma. ananta
             Pancami thinamiddhante            chattha bhiru pavuccati
             sattami vicikiccha te           makkho thambho ca atthamo.
             Labho siloko sakkaro        miccha laddho ca yo yaso
             yo cattanam samukkamse          pare ca avajanati.
             Esa namuci te sena         kanhassabhippaharini
             na nam asuro jinati            jetva ca labhate sukhan"ti. 1-
            "ajjeva kiccamatappam           ko janna maranam suve
             na hi no sangarantena          mahasenena maccuna"ti. 2-
      Bhavatha jatimaranassa paragati jatiya maranassa ca paragamino
nibbanagamino bhavathati.
                        Navamasuttavannana nitthita.
                         ---------------



             The Pali Atthakatha in Roman Book 27 page 194-196. http://84000.org/tipitaka/atthapali/read_rm.php?B=27&A=4286&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=4286&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=224              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5295              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5377              The Pali Tipitaka in Roman Character :- http://84000.org/tipitaka/read/roman_read.php?B=25&A=5377              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]