AtthaPali Vol.27

7. Sabbaparinnasuttavannana [7] Sattame sabbanti anavasesam. Anavasesavacako hi ayam sabbasaddo, so yena yena sabbandham gacchati, tassa tassa anavasesatam dipeti yatha "sabbam rupam, sabba vedana, sabbasakkayapariyapannesu dhammesu"ti. So panayam sabbasaddo sappadesanippadesavisayataya duvidho. Tatha hesa sabbasabbam padesasabbam ayatanasabbam sakkayasabbanti catusu visayesu ditthappayogo. Tattha "sabbe dhamma sabbakarena buddhassa bhagavato nanamukhe apathamagacchanti"adisu ^4- @Footnote: ¹ cha.Ma. ayam patho na dissati ² Si. appattamatte @³ abhi.pu. 36/123 ⁴ khu.cula. 3/492/238, khu.pati. 31/5/408

--------------------------------------------------------------------------------------------- page59.

Sabbasabbasmim agato. "sabbesam vo sariputta subhasitam pariyayena"tiadisu ^1- padesasabbasmim. "sabbam vo bhikkhave desessami, cakkhunceva rupanca .pe. Mananceva dhamme ca"ti ^2- ettha ayatanasabbasmim. "sabbadhammamulapariyayam vo bhikkhave desessami"tiadisu ^3- sakkayasabbasmim. Tattha sabbasabbasmim agato nippadesavisayo, itaresu tisupi agato sappadesavisayo. Idha pana sakkayasabbasmim veditabbo. Vipassanaya arammanabhuta tebhumakadhamma hi idha "sabban"ti anavasesato gahita. Anabhijananti "ime dhamma kusala, ime akusala, ime savajja, ime anavajja"tiadina "ime pancakkhandha, imani dvadasayatanani, ima attharasa dhatuyo, idam dukkham ariyasaccam, ayam dukkhasamudayo ariyasaccan"ti ca adina sabbe abhinneyye dhamme aviparitasabhavato anabhijananto abhivisitthena nanena na jananto. Aparijananti na parijananto. Yo hi sabbam tebhumakadhammajatam parijanati, so tihi parinnahi parijanati nataparinnaya tiranaparinnaya pahanaparinnaya. Tattha katama nataparinna? sabbam tebhumakam namarupam "idam rupam, ettakam rupam, na ito bhiyyo. Idam namam, ettakam namam, na ito bhiyyo"ti bhutappasadadippabhedam rupam phassadippabhedam namanca lakkhanarasapaccupatthanapadatthanato vavatthapeti, tassa avijjadikanca paccayam parigganhati, ayam nataparinna. Katama tiranaparinna? evam natam katva tam sabbam tireti aniccato dukkhato rogatoti dvacattalisaya akarehi, ayam tiranaparinna. Katama pahanaparinna? evam tirayitva aggamaggena sabbasmim chandaragam Pajahati, ayam pahanaparinna. @Footnote: ¹ Ma.mu. 12/345/305 ² sam.sala. 18/24/19 ³ Ma.mu. 12/1/1

--------------------------------------------------------------------------------------------- page60.

Ditthivisuddhikankhavitaranavisuddhiyopi nataparinna. Maggamaggapatipadanana- dassanavisuddhiyo kalapasammasanadianulomapariyosana va panna tiranaparinna. Ariyamaggena pajahanam pahanaparinna. Yo sabbam parijanati, so imahi tihi parinnahi parijanati. Idha pana viragappahananam patikkhepavasena visum gahitatta nataparinnaya, tiranaparinnaya ca vasena parijanana veditabba. Yo panevam na parijanati, tam sandhaya vuttam "aparijanan"ti. Tattha cittam avirajayanti tasmim abhinneyyavisese parinneyye attano cittasantanam na virajayam na virajjanto, yatha tattha rago na hoti, evam viraganupassanam na uppadentoti attho. Appajahanti vipassanapannasahitaya maggapannaya tattha pahatabbayuttakam kilesavattam anavasesato na pajahanto. Yatha cetam, evam abhijananadayopi missakamaggavasena veditabba. Pubbabhage hi nanacittavasena natatiranapahanaparinnahi kamena abhijananadini sampadetva maggakale ekakkhaneneva kiccavasena tam sabbam nipphadentam ekameva nanam pavattatiti. Abhabbo dukkhakkhayayati nibbanaya sakalassa vattadukkhassa khepanaya na bhabbo, nalam na samatthoti attho. Sabbanca khoti ettha casaddo byatireke, khosaddo avadharane. Tadubhayena abhijananadito laddhabbam visesam dukkhakkhayassa ca ^1- ekantakaranam dipeti. Abhijananadisu yam vattabbam, tam vuttameva. Tattha pana patikkhepavasena vuttam, idha vidhanavasena veditabbam. Ayameva viseso. Apica abhijananti upadanakkhandhapancakasankhatam sakkayasabbam sarupato paccayato ca nanassa abhimukhikaranavasena abhijananto hutva abhavakaradipariggahena tam aniccadilakkhanehi @Footnote: ¹ Si. dukkhakkhayaya cassa, Ma. dukkhakkhayassa cassa

--------------------------------------------------------------------------------------------- page61.

Paricchijjamanavasena parijananto. Virajayanti sammadevassa aniccatadiavabodhanena uppannabhayadinavanibbidadinananubhavena attano cittam virattam karonto tattha anumattampi ragam anuppadento. Pajahanti vutthanagaminivipassanasahitaya maggapannaya samudayapakkhiyam kilesavattam pajahanto samucchindanto. Bhabbo dukkhakkhayayati evam kilesamalappahaneneva sabbassa kammavattassa parikkhinatta anavasesavipakavattakhepanaya sakalasamsaravattadukkhaparikkhayabhutaya va anupadisesaya nibbanadhatuya bhabbo ekantenetam papunitunti evamettha attho datthabbo. Yo sabbam sabbato natvati yo yuttayogo araddhavipassako sabbam tebhumakadhammajatam sabbato sabbabhagena kusaladikkhandhadivibhagato dukkhadipilanadivibhagato ca. Atha va sabbatoti sabbasma kakkhalaphusanadilakkhanadito aniccadito cati sabbakarato janitva vipassanapubbangamena maggananena pativijjhitva, vipassanananeneva va jananahetu. Sabbatthesu na rajjatiti sabbesu atitadivasena anekabhedabhinnesu sakkayadhammesu na rajjati, ariyamaggadhigamena ragam na janeti. Iminassa tanhagahassa abhavam dassento tannimittatta ditthimanaggahanam "etam mama, esohamasmi, eso me atta"ti micchagahattayassapi abhavam dasseti. Sa veti ettha saiti nipatamattam, veti byattam, ekamsenati va etasmim atthe nipato. Sabbam parinnati sabbaparijananato, yathavuttassa sabbassa abhisamayavasena parijananato. Soti yathavutto yogavacaro, ariyo eva va. Sabbam dukkham upaccagati sabbam vattadukkham accaga atikkami, samatikkamiti attho. Sattamasuttavannana nitthita. -------------

The Pali Atthakatha in Roman Book 27 page 58-61. http://84000.org/tipitaka/atthapali/read_rm.php?B=27&A=1284&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=1284&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=185 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=4494 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=4784 The Pali Tipitaka in Roman Character :- http://84000.org/tipitaka/read/roman_read.php?B=25&A=4784 Contents of The Tipitaka Volume 25 http://84000.org/tipitaka/read/?index_25