AtthaPali Vol.26

6. Tatiyananatitthiyasuttavannana [56] Chatthe sabbam hettha vuttanayameva. Imam udananti ettha pana ditthitanhamanesu dosam disva te durato vajjetvava sankhare yathabhutam passato ca tattha anadinavadassitaya micchabhinivitthassa yathabhutam apassato ca yathakkamam samsarato ativattananativattanadipakam imam udanam udanesiti attho yojetabbo. Tattha ahankarapasutayam pajati "sayankato atta ca loko ca"ti evam vuttasayankarasankhatam ahankaram tatha pavattam ditthim pasuta anuyutta ayam paja micchabhinivittho sattakayo. Parankarupasanhitati paro anno issaradiko sabbam karotiti evam pavattam parankaraditthim sannissita taya upasanhitati parankarupasanhita. Etadeke nabbhannamsuti etam ditthidvayam eke samanabrahmana tattha dosadassino hutva nanujanimsu. Katham? sati hi sayankare kamakarato sattanam ittheneva bhavitabbam, na anitthena. Na hi koci attano dukkham icchati, bhavati ca anittham, tasma na sayankaro. Parankaropi yadi issarahetuko, svayam issaro attattham va kareyya parattham va. Tattha yadi attattham, attana akatakicco siya asiddhassa ^1- sadhanato. Atha va parattham sabbesam hitasukhameva nipphajjeyya, na ahitadukkham nipphajjati, tasma issaravasena na parankaro sijjhati. Yadi ca issarasankhatam annanirapekkham niccamekakaranam pavattiya siya, kammena ^2- uppatti na siya, @Footnote: ¹ Si. aladdhassa ² Ma. kamena

--------------------------------------------------------------------------------------------- page372.

Sabbeheva ekajjham uppajjitabbam karanassa sannihitatta. Athassa annampi sahakarikaranam icchitam, tanneva hetu, kimissarena aparinitthitasamatthiyena parikappitena. Yatha ca issarahetuko parankaro na sijjhati, evam pajapatipurisapakatibrahmakaladihetukopi na sijjhateva tesampi asiddhatta vuttadosanativattanato ca. Tena vuttam "etadeke nabbhannamsu"ti. Ye pana yathavutte sayankaraparankare nanujanantapi adhiccasamuppannam attananca lokanca pannapenti, tepi na nam sallanti addasum adhiccasamuppannanti vadinopi micchabhinivesam anatikkamanato yathabhutam ajanantanam ditthigatam tattha tattha dukkhuppadanato vijjhanatthena "sallan"ti na passimsu. Etanca sallam patikacca passatoti yo pana araddhavipassako pancapi upadanakkhandhe aniccato dukkhato anattato samanupassati, so etanca tividham viparitadassanam annanca sakalam micchabhinivesam tesanca nissayabhute pancupadanakkhandhepi tujjanato duruddharato ca "sallan"ti patikacca pubbeyeva vipassanapannaya passati. Evam passato ariyamaggakkhane ekanteneva aham karomiti na tassa hoti. Yatha ca attano karakabhavo tassa na upatthati, evam paro karotiti na tassa hoti, kevalampana aniccasankhatam paticcasamuppannadhammamattameva hoti. Ettavata sammapatipannassa sabbathapi ditthimanabhavova dassito. Tena ca arahattappattiya samsarasamatikkamo pakasito hoti. Idani yo ditthigate allino, na so samsarato sisam ukkhipitum sakkotiti, tam dassetum "manupeta"ti gathamaha. Tattha manupeta ayam pajati ayam sabbapi ditthigatikasankhata paja sattakayo "mayham ditthi sundaRa. Mayham adano sundaro"ti attano gahassa sampaggahalakkhanena manena upeta samannagata. Managantha manavinibaddhati tato eva tena aparaparam uppajjamanena yatha

--------------------------------------------------------------------------------------------- page373.

Tam ditthim na patinissajjati, evam attano santanassa ganthitatta vinibaddhatta ca managantha manavinibaddhati. Ditthisu sarambhakatha, samsaram nativattatiti "idameva saccam moghamannan"ti attukkamsanaparavambhanavasena attano ditthabhinivesena paresam ditthisu sarambhakatha virodhakatha samsaranayikanam avijjatanhanam appahanato samsaram nativattati, na atikkamatiti attho. Chatthasuttavannana nitthita. ----------

The Pali Atthakatha in Roman Book 26 page 371-373. http://84000.org/tipitaka/atthapali/read_rm.php?B=26&A=8312&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=8312&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=141 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3637 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3875 The Pali Tipitaka in Roman Character :- http://84000.org/tipitaka/read/roman_read.php?B=25&A=3875 Contents of The Tipitaka Volume 25 http://84000.org/tipitaka/read/?index_25