AtthaPali Vol.26

2. Sattajatilasuttavannana [52] Dutiye bahidvarakotthaketi pasadadvarakotthakassa bahi, na viharadvarakotthakassa. So kira pasado lohapasado viya samanta catudvarakotthakaparivuto pakaraparikkhitto. Tesu pacinadvarakotthakassa bahi pasadacchayayam pacinalokadhatum olokento pannattavarabuddhasane nisinno hoti. Jatilati jatavanto tapasavesadharino. Niganthati setapatanigantharupadharino. Ekasatakati ekasatakanigantha viya ekam pilotikakhandam hatthe bandhitva tenapi ^1- sarirassa purimabhagam paticchadetva vicaranaka. Parulhakacchanakhalomati parulhakacchaloma parulhanakha parulhaavasesaloma ca, kacchadisu dighaloma dighanakha cati attho. Kharivividhamadayati vividham kharadinanappakaram pabbajitaparikkharabhandikam gahetva. Avidure atikkamantiti viharassa aviduramaggena nagaram pavisanti. Rajaham bhante pasenadi kosaloti aham bhante raja pasenadikosalo, mayham namam tumhe janathati. Kasma pana raja loke aggapuggalassa santike nisinno evarupanam nagganissirikanam anjalim pagganhatiti? sanganhanatthaya. Evanhissa ahosi "sacaham ettakampi etesam na karissami, mayam puttadaram pahaya etassatthaya dubbhojanadukkhaseyyadini anubhoma, ayam amhakam nipaccakaramattampi na karoti. Tasmim hi kate amhe `ocaraka'ti jano aggahetva `pabbajita'icceva sanjanissati, kim imassa bhutatthakathanenati attana dittham sutam paticchadetva na katheyayum, evam kate pana aniguhitva kathessanti"ti. Apica satthu ajjhasayajananatthampi evamakasiti. Raja kira bhagavantam upasankamantopi katipayakalam sammasambodhim na saddahi. Tenassa evam ahosi "yadi bhagava sabbam janati, maya imesam nipaccakaram katva `ime arahanto'ti vutte nanujaneyya, @Footnote: ¹ Ma.,Si. bandhitva ekenantena hi, bandhitva tena adhonabhipariyantam bandhitva @ekenantena hi Atha mam anuvattanto anujaneyya, kuto tassa sabbannuta"ti. Evam so satthu ajjhasayajananattham tatha akasi. Bhagava pana "ujukameva `na ime samana ocaraka'ti vutte yadipi raja saddahati, mahajano pana tamattham ajananto na saddaheyya, samano gotamo `raja attano katham sunati'ti yankinci mukharulham katheti'ti vadeyya, tam tassa digharattam ahitaya dukkhaya samvatteyya, anno ca gulhakammam vivatam katam bhaveyya, sayameva raja tesam ocarakabhavam kathessati"ti natva "dujjanam kho etan"tiadimaha. Tattha kamabhoginati imina pana ragabhibhavam, ubhayenapi vikkhittacittam dasseti. Puttasambadhasayananti puttehi sambadhasayanam. Ettha ca puttasisena darapariggaham, puttadaresu ubbillacittena ^1- tesam ragadihetusokabhibhavena ^2- cittassa sankilitthatam dasseti. Kasikacandananti sanhacandanam, kasikavatthanca candanancati va attho. Malagandhavilepananti vannagandhatthaya mala, sugandhabhavatthaya gandham, chaviragakaranatthaya vilepanam dharentena. Jataruparajatanti suvannanceva avasitthadhananca. Sadiyantenati patigganhantena. Sabbenapi kamesu abhigiddhabhavameva pakaseti. Samvasenati sahavasena. Silam veditabbanti "ayam pesalo va dussilo va"ti samvasantena ekasmim thane saha vasantena janitabbo. Tanca kho dighena addhuna na ittarenati ^3- tanca silam dighena kalena veditabbam, na ittarena. Katipayadivase hi sannatakaro samvutindriyakaro ca hutva sakka dassetum. Manasikarota no amanasikarotati tampi "silamassa parigganhissami"ti manasikarontena paccavekkhantena sakka janitum, na itarena. Pannavatati tampi sappanneneva @Footnote: ¹ Si. ubbillavitena tena, cha.Ma. uppilavitena ² cha.Ma. gharavasadi... @³ cha.Ma. na ittaranti Panditena. Balo hi manasikarontopi janitum na sakkoti. Samvoharenati kathanena. Yo hi koci manussesu voharam upajivati evam vasettha janahi vanijo so na brahmanoti ^1- ettha hi vanijjam voharo nama, "cattaro ariyavohara"ti ^2- ettha cetana. "sankha samanna pannatti voharo"ti ^3- ettha pannatti. "voharamattena so vohareyya"ti ^4- ettha katha voharo. Idhapi so eva adhippeto. Ekaccassa hi sammukhakatha parammukhakathaya na sameti, parammukhakatha sammukhakathaya, tatha purimakatha pacchimakathaya, pacchimakatha ca purimakathaya. So kathentoyeva sakka janitum "asuci eso puggalo"ti. Sucisilassa pana purimam pacchimena pacchimanca purimena, sammukha kathitanca parammukha kathitena, parammukha kathitanca sammukha kathitena sameti, tasma kathentena sakka sucibhavo janitunti pakasento aha "samvoharena soceyyam veditabban"ti. Thamoti nanathamo. Yassa hi nanathamo natthi, so uppannesu upaddavesu gahetabbagahanam kattabbakiccam ^5- apassanto advarikam gharam pavittho viya carati. Tenaha "apadasu kho maharaja thamo veditabbo"ti. Sakacchayati saha kathaya. Duppannassa hi katha udake gendu viya uppalavati. ^6- Pannavato kathentassa patibhanam anantam hoti. Udakavipphanditeneva ^7- hi maccho khuddako mahanto vati pannayati. @Footnote: ¹ khu.su. 25/620/456 ² di.pa. 11/313/206 @³ abhi.san. 34/1313/297 ⁴ sam.sa. 15/25/17 @⁵ Si. gahetabbam pahatabbanca kinci, cha.Ma. kattabbakaranam @⁶ Si. leddu viya nuppalavati, cha.Ma. gendu viya uplavati @⁷ cha.Ma. udakavipphandaneneva Iti bhagava ranno ujukameva te "ime nama"ti avatva arahantanam anarahantananca jananupayam pakasesi. Raja tam sutva bhagavato sabbannutaya desanavilasena ca abhippasanno "acchariyam bhante"tiadina attano pasadam pakasetva idani te yathavato bhagavato arocento "ete bhante mama purisa cora"tiadimaha. Tattha corati apabbajita eva pabbajitarupena ratthapindam bhunjanta paticchannakammantatta. Ocarakati hettha caraka. Cora hi pabbatamatthakena carantapi hettha carakava nihinakammatta. Atha va ocarakati carapurisa. Ocaritvati avacaritva vimamsitva, tasmim tasmim dese tam tam pavattim natvati attho. Osarissamiti ^1- patipajjissami, karissamiti attho. Rajojallanti rajanca malanca. Pavahetvati sutthu vikkhalanavasena apanetva. Kappitakemassuti alankarasatthe vuttavidhina kappakehi chinnakesamassu. Kamagunehiti kamakotthasehi, kamabandhanehi va. Samappitati sutthu appita allina. Samangibhutati saha bhuta paricaressantiti indriyani samantato caressanti, kilapessanti va. Etamattham viditvati etam tesam rajapurisanam attano udarassa karana pabbajitavesena lokavancanasankhatam attham viditva. Imam udananti imam paradhinataparavancanatapatikkhepavibhavanam udanam udanesi. Tattha na vayameyya sabbatthati duteyyaocarakakammadike sabbasmim papakamme ime rajapurisa viya pabbajito na vayameyya, vayamam ussaham na kareyya, sabbattha yattha katthaci vayamam akatva appamattakepi punnasmimyeva vayameyyati adhippayo. Nannassa puriso siyati pabbajitarupena annassa puggalassa sevakapuriso na siya. Kasma? evarupassapi ocarakadipapakammassa @Footnote: ¹ Si.,ka. oyayissamiti Kattabbatta. Nannam nissaya jiveyyati annam param issaradim nissaya "tappatibaddham me sukhadukkhan"ti evamcitto hutva na jivikam pavatteyya, attadipo attasarano anannasarano eva bhaveyya. Atha va anatthavahato "ocaranan"ti ^1- laddhanamakatta annam akusalakammam nissaya na jiveyya. Dhammena na vanim careti dhanadiatthaya dhammam na katheyya. Yo hi dhanadihetu paresam dhammam deseti, so dhammena vanijjam karoti nama, evam dhammena tam na careyya. Atha va dhanadinam atthaya kosalaranno puriso viya ocarakadikammam karonto parehi anasankaniyataya pabbajjalingasamadanadini anutitthanto dhammena vanijjam karoti nama. Yopi idha parisuddham brahmacariyam carantopi annataram devanikayam panidhaya brahmacariyam carati, sopi dhammena vanijjam karoti nama, evam dhammena vanijjam na care, na kareyyati attho. Dutiyasuttavannana nitthita. -----------

The Pali Atthakatha in Roman Book 26 page 354-358. http://84000.org/tipitaka/atthapali/read_rm.php?B=26&A=7922&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=7922&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=132 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3412 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3616 The Pali Tipitaka in Roman Character :- http://84000.org/tipitaka/read/roman_read.php?B=25&A=3616 Contents of The Tipitaka Volume 25 http://84000.org/tipitaka/read/?index_25