AtthaPali Vol.27

6. Ajatasuttavannana [43] Chatthe atthi bhikkhaveti ka uppatti? ekadivasam kira bhagavata anekapariyayena samsare adinavam pakasetva santadupasamanadivasena nibbanapatisamyuttaya dhammadesanaya kataya bhikkhunam etadahosi "ayam samsaro bhagavata @Footnote: ¹ Si. khina apunabbhava Avijjadihi karanehi sahetuko vutto, nibbanassa pana tadupasamassa na kinci karanam vuttam, tayidam ahetukam katham sacchikatthaparamatthena upalabbhati"ti. Atha bhagava tesam bhikkhunam vimatividhamanatthanceva, "idha samanabrahmananam `nibbanam nibbanan'ti tatha vacavatthumattameva, ^1- natthi hi paramatthato nibbanam nama anupalabbhamanasabhavatta"ti lokayatikadayo viya vippatipannanam bahiddha ca puthuditthigatikanam micchavadabhanjanatthanca, amatamahanibbanassa paramatthato atthibhavadipanattham ^2- tassa ca nissaranabhavadianubhavavantatadipanattam ^3- pitivegena udanavasena imam suttam abhasi, tatha hi idam suttam udanepi ^4- sangitam. Tattha atthiti vijjati paramatthato upalabbhati. Ajatam abhutam akatam asankhatanti sabbanipi padani annamannavevacanani. Atha va vedanadayo viya hetupaccayasamavayasankhataya karanasamaggiya na jatam na nibbattanti ajatam. Karanena vina sayameva na bhutam na patubhutam na uppannanti abhutam. Evam ajatatta abhutatta ca yena kenaci karanena na katanti akatam. Jatabhutasabhavo ca namarupadinam sankhatadhammanam hoti, na asankhatasabhavassa nibbanassati dassanattham asankhatanti vuttam. Patilomato va samecca sambhuyya paccayehi katanti sankhatam, tatha na sankhatam, sankhatalakkhanarahitanti ca asankhatanti evam anekehi karanehi nibbattitabhave patisiddhe "siya nu kho ekeneva karanena katan"ti asankaya "na kenaci katan"ti dassanattham "akatan"ti vuttam. Evam appaccayampi samanam "sayameva nu kho idam bhutam patubhutan"ti asankayam tannivattanattham "abhutan"ti vuttam. Ayanca etassa asankhatakatabhutabhavo sabbena sabbam ajatidhammattati @Footnote: ¹ Si. vacamattameva ² Ma. atthibhavadipanam @³ Si.,i....anubhavavantatam Ma....anubhavasamtejitam ⁴ khu.u. 25/73/213 Dassetum "ajatan"ti vuttanti. Evametesam catunnampi padanam satthakabhavo veditabbo. Iti bhagava "atthi bhikkhave ajatam abhutam akatam asankhatan"ti paramatthato nibbanassa atthibhavam vatva tattha hetum dassento "no cetam bhikkhave"tiadimaha. Tassayam sankhepo:- bhikkhave yadi ajatadisabhava asankhata dhatu na abhavissa na siya, idha loke jatadisabhavassa rupadikkhandhapancakasankhatassa sankharagatassa nissaranam anavasesavattupasamo na pannayeyya na upalabbheyya na sambhaveyya. Nibbanam hi arammanam katva pavattamana sammaditthiadayo ariyamaggadhamma anavasesato kilese samucchindanti, tenettha sabbassapi vattadukkhassa appavatti apagamo nissaranam pannayati. Evam byatirekavasena nibbanassa atthibhavam dassetva idani anvayavasenapi tam dassetum "yasma ca kho"tiadi vuttam, tam vuttatthameva. Ettha ca yasma "apaccaya dhamma, asankhata dhamma. ^1- Atthi bhikkhave tadayatanam, yattha neva pathavi. ^2- Idampi kho thanam duddasam yadidam sabbasankharasamatho sabbupadhipatinissaggo. ^3- Asankhatanca vo bhikkhave dhammam desessami asankhatagamininca patipadan"tiadihi ^4- anekehi suttapadehi "atthi bhikkhave ajatan"ti iminapi suttena nibbanadhatuya paramatthato sabbhavo sabbalokam anukampamanena sammasambuddhena desito, tasma na patikkhipitabbam. Tattha apaccakkhakarinampi vinnunam kankha va vimati va natthi eva. Ye pana abuddhipuggala, tesam vimativinodanattham ayamettha adhippayaniddharanamukhena yuttivicarana:- yatha parinneyyataya sauttaranam kamanam rupananca patipakkhabhutam tabbidurasabhavam nissaranam pannayati, evam @Footnote: ¹ abhi.san. 34/7,8,1454,1456/6,320 ² khu.u. 25/71/213 @³ vi.maha. 4/7/7, Ma.mu. 12/281/242, Ma.Ma. 13/337,319 @⁴ sam.sala. 18/674/441 (sya) Tamsabhavanam sabbesam sankhatadhammanam patipakkhabhutena tabbidurasabhavena nissaranena bhavitabbam. Yanca tam ^1- nissaranam, sa asankhata dhatu. Kinci bhiyyo:- sankhatadhammarammanam vipassanananam api anulomananam kilese samucchedavasena pajahitum na sakkoti, tatha sammutisaccarammanam pathamajjhanadisu nanam vikkhambhanavaseneva kilese pajahati, na samucchedavasena. Iti sankhatadhammarammanassa sammutisaccarammanassa ca nanassa kilesanam samucchedappahane asamatthabhavato tesam samucchedappahanakarassa ariyamaggananassa tadubhayaviparitasabhavena arammanena bhavitabbam, sa asankhata dhatu. Tatha "atthi bhikkhave ajatam abhutam akatam asankhatan"ti idam nibbanassa paramatthato atthibhavajotakavacanam aviparitattham bhagavata bhasitatta. Yam hi bhagavata bhasitam, tam aviparitattham paramatthanti yatha tam "sabbe sankhara anicca, sabbe sankhara dukkha, sabbe dhamma anatta"ti. ^2- Tatha nibbanasaddo katthaci visaye yathabhutaparamatthavisayo upacaravuttisabbhavato seyyathapi sihasaddo. Atha va attheva paramatthato asankhata dhatu itaratabbiparitavinimuttasabhavatta seyyathapi pathavidhatu vedanati. Evamadihi nayehi yuttitopi asankhataya dhatuya paramatthato atthibhavo veditabbo. Gathasu jatanti jayanatthena jatam, jatilakkhanappattanti attho. Bhutanti bhavanatthena bhutam, ahutva sambhutanti attho. Samuppannanti sahitabhavena uppannam, sahitehi dhammehi ca uppannanti attho. Katanti karanabhutehi paccayehi nibbattitam. Sankhatanti tehiyeva samecca sambhuyya katanti sankhatam, sabbametam paccayanibbattassa adhivacanam. Niccasaradivirahitato addhuvam. Jaraya maranena ca ekanteneva sanghatitam samsatthanti jaramaranasanghatam. "jaramaranasanghattan"tipi pathanti, jaraya maranena @Footnote: ¹ cha.Ma. yancetam ² an.tika. 20/137/279, khu.dha. 25/277-9/64, @khu.maha. 29/131/111(sya), khu.cula. 30/342/166-167(sya) Ca upaddutam pilitanti attho. Akkhirogadinam anekesam roganam nilam ^1- kulavakanti roganilam. ^2- Sarasato upakkamato ca pabhanguparamasilataya ^3- pabhanguram. Catubbidho aharo ca tanhasankhata netti ca pabhavo samutthanam etassati aharanettippabhavam sabbopi va paccayo aharo, idha pana tanhaya nettiggahanena gahitatta tanhavajja veditabba. Tasma aharo ca netti ca pabhavo etassati aharanettippabhavam. Aharo eva va nayanatthena pavattanatthena nettiti evampi aharanettippabhavam. Nalam tadabhinanditunti tam upadanakkhandhapancakam evam paccayadhinavuttikam, tato eva aniccam dukkhanca tanhaditthihi abhinanditum assadetum na yuttam. Tassa nissarananti "jatam bhutan"tiadina vuttassa tassa sakkayassa nissaranam nikkamo ^4- anupasantasabhavassa ragadikilesassa sabbasankharassa ca abhavena tadupasamabhavena ca pasatthabhavena ca santam, takkananassa agocarabhavato atakkavacaram, niccatthena dhuvam, tato eva ajatam asamuppannam, sokahetunam abhavato asokam, vigataragamadirajatta virajam, samsaradukkhattitehi patipajjitabbatta padam, jatiadidukkhadhammanam nirodhahetutaya nirodho dukkhadhammanam, sabbasankharanam upasamahetutaya sankharupasamo, tato eva accantasukhataya sukhoti sabbapadehi amatamahanibbanameva thometi. Evam bhagava pathamagathaya byatirekavasena, dutiyagathaya anvayavasena ca nibbanam vibhavesi. Chatthasuttavannana nitthita. ------------- @Footnote: ¹ i. kiddam ² Si. roganiddam, i. rogakiddam @³ Si.,i.,Ma. pabhangupagamanasilataya ⁴ Si. niggamo

The Pali Atthakatha in Roman Book 27 page 183-187. http://84000.org/tipitaka/atthapali/read_rm.php?B=27&A=4053&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=4053&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=221 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5219 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5318 The Pali Tipitaka in Roman Character :- http://84000.org/tipitaka/read/roman_read.php?B=25&A=5318 Contents of The Tipitaka Volume 25 http://84000.org/tipitaka/read/?index_25