|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Upatidhavantisuttavannana
[59] Navame rattandhakaratimisayanti rattiyam andhakare mahatimisayam.
Rattipi hi andhakaravirahita hoti, ya punnamaya ratti junhobhasita. Andhakaropi
"timisa"ti na vattabbo hoti abbhamahikadiupakkilesavirahite deve. Mahandhakaro
hi "timisa"ti vuccati. Ayampana amavasi ratti devo ca meghapatalasanchanno.
Tena vuttam "rattandhakaratimisayanti rattiya andhakare mahatimisayan"ti.
Abbhokaseti appaticchanne okase viharangane. Telappadipesu jhayamanesuti
telappajjotesu jalamanesu.
@Footnote: 1 Si. maggaphale
---------------------------------------------------------------------------------------------
page380.
Nanu ca bhagavato byamappabha pakatiya byamamattappadesam abhibyapetva
candimasuriyalokam abhibhavitva ghanabahalam buddhalokam vissajjenti andhakaram
vidhamitva titthati, kayappabhapi nilapitadivasena chabbanna ghanabuddharamsiyo 1-
vissajjetva pakatiyava samantato asitihatthappadesam obhasenti titthati, evam
buddhalokeneva ekobhasabhute bhagavato nisinnokase padipakaranakiccam natthiti?
saccam natthi, tathapi punnatthika upasaka bhagavato bhikkhusamghassa ca pujakaranattham
devasikam telappadipam upatthapenti. Tatha hi vuttam samannaphalepi "ete mandalamale
dipa jhayanti"ti. 2- "rattandhakaratimisayan"ti idampi tassa rattiya
sabhavakittanattham vuttam, na pana bhagavato nisinnokasassa andhakarabhavato.
Pujakaranatthameva hi tadapi upasakehi padipa karita.
Tasmim hi divase savatthivasino bahu upasaka patova sarirapatijagganam
katva viharam gantva uposathangani samadiyitva buddhappamukham bhikkhusamgham
nimantetva nagaram pavisitva mahadanani pavattetva bhagavantam bhikkhusamghanca
anugantva nivattitva attano attano gehani gantva sayampi paribhunjitva
suddhavatthanivattha suddhuttarasanga gandhamaladihattha viharam gantva bhagavantam
pujetva keci manobhavaniye bhikkhu payirupasanta keci yonisomanasikaronta
divasabhagam vitinamesum. Te sayanhasamaye bhagavato santike dhammam sutva
satthari dhammasabhamandapato patthaya gandhakutisamipe ajjhokase pannattavarabuddhasane
nisinne, bhikkhusamghe ca bhagavantam upasankamitva payirupasante
uposathavisodhanatthanceva yonisomanasikaraparibruhanatthanca nagaram agantva
vihareyeva vasitukama ohiyimsu. Atha te bhagavato bhikkhusamghassa ca pujakaranattham
bahu telappadipe aropetva sattharam upasankamitva vanditva bhikkhusamghassa ca
@Footnote: 1 cha.Ma. chabbannaghanabuddharasmiyo 2 di.Si. 9/159/50
---------------------------------------------------------------------------------------------
page381.
Anjalim katva bhikkhunam pariyante nisinna katham samutthapesum "bhante ime
titthiya nanavidhani ditthigatani abhinivissa voharanti, 1- tatha voharanta ca
kadaci sassatam, kadaci asassatam, ucchedadisu annataranti ekasmimyeva atthatva
navanavani ditthigatani `idameva saccam moghamannan'ti paggayha titthanti
ummattakasadisa, tesam tatha abhinivitthanam ka gati, ko abhisamparayo"ti.
Tena ca samayena bahu patangapanaka patanta patanta tesu telappadipesu
nipatanti. Tena vuttam "tena kho pana samayena sambahula adhipataka"tiadi.
Tattha adhipatakati patangapanaka ye "salabha"tipi vuccanti. Te hi
dipasikham adhipatanato "adhipataka"ti adhippeta. Apataparipatanti apatam
paripatam, apatitva apatitva paripatitva paripatitva, abhimukhapatanceva
paribbhamitva patanca katvati attho. "apathe paripatan"ti keci pathanti,
apathe padipassa attano apathagamane sati paripatitva paripatitvati attho.
Anayanti avuddhim dukkham. Byasananti vinasam. Purimapadena hi maranamattam dukkham,
pacchimapadena maranam tesam dipeti. Tattha keci panaka saha patanena marimsu,
keci maranamattam dukkham apajjimsu.
Etamattham viditvati etam adhipatakapanakanam attahitam ajanantanam
attupakkamavasena niratthakabyasanapattim viditva tesam viya ditthigatikanam
ditthabhinivesena anayabyasanapattidipakam imam udanam udanesi.
Tattha upatidhavanti na saramentiti silasamadhipannavimuttiadibhedam saram
na enti, catusaccabhisamayavasena na adhigacchanti. Tasmimpana saupaye sare
@Footnote: 1 Si. voharanta caranti
---------------------------------------------------------------------------------------------
page382.
Titthanteyeva vimuttabhilasaya tam upenta viya hutvapi ditthivipallasena
atidhavanti atikkamitva gacchanti, pancupadanakkhandhe "niccam subham sukham atta"ti
abhinivisitva ganhantati attho. Navam navam bandhanam bruhayantiti tatha ganhanta
ca tanhaditthisankhatam navam navam bandhanam bruhayanti vaddhayanti. Patanti
pajjotamivadhipataka, ditthe sute itiheke nivitthati evam tanhaditthibandhanehi
baddhatta eke samanabrahmana ditthe attana cakkhuvinnanena ditthidassaneneva
va ditthe anussavupalabbhamatteneva ca sute "itiha ekantato evametan"ti
nivittha ditthabhinivesena "sassatan"tiadina abhinivittha. Ekantahitam va
nissaranam ajananta ragadihi ekadasahi aggihi adittabhavattayasankhatam
angarakasumyeva ime viya adhipataka imam pajjotam patanti, na tato sisam
ukkhipitum sakkontiti attho.
Navamasuttavannana nitthita.
-------------
The Pali Atthakatha in Roman Book 26 page 379-382.
http://84000.org/tipitaka/atthapali/read_rm.php?B=26&A=8502&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=26&A=8502&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=25&i=145
เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=3720
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=4012
The Pali Tipitaka in Roman Character :-
http://84000.org/tipitaka/read/roman_read.php?B=25&A=4012
Contents of The Tipitaka Volume 25
http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]